Svetlana Turan - Mən övlad istəmirəm!
17.04.13

Son zamanlar tanıdığım gənc ailələr arasında övlada sahib olmaqdan könüllü surətdə imtina edənlərə daha tez-tez rast gəlirəm. Təxminən beş-altı belə cütlüyü şəxsən tanıyıram və haqqında eşitdiklərim də az deyil. (Bəlkə də, bu rəqəm bir çoxları üçün böyük deyil. Amma mənə bu kiçik rəqəm belə, övladsevər xalqımızın fonunda çox böyük görünür.)
 
Bu qərarı verməkdə onların hərəsinin öz subyektiv səbəbləri var. Bəziləri maddi cəhətdən yaxşı təmin olunmayıblar. Bəziləri əksinə, maddi təminatı – iş yerlərini itirmək istəmirlər. Bəziləri özlərini valideyn olmağa hazır hiss etmir və s. Bu səbəbləri ciddi şəkildə araşdırsaq, subyektiv səbəblərin, əslində, kifayət qədər obyektiv olması məlum olacaq.
 
Qəribədir ki, bu fikirlərin ağlımı məşğul etdiyi bir vaxtda fransız yazıçısı Mişel Uelbekin “Adanın mümkünlüyü” romanını oxudum. Romanda insanların mövcudluğunun iki dövrü – müasir və gələcək dövrlər təsvir olunur. Süjet xətti müasir dövrün Danielinin (Daniel 1) gündəliyi və həmin Danielin gələcək davamçıları, belə demək mümkünsə, klonlarının (Daniel 24 və Daniel 25) öz əcdadlarının gündəliyinə yazdıqları şərhlər əsasında qurulub.
 
Daniel 1 artıq qırx yaşı ötmüş, özünü həm mənəvi, həm də fiziki cəhətdən qocalmış hesab edən obrazdır. Birinci evliliyindən bir oğlu olsa da, heç vaxt onunla maraqlanmır, növbəti evliliyində isə övlad əvəzinə, it saxlamaqla kifayətlənir. Floridada (ABŞ) olan “childfree zones” (“uşaqdan azad zonalar”) haqqında danışır və əsərin qəhrəmanı uşaqlara olan nifrətini elə səmimi şəkildə izah edir ki, onu, özündən asılı olmayaraq, hətta başa düşməyə cəhd də edirsən. Sanki ona, fikirlərinə haqq qazandırmaq istəyi baş qaldırır içində...
 
Sadə insan xoşbəxtliyinin mümkünsüzlüyü əsər boyunca vurğulansa da, daha xoşbəxt nəslin neoinsanlar olacağına olan inam da özünü doğrultmur. Daniel 1-in müasirləri də övladsız olmanın tərəfdarıdırlar, onlar da uşaqlıq periodunu keçmədən böyümənin üstün cəhətlərinin olduğuna inanırlar. Onların bu “böyük” arzuları əsrlər sonra həyata keçir.
 
Müasir dövrün Danielinin arzu etdiyi formasiya gələcək dövrdə qurulsa da, onun sələfləri həmin formasiyada özlərini şəxsiyyət kimi tapa bilmirlər. Doğularaq deyil, əcdadının genetik kodu əsasında gənclik yaşında dünyaya gələn klonlar xoşbəxt ola bilmirlər. Çünki onları həyata bağlayan əsas ünsür, yaxınlarına olan bağlılıq və sevgi hissi tamamilə yoxa çıxmışdır.
 
Bu yazını yazmaqda məqsədim heç də gənc cütlüklər arasında uşaq təbliğatını aparmaq deyil. Sadəcə olaraq, mən uşaqsız cəmiyyəti təsəvvürümə gətirə bilmirəm, bacarmıram. Uelbekin “Adanın mümkünlüyü” əsərini oxumasaydım, heç bu mövzuya toxunmazdım da. Lakin içimdə bircə anlığa: “Yəni belə bir şey mümkündürmü?” sualı yarandıqda bu yazını yazmağın vacibliyini hiss etdim.
 
Bəlkə də, bu sözlərim çox sentimental səslənəcək, amma dünyanın ən böyük xoşbəxtliyi övladının uyumasının gözəlliyini izləmək, oyanışının sevincini yaşamaq, hər gün ölçüsü mövcud olmayan ölçü vahidi qədər böyüməsinin şahidi olmaq, bircə təbəssümünə görə hər şeyini verməyə hazır olmaq, ən məsum gözlərin səni hər kəsdən uca, böyük görməsini kəşf etmək, öz əksini saniyələrlə, dəqiqələrlə, günlərlə, illərlə, bir ömür boyu güzgüdə deyil, öz övladında izləməkdir...  /kulis.az/

Yenililklər
19.08.19
Fərid Hüseynin kitabı Serbiyada nəşr edilib
30.07.19
Güclü insan sorağında - Əhməd bəy Ağaoğlu-150
30.07.19
Azərbaycan-Qırğız ədəbi əlaqələrində yeni səhifə
29.07.19
“Türk dilləri araşdırmaları” jurnalının ilk nömrəsi işıq üzü görüb
29.07.19
Əhməd bəy Ağaoğluna həsr olunan konfrans keçiriləcək
29.07.19
“Qoşa qanad” ədəbi almanaxı işıq üzü görüb
29.07.19
Ədəbiyyat İnstitutu Avrasiya Türk Araşdırmaları İnstitutu ilə memorandum imzaladı
26.07.19
“Hüseyn Cavid əbədiyyəti” mövzusunda respublika elmi konfransı keçiriləcək
26.07.19
Məhəmməd Tanhu - 8-ci günün qeydləri
26.07.19
Ədəbiyyat İnstitutunda Qırğızıstan yazıçıları ilə görüş təşkil olunub
24.07.19
XI Qəbələ Beynəlxalq Musiqi Festivalında 11 ölkədən musiqiçilər çıxış edəcək
24.07.19
Nemətullah Naxçıvaninin “Şərhi-Gülşəni-raz” əsərinin iki müxtəlif nüsxəsi əldə edilib
24.07.19
Nizami Gəncəvinin “Xosrov və Şirin” poeması Türkiyədə nəşr olunub
23.07.19
Prezident Murad Köhnəqalaya ev verdi
23.07.19
Svetlana Alekseyiviçin növbəti romanı yayımlanıb
23.07.19
Amerikalı yazıçı-satirik vəfat edib
22.07.19
Tanınmış jurnalist Amil Novruzovun 60 illiyinə
22.07.19
Aida Feyzullayevanın “Komparativistikanın işığında” kitabı işıq üzü görüb
22.07.19
"Gənc Qırğız şeiri antologiyası" Bakıda və Bişkekdə təqdim olunacaq
22.07.19
"Qanun"dan yeni nəşrlər
22.07.19
“Türkologiya” jurnalının əlavəsi akademik Məmmədağa Şirəliyevin 110 illiyinə həsr ediləcək
18.07.19
“Plyus bədii yaradıcılıq” ədəbi almanaxı işıq üzü görüb
18.07.19
İradə Musayeva - Üçlü formul müəmmasına düzəliş... 
18.07.19
Etimad Başkeçid yazır - Qırxayaq hər addımını düşünsəydi...
18.07.19
Nəsiminin dilinin dialektoloji tədqiqinə həsr olunmuş yeni kitab çap olunub
18.07.19
Azərbaycanda ilk dəfə türkdilli əlyazmaların toplu kataloqu nəşr olunub
18.07.19
Yazıçı Andrea Kamilleri vəfat edib
17.07.19
Yeni kitab: “Dilin elmi və estetik problemləri”
17.07.19
Aşıq sənətinə həsr olunmuş növbəti kitab işıq üzü görüb
16.07.19
"Qanun"dan yeni nəşrlər
16.07.19
“Qoşa qanad: VI Fizika və lirika konfransı” keçirilib
15.07.19
The Guardian: Audiokitab mütaliənin gələcəyidir
15.07.19
Azərbaycanda növbəti Nəsimi – şeir, incəsənət və mənəviyyat Festivalı keçiriləcək
12.07.19
Alber  Kamyunun "Xoşbəxt ölüm" kitabı çap olunub
12.07.19
Fərid Hüseyn AYB-nin Gənclər Şurasının sədri seçildi
12.07.19
Nəsiminin qəzəl və rübailəri Moldovada nəşr olundu
11.07.19
Məczub Təbrizinin “Divan”ı Təbrizdə nəşr olunub
11.07.19
Məmməd Səid Ordubadinin "Qanlı Sənələr"i çap olunub
11.07.19
Dillər Universitetində Səlim Babullaoğlunun almanca kitabının müzakirəsi
10.07.19
Şəhla Aslan yazır - Eynşteyn və nağıllar
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.