Tehran Əlişanoğlu - Ölüm qibtə olunası olub...
24.09.13

Ədəbi ictimaiyyətimizə başsağlığı verirəm.
Ölüm ən istedadlıları aparır aramızdan. Bu artıq simptomdur. O qədər ziddiyyətlər, ağrı-acılar içrə yaşayırıq ki, ya zəlzələdən, ya vəlvələdən, ölüm yaxşıları götürüb-aparmağı məqbul bilir, əbədiyyət dünyasına...
BSU-ya, rektorumuz Kamal Abdullaya başsağlığı verirəm.
Elnarə Tofiqqızı əsl tapıntı idi BSU üçün. Yaradıcılıq fakültəsi yarananı, altı-yeddi il ərzində ən uğurlu dekanıydı fakültənin...
Yaradıcılıq fakültəsinə başsağlığı verirəm.
Ölüm ən çox onlardan apardı. Cəmi bir neçə ay öncə fakültənin məzun gününə yığışmışdıq, tələbəli-müəllimli, qonaq-qaralı. Məzunlarla birgə Elnarə xanımı da qutlayırdıq. İlk təmtəraqlı buraxılış idi fakültənin az tarixində. Kamal müəllimi də qutlayırdıq. “Yaradıcılığ”a layiqli kadr tapması münasibətilə təbrik edirdik...
Kənardan müşahidəçi olsam da, duymaya bilməzdim: Elnarə xanım fəaliyyətinin ən məhsuldar, bəlkə də ən xoşbəxt çağlarını yaşayırdı burda. Feysdən xəbər tuturduq: tələbələrin hamılıqla onu necə sevdiklərini, ətrafında məmnuniyyətlə cəm olduqlarını. Həm Elnarə xanımın da liderə yaraşan bir sərtlik və zərifliklə tələbələrinə sevgisini...
Əvəzsiz itkidir Yaradıcılıq fakültəsi üçün.
Telefondakı isti-qılıqlı səsi yadıma gəlir. Bu və ya digər tədbirə dəvət edərkən, mühazirə demək üçün razılığımı alırkən... Son dərəcə hörmətcil, taktlı olmağa çalışırdı. Adətən Kamal müəllimin adından danışırdı, amma elə ki, öz xahişini də hiss etməmək olmurdu. Sayğıyla yanaşır, qarşılıqlı sayğı gözləyirdi. Elnarə xanımın dəvətinə “yox” demək mümkünsüzdü. O, Yaradıcılıq fakültəsində ürəkdən, bütün ruhuyla çalışır, hələ nə qədər də işləmək istəyirdi...
Elnarə Tofiqqızı imzasını Pərvizin “Yad dildə” romanı haqqında “Azadlıq”da çıxmış silsiləvi məqaləsindən tanımışdım. İncədən-incə, geniş, təfərrüatlı təhlilləriylə yazının özü də bir növ ədəbi proses üçün görünməmiş bir iş, “yad dildə”ydi... Gəl ki, müəllifin ədəbiyyat adamı olması dərhal bilinirdi; ilk tanışlıqdan bizə “yad” gəlməyən istedad olurmu?..
Sonra Azadlıq radiosunun Oxu zalındakı roman müzakirələrinə bərabər qatıldıq. Elnarə Tofiqqızı ədəbi imzası məhz burda parladı. “Roman yazı”larından ikisini Tənqid.net jurnalının 7-ci və 8-ci saylarında da dərc etdirdim. Razı qalmışdı; ədəbiyyatda təmənnasız olanların məmnunluğunu duymaqdan gözəl nə ola bilər. Daha bir yazısını jurnalın 9-cu sayında təqdim etsəm də, təəssüf ki, nəşri gecikir...
Elnarə Tofiqqızı potensiallı ədəbiyyatşünasıydı. Bunu onun yazılarının ümumi kontekstindən və altqatında gizlənən bilgilərdən asanlıqla duymaq olurdu. Xüsusən də folklorşünaslıq biliklərindən...
Elnarə Tofiqqızı istedadlı tənqidçiydi. Az bir zamanda ədəbi prosesə imzasını qoya bilmişdi. Mətnə yanaşma tərzinə görə yaxın bildiyim həmkarlarımdandı. Konkret predmetdən çıxış etməyi bacarır, ədəbi tənqidi bir fənn kimi dəyərləndirmə və təhlildən ibarət bilirdi. Bunu bizə onun bir kitablıq yazıları da deyir...
Elnarə xanımla daha sonra MKM-də rastlaşdıq. Onu ekspertlər sırasında görəndə heç təəccüb etmədim. Nigar xanım MKM-ə ədəbiyyata bağlı, öz fərdi-vicdanlı mövqeyi olan, bitərəf səslər axtarırdı. Elnarə Tofiqqızı məhz, nə olursa-olsun, ədəbiyyatın mövqeyini heç vəch güzəştə getməyən, işinə vicdanla yanaşanlardan idi. 2-ci və 3-cü MKM müsabiqəsində daxili mübahisələr zamanı həmkarlarımla bahəm onun öz imici üzərində necə əsdiyinin şahidi olmuşuq... Bütün əsərləri bölüşüb, bircə-bircə oxuduğumuz halda, işimizə şübhənin hardan, necə qaynaqlanmasından necə də narahat olur, həyəcanlanırdı...
Telefonda Elnarə Tofiqqızının ölüm xəbərini eşidəndə çaşıb-qaldım, bir zamanlar Rafiq Tağının heyrət etdiyi sayaq içimdən təkrar-təkrar yalnız bir nida qopdu:
Vay-vay-vay-vay!!!
Ölüm necə də yaxın, əlçatar, lap qibtə olunası olub...
Potensialını axıracan xərcləyə bilmədisə, itirən biz olduq; bu dünyada Elnarə Tofiqqızının parlaq, işıqlı, ədəbi və əbədi obrazı qalır...
Anar Niftəliyevə, ailəsinə, yaxınlarına başsağlığı verirəm...
Allah rəhmət eləsin.

23.09.2013

Yenililklər
21.01.20
İradə Musayeva - Kirovun ölümü ilə başlayan cəhənnəm, yaxud repressiyanın 80 illiyi
14.01.20
Gürcüstanda Zəlimxan Yaqubun xatirəsinin əbədiləşdirilməsi təklif olunub
14.01.20
“Təhsil terminlərinin izahlı lüğət”i çap olunub
14.01.20
Nəsiminin həyat və yaradıcılığına müasir baxışı əks etdirən monoqrafiya çap edilib
14.01.20
 “Manqurt” tamaşası növbəti dəfə nümayiş ediləcək
09.01.20
“Ədəbi Proses – 2018” kitabı çap olunub
31.12.19
Mahirə Nağıqızı: "İstənilən ixtisası ən böyük zəhmət hesabına qazanmaq olar, amma şair kimi doğulmaq lazımdır" - MÜSAHİBƏ
28.12.19
Məmməd Cəfər Cəfərova həsr olunan elmi sessiya keçirilib
28.12.19
Ülvi Babasoy: "Çağdaş ədəbiyyatda dil bəlkə də heç onuncu yox, iyirminci yerdə dayanır" - MÜSAHİBƏ
28.12.19
"Ulduz” jurnalının dekabr sayı işıq üzü görüb
27.12.19
Bakı Mühəndislik Univeristetində Səxavət Sahilin yeni kitabı müzakirə olunub
27.12.19
Mərahim Nəsib - Şəms Təbrizinin məktubu
27.12.19
AYB-nin Gənclər Şurasının üzvləri ədəbi orqanların redaksiya heyətinə qəbul edilib
26.12.19
Əhməd Cəfəroğlunun 120 illiyilə bağlı elmi sessiya keçirilib
26.12.19
Qulu Ağsəs tələbələrə nə vəd etdi? - Pedaqoji Universitetdə GÖRÜŞ - FOTOLAR
25.12.19
Səxavət Sahil - Qafqaz müharibəsi rus ədəbiyyatında
25.12.19
Fərid Hüseyn Serbiya Yazıçılar Birliyinə üzv qəbul edilib
24.12.19
Gülbala Dadaş - Sonsuz dərya gizlədib, özündə bu adanı. 
23.12.19
“Metafizika” (ISSN 2616-6879) jurnalının 2019/4 sayı nəşr edilib
21.12.19
Şəhla Aslan - Feminizmindən qorxanlar...
21.12.19
AMEA-nın İctimaiyyətlə əlaqələr şöbələrinin hesabat iclası keçirilib
17.12.19
“Qafqaz müharibəsi rus ədəbiyyatında” kitabı haqqında bir neçə söz
16.12.19
Cəlil Cavanşirin “Azğın” kitabının təqdimat mərasimi keçirilib
12.12.19
İmadəddin Nəsimiyə həsr olunmuş elmi-nəzəri seminar keçirilib
12.12.19
Tamilla Əliyevanın “Qafqaz müharibəsi rus ədəbiyyatında” monoqrafiyası  olunub
10.12.19
“Bir əsrlik Nəsimi araşdırmaları” kitabının təqdimatı olub
09.12.19
“Ey Nəsimi, cahanı tutdu sözün...” II Beynəlxalq Elmi Konfransı keçirilib
09.12.19
Pərvanə Məmmədli - Rza Bərahəni yaradıcılığından seçmələr
07.12.19
Rasim Qaraca - Kəpənəkli günlər
07.12.19
Nemət Mətin - Sonuncu uçuş
06.12.19
Yazıçı Kənan Hacı ABŞ-da mükafat aldı
06.12.19
Vüqar Əhmədin yeni monoqrafiyası işıq üzü görüb
06.12.19
Azərbaycan Universitetində Mişel Fukonun “Sözlər və nəsnələr” kitabının təqdimatı olub
03.12.19
"Ulduz"un noyabr sayı çap olunub
03.12.19
Cəlil Cavanşirdən 18+ roman gəldi
03.12.19
Pərvanə Məmmədli - Tatyana Çaladzeni qədrini bilmədik
02.12.19
Əhməd bəy Ağaoğlunun 150 illiyinə həsr olunmuş elmi sessiya keçirilib
02.12.19
Səxavət Sahilin “Nar ağacının nəğmələri” kitabı çap olunub
02.12.19
Adil Mirseyidin "Son şeir, son vəsiyyət"i təqdim olundu
02.12.19
Cavanşir Yusiflinin "Mətn. İşarə. Məna" kitabı təqdim olundu
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.