Xoş gəlmisən xəyalıma,

Yenə tapıb səni ürək.

         Danış görək.

        Yene həmən görüş yeri

Mahnı səsi , yağış , külək,

            Danış görək.

                                          Nece safdır,  nece xoşdur

                                          nə şirindir bu xəyallar?

                                          Həmən bufet   bir istəkan pürrəngi çay, şirin çörək,

                                                              Danış görək.

         Yenə o qaş, o göz

yenə həmən baxış, yeriş ,duruş

Danışığın bu gözəllik içində bir başqa bəzək

                 Danış görək

                                      Qaytaracaq məmliyimə məni sənin bircə sözün

                                       mən ölüyəm, yoxsa sağam?

                                       Sən insansan,yoxsa mələk?

                                                             Danış görək.

Mən Vəliyəm tanımadın?

Qarşımdakı sən deyilsən?

Axı sənsən, nə susursan?

başla yenə əvvəlki tək -

               Danış görək.

* * *

Gedəndə  göz  yaşımı  görmədin  çıxıb getdin,

Dəyər  gözüm  yaşına  vermədin  çıxıb getdin.

Bir  incəliklə  demək  istədim  sənə  sözümü,

Salıb  kobudluğa dindirmədin  çıxıb getdin.

Daha bu qəlbə ele girmisənki çıxmazsan,

Fəqət  həyatıma sən girmədin  çıxıb getdin.

Bütün ümüdlərimi məhv edib gedəndinsə,

Nədəndi bəs məni öldürmədin çıxıb getdin.

Gələndə mən qara bəxti nə cür ki ağlatdın,

Ele o yolla da güldürmədin çıxıb getdin.

Nə sirr idi gəlişində bilinmədi məqsəd ,

Gedənda elə bildirmədin çıxıb getdin.

Vəli şikayətin heç vaxtı bitmədi axır

Öz istəyin tək ömür sürmədin çıxıb getdin.

        * * *

Deməyə dərdimi kaş ki bir adam tapsaydım,

Məndə dincəlməyə asudə məqam tapsaydım.

Cövrünü çox eləsəydi nola yarım, məndə

Cövrü-cananıma canımda davam tapsaydım.

Naşadam , şad olaram , canımı qurban demişəm,

Onu vəsf etməyə layiqli kəlam tapsaydım.

Mənə yarımdan onun hicri halal qismətdir

Vəslini hətta götürməzdim haram tapsaydım.

Unudardım yarısın bəlkədə bəxtsizliyimin,

O xəyalımdaki xoşbəxtliyi tam tapsaydım.

Vəli illərdir buraxmış məni o kor bəxtim

Bir baxışla eliyərdim onu ram tapsaydım.