Elşad Ərşadoğlu - Yaşamaqçün dodağından o qızın...
27.06.13














Mən  belə yaşadım

Mən ömrü ömürtək yaşamadım ki,
Yerlə göy arası gərdiş eylədim.
Gündə neçə dəfə ölüb dirildim,
Hər iki dünyanı təfdiş eylədim.

Yandırıb günləri göyə sovurdum,
Axşam qovulurdum, səhər qovurdum...
Qəlbimdə dərd çəkib, kədər qovurdum,
Özümçün yaxşıca biş-düş eylədim.

Ömrümü yellərə verdim açıqca,
Verdim, qəsdən verdim, verdim ascıqca!!
Qızdan söz almağı bacarmadıqca,
Sözdən qız almağa vərdiş eylədim.

İçimdə olmadı başqa bir istək,
Maraq saldım bircə marağın üstə.
Səpdim söz toxumun varağın üstə,
Becərdim, qorudum kiş-kiş eylədim.

Mən belə yaşadım həyatı, nəsə...
Ömrümü-günümü çevirdim sözə.
Kasıbın olanı nəyim vardısa,
Verdim insanlığa, bəxşiş eylədim...


Tələsmək

Tələsib,
vaxtından tez gəldim bu dünyaya...
Sonra da ki,
bu vaxtından əvvəl gəlişin arxayınlığıyla,
hər şeyə,
hər yerə,
hər dəfə gecikdim...
Qatdım boş işlərlə hədər, başımı.
Elə qarışdırdı kədər başımı,
sevincə gecikdim,
kefə gecikdim,
səhər dərsə,
axşam evə gecikdim.
Gecikməkdə keçdi ömrümün çoxu...
Nəyisə,
haradansa
başlamağa gecikdim...ərindim...
Oturub gözlədim elə beləcə...
Yaşamağa gecikdim – 
başqaları yaşadı,
mənsə süründüm...
Sevməyə gecikdim-
gözəl qızları 
başqaları sevdi,
mən də həsrətin çəkdim...
Oturub bütün günü,
itirdiklərimin xiffətin çəkdim...

Amma daha bəs oldu,
Bunlar mənə dərs oldu.
Götürdüm daha ibrəti.
Bu dünyada nə qədər geciksəm də,
o dünyaya-ölməyə gecikən deyiləm qəti...


Gedəsən 

Deyirəm ki, bu dünyada hər şeydən,
Üz çevirib, göz qoparıb gedəsən.
Bilməyələr hara getdin, necoldun,
Arxanca bir toz qoparıb gedəsən.

Səs versən ürəyinin səsinə,
Bircə dəfə hörmət qoyub özünə,
Damğa basıb bu dünyanın üzünə –
Ayağından iz qoparıb gedəsən.

Ürəyində ölsə belə çox arzun,
Fikirləşib olacağı, sonrasın,
Yaşamaqçün, dodağından o qızın,
Bicə kəlmə söz qoparıb gedəsən.


Elə sevərdim ki, o gözəl səni

Elə sevərdim ki, o gözəl qızı,
Bir gün həsrətinə dayana bilsəm.
Gedərdi içimin, çölümün pası,
Qaynar nəfəsində yuyuna bilsəm.

Əynimə dar olur, sıxır gün-gündən.
Vecimə olmazdı soyuq, duman, çən,
Soyunub bu nimdaş tənhalığı mən,
Onun sevgisini geyinə bilsəm.

Cənnətə dönərdi dünya bir anda,
Sanardım bu dünya mənimdi onda,
Yatıb saçlarının qaranlığında,
Parlaq gözlərində oyana bilsəm.


Avanqard.net

Yenililklər
03.07.20
Mədəniyyət Nazirliyi Rusiyanın xalq artistinə qanunsuz ödəniş edilib
03.07.20
“Xınalıq” qoruğu UNESCO-nun Dünya İrs Siyahısına namizədlik üçün ilkin siyahıya salınıb
02.07.20
Əhməd bəy Ağaoğlu yaradıcılığında azad insan konsepsiyası
02.07.20
COVID-19 epidemiyasına həsr olunan film çəkilir
02.07.20
Səməd Vurğunun şeirlər kitabı Türkiyədə nəşr olunub
01.07.20
Azərbaycan Respublikası Kinematoqrafçılar İttifaqı Kann Beynəlxalq Kinofestivalının rəhbərliyinə etiraz məktubu göndərib
01.07.20
Saedinin dünyaca məşhur “Bəyəl əzadarları” romanı Azərbaycanda nəşr edildi
01.07.20
Kinoşünas Azərbaycanda çəkilən serialları tənqid edib
30.06.20
Ermənilərin İranın siyasi həyatında oynadığı rol
30.06.20
Simran Qədimin yeni kitabı çap olunub
30.06.20
Əhməd bəy Ağaoğlu “Difai” təşkilatının qurucusu kimi
27.06.20
Pərviz Cəbrayıl - “Azğın”- onun seçilmiş əsərlərin mündəricatı
27.06.20
Bilal Alarlı - Kiçik hekayənin böyük hikməti
26.06.20
Küyüylü Nəccari Səid - Aslan Əmi
26.06.20
Mark Terensi Varronun “Latın dili haqqında" kitabı Azərbaycan dilində
26.06.20
Fərid Muradzadə - Güclü kişi 
26.06.20
Simran Qədim - Təhlükə: COVID-19
26.06.20
Məmmədov Eşqin - Payız məni darıxdırır, ilahi!
26.06.20
Cavanşir Yusifli - Bir şeirin dedikləri (Həmid Herisçi )
26.06.20
Tarix İnstitutunda “Azərbaycan Səfəvi dövlətinin xarici siyasəti” kitabı çap edilib
26.06.20
Dahilərin, yaradıcı insanların problemi: Bipolar xəstəlik
26.06.20
Azad Qaradərəli - Azər Abdullanın “Qəmərlidən keçən qatar” hekayəsinin ismarıcları
26.06.20
Mübariz Örən: "Yazıçı söz yaratmaqdan qorxmamalıdı" - Müsahibə
26.06.20
Daşkənddə “Azərbaycan Demokratik Respublikası və müstəqillik dövrü Azərbaycan ədəbiyyatı” kitabı çap olunub
26.06.20
“Məhtimqulu və Türk dünyası” adlı Beynəlxalq onlayn konfrans keçirilib
24.06.20
Orxan Saffari - Balığı güldürən azərbaycanlı yazıçı
23.06.20
İsmayıl Mərcanlı İmanzadə - Xatirələr tüstülənən ocaqmış...
22.06.20
Fərdi duyumun poetik ilməsi - poeziyanın Ağsəsi
22.06.20
Tanınmış ispaniyalı yazıçı vəfat edib
20.06.20
Atif Abbasov - Bilinən və bilinməyən Nəsrəddin Tusi
19.06.20
Bu kino ki var, bəs bizdə niyə yoxdur? - ARAŞDIRMA
19.06.20
Hacı Zeynalabdin Tağıyevin ev-muzeyinin bərpadan sonra açılışı olub
19.06.20

"Ulduz"un yeni sayı çıxıb

18.06.20
Ayxan Ayvazın “Mavra, Zəhra və başqaları” adlı kitabı çap olunub
18.06.20
Gənc yazardan Prezidentə müraciət: "Bu dəfə ümid sizədir"
16.06.20
Fərid Hüseynin Türkiyədə kitabı çap olunub
16.06.20

Gələn il “Eurovision” bu tarixlərdə keçiriləcək

15.06.20
Emil Rasimoğlu:"Azər Turanın istefa verməyi hesab edirəm ki, bu məqamda ən gözəl addımdır"
14.06.20
Gənc yazarlardan Azər Turana etiraz:“Götür bir istefa ərizəsi yaz”
12.06.20
"Koronavirus pandemiyası ilə mübarizə mövzusunda hekayə müsabəqəsi”nin qalibləri müəyyənləşib
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.