Raqif Raufoğlu - Çirkinlik
26.03.13

Axırıncı dəfə yazılarımla bağlı aldığım bir oxucu məktubundan sonra mənə elə gəldi ki, bir müddət “çirkinlik” mövzusuna toxunmasam yaxşıdır. Başa düşülməyən bir elektron poçtdan mənə konkret 4-5 cümləlik bir məktub gəlmişdi: “Salam Raqif bəy. Yazılarınızı da, sizi də diqqətlə izləyirəm. Gözəl yazırsınız amma bir-birinizə heç oxşamırsız. Çirkinlik heç vaxt bitməyəcək? Yəni ətrafda gözəl olan heç nə yoxdur?”
Bu balaca məktubdan 1 gün əvvəl mənə çox qəribə bir iş təklifi də gəlmişdi. Belə ilk baxışdan baxanda təklifdə qeyri-adi heç nə yox idi. Tanınmış adamlardan biri onunla işləməyimi istəyirdi. Mən də görmək istədiyim gələcəyimi, qarma-qarışıq imicimi, bu günə qədər gülüb ələ saldığım şeyləri və ehtiyaclarımı gözümün qabağına gətirib hamını lənətləyirdim. Bu məktubu da oxuyandan sonra balaca bir acı təbəssüm edib hətta fikriləşdim ki, niyə mən o gözəllikləri görə bilmirəm. Bəlkə mən başqa yerdə yaşayıram?.. Bəlkə düşmənlərimizin uzaq Afrika cəngəlliklərindən gətirdiyi uzun əbalı şaman öz sehri ilə gözlərimizi, qulaqlarımızı tilsimləyib ki, bu ölkənin yazmağı bacaran bütün gəncləri hamıya qaramat yağdırsın. Yəqin elə günah bizdədir. Öz balaca çevrəmizdə oturub elə bilirik ki, hər şey çirkindir. Çevrədən çıxmaq lazımdır. Çıxdım. Hər ehtimala qarşı qoltuğuma bir kitab vurub şəhərə çıxdım. İçərişəhəri ələk-vələk eləyəndən sonra gəlib oturdum Azərbaycan Yazıçılar Birliyi ilə üzbəüz olan skamekaların birində. İçərişəhər demişkən, bir cümlə ilə qeyd eləyim ki, dünənə qədər ən sevdiyim yerlərdən biri - Şirvanşahlar sarayının arxası da əvvəlki sakitliyini itirib. Ora Bakının sonuncu maşın, insan və təmir səsi gəlməyən yeri idi...
AYB ilə üzbəüz skamekanı ona görə seçdim ki, ora mənim çevrəmə aid olmayan yer idi. Məntiqlə oranın adamları xoşbəxt olmalı idi. Sağına-soluna baxanda demək olar ki, xoşbəxtlik baxımından çox strateji yerdir. Yanımda öz-özünə danışan yaşlı bir kişi oturmuşdu. Dedim vəssalam e, bundan xoşbəxt adamı haradan tapacam, kitabımı vərəqləyə-vərəqləyə baxım görüm bu xoşbəxt adam öz-özünə nə danışır?.. Sağ olsun, məni çox gözlətməyib özü söhbətə başladı:
-    Ay oğul, Bakıda qalansan?
-    Hə dayı. Niyə soruşursuz ki?
-    Mən Rosiyada yaşayıram. Gəlmişəm bacım gilə gəzməyə. Özüm də Gəncəliyəm.
-    Lap yaxşı.
-    Bağışla eee məni bir az içmişəm.
-    Əcəb eləmisiz. Kim nə deyir ki?
-    Blin, bunlara baxanda içməmək olur ki... yaxşı eləyirəm. Bu de, butulkanı da indi atdım ora. Bakıya gələn kimi gəlib otururam burda, baxıram o kişiyə (əli ilə soltərəfdəki portreti göstərir) deyirəm Alalh sana rəhmət eləsin, sonra da ürəyimdə söyürəm. (gülür)
-    Daha niyə söyürsən dayı?
-    Sən bilmərəsən e bala, o yaxşı kişi idi. Azərbaycanı dövlət elədi. Amma indikilər ... (dərindən söyüş və uğunub özündən gedə biləcəyin səviyyədə təhqir). Mənə nə var e blin. Mən yaşamışam. Qızım Kanadada, oğlum da Ukraynada. Hərdən danışırıq. Oğlumdan soruşuram bala nə qədər qazanırsan. Deyir papa aya altı-yeddi min qazanıram. (Tez-tez yoldan keçənlərə söz atır). Ona bax, ona bax, balıqdıyeee, balıq. Hərdən gəlib otururlar yanımda. Danışıram onlarnan, bir az ayaqlarına zada barmaq eliyirəm. He-he-he. Qoca kişiyəm də. Hə, əhd eləmişəm ki, oğluma burda toy eləyəjəm, özü də Çingizxan restoranında. Bilirsənmi niyə?
-    Niyə?
-    Çünki mənim adım Çingizdir. Bütün vor-zakonlarla oturub durmuşam. Burda məşhur bir brend var idi, Nərgiz. O brendi bir qızın adından götürmüşdülər. Kukla idi. Qaqarin mostunun yanında yaşayırdı. Onu mən saxlayırdım Rosiyada. Gedib səfirin qabağında göbək rəqsi oynamışdı. Bir sutka vaxt verdim ona ki, Rosiyanı tərk eləsin. Gözəl qızlar belə olurlar da. Mənim çox güclü yaxınlarım var idi. Vorlar, sistem işçiləri. Ramiz var idi, bax burda otururdu, interpolda. Hə, bala. (yenə də qızarmış gözlərini bərəldib yoldan keçənləri göstərir, söz atır, söyür). Ona bax blin, oğraşın qızı oğraş.
-    (Məni də gülmək tutur) Dayı elə qışqırdın ki, yazıq qız az qaldı yıxılsın.
-    Niyə yıxılır, gəlsin otursun yanımda. Ha-ha-ha. Bax bu gözəl qızdı. Əməlli də geyinib. Ay qızım! Ay qızım! (yanımızdan keçən qız dayanır). Allah sənə dəyməsin. Çox gözəlsən (Qız gülüb gedir). Həə, taa nə deyim. Gözəldi dana.
-    Dayı, söhbətlərin xoşuma gəldi. Olar şəklini çəkim?
-    Hə, niyə olmur? (saçını düzəldir) saçım yaxşdımı?
-    Əladı. Çəkdim. Çox sağ ol.
-    Hə, nolsun indi bir az içmişəm də. Əccəb eləmişəm. Bir kopoglu maa bir söz deyə bilməz.
-    Yaxşı dayı, çox sağ ol maraqlı söhbətə görə. Mən daha gedim.
-    Sağ ol bala, sağ ol. Sən yaxşı oğlana oxşayırsan.
Əlində əsa olsa da özünü məcbur eləyib ayağa qalxdı və üzümdən öpdü. Məcburən dözdüm və yoluma davam elədim. Uzaqlaşanda baxıb gördüm ki, kişi yenə də öz-özünə danışa-danışa gəlib gedənlərə əl-qol uzadır. Bu da mənim çıxdığım çərçivədə qarşıma çıxan orta səviyyəli bir “xoşbəxt” idi. Yazdım ki, mənə həmin məktubu yazan adam bunu da oxusun. Mən də ona təşəkkür edirəm. Çünki özüm üçün balaca bir kəşf elədim. Başa düşdüm ki, ürəyindəkiləri danışa biləcəyin bir adamın yoxdursa ən yaxşısı budur ki, gedib tanımadığın bir adamı dinləyəsən. Sadəcə dinləysən. O ki, qaldı “Çirkinliyə”, davamı olacaq...



Avanqard.net

Yenililklər
27.01.23

Beynəlxalq Türk Mədəniyyəti və İrsi Fondunun Bəyanatı

27.01.23
Vaqif Bayatlı Odər: "Qarabağdan ancaq Azərbaycanın Türk və Şərəf Damarını keçirməklə nəyəsə nail olmaq olar"
27.01.23
Günay Əfəndiyeva TDT-nin Macarıstandakı Nümayəndəliyini ziyarət edib
26.01.23
“Filologiya və sənətşünaslıq” jurnalının növbəti sayı çap olunub
24.01.23
“Qeyri-maddi mədəni irsin qorunması haqqında” qanun layihəsi hazırlanacaq
24.01.23
Beynəlxalq Türk Mədəniyyəti və İrsi Fondu Türkiyə Cümhuriyyətinin 100 illiyi münasibətilə İstanbulda sərgi təşkil edib
24.01.23
Antonis van Deykin əsəri 3 milyon dollara hərraca çıxarılıb
23.01.23
"İnanıram" tamaşasının premyerası olub
23.01.23
Beynəlxalq Türk Mədəniyyəti və İrsi Fondu ilə Türk Tarix Qurumu bir araya gəlib
23.01.23
Qara Qarayevin əsərləri Filarmoniyada səslənəcək
20.01.23
Günay Əfəndiyeva Ankarada Türkiyə Ali Təhsil Şurasının (YÖK) rəhbəri Erol Özvar ilə görüşüb
18.01.23
Beynəlxalq Türk Mədəniyyəti və İrsi Fondu qarşılıqlı əməkdaşlığı daha da gücləndirir
16.01.23
Beynəlxalq Türk Mədəniyyəti və İrsi Fondunun Şuşa ilə bağlı layihələri davam edir
11.01.23
Vaqif Osmanov - Kimdir günahkar, insanlarmı, yoxsa zaman?
06.01.23
“Poetika.izm” jurnalının növbəti sayı çap olunub
05.01.23
“Azərbaycan ədəbiyyatşünaslığı” jurnalının növbəti sayı çap olunub
30.12.22
Əhməd Cavad 130: “Mən bir Turan yolçusuyam”
29.12.22
“Ömər Faiq Nemanzadə” fotoalbomu nəşr olunub
29.12.22
İki beynəlxalq Türk təşkilatı bir arada
26.12.22
Azərbaycanın dünya ədəbiyyatındakı boş qalmış yeri - Kənan Hacı yazır
26.12.22
Almaxanım Əhmədli və sənət dostları İsveçdə konsert verib
26.12.22
Günay Əfəndiyeva Astanada keçirilən Mərkəzi Asiya Media Forumunda çıxış edib
24.12.22
Ədəbiyyat İnstitutunda Kamran Məmmədovun 100 illik yubileyi qeyd olunub
23.12.22
Bu il hərraclarda satılan ən bahalı rəsm əsərlərinin adı açıqlanıb
23.12.22
Günay Əfəndiyeva Qazaxıstan İnformasiya və sosial inkişaf naziri ilə görüşüb
22.12.22
Əziz Dövlətabadinin “Süxənvərani-Azərbaycan” kitabı çapdan çıxıb
22.12.22
Beynəlxalq Türk Mədəniyyəti və İrsi Fondunun prezidenti Qazaxıstanın mədəniyyət və idman naziri ilə görüşüb
22.12.22
“Atabəylər: Şəmsəddin Eldəniz” layihəsinin musiqi tərtibatı üzrə müsabiqə elan edilib
21.12.22
“II Sumqayıt Kitab Sərgisi”nin proqramı açıqlandı
21.12.22
Günay Əfəndiyeva Qırğız Dövlət Dil və Dil Siyasəti üzrə Milli Komissiyanın sədri ilə görüşüb
20.12.22
“Mifoloji lüğət” kitabı işıq üzü görüb
20.12.22
Beynəlxalq Türk Mədəniyyəti və İrsi Fondunda “Türk dövlətləri: Şərq və Qərb arasında körpü” adlı dəyirmi masa keçirilib
19.12.22
Aleks de Val - Aclıq və feminizm
19.12.22
Beynəlxalq Türk Mədəniyyəti və İrsi Fondunun birgə əməkdaşlığı ilə beynəlxalq elmi konfrans keçirilib
19.12.22
“Sonuncu korifey” – Ədəbiyyatımızın “Don Kixot”u
17.12.22
Hamlet İsaxanlının “Mənim Qarabağım və ya Qarabağ düyünü” kitabının təqdimatı keçirilib
16.12.22
Beynəlxalq Türk Mədəniyyəti və İrsi Fondunun əlaqələri Avropa məkanında daha da genişlənir
16.12.22
AMEA-da “Akademiyanın Şuşanaməsi” ədəbi-tarixi ənənə və gələcəyə baxış” adlı konfrans keçirilib
16.12.22
Təranə Vahid - Dəfn nəğmələri
15.12.22
Beynəlxalq Türk Mədəniyyəti və İrsi Fondu və Bursa Uludağ Universiteti arasında əməkdaşlıq protokolu imzalanıb
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.