Kənan Hacı - Səlim Babullaoğlu haqqında

18.10.13

Təksən... Tanrı Göy üzündə necə təkdisə, insan da Yer üzündə eləcə tənhadı. İnsanın bir adı da Təkdir. Təksən... Kim daha çox təkdir? Bəlkə insan elə təkliyin, tənhalığın övladıdır? Başımız üstündəki qəbir daşları təkliyimizin daşlaşmış nişanəsi, maddiləşmiş formasıdır. Yox, tənhalıq hissini boğmaq lazım deyil, qoy bu hiss azad olsun, içimizdə hökm sürsün. Təkliyin bu daxili vibrasiyaları hər dəfə bizi özümüzə qaytarır, yaddaşımızı oyadır, adi əşyalar qaydası, nəsnələr düzəni bizə çoxdan unutduğumuz nələrisə xatırladır. İşıqlı, səs-küylü gündüzlərin sonunda qaçılmaz bir qaranlıq var və o qaranlığın içində bizi sadiq, vəfalı dost kimi tənhalıq gözləyir. O tənhalıq bizim gün ərzində itirilmiş enerjimizi özümüzə qaytarır, pərən-pərən düşmüş duyğularımızı səfə düzür...
 
Təksən...
 
Səlim Babullaoğlunun təkliyin səhih koordinatlarını nişan verən “IX hissə” balladası beləcə, müraciət formasında qələmə alınıb. Mükəmməl poekonstruksiyası, polifonikliyi, kalambur yaratmaq ustalığı ilə seçilən bu əsər tənhalığın vəsfi deyil, onun diktə etdiyi həqiqətlər məcmusudur. Sözlər əridikcə mətn şəffaflaşır, hər misra real görüntü yaradır, beyində dərhal eskizlər cızır. Bütövlükdə “IX hissə” bir-birinə kip geydirilmiş kristal təbəqəni xatırladır. Qəfil assosiativ dönümlər aramsız diksinmələrlə müşayiət olunur.
 
Təksən,
Diksinsən,
deməli otaqda səndən başqa ən azı, biri var,
hər səhər tezdən səndən tez oyanar,
hələlik çəkilib güzgüyə.
 
Müəllifdən asılı olmayaraq metaforaların süjetə çevrilməsi hadisəsi baş verir. Təkliyin içimizdə zəbt etdiyi yeri bu mətn bizə nişan verir. Gərgin psixoloji ovqatla yüklənmiş misralarda qəribə bir çəkisizlik var – sanki sözlər qanadlanır və fikrin səmasında səfə düzülür.
 
İnsan kölgəylə bütövdü. Niyyət əməllə.
Hər şey sözdü: səslə oxunub,
Qeydə alınıb gizli qələmlə.
Qələm də əşyadı, səsdi, sözdü. Hamısı birdə.
Təksən.
“Yazımmı bunları?” Dursan. Yazsan.
Qələmi kənara qoyanda təsdiq taparsan kölgəndə.
 
Səlim şeir yazmır, ovqatın şəklini çəkir və oxucunu artıq yükdən azad edir. Təbiət öz sözünü zəlzələləri, daşqınları, vulkanları ilə dediyi kimi şair də  öz nəfəsi ilə Sözün üzərindən zamanın tozunu alır. Səlim kimi.
 
Səlim şeir yazmır, nə vaxtsa yaşayıb unutduğumuz günləri yaddaş adlı vətənə qaytarır. Onun “Eksklüziv” adlı böyük bir şeirini oxuduqca bu yazılanların haçansa sırf hüceyrə halında sənin də beynindən keçdiyini zənn edirsən...
 
Yalnız gündəlik işlər bitərsə, bitərsə mənasız,
fani hərəkət;
bədənin üfüqi sükunət halından daimi ritminə
qoşula bilərsə
Yerin – kürənin – ana torpağın (necə ki, canbirdi
bir vaxtlar bətndə)
yalnız bu halda başlanar yuxular.
Başlanır. Yalnız bu halda ruh üçün açılır sirli aləmlər.
 
Səlim Babullaoğlu XXI əsrin şairidir. Deyəsən bir az gurultulu səsləndi. Amma hərdən laübalı sükutun bağrını oymaq üçün belə gurultulara ehtiyac yaranır. Dünyasını dəyişmiş insanlar haqda yeri gəldi-gəlmədi, o qədər gurultulu sözlər döşəmişik ki... Canlı insandan isə halalca haqqını insafsızcasına əsirgəmişik. Həmişə belə olub. Bu yaxında bir şairin yenicə çapdan çıxmış şeir kitabına yazıçı dostlarımızdan birinin yazdığı ön sözü oxudum və sarsıldım. Ön sözün müəllifi qeyd edir ki, mən xoşbəxtəm ki, dostumdan onun ölümünü gözləmədən yazıram və sizə də məsləhət görürəm ki, əgər diriliklərindən yaza bilmirsinizsə, elə sanın ki, dostlarınız ölüb. Fikir təxminən beləydi və bu fikrin ardında həyatımızın bir sıra qaçılmaz həqiqətləri səyriyir...
 
Səlim Babullaoğlunun sözlərindəki həyəcan, çırpınan ritm, quru yağışlar zamanı səmanın köksünü dağıdacaq bir dəhşətlə şaqqıldayan şimşəklərin üsyanına bənzəyir.
 
Üçüncü minilliyin başında dayanıb Yerlə Göy arasında dilmanclıq edən şair... Sən...
 
Təksən!... /kulis.az/

Yenililklər
21.01.20
İradə Musayeva - Kirovun ölümü ilə başlayan cəhənnəm, yaxud repressiyanın 80 illiyi
14.01.20
Gürcüstanda Zəlimxan Yaqubun xatirəsinin əbədiləşdirilməsi təklif olunub
14.01.20
“Təhsil terminlərinin izahlı lüğət”i çap olunub
14.01.20
Nəsiminin həyat və yaradıcılığına müasir baxışı əks etdirən monoqrafiya çap edilib
14.01.20
 “Manqurt” tamaşası növbəti dəfə nümayiş ediləcək
09.01.20
“Ədəbi Proses – 2018” kitabı çap olunub
31.12.19
Mahirə Nağıqızı: "İstənilən ixtisası ən böyük zəhmət hesabına qazanmaq olar, amma şair kimi doğulmaq lazımdır" - MÜSAHİBƏ
28.12.19
Məmməd Cəfər Cəfərova həsr olunan elmi sessiya keçirilib
28.12.19
Ülvi Babasoy: "Çağdaş ədəbiyyatda dil bəlkə də heç onuncu yox, iyirminci yerdə dayanır" - MÜSAHİBƏ
28.12.19
"Ulduz” jurnalının dekabr sayı işıq üzü görüb
27.12.19
Bakı Mühəndislik Univeristetində Səxavət Sahilin yeni kitabı müzakirə olunub
27.12.19
Mərahim Nəsib - Şəms Təbrizinin məktubu
27.12.19
AYB-nin Gənclər Şurasının üzvləri ədəbi orqanların redaksiya heyətinə qəbul edilib
26.12.19
Əhməd Cəfəroğlunun 120 illiyilə bağlı elmi sessiya keçirilib
26.12.19
Qulu Ağsəs tələbələrə nə vəd etdi? - Pedaqoji Universitetdə GÖRÜŞ - FOTOLAR
25.12.19
Səxavət Sahil - Qafqaz müharibəsi rus ədəbiyyatında
25.12.19
Fərid Hüseyn Serbiya Yazıçılar Birliyinə üzv qəbul edilib
24.12.19
Gülbala Dadaş - Sonsuz dərya gizlədib, özündə bu adanı. 
23.12.19
“Metafizika” (ISSN 2616-6879) jurnalının 2019/4 sayı nəşr edilib
21.12.19
Şəhla Aslan - Feminizmindən qorxanlar...
21.12.19
AMEA-nın İctimaiyyətlə əlaqələr şöbələrinin hesabat iclası keçirilib
17.12.19
“Qafqaz müharibəsi rus ədəbiyyatında” kitabı haqqında bir neçə söz
16.12.19
Cəlil Cavanşirin “Azğın” kitabının təqdimat mərasimi keçirilib
12.12.19
İmadəddin Nəsimiyə həsr olunmuş elmi-nəzəri seminar keçirilib
12.12.19
Tamilla Əliyevanın “Qafqaz müharibəsi rus ədəbiyyatında” monoqrafiyası  olunub
10.12.19
“Bir əsrlik Nəsimi araşdırmaları” kitabının təqdimatı olub
09.12.19
“Ey Nəsimi, cahanı tutdu sözün...” II Beynəlxalq Elmi Konfransı keçirilib
09.12.19
Pərvanə Məmmədli - Rza Bərahəni yaradıcılığından seçmələr
07.12.19
Rasim Qaraca - Kəpənəkli günlər
07.12.19
Nemət Mətin - Sonuncu uçuş
06.12.19
Yazıçı Kənan Hacı ABŞ-da mükafat aldı
06.12.19
Vüqar Əhmədin yeni monoqrafiyası işıq üzü görüb
06.12.19
Azərbaycan Universitetində Mişel Fukonun “Sözlər və nəsnələr” kitabının təqdimatı olub
03.12.19
"Ulduz"un noyabr sayı çap olunub
03.12.19
Cəlil Cavanşirdən 18+ roman gəldi
03.12.19
Pərvanə Məmmədli - Tatyana Çaladzeni qədrini bilmədik
02.12.19
Əhməd bəy Ağaoğlunun 150 illiyinə həsr olunmuş elmi sessiya keçirilib
02.12.19
Səxavət Sahilin “Nar ağacının nəğmələri” kitabı çap olunub
02.12.19
Adil Mirseyidin "Son şeir, son vəsiyyət"i təqdim olundu
02.12.19
Cavanşir Yusiflinin "Mətn. İşarə. Məna" kitabı təqdim olundu
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.