Sən və mən - 2 ayaq

Eşq özü yeriməz.
Onu ayaqda tutmaq lazımdır ki, yerisin.
Eşqə ayaq olmaq lazımdır.
İki ayaq; bir mən, bir sən -yəni biz.
Birimizin əskikliyi onu axsada bilər,
yıxılar eşqimiz.
Eşqimiz yıxılmasın deyə, ayrılmayaq,
uzaqlaşmayaq bir-birimizdən,
Üzülməyək, qırılmayaq..
Yaxın olaq, iki ayaq kimi,
Uzun bir ömür gedək,
yorulmayaq -
düşməyək haldan..
Hər əngəli bir keçək,
çıxmayaq yoldan..
Yolumuz xoşbəxtlik olsun ,
və o yolu birgə addımlayaq..
sən və mən - 2 ayaq..

Bir gün

Səni bir gün görməsəm

gözümə yuxu girməz.

Qəlbim yanar, alışar,

gözüm heç nəyi görməz.

Səni bir gün görməsəm,

sənsiz dəli olaram,

Sən yanımda olmasan,

şəklinə sarılaram...

Səni bir gün görməsəm,

həsrətin yıxar məni.

Səndən ayrı yaşasam,

sənsizlik boğar məni!

Səni bir gün görməsəm,

bir heç olar həyatım...

Sənsiz keçməsin mənim

nə günüm, nə saaatım!..

Sənsizliyi görüm mən...

Sənli gördüyüm yuxu,

yozuldu sənsizliyə.

Mənim taleyim axı,

yazıldı sənsiz niyə?

Sənlə hayatda yaşam,

sənsiz ölüm istədim.

Mən hər gün səhər-axşam,

birinizi gözlədim.

Nə sən gəldin, nə ölüm,

bezmişəm, usanmışam,

Sənsiz olsa da zülüm,

dözmüşəm, dayanmışam.

Səndən gələn hər şeyi :

əzabı da sevmişəm.

Sən uzaqdasan deyə,

uzağı da sevmişəm..

Sev məni, yaxına gəl,

sevinim mən, gülüm mən.

Bu gecə yuxuma gəl,

Sənsizliyi görüm mən..

[email protected]

Avanqard.net