Qismət - Bakirə Məryəm
12.02.13

İşıqlı günlərə xəbərdarlıq kimi tökülən sarı yarpaqlar borclarını - canlarına hopmuş sarı rəngi - günəşə qaytarmışdılar, qaranquşlar da gəlmişdi. Köynəklərin qolu qısalmış, şalvarlar nazilməyə, satıcılar meyvə-tərəzi yavaş-yavaş içəri rəflərdən dükanın ağzına çıxarmağa başlamış, pivəxanaların qabağında stol-stul peyda olmuşdu. Sonrası köhnə-külüş bir əhvalatdı...

***

Məryəmin 14 yaşı vardı, ayaqları yerə dəymirdi, elə bil uçurdu. Daşa baxsa, daş çiçəkləyirdi, yolların üzünü güldürürdü; əsl sehrbaz vaxtıydı, canı şirələnmişdi, gözləri işıldamağa başlamışdı, səsi məlahətlənmişdi. Hansı oğlana baxsa, salam versə, gülümsəsə, həmin oğlanın içində nəsə titrəyirdi və o oğlan tezcə siqaret yandırırdı, dostlara xəbər göndərirdi ki, axşama məclis var, dəmlənməliyik.

Bütün qızlar, kifir-gözəl, bütün qızlar Məryəmlə rəfiqə olmaq, onun yanında görünmək istəyirdilər; fikirləşdirdilər ki, işdi-qismətdi, bir də gördün bəxt-xuda üzümüzə güldü və Məryəmə zillənən baxışlardan bizə də pay düşdü.

Məryəmin isə heç kimin bilmədiyi bir sevdası vardı : yuxarı sinifdəki Kərim. Sonrası bekara bir əhvalatdı...

***

Kərim məktəbin həyətində görünəndə, şaqqanaq çəkib güləndə, ədalı-ədalı siqaretini yandıranda, Məryəmin bağrının başında nəsə oynaşırdı, qulaqları qızarırdı, əlləri soyuyurdu, ürəyi gum-gum döyünməyə başlayırdı.

Günlərin bir günü tale onları məktəb yolunda rastlaşdırdı. Məryəm qabaqda gedirdi, Kərim arxada, sonra necə oldusa, Kərim addımlarını yeyinlətdi, qabağa keçdi. Ayaq saxlayıb bir siqaret yandırdı, dönüb arxadan gələn Məryəmə baxdı, gülümsədi. Məryəm utandı, sevindi, əriyim muma döndü. Kərim düz məktəbəcən arxaya çöndü, ona baxdı, baxdı...

Sonrası adi bir əhvalatdı...

***

Kərim sonralar hər gün Məryəmin qabağınca getməyə, arxaya boylanmağa başladı. Məryəm hər gecə sabahkı günü, məktəbə getməyi arzulamağa başladı, bəlkə də məktəbi yox, məktəbə qədərki yolu...

Bir gün Məryəmin gözləmədiyi ( əslində gizlin-gizlin arzuladığı ) bir şey oldu, Kərim onun yanınca getməyə başladı, salam verdi, hal-əhval tutdu, havadan-sudan danışdı. O gündən sonra hamı onları qoşa gördü.

Məryəmin dərsdən yorğun-arğın evə gəldiyi günlərdən birində, evdə heç kim yox idi. Evi bir az səhmana salandan, qab-qacağı yuyub qurtarandan sonra, təzəcə divana uzanıb mürgü vurmağa başlamışdı ki, qapı döyüldü. Gələn Məryəmin əmisi idi. Əmisi qardaşıqızını bağrına basıb görüşdü, içəri keçdi. Bir-iki elə-belə sual verdi, amma nəsə sözlü adama oxşayırdı; nəsə demək istəyir, sözü fırladır, mızıldanır, sonra yenə susurdu. Gözlərinin dibi qızarmışdı, rəngi isə avazıyıb olmuşdu ağappaq. Məryəm başa düşmüşdü ki, əmisi yenə hardasa boğazını yaşlayıb, çünki onu belə halda çox görmüşdü.Əlqərəz, xoş-beşdən sonra, Məryəm əmisinə çay gətirmək üçün mətbəxə gedir, azca keçmir ki, əmisi onun dalınca mətbəxə gəlir , arxadan onu qucaqlayır və...

Sonrası qəzetlik əhvalatdı...

***

Kərim səhər nə qədər gözləyir, Məryəm həmişəki saatda, həmişəki yerdə görünmür. Üçüncü siqaretdən sonra, məyus-məlul, ürəyindən qara qanlar axa-axa məktəbin yolunu tutur. Fikirləşir ki, yəqin qız xəstələnib, amma axırıncı dərsdə direktordan o məşum xəbir eşidəndə, inanmıra, elə bilir ki, bu kimsə yad bir adam haqqında xəbərdi, elə bilir ki,kimsəyə heç nə demədən bu dünyada köçən Məryəm onun birdənəsi, qaragözlüsü yox, başqa Məryəmdi...

Başqa vaxt axtarsa, bəlkə də o andıra qalmış kəndiri tapa bilməzdi Məryəm.Amma bu dəfə necə olmuşdusa, əlini atan kimi əlinə o kəndir keçmişdi. Qucaqlayıb ağlamışdı kəndiri Məryəm. Gözünün qabağına gah atası-anası gəlmişdi, gah məktəb yolunda siqaret yandıran Kərim, gah da əmisinin yaxınlaşan-uzaqlaşan görüntüsü...

Gözündən tökülən mirvari dənələri otağa səpələnəndən, mətbəx döşəməsinin soyuqluğu belindən çəkiləndən sonra, Məryəm kasıb evlərinin köhnə çilçırağından asmışdı özünü...

Sonrası... sonrası... əhvalatdı. /kulis.az/

Yenililklər
27.01.23

Beynəlxalq Türk Mədəniyyəti və İrsi Fondunun Bəyanatı

27.01.23
Vaqif Bayatlı Odər: "Qarabağdan ancaq Azərbaycanın Türk və Şərəf Damarını keçirməklə nəyəsə nail olmaq olar"
27.01.23
Günay Əfəndiyeva TDT-nin Macarıstandakı Nümayəndəliyini ziyarət edib
26.01.23
“Filologiya və sənətşünaslıq” jurnalının növbəti sayı çap olunub
24.01.23
“Qeyri-maddi mədəni irsin qorunması haqqında” qanun layihəsi hazırlanacaq
24.01.23
Beynəlxalq Türk Mədəniyyəti və İrsi Fondu Türkiyə Cümhuriyyətinin 100 illiyi münasibətilə İstanbulda sərgi təşkil edib
24.01.23
Antonis van Deykin əsəri 3 milyon dollara hərraca çıxarılıb
23.01.23
"İnanıram" tamaşasının premyerası olub
23.01.23
Beynəlxalq Türk Mədəniyyəti və İrsi Fondu ilə Türk Tarix Qurumu bir araya gəlib
23.01.23
Qara Qarayevin əsərləri Filarmoniyada səslənəcək
20.01.23
Günay Əfəndiyeva Ankarada Türkiyə Ali Təhsil Şurasının (YÖK) rəhbəri Erol Özvar ilə görüşüb
18.01.23
Beynəlxalq Türk Mədəniyyəti və İrsi Fondu qarşılıqlı əməkdaşlığı daha da gücləndirir
16.01.23
Beynəlxalq Türk Mədəniyyəti və İrsi Fondunun Şuşa ilə bağlı layihələri davam edir
11.01.23
Vaqif Osmanov - Kimdir günahkar, insanlarmı, yoxsa zaman?
06.01.23
“Poetika.izm” jurnalının növbəti sayı çap olunub
05.01.23
“Azərbaycan ədəbiyyatşünaslığı” jurnalının növbəti sayı çap olunub
30.12.22
Əhməd Cavad 130: “Mən bir Turan yolçusuyam”
29.12.22
“Ömər Faiq Nemanzadə” fotoalbomu nəşr olunub
29.12.22
İki beynəlxalq Türk təşkilatı bir arada
26.12.22
Azərbaycanın dünya ədəbiyyatındakı boş qalmış yeri - Kənan Hacı yazır
26.12.22
Almaxanım Əhmədli və sənət dostları İsveçdə konsert verib
26.12.22
Günay Əfəndiyeva Astanada keçirilən Mərkəzi Asiya Media Forumunda çıxış edib
24.12.22
Ədəbiyyat İnstitutunda Kamran Məmmədovun 100 illik yubileyi qeyd olunub
23.12.22
Bu il hərraclarda satılan ən bahalı rəsm əsərlərinin adı açıqlanıb
23.12.22
Günay Əfəndiyeva Qazaxıstan İnformasiya və sosial inkişaf naziri ilə görüşüb
22.12.22
Əziz Dövlətabadinin “Süxənvərani-Azərbaycan” kitabı çapdan çıxıb
22.12.22
Beynəlxalq Türk Mədəniyyəti və İrsi Fondunun prezidenti Qazaxıstanın mədəniyyət və idman naziri ilə görüşüb
22.12.22
“Atabəylər: Şəmsəddin Eldəniz” layihəsinin musiqi tərtibatı üzrə müsabiqə elan edilib
21.12.22
“II Sumqayıt Kitab Sərgisi”nin proqramı açıqlandı
21.12.22
Günay Əfəndiyeva Qırğız Dövlət Dil və Dil Siyasəti üzrə Milli Komissiyanın sədri ilə görüşüb
20.12.22
“Mifoloji lüğət” kitabı işıq üzü görüb
20.12.22
Beynəlxalq Türk Mədəniyyəti və İrsi Fondunda “Türk dövlətləri: Şərq və Qərb arasında körpü” adlı dəyirmi masa keçirilib
19.12.22
Aleks de Val - Aclıq və feminizm
19.12.22
Beynəlxalq Türk Mədəniyyəti və İrsi Fondunun birgə əməkdaşlığı ilə beynəlxalq elmi konfrans keçirilib
19.12.22
“Sonuncu korifey” – Ədəbiyyatımızın “Don Kixot”u
17.12.22
Hamlet İsaxanlının “Mənim Qarabağım və ya Qarabağ düyünü” kitabının təqdimatı keçirilib
16.12.22
Beynəlxalq Türk Mədəniyyəti və İrsi Fondunun əlaqələri Avropa məkanında daha da genişlənir
16.12.22
AMEA-da “Akademiyanın Şuşanaməsi” ədəbi-tarixi ənənə və gələcəyə baxış” adlı konfrans keçirilib
16.12.22
Təranə Vahid - Dəfn nəğmələri
15.12.22
Beynəlxalq Türk Mədəniyyəti və İrsi Fondu və Bursa Uludağ Universiteti arasında əməkdaşlıq protokolu imzalanıb
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.