Günel Mövludun başqan kimi ilk müsahibəsi
17.01.13

- Azad Yazarlar Ocağının başqanı oldun. Təbriklər!

 

- Təşəkkür edirəm.

 

- Seçki prosesi haqda  danışardınız. Kimlər sizə səs verdi? Sizdən başqa namizədlər oldumu?

 

- Açığı mən Gürcüstanda olduğumdan seçki prosesi barədə müfəssəl məlumatım yoxdur. Bilirəm ki, toplantı keçirilib və orda iştirak edənlərin əksəriyyəti mənə səs verib. Konkret Seymur Baycanın, Aqşinin, Rasim Qaracanın mənə səs verdiyini bilirəm. 

 

- Azad Yazarlar Ocağının qeydiyyatı ilə bağlı nə düşünürsünüz? Bu barədə planınız varmı?

 

- Azad Yazarlar ocağının koordinatoru, təşkilatçısı, təbliğatçısı, inzibati işləri ilə məşğul olan adam, bir sözlə AYO-nun bel sütunu həmişə Rasim Qaraca olub. Çox istəyərdim ki, mən sədr olduğum dönəmdə də Rasim bəy köməyini əsirgəməsin. O ki qaldı, məhz qeydiyyat məsələsinə, bu bürokratik problemdən daha çox, siyasi problemdir. Bu qurumun üzvlərinin demək olar ki, hamısı müxalif fikirli adamlar olduğundan, bizə illərdir ki, bürokratik əngəllər yaradılır. Hər halda, mən də sədr olacağım bur il ərzində bu məsələnin üstünə gedəcəyəm. Sadəcə bir şeyi nəzərə almaq lazımdır ki, AYO üçün belə inzibati problemlər fəaliyyətə əngəl hesab olunmur. Qurum həmişə mütəhərrik işləyir, tədbirlər, görüşlər, təqdimatlar keçirir. Ən vacibi isə budur ki, AYO durmadan ədəbiyyata, mətbuata yeni imzalar təqdim edir. Bu il də belə olacaq.   

 

- Sizin Azad Yazarlar Ocağından çıxdığınızı deyirlər. Bu doğrudurmu?

 

- Bir neçə il əvvəl AYO-nun bəzi incikliyim olmuşdu. Onda qurumdan ayrıldığımı demişdim. Bu, sadəcə bir küskünlük idi və ömrü çox qısa sürdü. Amma mən həmişə, hər yerdə özümü AYO-çu kimi təqdim etmişəm. Çıxışlarımda, yazılarımda, müsahibələrimdə AYO üzvü kimi danışmışam. Çünki həmişə AYO-çu olmuşam.  

 

 

- Başqanlığınız istefalarla nəticələndi. Bu barədə nə deyə bilərsiniz?

 

- Bunu məhz mənim quruma sədr seçilməyimə qarşı etiraz kimi qəbul etmədim. Çünki buna heç bir əsas görmürəm. AYO-dan ayrıldığını deyən-«ayrılan» demirəm, çünki bilirəm ki, onlar da həmişə mahiyyətcə AYO-çu qalacaqlar-üzvlərin heç birinin məni ya qısqanmasına, ya da hər hansı xoşagəlməz şeylər duymasına səbəb yoxdur. Açığı, mən Turalın AYO-dan getməyini təəssüf hissi ilə qarşıladım, çünki, onun timsalında AYO-nun əvəzolunmaz bir qələm sahibini itirdiyini düşünürəm. Sevincə gəlincə, onun başı zatən çoxdan ailə-məişət qayğılarına qarışdığından, uzaqda yaşadığından ədəbi proseslərə heç bir təsiri, qatqısı yox idi. Odur ki, onun gedişi sadəcə inzibati məsələdir. 

 

 

- Bu il üçün Azad Yazarlar Ocağı ilə bağlı hansı fəaliyyət planınız var?

 

- Rasim Qaracanın artıq başladığı «Alatoran yayınları» silsiləsini inkişaf etdirmək əsas planlarımızdan biridir. AYO üzvlərinin Gürcüstana səfərini və orda gənc gürcü yazarları ilə görüşlərini keçirməyi də planlaşdırırıq. Həmçinin, gürcü yazarlarını da Bakıya dəvət etmək fikrimiz var. Yeni tərcümələr, kitablar, görüşlər, tədbirlər olacaq. Qətlə yetirilmiş keçmiş sədrimiz, unudulmaz yazıçı Rafiq Tağının əziz xatirəsini yad etmək üçün də tədbir düşünürük. AYO tarxində ilk dəfədir ki, qadın rəhbər seçilib. Çalışacağam ki, yaxşı mənada fərq hiss olunsun.

 

 

- Azad Yazarlar Ocağına yeni üzvlər qəbul etmək istəyirsinizmi?

 

- Əlbəttə. Qapımız istedadlı, yaradıcı, xüsusilə də vətəndaş mövqeyi olan, sözün əsl mənasında azad ola bilən gənc yazarların üzünə açıqdır. Amma AYO-ya üzv olmaq, AYO-çu olmaq istəyən hər gənc bilməlidir ki, o bəri başdan çox şeydən imtina edir. Prezident təqaüdündən, adlardan, maddi rifahdan... AYO-nun yolu İsa peyğəmbərin yolu kimi bir şeydir - çarmıxını götürüb gəlməlisən.   

 

 

- Yeni qəbul olunan üzvlərin çox az tanınması tənqid edildi.

 

- Əvvəla, imzanın az tanınmasına görə ya imzanın özünü, ya da onu üzv edən qurumu tənqid eləmək absurddur. Tənqid imzanın zəifliyinə görə olar, qeyri-səmimiliyinə, nə bilim, başqa hansısa qüsurlarına görə olar. Az tanınmağa görə də tənqid olar?! İkincisi, AYO-ya yeni üzv olan gənclərin imzaları az tanınsa da, onlar istedad, özünüifadə məsələsində AYO-nun ən çoxdankı üzvlərindən də geri qalmırlar. Konkret olaraq, mən Emin Aslan və Zaur Qurbanlını AYO-nun tapıntısı, yeni beyin sərvəti hesab eləyirəm. Bu iki gənc məlumatlılıqları, intellektləri, istedadları ilə minlərlə istedadın arasından seçiləcək adamlardır. Məsələnin ən qürurverici yanı isə bu iki gəncin vətəndaş mövqeyi, gənc yaşlarında ictimai proseslərə qoşulmalarıdır. Onlar xislət, mahiyyətcə də milliliyə sığmayan bəşəri adamlardı. Mən ona görə məhz bu iki gəncdən danışdım ki, onların yaradıcılığı ilə konkret tanışam, intellektlərinə bələdəm. Mənim otuz iki yaşımda oxuduqlarımı onlar 24-25 yaşlarında oxuyur, müzakirə edirlər. Buna görə də, ürəklə deyirəm ki, AYO-nun yeni üzvləri AYO-nun yeni, bizdən, ikiminincilər nəslindən daha parlaq olacaq. O ki qaldı, digər imzalara, yəqin ki, gözəl ədəbi zövqə malik Rasim Qaraca, Seymur Baycan, Aqşin kimi adamlar onların quruma üzv olmasına etiraz etməyiblərsə, deməli, o gənclər AYO-çu olmağa layiqdi. /kulis.az/ 

Yenililklər
24.02.20
Rəvan Cavid - “Azğın”: roman, yoxsa cızma-qara gündəlik?
24.02.20
"Kitabi-Dədə Qorqud”un üçüncü – Günbəd əlyazması" cap olunub
24.02.20

İlham Qəhrəmanın tərtibatında Aşıq Alının “Nə qaldı” kitabı çap olunub

24.02.20
Azər Abdulla - Peşmanlıqdan sevincə keçid
23.02.20
Elçin Hüseynbəyli - Qarağac - Romandan parça
23.02.20
Bədirxan Əhmədli - Gerçək və intellektual türkçü Muhsin Kadıoğlu
23.02.20
Könül Nuriyeva - "İsanın İncili"ndəki sonsuz suallar
23.02.20
Əlyazmalar İnstitutunda “Nəsimidən nəsimlər” kitabının təqdimatı olub
23.02.20
Ədəbiyyatşünaslığın inkişafına dəyərli töhfələr verən alim – akademik Həmid Araslı
21.02.20
İnsanın əzəməti – Dino Butsatinin hekayəsi
21.02.20
Tramp “Oskar” mükafatının Cənubi Koreya filmi “Parazitlər”ə verilməsini tənqid edib
21.02.20
Məşhur yazıçı hekayəsini 1 ABŞ dollarına satdı
21.02.20
Müslüm Maqomayev haqqında çəkilən serialın treyleri yayımlandı - VİDEO
21.02.20
Xalq rəssamı Böyükağa Mirzəzadənin anadan olmasından 99 il ötür
21.02.20
Taleh Eminoğlu - Knut Hamsun: bir medalın iki üzü
21.02.20
Bakıda Beynəlxalq film festivalı keçiriləcək
21.02.20
"Müqayisəli ədəbiyyatşünaslıq" jurnalının yeni sayı çıxıb
21.02.20
Hacı Ələmdar Mahirin anım günü
18.02.20
Özbəkistanda “Hər anımız Vətən desin!” adlı şeir müsabiqəsi elan olundu
12.02.20
"Təkrarın tənhalığı”nda "Sevdiyim əsər” – Fərid Hüseynin kitab təqdimatından reportaj
10.02.20
Gülbala Dadaş - “Hər kəsin öz eşqi” kitabı haqqında
07.02.20
Fərid Hüseynin kitablarının təqdimat mərasimi keçiriləcək
05.02.20
Bəsirə Əzizəlinin Muhsin Kadıoğlu haqqında monoqrafiyası çap olunub
05.02.20
İradə Musayeva -  Süleyman Rüstəmi əksinqilabçı adlandıran repressiya qurbanı
03.02.20
Cavanşir Yusiflinin Səlim Babullaoğlu haqqında kitabı nəşr edilib
02.02.20
İradə Musayeva - Bağırovun gizli tapşırığı: “Boynuna qoyuluncaya qədər döyün!”
01.02.20
"Qanun” nəşriyyatında "The Paris Review müsahibələri” adlı kitab nəşr edilib
01.02.20
Rusiya Yazıçılar İttifaqı ilə AYB arasında əməkdaşlıq müqaviləsi imzalanıb
29.01.20
İradə Musayeva - Bağırov bu tərcüməçimizi həbs etmək üçün Stalindən icazə istəmişdi
28.01.20
Fərid Hüseyn - İnsanın unutqanlığı bəzən onun ədalətidi
28.01.20
AYB-nin Gənclər Şurasının “Ulduz”u nəşr edildi
25.01.20
İradə Musayeva - Müstəqil Azərbaycan” sözü dilinizdən çıxmadımı?
25.01.20
Fazil Abbasov - Qanımı süz, şərab kimi...
25.01.20
Əsmər Hüseyn Xan - Onda balaca idik, adımız uşağıydı
25.01.20
Şəhla Aslan Türkiyənin "KonTV" kanalında aparıcılıq edəcək
24.01.20
İradə Musayeva -  Repressiya illərində  tragik həbs situasiyaları...
22.01.20
“Dünya ədəbiyyatı” dərgisinin yeni sayı esse janrına həsr edilib
22.01.20
İlham Əziz - O dünyadan gələn səslər
22.01.20
İradə Musayeva - Repressiya dəhşətləri
22.01.20
Yazıçı-publisist Aqşin Babayevin daha bir kitabı çapdan çıxıb
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.