Çağdaş Güney Azərbaycan ədəbiyyatını əks etdirən yeni “Ban” dərgisinin ilk sayı yayımlanıb.

 Məqalələr, öykülər (hekayələr) və şeirlərdən ibarət olan dərginin ilk sayı İstanbul şəhərində çap olunub. “Ban”ın amacı, Çağdaş Güney Azərbaycan Ədəbiyyatı haqqında yazılar və eləcə də Güney Azərbaycanda ədəbi yaradıcılığı tanıtmaqdır.

“Ban” aşağıdakı heyətlə fəaliyyət göstərir:
Türkan URMULU / Yazı İşləri Müdürü
Toğrul ATABAY / Editor və Öykü Üzrə
Hadi QARAÇAY / Şeir Üzrə
Râmin CABBARLI / Məqâlə Üzrə
Atabay TİKANTƏPƏLİ/ Qapaq Tasarımı
Tural SIRDAŞ /Səhiyfə Tasarımı

“Ban” dərgisinin bu sayında Hümmət Şəhbazi, Ülkər Ucqar, Yrd. Doç. Dr. Gülara Yenisey, Ərsan Əreldən məqalələr; Râsim QARACA İlə Söyləşi, Rüqəyyə Kəbiri və Kiyan Xiyavdan öykülər; Andre Breton, Pol Eluar, Lui Araqon, Heydər Bayat, İbrahim Savalan, Kiyan Xiyav, Ramin Cabbarlı, Türkan Urmulu, İsmayıl Mədədi, Fətullah Zövqi, Aydın Araz, Leyla Rəhimi, Fəriba Həyâti, Elyad Mûsəvi, Əlirza Ağazâdə, Ərsan Əreldən isə şeirlərə yer verilmişdir.

“Ban” dərgisini, Quzey Azərbaycan, Türkiyədən əldə etmək olar. Avropa, Kanada və Amerikada yaşayanlar dərgini əldə etmək üçün aşağıdakı mail adresi və ya telefonla ilgidə ola bilərlər.
Dərgi yalnız Güney Azərbaycana parasız göndərilir. Güneyin dışında satışdadır.

Türkiyə İçi Qiymət: 5 TL
Türkiyə Dışı Qiymət: 10 Dollar

/kult.az/