Cavid Zeynallı - Şampunla corab yumaqdır sənsizlik...
18.07.13















 
Sənsizlik gecə yuxudan ayılıb
sağ tərəfi boş görməkdi.
İşə gecikməkdi,
kirli köynəkdi,
darağın yerini itirməkdi,
evdən ac çıxmaqdı sənsizlik.
 
Dönər ümidinə qalmaqdı sənsizlik,
Saralmış stəkanlardı, boş soyuducunun buz tənəsidir,
mətbəxdə saralan gülün su istəməsidir.
Dolabı ələk-vələk edib corabı tapmamaqdı sənsizlik.
 
Sənsizlik oğlumun beşiyinin layla səsinə yadırğaması,
Stolun üstündə boyatıyan çörəyin darıxmağıdır.
Sənsizlik mətbəxdən qab-qacaq səsinin çəkilməsi,
Darısqallığından şikayətləndiyin
 bu ovuc içi boyda mətbəxdə
qarışqaların üzümə irişməyidir.
 
Qaz kartının bir həftədən bəri
 iki manat səksən qəpik qalmağıdır sənsizlik.
Hər səhər “zibili verim atırsan?” sualını eşitməməkdi.
Sənsizlik qatıq satan arvadın üç gün dözüb,
 dördüncü gün “qatıq niyə almırsan?” soruşmağıdır.
 
Pomidorun 40 qəpiyə düşməyinin mənasızlığı,
çiyələyin yanından saymazyana keçməkdi sənsizlik.
O sevimli dondurmanın tamsızlığı,
küncüt halvasına pul saymamaqdı. 
Əsgərlikdəki üzüyola qardaşımın
Anamın əllərindən sarı darıxmağıdır sənsizlik.
 
Sənsizlik vaxt öldürməkdən ötrü
əlli yaşında özünü təsdiq edə bilməyən şairlərin məclisində
hikkəyə zəhərlənməkdi, qeybətə yoluxmaqdır.
Ədəbiyyata tüpürməkdi,
yazmaqdan iyrənməkdi sənsizlik.
 
Sənsizlik qapımızın ağzındakı işığın yanmamağı,
Blokun qaranlığı, qaranquş balalarının
ağzına su almağıdır.
Sənsizlik yad qızlara uzun-uzun baxmaqdı.
Baxmaq nədir, gözümün o qızların sinəsində
qalmağıdır sənsizlik.
Sənsizlik hər xırda şeydən ötrü
üstünə qəzəblənməyə qadın tapmamaqdır.
 
Sənsizlik uzaqlara tək baxmaqdır,
şəhərdə ev almaq arzusuna yadırğamaqdır.
Qab pastasının adını unutmaq,
sabun almağı yaddan çıxarmaq,
şampunla corab yumaqdır sənsizlik.
 
Sənsizlik evdə siqaret çəkməkdir,
İçib qapı cəftəsində əl izini axtarmaqdır.
Oğlumun  televizorun qabağında qoyub getdiyin
ayaqqabısına baxıb şeir oxumaq,
köynəyini qoxlayıb doluxsunmaqdır sənsizlik.
Sənsizlik iyul axşamında Ramazan
ayparasına baxıb it kimi ulamaqdır.
Qayğıya tamarzı qalmaq,
sevgiyə həsrət çəkməkdi sənsizlik.
 
Sənsizlik yetim qalmaq...
yetim qalmaq deyil sənsizlik.
Anamın əlindən öpüb de:
itinə tapşır, ulamasın...

/kulis.az/

Yenililklər
27.02.20
Əlyazmalar İnstitutu XIX əsrdə nəşr olunan “Bakinskiy listok” qəzetinin elektron versiyasını əldə edib
27.02.20
"Günə min işarə yaza bilsəm, papağımı göyə ataram" - Mübariz Örən
27.02.20
Müşfiq Şükürlü - Cavid bizim ustad təqlidçilərimizdəndir
27.02.20
Gülşən Mustafanın "Hasar" adlı hekayələr kitabı işıq üzü görüb
26.02.20
Filologiya elmində Turxan Gəncəyi zirvəsi
26.02.20
Əli bəy Hüseynzadə haqqında ilk fundamental biblioqrafiya işıq üzü görüb
25.02.20
Rasim Qaraca: “Hər ad günümə bir kitab hədiyyə edirəm” - VIDEO-SÖHBƏT
25.02.20
Bəxtiyar Vahabzadənin şeirləri Koreya dilində
24.02.20
Rəvan Cavid - “Azğın”: roman, yoxsa cızma-qara gündəlik?
24.02.20
"Kitabi-Dədə Qorqud”un üçüncü – Günbəd əlyazması" cap olunub
24.02.20
İlham Qəhrəmanın tərtibatında Aşıq Alının “Nə qaldı” kitabı çap olunub
24.02.20
Azər Abdulla - Peşmanlıqdan sevincə keçid
23.02.20
Elçin Hüseynbəyli - Qarağac - Romandan parça
23.02.20
Bədirxan Əhmədli - Gerçək və intellektual türkçü Muhsin Kadıoğlu
23.02.20
Könül Nuriyeva - "İsanın İncili"ndəki sonsuz suallar
23.02.20
Əlyazmalar İnstitutunda “Nəsimidən nəsimlər” kitabının təqdimatı olub
23.02.20
Ədəbiyyatşünaslığın inkişafına dəyərli töhfələr verən alim – akademik Həmid Araslı
21.02.20
İnsanın əzəməti – Dino Butsatinin hekayəsi
21.02.20
Tramp “Oskar” mükafatının Cənubi Koreya filmi “Parazitlər”ə verilməsini tənqid edib
21.02.20
Məşhur yazıçı hekayəsini 1 ABŞ dollarına satdı
21.02.20
Müslüm Maqomayev haqqında çəkilən serialın treyleri yayımlandı - VİDEO
21.02.20
Xalq rəssamı Böyükağa Mirzəzadənin anadan olmasından 99 il ötür
21.02.20
Taleh Eminoğlu - Knut Hamsun: bir medalın iki üzü
21.02.20
Bakıda Beynəlxalq film festivalı keçiriləcək
21.02.20
"Müqayisəli ədəbiyyatşünaslıq" jurnalının yeni sayı çıxıb
21.02.20
Hacı Ələmdar Mahirin anım günü
18.02.20
Özbəkistanda “Hər anımız Vətən desin!” adlı şeir müsabiqəsi elan olundu
12.02.20
"Təkrarın tənhalığı”nda "Sevdiyim əsər” – Fərid Hüseynin kitab təqdimatından reportaj
10.02.20
Gülbala Dadaş - “Hər kəsin öz eşqi” kitabı haqqında
07.02.20
Fərid Hüseynin kitablarının təqdimat mərasimi keçiriləcək
05.02.20
Bəsirə Əzizəlinin Muhsin Kadıoğlu haqqında monoqrafiyası çap olunub
05.02.20
İradə Musayeva -  Süleyman Rüstəmi əksinqilabçı adlandıran repressiya qurbanı
03.02.20
Cavanşir Yusiflinin Səlim Babullaoğlu haqqında kitabı nəşr edilib
02.02.20
İradə Musayeva - Bağırovun gizli tapşırığı: “Boynuna qoyuluncaya qədər döyün!”
01.02.20
"Qanun” nəşriyyatında "The Paris Review müsahibələri” adlı kitab nəşr edilib
01.02.20
Rusiya Yazıçılar İttifaqı ilə AYB arasında əməkdaşlıq müqaviləsi imzalanıb
29.01.20
İradə Musayeva - Bağırov bu tərcüməçimizi həbs etmək üçün Stalindən icazə istəmişdi
28.01.20
Fərid Hüseyn - İnsanın unutqanlığı bəzən onun ədalətidi
28.01.20
AYB-nin Gənclər Şurasının “Ulduz”u nəşr edildi
25.01.20
İradə Musayeva - Müstəqil Azərbaycan” sözü dilinizdən çıxmadımı?
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.