Mahir Mehdinin yeni şeirləri
10.07.13




Sonuncu qat
 
ay keçir belə, elə beləcə,
səhər səhərdi, gecə də gecə...
günlər bir boyda, öz sırasında,
sanki qurulub hər şey indicə...
 
öz yerindədi kitab, dəftərin,
pəncərə, qapı, qara köynəyin.
hər şey yerində, yerindən başqa...
harasa baxır tozlu eynəyin....
 
lap sonuncusan, bu yekə evin
yox, səndən qəlbi, ayrı bir qatı...
axır ki gəldi bu ucalıqdan
öz mərtəbənə düşməyin vaxtı...
 
Yevrey dilində...
 
xəbərlər yetişər öz ünvanına,
ya səhərə yaxın, ya gecəyarı...
bir səs lap yavaşdan döyər qapını,
qapı da dartılar o səsə sarı...
 
dartılar, dartılar açıla bilməz,
qapı özü qalar qapı dalında...
nə qədər axtarar tapmaz çıxışı,
səs batıb boğular öz qabığında...
 
qapqara bir ərəb partladar özün,
susar beş-on adam yevrey dilində.
günəş qərbdən çıxar, pozular düzüm,
İordan çayının Qərb sahilində...
 
Gerçək
 
nə yox olan kimi yoxsan,
nə də var olan kimi var.
aldığın can çürük çıxıb,
apar yiyəsinə qaytar....
 
gördüyün gerçək-zad deyil,
gerçəyin görüntüsüdü...
çıxmağa çıxışı da yox,
bura göyün tərs üzüdü.....
 
bu sir-sifətlə doğulmaq,
var olmağın deyil hələ...
eyni şeyin təkrarıdı,
ayrı-ayrı ölçülərdə
 
Yol və rol
 
aldatdım özüm-özümü,
söznən başımı qatdım.
çıxa bilmədim qırağa
bu çevrədən bir addım...
 
gəzib gəldim öz içimi,
təzə heç nə tapmadım.
köhnəyə yeni rəng verdim,
təzə bir şey yapmadım.
 
dəyişəmmədim bir qram,
elə həmin yoldayam...
təzə filmdə yenə də
özüməm, baş roldayam...
 
STOP
 
dişlərin ağartdı gecə,
pəncərələr gülüşdü.
yıxıldı qalxdığı yerdən,
sözün yerindən düşdü...
 
bircə kəlmə əvəzinə,
çaşıb, yüz söz danışdın...
nə yalan söyləyə bildin,
nə də ki, düz danışdın...
 
adam olmaq istəyəndə
bir az doğru, bir az gop,
kimsə əl çaldı qəfildən:
-çəkiliş qurtardı, "STOP"

/kulis.az/

Yenililklər
17.06.21
“Metafizika” jurnalının 2021/2-ci sayı işıq üzü görüb
16.06.21
Fərid Hüseyn “Tanımadığımız Nizami” adlı mühazirə oxuyub
10.06.21
Azad Qaradərəli -  Akademikin pişiyi, yaxud pişiklərin qətliamı
01.06.21
Türk Dünyası Rəqəmsal Vətəndaşlığı tətbiq edir
05.05.21
Azərbaycan Nəşriyyatları İctimai Birliyi poster müsabiqəsi elan edib
04.05.21
“Molla Nəsrəddin” ensiklopediyası”nın təqdimatı keçirilib
03.05.21
“Hədəf Nəşrləri”ndə müəllif tenderi iştirakçıları ilə görüş keçirilib
28.04.21
Balkan türklerinden İlhami Emin’in anısına
25.04.21
Türkiyədə Aşıq Ələsgərin anadan olmasının 200 illik yubileyi keçirilib
25.04.21
Azərbaycan Nəşriyyatları İctimai Birliyinin növbəti toplantısı keçirilib
21.04.21
Milli Televiziyamızın bu günü
20.04.21
Üzeyir Əlizadə - Taleyə düşən 5-lər       
15.04.21
Tovuz döyüşləri haqqında sənədli film çəkilib
13.04.21
Xətainin “Dəhnamə”si nəsrlə təqdim edildi
13.04.21
Təranə Vahid - Qasırğa
10.04.21
Xəzər Universitetində Fransız dili bayramı
06.04.21
“Hədəf Nəşrləri” müəllif tenderi elan edir
30.03.21
Tanınmış kinoşünas Aydın Kazımzadənin yeni kitabı işıq üzü görüb
30.03.21
“Böyük Qayıdış” qısametrajlı bədii, sənədli və animasiya film layihələri müsabiqəsinə sənəd qəbulu başa çatıb
30.03.21
Təranə Vahidin “Qarışqa təqvimi” Türkiyədə çap olunub
30.03.21
Qalib Şəfahətin "hekayələr kitabı Türkiyədə işıq üzü görüb
11.03.21

“Azərbaycan ədəbiyyatşünaslığı” jurnalının növbəti sayı çap olundu

09.03.21
Emil Rasimoğlu -  Tor qurub işıq dirəklərinə Tanrı...
08.03.21
Qadınlarımızı bəşəri sevgi ilə şərəfləndirən 8 Mart ucalığı
08.03.21
Erməni generalını boğan şəhid haqqında roman - İlk hissə
05.03.21
Əbdürrəhim bəy Haqvеrdiyеvin “Mоzalanbəyin səyahətnaməsi” əsərinin ifşaedici gücü
03.03.21
“Azərbaycan Nəşriyyatları” İctimai Birliyi yaradıldı
26.02.21
Səxavət Sahil - İsa kimi Xocalı
26.02.21
Vətən müharibəsi memorial kompleksi və Zəfər muzeyi fondunun ilk eksponatları təqdim olunub
25.02.21

Azərbaycan kitabları Fransa Milli Kitabxanasında

25.02.21
Nəcəf bəy Vəzirovun “Dələduz” pyesində dövrün həqiqətləri
24.02.21
Görünməyən mötərizələr – Fərid Hüseyn Salam Sarvanı tənqid etdi
24.02.21
“Əlyazmalar yanmır” jurnalının növbəti nömrəsində
23.02.21
Xalq artisti Yalçın Rzazadə vəfat edib
22.02.21
Nizami Gəncəvinin 880 illik yubileyinə həsr olunmuş beynəlxalq xalça eskizi müsabiqəsi elan edilib
19.02.21
Nizami Gəncəvinin 880 illiyi münasibətilə İspaniyada xüsusi poçt markaları dövriyyəyə buraxılıb
19.02.21
Mədəniyyət Nazirliyi işğaldan azad olunmuş ərazilərdə tarix və mədəniyyət obyektlərinin vəziyyətinə dair məlumat yayıb
19.02.21
Aşıq Ələsgərin 200 illik yubileyi qeyd ediləcək
18.02.21

“İzahlı dini terminlər lüğəti” nəşr olunub

18.02.21
Xalq şairi Nəriman Həsənzadə “İstiqlal” ordeni ilə təltif edildi
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.