Ramilə Qardaşxanqızı - İntihar etmək...
28.01.13
Gələcək…
Zaman dediyin nədir
ki,
Ötən anlar,
İtən illər?
Bəlkə gündəlik
yaşam,
Bəlkə ürəyinin
döyündüyü an?
Bəs döyünməsə
necə,
Dayanacağ
zaman?
Sənin üçün
dayanacaq amma...
Zaman keçdikcə
düşünürsən,
Aldığın yaralar
sağalar,
Vurduğun
yaraları unudarlar.
Düşünürsən,
Üzərindən illər
keçir,
Yaşlanırsan.
Düşünərsən,
Sənin üçün
zamanın dayanması
Ürəyinin
dayanması deyil.
Ürəyin döyünür,
Nəfəs də alırsan.
Sadəcə yaşamırsan...
Yaşamırsan,
Çün ki,
yanılmısan.
İllər aldadıb səni,
Alıb əlindən gəncliyini,
Keçmişdə
qalmısan xəbərsiz.
Saf idin bir
zamanlar,
İndi isə dəyişmisən.
Daha çox bilirsən,
Bicləşmisən.
Həyatı öyrənmisən,
İnamın itib.
Düşünürsən,
Unudacaqsan,
Düşündüklərini
fəqət...
Zaman insanin
zahirən deyil,
Daxilən böyüməsidir.
Yaşanan hər anı
böyütməkdir.
Acıların böyüyər
onunla,
Kədərin ağıllanar,
Hisslərin zəkiləşər,
Gözlərin təhsil,
İzlərin diplom
alar.
Atdığın
addımlar sayılar,
Baxdığın nəzərlər
sorular.
Səhvlərin
azalar,
Doğruların
çoxalar...
Düşünərsən ki,
Zamanla doğulan
xoşbəxtlik,
Zamansızlığda məhv
olur.
Kohnə acıları
unutdurmur,
Yeni həyat,
Kəh-kəşan.
Uğurların bolluğu,
Sarımır
yaralarını,
Susdurmur üsyanını.
Keçmiş əsla
unudulmur,
Unutdun sayar
kimlərsə,
Unudub deyər.
Aldadar ətrafındakıları,
Üzündəki
yalançı təbəssüm,
Ani xoşbəxlik.
Bir yandan da,
Yapışar boğazından,
Boğar səni gələcək...
Boğar səni gələcək...
Ölümün özündən belə...
Özümü hisslərimdən,
duyğularımdan,
düşüncələrimdən...
Beynimi silkələyən saat səsindən,
əqrəblərindən,
dəqiqələrindən,
saniyəsindən...
Ömrümün hər anından,
yaşananlardan,
yaşamaq istədiklərimdən,
bezib qaçdıqlarımdan,
məni atıb qaçanlardan...
Aylardan,
illərdən,
günlərdən...
Təbiət rənglərindən,
Mövsümlərdən,
fəsillərdən...
Keçmişimdən,
bu günümdən,
sabahımdan,
bəlirsiz gələcəyə vəd verən
ümüdlərimdən...
İndicə qarşımda dayanan ağ
varaqlardan,
onlara tökülən qara, çirkli
boyadan,
əllərimdən,
gözlərimdən...
Qələmə sarıldığım hər andan,
içimi boşaltdığım hər
misradan,
sızıltıma dözən hər sətirdən,
və sətirləri oxuyan hər baxışdan...
Ölümün özündən belə bezib,
Ürəyimin hər küncündə asmaq
istəyirəm özümü.
İntihar etmək...
|