Nobel mükafatlı ingiltərəli şair və yazıçı Rudyard Kiplinqin yayımlanmamış 50-dən çox şeiri tapılıb.

Şeirləri Kaliforniya Universitetinin alimlərindən Tomas XPinney gün üzünə çıxarıb. Şeirlər Manhettendeki bir evin təmiri zamanı aşkarlanıb.
Şairin digər 1300 şeiri ilə birgə yeni tapılan şeirlər də mart ayında “Cambridge University Press” tərəfindən çap olunacaq.

1907-ci ildə Nobel Ədəbiyyat Mükafatına layiq görülən Kiplinq siyasi fikirləri səbəbiylə çoxlu tənqidlərə məruz qalıb. Böyük yazıçı Corc Oruel R.Kiplinqi “İngilis imperializminin peyğəmbəri” adlandırıb. /simsar.az/