Qurban Yaquboğlu - "Əqrəbləri itmiş saat kimiyəm..."
07.02.14

Vaxtın necə ötüb keçdiyini biz dost-tanışlarımızın yaşa dolmasından daha aydın hiss eləyirik. Əlisəmid Kürün 60-a çatdığını eşidəndə diksindim - doğrudanmı, zamanının lap yekə saatının ən böyük əqrəbi artıq bu rəqəmin üzərində dayanıb? İnanmaq çətindi.

İnsan həyatının iki mərhələsində tez-tez "saata baxır", illəri sayır - bir yeniyetməlikdə, bir də qocalana yaxın. Birində tələsir, o birində ləngimək istəyir. Lap ləngimək istəməsə belə, naməlum finişin həyəcanından qurtula bilmir.

Əlisəmidin üzünə baxanda, dedim, hə, heç demə, hər şey ötüb keçirmiş və ümidlər bu relsdə heç nəyə qadir deyilmiş.

"Mənalı yaşamaq" öhdəliyi və ya təsəllisi haqda şablon deyimi, zaman ötdükcə, mən qəbul eləməyə başlayıram. Özü də söhbət təkcə emosional yaşantılardan - böyük sevgidən, dünyadan və həyatdan alınan zövqdən, duyğusallıqdan, qəzəbin və hissin qoyduğu pozulmaz izlərdən getmir. Mənalı yaşamaq anlayışında bunlar da var, amma bunlar hamısı yetərli sayılmır.

Həyatın və dünyanın sonu haqda dinin, elmin, fəlsəfənin, təfəkkürün çarpışmalarını, bitib-tükənməyən məlum polemikanı kənara qoyub bir tutalqadan yapışacam. Axı, insanda əbədiyyət hissi var və bu, fitrətdən gəlir. Yəni insan təkcə ölümün özündən - onun əzablarından, gətirəcəyi xəstəlikdən qorxmur, həm də tamam yox olub heçliyə qovuşmaqla razılaşmır...

Nə isə. Söhbəti dolandırmayaq. Üçcə gün öncə Əlisəmid Kürlə kiçik məclisdə bir yerdə eyni emosiyanı bölüşdük və bu, deyəsən, uzun illərdən sonra (15 ilə yaxın!) onunla, bu əziz insanla bizim eyni süfrə arxasında əməlli-başlı oturub ilk çörək kəsməyimiziydi. Birdən diksindim. Axı, 20-25 il qabaq bu məclisdə oturanların bəlkə də, hamısıyla bu həndəvərdə beləcə bir küncə çəkilib elə beləcə də eyni mövzularda söhbət edirdik.

Mövzu dəyişməyib, ancaq emosiyalar dəyişib, üzlər, jestlər başqalaşıb.

Əlisəmid Kür bir misralıq şeirinin tarixçəsini həmin məclisdə danışdı.

Deyir, bir yasda qəfildən qarşıma şair Oqtay Rza çıxdı. Baxdım ki, gözləri yaşla dolub. Özümü saxlaya bilmədim ona qoşuldum.

Bir misralıq şeir belədi: "Sənin göz yaşına baxıb ağladım".
Həyatın mənalı keçib-keçmədiyi haqda şablon yanaşmanın təkrarı olsa da deyim: Bu misranı yaza bilmiş şair haqda "O, bihudə yaşadı" fikrini işlətmək olarmı?

Əlisəmidin çox xoşladığım başqa bir şeiri də var. Həmin məclisdə dilindən eşitdik. Bütövlükdə bura köçürürəm:

Əqrəbləri itmiş saat kimiyəm,
Vaxt ölür, çökür içimdə.
Cin çapmış at kimiyəm,
Qan-tər içindəyəm, anam, qan-tər içində.
Zaman dolaşıq nər qovğasında,
Şeytan-mələk davasında
Ürəyim əlimdən gedir.
Çırpınır qollarım qoynumda
Günüm qan-tər içində, anam, gecəm qan-tər içində.

Bu əlim, bu da lal dilim,
Sözü xəmir kimi yoğuran dilim,
Cadar-cadar, dilim-dilim
Söz əkib becərən dilim...
Dilim qan-tər içində, anam, sözüm qan-tər içində...

Alnımın qırış yerindən taleyin çaparı keçir.
Bu yurdun sevər yerindən
Bir ölüm qatarı keçir.
Elim qan-tər içində anam, obam qan-tər içində.

Toxtayıb səbrimdın asıldım,
Buğlanıb ruhumdan asıldım,
Can hanı? Qəbrimə qısıldım -
Öldüm qan-tər içində, anam, söndüm qan-tər içində!  

Hələ qarşı illərdə də görüşəcəyik, Kür! Çünki biz əbədiyyətə və həyatın mənası haqda hökmə inanan adamlarıq. /teleqraf.com/

Yenililklər
13.04.21
Təranə Vahid - Qasırğa
10.04.21
Xəzər Universitetində Fransız dili bayramı
06.04.21
“Hədəf Nəşrləri” müəllif tenderi elan edir
30.03.21
Tanınmış kinoşünas Aydın Kazımzadənin yeni kitabı işıq üzü görüb
30.03.21
“Böyük Qayıdış” qısametrajlı bədii, sənədli və animasiya film layihələri müsabiqəsinə sənəd qəbulu başa çatıb
30.03.21
Təranə Vahidin “Qarışqa təqvimi” Türkiyədə çap olunub
30.03.21
Qalib Şəfahətin "hekayələr kitabı Türkiyədə işıq üzü görüb
11.03.21

“Azərbaycan ədəbiyyatşünaslığı” jurnalının növbəti sayı çap olundu

09.03.21
Emil Rasimoğlu -  Tor qurub işıq dirəklərinə Tanrı...
08.03.21
Qadınlarımızı bəşəri sevgi ilə şərəfləndirən 8 Mart ucalığı
08.03.21
Erməni generalını boğan şəhid haqqında roman - İlk hissə
05.03.21
Əbdürrəhim bəy Haqvеrdiyеvin “Mоzalanbəyin səyahətnaməsi” əsərinin ifşaedici gücü
03.03.21
“Azərbaycan Nəşriyyatları” İctimai Birliyi yaradıldı
26.02.21
Səxavət Sahil - İsa kimi Xocalı
26.02.21
Vətən müharibəsi memorial kompleksi və Zəfər muzeyi fondunun ilk eksponatları təqdim olunub
25.02.21

Azərbaycan kitabları Fransa Milli Kitabxanasında

25.02.21
Nəcəf bəy Vəzirovun “Dələduz” pyesində dövrün həqiqətləri
24.02.21
Görünməyən mötərizələr – Fərid Hüseyn Salam Sarvanı tənqid etdi
24.02.21
“Əlyazmalar yanmır” jurnalının növbəti nömrəsində
23.02.21
Xalq artisti Yalçın Rzazadə vəfat edib
22.02.21
Nizami Gəncəvinin 880 illik yubileyinə həsr olunmuş beynəlxalq xalça eskizi müsabiqəsi elan edilib
19.02.21
Nizami Gəncəvinin 880 illiyi münasibətilə İspaniyada xüsusi poçt markaları dövriyyəyə buraxılıb
19.02.21
Mədəniyyət Nazirliyi işğaldan azad olunmuş ərazilərdə tarix və mədəniyyət obyektlərinin vəziyyətinə dair məlumat yayıb
19.02.21
Aşıq Ələsgərin 200 illik yubileyi qeyd ediləcək
18.02.21

“İzahlı dini terminlər lüğəti” nəşr olunub

18.02.21
Xalq şairi Nəriman Həsənzadə “İstiqlal” ordeni ilə təltif edildi
18.02.21

Prezident İlham Əliyev Nəriman Həsənzadəni 90 illik yubileyi münasibətilə təbrik edib

16.02.21
Paşa Talıblı - Mənim şeirlərim başsağlığıdı...
16.02.21
Sabir Rüstəmxanlı yaradıcılığı haqqında monoqrafik tədqiqat
16.02.21
Mədəniyyət naziri ölkəmizdə fəaliyyət göstərən televiziya kanallarının rəhbərləri ilə görüşüb
16.02.21
İlqar Fəhminin "Yenilməz" romanı işıq üzü görüb
15.02.21
Tural Turan - Sazaqlı şaman ruhu
15.02.21
“Əbdürrəhim bəy Haqverdiyev arxivindən nümunələr” kitabı çapdan çıxıb
15.02.21
İsmayıllı və Sabirabad Regional Mədəniyyət idarələrinə rəis təyin edilib
15.02.21
Vüqar Əhmədin yeni monoqrafiyası nəşr olunub
15.02.21
Misirdə Azərbaycan rəssamlarının əsərlərindən ibarət sərgi açılıb
15.02.21
Azərbaycan vokalçıları Mariinski Teatrının səhnəsində
15.02.21
Nizami Gəncəvinin 880 yubileyi münasibətilə konfrans təşkil edilib
13.02.21
Fotojurnalistika müsabiqəsi elan olunub
12.02.21
Gənc və yeniyetmələr üçün növbəti rəsm müsabiqəsi elan olunub
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.