Özünüzü müşahidə edin: Görəcəksiniz ki, bütün həyatınız boyu etmək istədiklərinizi - sabaha, o biri günə saxlamısınız. Həmən günlər gəlir, keçir , amma, heç nə dəyişmir. Gün ərzində diqqətimizi bir nöqtədə cəmləşdirə bilmirik. Biz adətimiz üzrə, heç nəyi dəyişmədən yaşayırıq. Hətta, bizi zəif bilənlər, həyatımızdan yararlanmağı da bacarır.

Demək , biz, öz həyatımızı, başqalarının ssenarisi üzrə yaşayırıq.

Həyatda çətin, amma, olduqca vacib olan şərt  özünü tapmaqdır. 
Bu tapıntı sizin həyatınızın ən əsas, ən vacib, ən işıqlı məqamıdır. Əgər bu halı yaşamaq nəsibiniz olursa, başqa cür yaşaya bilməyəcəksiniz. Həyatınızın bəlli məqsədləri, bəlli istuqamətləri yaranacaq. Siz özünüz olacaqsınız, özünüz olaraq da qalacaqsınız. Sizi heç nə dəyişməyəcək.
Özünü tapmaq- kimliyinin isbatıdır. Sənin getmək istədiyin məqamın aydınlığıdır.
Həyatınızın məqsədini müəyyən edin. Bu istiqamətdə hərəkət edin. Və nail olun. Əldə etdiyiniz nəticə sizə dünyanın ən gözəl hissini yaşadacaq. Siz özünüzdən, hərəkətlərinizdən razı qalacaqsınız.
Asan bir şeyi tərəddüd etmədən istəmək olar. Axı asana çatmaq elə də çətin bir şey deyil. Məqsədləriniz, gedəcəyiniz yollar praktik cəhətdən sizə asanlaşdıqca, siz atdığınız addımlarda tərəddüd hissinin nə olduğunu unudacaqsınız. Bu hissi “Mən bilirəm”, “Bu doğrudur”, “Bu məndə alınacaq” ifadələri əvəz edəcək.
Siz yalnız hərəkət edin. Hərəkət, məqsədə çatmaq - sizin həyat resseptinizdir. Həmçinin açardır. Elə bir açar ki, siz onunla bütün bağlı qapıları açmış olacaqsınız.

Arzuları görüb hərəkətsiz dayanmaq, zinət dolu, var-dövlət dolu bir sandıq üzərində əyləşməyə bənzəyir. Siz, oturmaqla kifayətlənirsiniz. Onu açmaq, ağlınıza belə gəlmir.

Bəxt, qismət- təsadüfi bir şey deyil. Qisməti gözləmək yox, onu yaratmaq lazımdır.

Bəli. Sizin istəyiniz ilə qismət yaranacaq. Siz onu istədiyiniz kimi qurduqca,gələcəyiniz daha etibarlı olacaq. Daha sığortalı olacaq. Sadəcə, hadisələrə və baş verənlərə, başqa rakusdan baxmağa çalışın. Hər şeyə fərqi münasibət göstərin, adilikdən qaçın.

Beyninizin, ruhunuzun dincəlməyi üçün yaxşı yer axtarmayın, siz istənilən yerdə o yaxşını yaradın.
Özünüzü dəyişməyi bacarın. Fikirlərinizi, düşüncələrinizi, hərəkətlərinizi, baxışlarınızı. İnanın, digər şeylər öz-özünə dəyişəcək.
Siz , nəisə edib, nəisə əldə etdım kimi yox, “İstədiyimi etdim, istədiyim nəticəni aldım” kimi düşünəcəksiniz.
Əgər belə düşündünüzsə, demək ki, düzgün məcraya gəlib çıxdınız. Siz artıq özünüzü tapmısınız.
Artıq  Sizin həyatınızın ssenari müəllifi siz özünüzsünüz.

Avanqard.net