Əsəd Qaraqaplan - Döyülmüş kənd uşağı
29.03.13

Kənddə, üçüncü ya dördüncü sinifdə olanda şəhərdən bir uşaq gəlmişdi bizimlə oxumağa. Qohumlarıgildə qalan bu uşaq, şəhərli mahiyyətinə uyğun, əlindən bir iş gəlməsə də, tilpaş, sözgüləşdirən və çürükçü idi. Mən də dəlisov kənd uşağı, belə şeyləri götürə bilməyən biri...

Bir dəfə nə təhər oldusa, savaşası olduq (bizdə “dalaşmaq” yox, “savaşmaq” deyirlər). Yəqin elə tilpaşlığına görə. Savaşanda bu uşağı nə təhər vurdumsa (ya da əlimdə daş olmuşdu, nə olmuşdu bilmirəm), sifətinin yumuşaq yerindən bir az yarıldı və güclü qan axmağa başladı. Yəqin, heç bilə-bilə də vurmamışdım. Kənd uşağı idik də, olurdu belə savaşmalar, sir-sifətin yarılması... Birtəhər bunun üzünün qanını çayda yuyub, evlərinə yola saldıq.

Axşamçağı bir də gördüm ki, qohumu uşağın qolundan tutub gətirib bizə. Atamla mamam uşağı bu halda görəndə heç təəccüblənmədən onları qarşıladılar. Çünki belə hallar az qala hər gün baş verirdi.

Uşağın qohumu arvad həyətin ortasında durub qışqırırdı ki, uşağınıza yiyə durun, görün, uşağı nə günə qoyub. Verin onu mənə, öldürəcəm. Adamı da bu hala salarlar...

Mən də girib evə, pəncərənin pərdəsini azca aralayıb baxırdım bu mənzərəyə. Atamgil də bu qadını sakitləşdirib yola verməyə çalışırdılar. Atam deyir “sən dəymə, özüm öldürəcəm onu”, mamam deyir “onun əlləri qurumasın, yazıqdı, hər gün başımıza bu oyunu açır...”

O vaxt bilmədim atam məni buna görə döydü ya yox, mamam da mənə nəsə dedimi, ya yox. Çünki öyrəşmişdim bu tip şeylərə və mənimçün adi idi. Həm də uşaq idim də, ağlım nə kəsirdi ki...

O vaxt o uşaq dəcəlliyimə görə nə qədər qorxu, nə qədər narahatlıq keçirdiyimi də deyə bilmərəm, ya da heç qorxu, narahatlıq keçirmədiyimi də. Amma o vaxt mənə çox qəribə gələn bir şeyi demək istəyirəm. Düşünürdüm ki, adam da uşağı savaşanda götürüb savaşdığı uşağın evinə aparar?! Biz uşaq idik, bunlara nə olmuşdu bəs?! Doğrudan da, bunun uşaqca bir şey olduğunu anlamırdılar? Hətta bəzən xoş bir şey olduğunu...

Axı mən də çox döyülmüş, sir-sifətim, başım yarılmış, gözümün altı göyərmiş, dodağım partlamışdı, amma kimsəm qolumdan tutub savaşdığım uşaqgilə aparmamışdı. Hər tərəfim də yarıq-yarıq, çapıq-çapıq idi, salamat yerim də qalmamışdı...

Uşaq ağlıyla olsa da, düşünürdüm ki, adam necə öz məğlubiyyətini bu cür “bəyan” edə və bundan heç utanmaya bilər... Həm də düşünürdüm ki, axı biz uşağıq, oynaya da, savaşa da, yıxılıb bir yerimizi əzə də bilərik...

Tamam, deyək bu uşaq şəhərdən gəlmişdi deyə qohumu onun qolundan tutub gətirmişdi bizə. Axı həmişə belə olmuşdu, kənddən olan uşaqları da, hətta dostlarımı da döyəndə, bir yerini əzəndə və ya yaranda tutub qolundan gətirirdilər bizə. Hətta məktəbə də üstümə hər dəfə valideyn gəlir, bəzən məni sinfin içində döymək də istəyirdilər ki, niyə bizim uşağı döymüsən.
Mənsə bu təbii halımdan heç vaxt xilas ola bilmədim, elə böyüyəndə də...

Bir dəfə sinif yoldaşım və ən yaxın dostumun da daş-daş oynayanda bilmədən başını yarmışdım. Başından qan üzünə axa-axa anası qolundan tutub gətirmişdi həyətimizə şikayətə. Halbuki, aparıb onun yarasını yuyub təmizləməli və bağlamalı idi. Yolda durub bir-birimizə daş atmışdıq da, daş da gedib dəymişdi də onun başına, burda nə vardı ki... Guya belə eləməklə biz öz dəcəlliyimizdən əl çəkəcəkdikmi, qətiyyən yox. Bəlkə də biraz da inad edəcəkdik.

Deyirəm, adamlar yalnız valideyn olanda, bunu hiss edəndə çox axmaq olurlar. Onlarda “balalarını qorumaq” adlı heyvani instinkt olur-nədi...
Qəribəydi əslində. Hələ də bunu anlamaqda zorluq çəkirəm...
Sonda bir lətifə danışım sizə...
İki qonşu olur, həmişə uşaqları dalaşır. Atalar bir gün uşaqlarını alırlar kürəklərinə, eşşəklərinə minib polisə gedirlər. Yolda uşaqlardan biri o birinə deyir: “Sənin eşşəyin yaxşıdı, yoxsa mənim...” Atalar bunu eşidib, etdikləri hərəkətdən utanırlar. Odu-budu, day uşaqlar dalaşanda qarışmırlar... /azvision.az/

Yenililklər
27.03.20
Nərimanov irsinin öyrənilməsinə layiqli töhfə
25.03.20
Orxan Mərdan Koronavirusla Mübarizəyə Dəstək Fonduna ianə edib
23.03.20
Muzeyləri onlayn ziyarət etmək imkanı yaradıldı
23.03.20
Milli Kitabxana ölkəmizdə yaranan vəziyyətlə əlaqədar oxuculara onlayn xidmətlərini təklif edir
23.03.20
Antonio Tabukkinin "İzabel üçün. Mandala" romanına ön söz
23.03.20
Məhəmməd İqbal - İlahi eşq və milli düçüncə şairi
23.03.20
Türkiyəli rejissor Xocalı soyqırı haqqında film çəkəcək
21.03.20
Antonio Tabukkinin “İzabel üçün. Mandala” romanı çap edilib
16.03.20
Elmira Axundova - Məmməd Orucun "Oyun havası"
15.03.20
Anar: “Koronavirusa görə yaşlı üzvlərimizin işə gəlməsinə məhdudiyyət qoyulacaq”
15.03.20
Qalib Şəfahətin "Sandıq" romanı çap olunub
14.03.20
Cəlil Cavanşirdən yeni kitab - "Eşq və intihar"
13.03.20
“Tarix və Tale” romanına dünyanın “şəxsiyyət vəsiqəsi” demək olardı, amma…
12.03.20
“Wall Street”də Nigar Əliyeva tərəfindən açılmış “America IDream” şirkəti
12.03.20
İçərişəhərdə keçirilməsi nəzərdə tutulan Novruz tədbirləri ləğv edilib
12.03.20
Xalq yazıçısı səfir təyin edildi
11.03.20
Fevralda ən çox satılan Azərbaycan ədəbiyyatının siyahısı
11.03.20

İstanbulda qədim və nadir Azərbaycan xalçalarının sərgisi açılacaq

11.03.20
“Avroviziya-2020"-də Azərbaycan təmsilçisinin mahnı və klipi təqdim edilib
10.03.20
Səxavət Sahilin “İsanın qadını” romanı 2-ci dəfə nəşr olundu
08.03.20
Müşfiq Şükürlü - Anaravirus
08.03.20
Təranə Vahid - Xırda bəhanələr
06.03.20
Yazıçı Xanəmir Telmanoğlunun yeni kitabı çap olunub
06.03.20
Balaca əclafın sayəsində keçmişinə boylanan qəhrəman - Cəlil Cavanşirin romanı haqda
06.03.20
200 min manat büdcəsi olan “Ədəbiyyat qəzeti nə üçün 15-20 manat qonorar verməlidir?
06.03.20
“Ustad” jurnalının 34-cü sayı nəşr olunub
06.03.20
Səxavət Sahil - Təmənnasız yazmaq
05.03.20
Misirdə yeni mumiyalar məskəni aşkar edilib
05.03.20
Səməd Mənsurun əsərlərindən ibarət toplu çapdan çıxıb
05.03.20
Vasif Əlihüseyn - Darıxmağın beşiyidi bu şəhər 
05.03.20
“İmadəddin Nəsimi - tədqiqlər, məqalələr, məruzələr” kitabı nəşr olunub
04.03.20
Şərif Ağayar - Cana yaxın hekayələr
04.03.20
Qismət Rüstəmov - "Təki başqa ölkədə kitabım çıxsın” düşüncəsi çox primitiv düşüncədir
03.03.20
Rəhman Bədəlov: "Zərdabi və onun “Əkinçi” qəzeti bizim hər şeyimizdir." - VİDEO
03.03.20
Yazıçılara rəhminiz gəlsin - Çingiz Abdullayev yazır
03.03.20
“Suğra və oğulları” filmi bu il kinosevərlərə təqdim olunacaq
03.03.20
Mirzə Baxış Nadimin şeirlər toplusunun ikinci kitabı çapdan çıxıb
03.03.20
Professor Asif Hacıyevin yeni monoqrafiyası çapdan çıxıb
03.03.20
Xaricdə təhsil alan azərbaycanlı: "Ankaranı sevdik, bağlandıq, ikinci vətənimiz oldu" - MÜSAHİBƏ
03.03.20
Hacı Zeynalabdin Tağıyevin “İçərişəhər” metrostansiyası qarşısındakı heykəli belə olacaq - VİDEO
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.