"YerAltı Book Cafe and Book Store" gənc yazar Əsəd Qaraqaplanın yeni nəşr edilmiş "Zorlanmışlar" romanının təqdimatı keçirilib.
“Zorlanmışlar” romanı sevgi müstəvisində həyatın kadrarxasını anladır. Artıq heç nəyi gizlətməyin mümkün olmadığını düşünən yazar, bu romanla insanların görmədiyimiz – pərdə arxasındakı halını göstərir...
Romanda heç bir izah yoxdur, burda hər şey özü özünü izah edir və həqiqət dialoqlarda üzə çıxır. Gerçəyin nə olduğuna hər kəs öz düşüncəsinə görə qərar verir...
“Zorlanmışlar” çürük dəyərlərin qurbanı olmuş bir toplumun obrazlı ifadəsidir... Fahişəni mələyə, mələyi də fahişəyə çevriməyin mümkün olmadığını anladan romanda “çıxış yoxdur!”
“Zorlanmışlar” trilogiyadan (Halroman, XİLASroMAN, SAVAŞroMAN) sonra yazarın dördüncü romanıdı...
Kitab "Ol" (Apastrof) nəşriyyatında çap edilib.
Kitabın qiyməti : 5 AZN - dir .
Təqdimetmə mərasimində Salam Sarvan, Cəlil Cavanşir, Feyziyyə, Elnaz Eyvazlı, Sadiq Elyer, Nilufər Mugantürk, Saday Şəkərli, Faiq Balabəyli, Yafəs Türksəs və digərləri iştirak edib. Mərasimdə həmçinin yazarın oxucuları və dostları da iştirak edib.
Kitabı şəhərin kitab satışı mərkəzlərindən əldə etmək olar.
Avanqard.net
