Cavid Zeynallı - Tüpürüm belə yazıçılığa
24.12.13

Bu yazını kitab satıcılarının mərhəmətinə ithaf edirəm.
 

Yanvarın birinci yarısı “Leyla” adında romanım çap olunacaq. Köhnə kişilər tanış adamlara “birinci qızımdır, ikinci oğlumdur” deməyə ar edib, “ikinci nökərindir” söylədiyi kimi, ayıb olmasın, bu da mənim ikinci kitabımdır. Əlbəttə, adamların kitabdan uzaq düşdüyü  ölkədə utanmayıb kitab yazmaq həm arsız işdir, həm də qəhrəman əməli. İndi bu daban-dabana zidd iki sözün sərhədini özünüz müəyyən edin, mən mətləbə yetişim.
 
Kimin kitabı çıxıbsa, ona tanış hisdir: dünyada nə qədər gözəl duyğu varsa, dolur adamın canına. Mətbəə işçisinin “gəl kitabını götür” xəbəri tibb bacısının “oğlun oldu” muştuluğuna tən gələn izaholunmaz sevincdir. “Leyla”nın çap olunmağını nə qədər səbirsizliklə gözləyirəmsə, içimdə onun özüylə gətirdiyi və məni xəcalətli hisslər yaşatmağa məcbur edən problemlərdən dolayı dəhşətli narahatlıq da var. Bu yazını oxuyanların içində kimə “kitab paylaşdıran tanışın yoxdur?” demişəmsə, onlardan üzr istəyib də, elan verirəm: Bakıdakı 25-30 mağazaya kitab paylaşdırmaq üçün təcrübəsi olan bir adama ehtiyacım var.
 
Zəhməthaqqı nədirsə, boyun oluram, yox, həmin adam sadəlövh fədakardırsa, humanist jest edib ona bir şüşə şotland viskisi söz verirəm. Kəsə desək, məndən ötrü müəllif kimi öz kitabımı mağazalara paylamaq, dünyanın ən xəcalətli işidir. Təkcə mənim üçünmü? Bəli, bu xəcalətdən həmkarlarıma da pay düşür. Bu əziz və sevgili adamları kitab mağazalarında qiymət söhbəti edən görəndə, başıma-başıma döyüb ağlamaq istəyirəm. Bunu yaza-yaza 2010-cu ili xatırlayıram. Xatırlayıram və utanıram. O vaxt bir-bir mağazalara düşüb kitablarımı paylayanda satıcılarla aramızda  belə dialoq olurdu:
 
- Bu mənim romanımdır, istəyirəm, beş-altısını sizin mağazaya verim.
 
Satıcı qardaş kitabı vərəqləyəndən sonra narazı-narazı soruşur ki, nədən yazmısan, detektivdir? Sonra davam edir:
 
- İndi hamı yazır, kitablar yığılıb qalır mağazada. Qoy da, bir-ikisini qoy qalsın, görək, nə göstərir.
 
Və beləcə minnət-sünnətdən sonra kitabı narazı satıcının ümidinə qoyub, rədd olursan o biri mağazaya.
 
Sadəcə, dözülməzdir! Yox eyy, ayıbdır, adam kitab da yazsın, onun mətbəə işləri ilə də uğraşsın, düşüb qapı-qapı  paylasın, sonra qəpik-quruş pulunu da yığsın.
 
Yayımla məşğul olan bir neçə şirkət var, kitabın qiymətinin 50-60 faizinə bu işi öhdələrinə götürürlər. Məsələn, qiymət 5 manatdırsa, onun 3 manatından əlini üzməlisən. Nəşrin maya dəyəri də iki manat olanda, müəllifə üç barmaqdan ibarət o məşhur fiqur qalır.
 
Əcəb olur!
 
Alison Baverstockun məşhur kitabı var: “Kitabı necə satmalı”.  Müəllifin qayda kimi müəyyənləşdirdiyi müddəaların ən primitivlərini çıxmaq şərtilə, yerdə qalan heç biri bizim cəmiyyətdə, kitab-yayım sahəsində işləmir. Hələ bunun reklamı, oxucuda maraq yaratmaq üçün min üsulu var. Həmin kitabdakı yekə-yekə məsləhətləri, allı-güllü qaydaları dilimə gətirməyə utanıram. Bircə həqiqəti bilirəm ki, metrosundan kitabı yığışdırılıb alt paltarı satılan ölkədə bu qaydalar yüz sonra da işə yaramayacaq.  
 
İnşallah!
 
Biz çox yazıq adamlarıq. Elə biri mən özüm. Məşhur məsəli dəyişdirsək, belə alınar: Kitab yazmaq əldə altıncı barmaq kimidir, saxlayırsan eybəcər görünür, kəsib atırsan ağrıdır.
 
Tüpürüm belə yazıçılığa. /kulis.az/

Yenililklər
13.04.21
Xətainin “Dəhnamə”si nəsrlə təqdim edildi
13.04.21
Təranə Vahid - Qasırğa
10.04.21
Xəzər Universitetində Fransız dili bayramı
06.04.21
“Hədəf Nəşrləri” müəllif tenderi elan edir
30.03.21
Tanınmış kinoşünas Aydın Kazımzadənin yeni kitabı işıq üzü görüb
30.03.21
“Böyük Qayıdış” qısametrajlı bədii, sənədli və animasiya film layihələri müsabiqəsinə sənəd qəbulu başa çatıb
30.03.21
Təranə Vahidin “Qarışqa təqvimi” Türkiyədə çap olunub
30.03.21
Qalib Şəfahətin "hekayələr kitabı Türkiyədə işıq üzü görüb
11.03.21

“Azərbaycan ədəbiyyatşünaslığı” jurnalının növbəti sayı çap olundu

09.03.21
Emil Rasimoğlu -  Tor qurub işıq dirəklərinə Tanrı...
08.03.21
Qadınlarımızı bəşəri sevgi ilə şərəfləndirən 8 Mart ucalığı
08.03.21
Erməni generalını boğan şəhid haqqında roman - İlk hissə
05.03.21
Əbdürrəhim bəy Haqvеrdiyеvin “Mоzalanbəyin səyahətnaməsi” əsərinin ifşaedici gücü
03.03.21
“Azərbaycan Nəşriyyatları” İctimai Birliyi yaradıldı
26.02.21
Səxavət Sahil - İsa kimi Xocalı
26.02.21
Vətən müharibəsi memorial kompleksi və Zəfər muzeyi fondunun ilk eksponatları təqdim olunub
25.02.21

Azərbaycan kitabları Fransa Milli Kitabxanasında

25.02.21
Nəcəf bəy Vəzirovun “Dələduz” pyesində dövrün həqiqətləri
24.02.21
Görünməyən mötərizələr – Fərid Hüseyn Salam Sarvanı tənqid etdi
24.02.21
“Əlyazmalar yanmır” jurnalının növbəti nömrəsində
23.02.21
Xalq artisti Yalçın Rzazadə vəfat edib
22.02.21
Nizami Gəncəvinin 880 illik yubileyinə həsr olunmuş beynəlxalq xalça eskizi müsabiqəsi elan edilib
19.02.21
Nizami Gəncəvinin 880 illiyi münasibətilə İspaniyada xüsusi poçt markaları dövriyyəyə buraxılıb
19.02.21
Mədəniyyət Nazirliyi işğaldan azad olunmuş ərazilərdə tarix və mədəniyyət obyektlərinin vəziyyətinə dair məlumat yayıb
19.02.21
Aşıq Ələsgərin 200 illik yubileyi qeyd ediləcək
18.02.21

“İzahlı dini terminlər lüğəti” nəşr olunub

18.02.21
Xalq şairi Nəriman Həsənzadə “İstiqlal” ordeni ilə təltif edildi
18.02.21

Prezident İlham Əliyev Nəriman Həsənzadəni 90 illik yubileyi münasibətilə təbrik edib

16.02.21
Paşa Talıblı - Mənim şeirlərim başsağlığıdı...
16.02.21
Sabir Rüstəmxanlı yaradıcılığı haqqında monoqrafik tədqiqat
16.02.21
Mədəniyyət naziri ölkəmizdə fəaliyyət göstərən televiziya kanallarının rəhbərləri ilə görüşüb
16.02.21
İlqar Fəhminin "Yenilməz" romanı işıq üzü görüb
15.02.21
Tural Turan - Sazaqlı şaman ruhu
15.02.21
“Əbdürrəhim bəy Haqverdiyev arxivindən nümunələr” kitabı çapdan çıxıb
15.02.21
İsmayıllı və Sabirabad Regional Mədəniyyət idarələrinə rəis təyin edilib
15.02.21
Vüqar Əhmədin yeni monoqrafiyası nəşr olunub
15.02.21
Misirdə Azərbaycan rəssamlarının əsərlərindən ibarət sərgi açılıb
15.02.21
Azərbaycan vokalçıları Mariinski Teatrının səhnəsində
15.02.21
Nizami Gəncəvinin 880 yubileyi münasibətilə konfrans təşkil edilib
13.02.21
Fotojurnalistika müsabiqəsi elan olunub
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.