Rəşad Məcid - Harınlar və sevinənlər...
26.01.13

İsmayıllıda kədərli və düşündürücü olaylar baş verdi. Bəlkə də zahirən xırda görünəcək bir münaqişə insanların hissiyyatına toxunan ifadələrdən sonra kükrəyən etiraz aksiyasına səbəb oldu. Orda, o balaca, saf, sakit rayonda insanlar qəzəblənib, emosiyalar qıcıqlandı.

Burda – Bakıda təzə politoloqlar, “müdrik” ekspertlər, “canıyananlar” ortaya çıxıb hadisələri “təhlil edir”, dürlü-dürlü sonuclar, səbəblər ortaya qoyurlar, sifətlərdə Günəş yanır, sevinirlər. Hadisədən kədərlənənləri, məyus olanları, düşünməyə başlayanları anlayıram. Amma sevinənləri başa düşməyə heç gücüm çatmır.

Dağlar qoynundakı bu balaca şəhərin sakinləri təhqir olunub, insanlar ani şəkildə coşub və  etiraz ediblər.

Dağlıq, mənzərəli bölgələrimizdə insanlarımız tarixən qonaqpərvər olub, kasıb olub, amma mərd olub. Qonağa süfrə açmağa ərinməyib, olanını əsirgəməyib. Amma bu kasıb, mərd təbəqə heç vaxt harınlığa dözməyib, özünün təhqir olunmasına imkan verməyib.

Hardansa pula yiyələnmiş, harınlamış, yetişməmiş bir gənc gəlib sənin rayonunun tən ortasında insanları uzun illər yaşadığı ev-eşiyindən edib, dəbdəbəli otel tikdirir, bahalı maşınlarla şütüyüb, ədalı, yekəxana davranışıyla insanlara meydan oxuyur. Belə olanda əlini cibinə atanda boş qayıdan ovuclar, əlbəttə, yumruğa dönəcək, beyin qəzəb kükrəyəcək.

Son illər qəfil varlananların, harınlayan məmurların, təəssüf ki, yerli camaata, insanlara münasibəti belədi: kasıbları adam saymamaq, qaba rəftar eləmək. Sən bir rayonda pul qazanırsansa, yerli insanlarla rəftarda da korrekt olmalısan. Bir salam yerinə beşini verməlisən, xeyriyyəçilik, mesenatlıq etməlisən. Məmurlar da eləcə... İnsanlarla normal ünsiyyət qurmalı, heç olmasa, dinləməyi bacarmalıdılar.

Təəssüf ki, harınlıq və təbəqələşmə son illər cəmiyyətimizin ən əsas bəlalarından birinə çevrilib. Pulu, vəzifəsi olan bir çox məmurlar, iş adamları sadə adamlara qarşı kobud, qaba, saymazyana münasibət göstərməkdən sanki zövq alırlar.

İsmayıllıda da belə oldu. Qəfil gələn çoxlu pulun eyforiyasında çaşan harın bir gəncin ədabaz, düşünülməmiş hərəkətləri insanları özündən çıxardı, maşınların, otelin yandırılmasına, insanlarımızın bir-birinə düşmənçiliyinə rəvac verdi. O daş atan da, o suçiləyən maşını sürən də, o dubinkayla vuran, qaz balonuna adamlara tuşlayan da, o qazdan boğulan da bizik!

Emosiyalar soyumalı, sakitləşməli, bu kədərli hadisələri geriyə, tarixə buraxıb, səbəbləri düşünməliyik, bunu aradan götürməyə çalışmalıyıq! Xalqın uzun illərin təcrübəsi əsasında yaratdığı atalar sözləri, məsəllər var: “Döymə taxta qapımı, döyməyim dəmir darvazanı”. Bu, təbəqələşmiş insan cəmiyyətində sakit, yanaşı yaşamaq düsturudur.

İndi keçək sevinənlərə! Bu kədərli hadisədən “qoğal” sifətlərində çiçək açan, günəş doğan insanlara! Sosial şəbəkələrdə, internet-radiolarda emosiyaları qızışdırıb insanların sakitləşməsindən məyus olanlara! Alovun səngiməsinə imkan verməyənlərə, odu körükləyənlərə! Niyə sevinir, axı, bu insanlar? İnsan təbiətinə xasdı – sənə əziyyət, zülm, acı çəkdirənə qarşılıqlı əzab vermək ehtirası, qisas almaq, sonunun hansı fəlakətlərə gətirib çıxaracağını fikirləşmədən münaqişə toxumları səpməyə davam etmək! Amma insana xas bir keyfiyyət də var, nadir keyfiyyət olsa da, var – bağışlaya bilmək keyfiyyəti! Bağışlaya bilməliyik! Böyüklük göstərməliyik! Hamımızın naminə! Vətənimizin naminə!

İndinin beyni qanlı, üsyankar gənclərinin doğulduğu illərdə zəif, gücsüz hakimiyyətlərin ölkəyə hansı fəlakətlər gətirdiyinin şahidi olmuşuq, ağrılarını yaşamışıq! Viran qalan yurd-yuvalarımızın acılarını görmüşük! Xaosa, anarxiyaya sürüklənən ölkənin təhlükəli aqibətinin şahidi olmuşuq! İndi də ərəb ölkələrində qiyamların, “inqilabların” nəyə gətirib çıxarmasını müşahidə etməkdəyik. Fışqıran qəzəbin, şahə qalxan kinin, düşmənçiliyin dövlətimizə, dövlətçiliyimizə hansı bəlalar gətirə biləcəyini düşünmək bəs edər ki, bu ani sevinci, yalançı qaliblik hissini unudasan! Qalib olmur burda!

Dörd tərəfdən Azərbaycana, onun müstəqilliyinə düşmən kəsilən, bunu sinirə bilməyən ölkələrin dəyirmanına su tökmək, qisas hissi yaxşı nəsə vəd eləmir – nə İsmayıllıdakı sadə adamın cibinə, nə rahat pul qazanıb harınlayanlara, nə etinasız davranan məmurlara heç bir xeyri ola bilməz bunun!

Kədərlənək, düşünək, səbəbləri aradan qaldırmağa çalışaq. Amma sevinməyək! /525.az/


Yenililklər
31.01.23
“Eurovision 2023” beynəlxalq mahnı müsabiqəsinin loqo və şüarı təqdim olunub
31.01.23
Günay Əfəndiyeva türk dövlətlərinin gənc şair və yazarları ilə görüşüb
31.01.23
Kinoteatrlarda “Qarabağ hekayələri: Dünən, bu gün, sabah” kinoalmanaxının nümayişinə başlanacaq
30.01.23
Bakı Atatürk Mərkəzində “Türkologiyanın aktual problemləri” mövzusunda elmi-praktik seminar keçirilib
30.01.23
Günay Əfəndiyeva “2023-cü il Avropanın Mədəniyyət Paytaxtı” Veszpremdə keçirilən rəsmi açılış mərasimində iştirak edib
30.01.23
“Azərbaycan mühacirət ədəbiyyatı kitabxanası” seriyasından yeni kitab nəşr edilib
27.01.23
Beynəlxalq Türk Mədəniyyəti və İrsi Fondunun Bəyanatı
27.01.23
Vaqif Bayatlı Odər: "Qarabağdan ancaq Azərbaycanın Türk və Şərəf Damarını keçirməklə nəyəsə nail olmaq olar"
27.01.23
Günay Əfəndiyeva TDT-nin Macarıstandakı Nümayəndəliyini ziyarət edib
26.01.23
“Filologiya və sənətşünaslıq” jurnalının növbəti sayı çap olunub
24.01.23
“Qeyri-maddi mədəni irsin qorunması haqqında” qanun layihəsi hazırlanacaq
24.01.23
Beynəlxalq Türk Mədəniyyəti və İrsi Fondu Türkiyə Cümhuriyyətinin 100 illiyi münasibətilə İstanbulda sərgi təşkil edib
24.01.23
Antonis van Deykin əsəri 3 milyon dollara hərraca çıxarılıb
23.01.23
"İnanıram" tamaşasının premyerası olub
23.01.23
Beynəlxalq Türk Mədəniyyəti və İrsi Fondu ilə Türk Tarix Qurumu bir araya gəlib
23.01.23
Qara Qarayevin əsərləri Filarmoniyada səslənəcək
20.01.23
Günay Əfəndiyeva Ankarada Türkiyə Ali Təhsil Şurasının (YÖK) rəhbəri Erol Özvar ilə görüşüb
18.01.23
Beynəlxalq Türk Mədəniyyəti və İrsi Fondu qarşılıqlı əməkdaşlığı daha da gücləndirir
16.01.23
Beynəlxalq Türk Mədəniyyəti və İrsi Fondunun Şuşa ilə bağlı layihələri davam edir
11.01.23
Vaqif Osmanov - Kimdir günahkar, insanlarmı, yoxsa zaman?
06.01.23
“Poetika.izm” jurnalının növbəti sayı çap olunub
05.01.23
“Azərbaycan ədəbiyyatşünaslığı” jurnalının növbəti sayı çap olunub
30.12.22
Əhməd Cavad 130: “Mən bir Turan yolçusuyam”
29.12.22
“Ömər Faiq Nemanzadə” fotoalbomu nəşr olunub
29.12.22
İki beynəlxalq Türk təşkilatı bir arada
26.12.22
Azərbaycanın dünya ədəbiyyatındakı boş qalmış yeri - Kənan Hacı yazır
26.12.22
Almaxanım Əhmədli və sənət dostları İsveçdə konsert verib
26.12.22
Günay Əfəndiyeva Astanada keçirilən Mərkəzi Asiya Media Forumunda çıxış edib
24.12.22
Ədəbiyyat İnstitutunda Kamran Məmmədovun 100 illik yubileyi qeyd olunub
23.12.22
Bu il hərraclarda satılan ən bahalı rəsm əsərlərinin adı açıqlanıb
23.12.22
Günay Əfəndiyeva Qazaxıstan İnformasiya və sosial inkişaf naziri ilə görüşüb
22.12.22
Əziz Dövlətabadinin “Süxənvərani-Azərbaycan” kitabı çapdan çıxıb
22.12.22
Beynəlxalq Türk Mədəniyyəti və İrsi Fondunun prezidenti Qazaxıstanın mədəniyyət və idman naziri ilə görüşüb
22.12.22
“Atabəylər: Şəmsəddin Eldəniz” layihəsinin musiqi tərtibatı üzrə müsabiqə elan edilib
21.12.22
“II Sumqayıt Kitab Sərgisi”nin proqramı açıqlandı
21.12.22
Günay Əfəndiyeva Qırğız Dövlət Dil və Dil Siyasəti üzrə Milli Komissiyanın sədri ilə görüşüb
20.12.22
“Mifoloji lüğət” kitabı işıq üzü görüb
20.12.22
Beynəlxalq Türk Mədəniyyəti və İrsi Fondunda “Türk dövlətləri: Şərq və Qərb arasında körpü” adlı dəyirmi masa keçirilib
19.12.22
Aleks de Val - Aclıq və feminizm
19.12.22
Beynəlxalq Türk Mədəniyyəti və İrsi Fondunun birgə əməkdaşlığı ilə beynəlxalq elmi konfrans keçirilib
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.