Salam Sarvan - Üzeyirlə Üzeyirin fərqi

16.09.13

Kül keçəlin başına...

Sən canın, camaatın dərdinə bax:  niyə Azərbaycanın futbolu yoxdu, niyə ədəbiyyatı yoxdu, niyə musiqisi yoxdu, niyə elmi yoxdu? Əşi,  yoxdu, canın sağ!
Sənə ədəbiyyat lazımdırsa, o gərək elə Azərbaycanda olsun? Sən onu Almaniyada tap oxu da. Sənə musiqi lazımdırsa İtaliyadan dinlə də.

Milli təəssübkeşlik heç də həmişə məcburi deyil. Nədən biz o iddiadayıq ki, bu balaca ölkədə hər şey olmalı. Böyük ədəbiyyat da, böyük musiqi də, böyük elm də...? Axı sən niyə istəyirsən ki, Arximed hansısa qanunu kəşf edərkən “evrika” qışqırığını məhz bizim Bayıl hamamındakı teştdə çiməndə eləməliydi və adı da Axmed olmalıydı? Nə dəxli?

Neyləməli, elə coğrafiya var ki, orada “torpaq yetişdirmir”. Ümumən isə torpağın yetişdirdiyinin təyinatı müxtəlif: məsələn, alma Qubada yığılıb satılmaqçündü, İngiltərədə Nyutonun başına düşməkçün.

Yəni, ey kamanəbru, tale deyilən məsələ də var. Bu zəhərə dönmüş alma tərsliyinə salıb fiziklərimizin başına düşmürsə, fizika insitutunun günahı nə?! Vallah, ciddiyəm.

Bu tərəfdən də yazar dostlarımız   narahat olmaqda ki, niyə bizdə kitab oxuyan yox? Oxuyanlar da niyə ciddi ədəbiyyata deyil, boz, sarı, qazanqırmızı ədəbiyyata meyilli?

Gündə üç dəfə divara çırpsam da, başıma girmir. Ki, yazar dostlarımız niyə istəyirlər ki, camaat məhz ciddi ədəbiyyat oxusun? Noolacaq ki?! Onda camaatın mədəni səviyyəsi artacaq? Bəşəri dəyərlərə tapınacaq? Təfəkkürü dəyişəcək? Ciddiləşəcək?

Vay-vaay, ciddi ədəbiyyatın topluma yaxşı mənada təsir edəcəyini düşünənlər nə qədər sadəlövh. Sənə vətənimizdə yüzlərlə taxtabaş və saxtabaş göstərərəm ki,  dünyanın istənilən ciddi romanında istənilən personajın cikini də bilirlər, bikini də.

Kitablar səviyyə artırandısa, Homerdən Nabokovacan yüzdən çox dünya ədəbiyyatı nəhənglərinin dilimizə tərcüməsinin korrekturasını eləmiş Təvəkkül keçəlliyin bu səviyyəsində qalmazdı.

Su quyunun özündə gərək. Toplumun təbii istedadı, Allahdangəlmə hazırlığı olmasa, alınmaz ki, alınmaz. Mahiyyətcə problemli toplumun kitab oxumaması daha yaxşı. Çün həmin kitablardan ancaq zərərli şeyləri götürəcək. Yüz illərdi camaat Quranı oxuyur da, ondan götürdüyü nə?

Qoy oturmuşuq sən Allah, Cırtdanın nağılını oxuyaraq Devliyi deyil, Cırtdanlığı əxz eləyən oxucu kütləsi heç dünəndən olmasın.

Bir dəqiqə dayan e, ciddi mütaliəsini fəxrlə gözümüzə soxan tanıdığım qələm adamları var ki, taksi saxlatdıranda iki barmağını ağzına salıb fıt çalırlar. Yaxşı yadıma düşdü, dostumuz Həmid Herisçidən çox ciddi ədəbiyyat oxuyan varmı, bu gün pirlərin qarşısında ələm gəzdirməklə məşğıl.

Elə biri mən, nə qədər kitab oxuyuram, amma adam ola bilmirəm ki, bilmirəm, alman ola bilmirəm ki, bilmirəm.

İndi gör nə deyəcəyəm və necə qətiyyətlə deyəcəyəm. Bu zövq məsələsinin əhəmiyyətini çox da şişirtməyə dəyməz e. Əslində, Üzeyir Hacıbəyova, yoxsa Üzeyir Mehdizadəyə qulaq asmaqdan ibarət zövq, səviyyə fərqinin bu adi, sadə həyatımızda heç bir rolu, heç bir isti-soyuğu yox. Yəni, adamdan soruşarlar da: “Zövqlü olub zövqsüzdən hansı fərqli həyat tərzi keçirirsən, hansı fərqli məişəti yaşayırsan?”

Tük keçəlin başına.

/teleqraf.com/

Yenililklər
12.07.24
Yelisaveta Baqryana - Ah, belə gecələr əzabdır dostum!
11.07.24
Azad Qaradərəlinin əsərlərinin beşinci cildi cap olunub
08.07.24
“Narqız” qısametrajlı animasiya filminin istehsalı davam edir
05.07.24
"Dünya ədəbiyyatı" jurnalının Çeçenistan sayı işıq üzü görüb
03.07.24
“Ulduz” jurnalı oxucuların görüşünə yeni təqdimatda gəlib
02.07.24
Frans Kafka - Hökm
25.06.24
Mədəniyyət Nazirliyi senzura ittihamlarına aydınlıq gətirib
25.06.24
Azərbaycan Kinematoqrafçılar İttifaqı Şirvanda kino günlərinə başlayır
22.06.24
Şahid ifadəsi - Zərdüşt Əlizadə yazır...
13.06.24
“Divanü lüğat-it-türk”ün II və III cildləri nəşr olunub
13.06.24
“Ulduz” jurnalının may nömrəsi çap olunub
13.06.24
Azərbaycanda aparıcı teatrların siyahısı təsdiqlənib, işçilərin maaşları artırılıb
05.06.24
Özbəkistanlı şairlərin şeirləri Azərbaycan dilinə tərcümə edilərək nəşr olunub
05.06.24

Qulu Ağsəs haqqında yeni kitab çap edilib

24.05.24
Kino şirkətlərinə yeni imkan: post-prodakşna dəstək
22.05.24
Kənan Hacı - Salman Mümtaz Leninə nə deyəcəkmiş?
22.05.24
2024-cü ilin Ədəbiyyat üzrə Beynəlxalq Buker Mükafatının qalibi məlum olub
21.05.24
Professor Edmund Herziq: Nizami Gəncəvinin əlyazmalarının vahid kataloqu üç dildə nəşr ediləcək
21.05.24
Azərbaycanda iki teatrın adı dəyişdirilir və işçilərinin maaşı artırılır
20.05.24
“Linqvistik nəzəriyyənin əsasları” kitabı nəşr olunub
20.05.24
Hüseyn Arifin anadan olmasının 100 illiyi münasibətilə “Arxada qalan illər” adlı kitab nəşr edilib
20.05.24
Fransada azərbaycanlı rəssamın fərdi sərgisi keçirilib
15.05.24
Ülvi Babasoyun “Ədəbiyyatda postmodernizm: oyun estetikası” kitabı təqdim olunub
09.05.24
Həcər Atakişiyeva - Məhəmməd Füzulinin poeziyasının dili və üslubi xüsusiyyətləri
06.05.24
Həmid Herisçi: Öz adıma ədəbiyyat müharibəmi bitirdim
06.05.24
Kino Agentliyi “Qızılalma” Festivalında mükafata layiq görüldü
06.05.24
Kino ictimaiyyəti narahatdır: 38 nömrəli qərar ləğv olunacaqmı?
04.05.24
Cahid Camal “Xalq Əmanəti” layihəsinin 24-cü nəşrində
03.05.24
Gülnar Səma - Ramil Mərzilinin “Qadağan olunmuş şeirlər”i
03.05.24
Asif Rüstəmlinin “Cümhuriyyət məfkürəsi” kitabı çap olunub
03.05.24
Azad Qaradərəli - Şəhid toyu
02.05.24
ARKA-nın Apellyasiya Komissiyası müraciətlərlə bağlı qərar verdi
02.05.24
“Əlyazma abidələri: ənənə və müasirlik” kitabı çapdan çıxıb
02.05.24
Məşhur yazıçı Pol Oster vəfat edib
02.05.24
Azərbaycanlı alimin beynəlxalq konqresdə məruzəsi dinlənilib
02.05.24
Türkiyənin bütün bölgələrində Azərbaycan Mədəniyyət Günləri keçiriləcək.

01.05.24
Orhan Aras - Bedirhan Ahmedov: Yorulmaz Bir Bilim Adamı...
01.05.24
Cavanşir Yusifli - Gənc şairlərə məktub - Sözün ayağı dəyməyən yerlər
01.05.24
Türkiyədə Məhəmməd Füzuliyə həsr olunan beynəlxalq konfrans keçiriləcək
01.05.24
Nar ağacı - Kənan Hacının yeni hekayəsi
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.