Zərdüşt Şəfi ilə son müsahibə
24.10.12

“Şəqrq” qəzeti və Kitab Tanıtma Mərkəzinin birgə yaratdığı “Müəllifin kitabı” layihəsinin suallarını bu dəfə gənc yazar Zərdüşt Şəfi cavablandırır. Onun“Başqa adamlar”kitabı haqqında müsahibəsini təqdim edirik.

“Ədəbiyyata qarşı bir laqeydlik hissi yaranıb məndə”

- Nəyə görə “Başqa adamlar”?

- Təxminən altı ildir ki, eyni adlı hekayələr silsiləsini yazıram. “Başqa adamlar” adlanan bu topluda əslində bizimlə birgə yaşayan, ancaq öz həyatı ilə digərlərindən fərqlənən qəhrəmanların həyat və yaşam tərzi, düşüncəsi, qarşılaşdıqları bəzən qəribə, bəzən də adidən sadə əhvalatlar təsvir olunub. Bunlar hər gün ətrafımızda baş verən və bizim fikir vermədiyimiz hadisələrin təsviri olmaqla yanaşı, həm də hər gün baş verməyən qəribə olayların təsviridir. Bir sözlə onların niyə başqa olduqlarını bilmək üçün onları tanımaq lazımdır. Yəni başqa adamları da tanımaq lzımdır.

Əslində bir az da dərinə getsək, mən heç özüm də onların niyə başqa olduqlarını bilmirəm. Nə qədər standart cümlə kimi səslənsə də əslində hər bir insan bir başqa insandır. Hər bir kitab da bir başqa olmalıdır. Hər bir hekayə də.

Bəlkə də səbəb çox sadədir- mən fərqliliyi, rəngarəngliyi sevirəm və ətrafımı da belə görmək istəyirəm.

- İstədiklərini yaza bildinmi?

- Yazmaq mənim üçün istəklə başlamır. Mən heç vaxt istəyib yaza bilməmişəm. Planlaşdırılmış yazılar, sujeti öncədən cızılmış əsərlər mənim yaradıcılığıma ən yad xüsusiyyətlərdir.

Mən bir yazını niyə və nə üçün, nə məqsədlə yazdığımı heç vaxt düşünmürəm, sadəcə yazıram. Yazıb qurtarandan sonra isə yazdığımı oxuyuram, bir oxucu kimi sevsəm saxlayıram, sevməsəm, silib atıram. Yəni yazını oxuyanda xoşuma gəlibsə deməli istədiyim kimi alınıb. İstədiklərimi yazmışammı-bilmirəm, ancaq yazdıqlarımı sevmişəm!

Ümumiyyətlə yazmaq, demək istədiyi bir sözü olmayan adam heç vaxt əlinə qələm almaz, barmaqlarını bilgisayar düymələrində yormazdı. Demək ki, yazmaq istədiklərim var. Ancaq son zamanlar yazıya, ədəbiyyata olan marağım azalıb. Deməli, yazmaq, demək istədiyim sözüm də azdı. Buna görə də susmağa üstünlük verirəm!

-Kitabın satışından razısanmı, nə qədər satılıb?

- Kitabın satışı haqqında o qədər də dəqiq məlumat verə bilməyəcəm. Çünki iki aya yaxın Ukraynada idim. Ancaq ilkin gördüklərimə əsasən satışdan tam razı olduğumu da deyə bilmərəm- birinci iki ay ərzində kitab demək olar ki, satılmadı. Əslində bu mənim üçün o qədər təəccüblü də deyil.

Biz tanımadığımız müəllifləri oxumağı sevmirik- gərək kimsə, məsələn bir məhlə uşağı axşam dostu ilə bilyard oynayanda sənin kitabını dostuna məsləhət görə- belə olaylar isə ancaq Hollivud filmlərində, bir də Azərbaycan yazıçısının yuxularında ola bilər.

- Neçəyə başa gəlmişdi?

- Bunu Bəhruz müəllimdən soruşmaq lazımdır. Çünki kitab “Təhsil” nəşriyyatının “Müəllifin ilk kitabı” seriyasında dərc olunub. Təxminən bir neçə həftə öncə seriyanın ikinci kitabı da işıq üzü gördü. Yeri gəlmişkən həmkarım Pərvini bu münasibətlə təbrik edirəm- ümid edirəm “Qar yağacaq” kitabı Pərvinə böyük oxucu sevgisi gətirəcək.

-Kitabını tanıtdıra bildinmi?

- Kitabın təqdimatı Azərbaycan Yazıçılar birliyinin Natəvan klubunda oldu. Bizim qələminə hörmət etdiyimiz imza sahibləri oxuduqları hekayələr haqqında gözəl sözlər dedilər. Mən də bu tərifə aldanıb heç bir PR işlərinə başlamadan Ukraynaya getdim- elə bildim mən qayıdana kimi bütün nüsxələr satılacaq. Qayıdandan sonra kitab dükanlarına gedib vəziyyəti öyrənməsəm də, alacağım cavabı əzbər bilirəm. Yəni vəziyyət çoxlarında olduğu kimidir.

Bununla yanaşı ilk işartılar var. Bir həftə öncə Şabran rayonunda ”Müəllifin ilk kitabı” seriyasının hər iki kitabının- həm “Başqa adamlar”ın, həm “Qar yağacaq” kitabının təqdimatı oldu. Kitablar maraqla qarşılandı, apardığımız kitablar son dənəsinə kimi satıldı, imza verməkdən qollarımız yoruldu. Əyalətdə yeni açılmış kitab dükanına marağın olmasına sevindim- mən bunu həmşəhərlilərimdə heç görmədim.

-Məlumdur kitab bazarı bərbad vəziyyətdədir. Sən çıxış yolunu nədə görürsən?

- Çıxış yolunu kitab bazarı düzələnə kimi kitab çıxarmamaqda görürəm. İnanıram ki, kitab bazarı yaranacaq.

-Kitabı gündəmə gətirmək üşün nə etmək lazımdır?

- Rahat şəkildə deyə bilərəm ki, qara PR bu halda gözəl və faydalıdı. Bircə dostumla sözləşib kitab ətrafında bir qalmaqal salsaydıq, kitabımda kimisə söysəydim, əminəm ki, kitabın bütün nüsxələri indi çoxdan satılmışdı. Ancaq biz bu qara reklama getmədikcə, hər addımdı özünü və yazdıqlarını tərif edən və etdirən adamlar bir də gözünü açıb görürsən ki “yazıçıdılar”, “oxucuları var” və s. Buna görə də hesab edirəm ki, bir adam yazıçı kimi bu respublikada ad çıxartmaq, kitablarını satmaq istəyirsə özü-öz reklamını aparmalıdır, daha mənim kimi çəkilib kənarda dayanmamalıdır.

-İndi nə yazırsınız?

- Hal-hazırda heç nə yazmıram. Bilgisayarımda yarımçıq yazılar çoxdu, ancaq heç birini yazmaq, tamamlamaq haqqında düşünmürəm. Bayaq dediyim kimi, ədəbiyyata qarşı bir laqeydlik hissi yaranıb məndə, əgər keçib getsə, yenidən nə isə yazmaq haqqında düşünəcəm.

Səxavət Sahil

 28.04.2012

Yenililklər
24.02.20
Rəvan Cavid - “Azğın”: roman, yoxsa cızma-qara gündəlik?
24.02.20
"Kitabi-Dədə Qorqud”un üçüncü – Günbəd əlyazması" cap olunub
24.02.20

İlham Qəhrəmanın tərtibatında Aşıq Alının “Nə qaldı” kitabı çap olunub

24.02.20
Azər Abdulla - Peşmanlıqdan sevincə keçid
23.02.20
Elçin Hüseynbəyli - Qarağac - Romandan parça
23.02.20
Bədirxan Əhmədli - Gerçək və intellektual türkçü Muhsin Kadıoğlu
23.02.20
Könül Nuriyeva - "İsanın İncili"ndəki sonsuz suallar
23.02.20
Əlyazmalar İnstitutunda “Nəsimidən nəsimlər” kitabının təqdimatı olub
23.02.20
Ədəbiyyatşünaslığın inkişafına dəyərli töhfələr verən alim – akademik Həmid Araslı
21.02.20
İnsanın əzəməti – Dino Butsatinin hekayəsi
21.02.20
Tramp “Oskar” mükafatının Cənubi Koreya filmi “Parazitlər”ə verilməsini tənqid edib
21.02.20
Məşhur yazıçı hekayəsini 1 ABŞ dollarına satdı
21.02.20
Müslüm Maqomayev haqqında çəkilən serialın treyleri yayımlandı - VİDEO
21.02.20
Xalq rəssamı Böyükağa Mirzəzadənin anadan olmasından 99 il ötür
21.02.20
Taleh Eminoğlu - Knut Hamsun: bir medalın iki üzü
21.02.20
Bakıda Beynəlxalq film festivalı keçiriləcək
21.02.20
"Müqayisəli ədəbiyyatşünaslıq" jurnalının yeni sayı çıxıb
21.02.20
Hacı Ələmdar Mahirin anım günü
18.02.20
Özbəkistanda “Hər anımız Vətən desin!” adlı şeir müsabiqəsi elan olundu
12.02.20
"Təkrarın tənhalığı”nda "Sevdiyim əsər” – Fərid Hüseynin kitab təqdimatından reportaj
10.02.20
Gülbala Dadaş - “Hər kəsin öz eşqi” kitabı haqqında
07.02.20
Fərid Hüseynin kitablarının təqdimat mərasimi keçiriləcək
05.02.20
Bəsirə Əzizəlinin Muhsin Kadıoğlu haqqında monoqrafiyası çap olunub
05.02.20
İradə Musayeva -  Süleyman Rüstəmi əksinqilabçı adlandıran repressiya qurbanı
03.02.20
Cavanşir Yusiflinin Səlim Babullaoğlu haqqında kitabı nəşr edilib
02.02.20
İradə Musayeva - Bağırovun gizli tapşırığı: “Boynuna qoyuluncaya qədər döyün!”
01.02.20
"Qanun” nəşriyyatında "The Paris Review müsahibələri” adlı kitab nəşr edilib
01.02.20
Rusiya Yazıçılar İttifaqı ilə AYB arasında əməkdaşlıq müqaviləsi imzalanıb
29.01.20
İradə Musayeva - Bağırov bu tərcüməçimizi həbs etmək üçün Stalindən icazə istəmişdi
28.01.20
Fərid Hüseyn - İnsanın unutqanlığı bəzən onun ədalətidi
28.01.20
AYB-nin Gənclər Şurasının “Ulduz”u nəşr edildi
25.01.20
İradə Musayeva - Müstəqil Azərbaycan” sözü dilinizdən çıxmadımı?
25.01.20
Fazil Abbasov - Qanımı süz, şərab kimi...
25.01.20
Əsmər Hüseyn Xan - Onda balaca idik, adımız uşağıydı
25.01.20
Şəhla Aslan Türkiyənin "KonTV" kanalında aparıcılıq edəcək
24.01.20
İradə Musayeva -  Repressiya illərində  tragik həbs situasiyaları...
22.01.20
“Dünya ədəbiyyatı” dərgisinin yeni sayı esse janrına həsr edilib
22.01.20
İlham Əziz - O dünyadan gələn səslər
22.01.20
İradə Musayeva - Repressiya dəhşətləri
22.01.20
Yazıçı-publisist Aqşin Babayevin daha bir kitabı çapdan çıxıb
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.