Kənan Hacı - Soyuq adamların havası
25.02.14

Bir azdan yer qışın ayağı altından qaçacaq. Külək də, şaxta da hayına çatmayacaq. Hələ ki, saqqal ələ vermək istəmir, hələ ki, meydan onundu. Bulud-bulud karvanlarıyla göyü tutub qalıb. Hələ ki, qışın soyuq silahları kəsərdən düşməyib. Bulaqlar səsini qısıb, vaxtını-vədəsini gözləyir.
 
Arada hava elə isinir ki, düşünürsən qış yazla görüşmək, yerini ona verib getmək istəyir. Özünü ən yaşlı məhbus kimi aparır; yorğun, hövsələsiz, narahat… Qış fəsillər içində ən yaşlı məhbusdu. Qarda, yağışda dizə çıxan palçıq, lil onun üzə vuran kədəridi. Qış səxavət kisəsini açanda düzü-dünyanı bolluca qara bürüyür. Qoca, xəstə və kasıb adamlar qışı heç sevməzlər. Onlar üçün qışın bir rəngi var – qara. Böyük Şəhriyar yazırdı ki, “yenə qara qışın qeydi alıb canımı”.
 
Ayın əvvəli şəhərə bolluca qar yağdı. Evimizin yaxınlığındakı balaca park qarın altında qaldı. Evdə darıxdığımdan həyətə düşdüm və gördüm ki, parka qulluq edən qoca bel götürüb parkın yolunu təmizləyir, qarı kürüyür. Yanaqları soyuqdan allanmış yaşlı bir kişi isə əlindən tutduğu balaca oğlan uşağıyla birgə (yəqin ki, nəvəsiydi, ona qarın sevincini yaşatmaq istəyirdi) asta-asta parka doğru gəlirdilər. Qocayla salamlaşdım, başını qaldırmadan salamımı aldı və bellə skamyanın üstündəki qarı kürüməyə başladı. Baba və nəvə yaxınlaşdılar.
 
-Ay kişi, qarın gözəlliyini niyə pozursan? Bu qar onsuz da əriyib gedəcək, qoy təzə-tər qalsın da, - deyə baba qar təmizləyən qocanı məzəmmət elədi.
 
Qoca “skamyanı təmizlədim ki, bəlkə oturmaq istədiniz” dedi. Baba başını bulayıb heyfsiləndi. “Mən elə bu qarın üstündə oturacaqdım” dedi.
 
Geyimindən elə də varlı adama oxşamırdı, amma qarın gözəlliyini yaşamaq, nəvəsinə də bu sevinci bəxş etmək istəyirdi. Bu xırda əhvalatı heç unuda bilmirəm. Qışdan giley-güzar edənlər elə yayın qora bişirən qızmarında da istidən dad edib yaxa yırtırlar. Çeynənməkdən dadı qaçmış bir ifadə var – təbiət bütün fəsillərdə gözəldir. Biz təbiətdən o qədər uzaq düşmüşük ki, qar, şaxta, çovğun bizə fəlakət kimi görünür. Bir dəfə yazmışdım, təbiət öz sözünü yağışıyla, qarıyla, daşqınlarıyla deyir. O sözdən qorxmaq yox, o sözü anlamaq və sevmək lazımdı. Diqqətlə qulaq as, gör külək nə deyir, qaralan bulud da sözlü adam kimidi; sinəsi doludu. O da sözünü yağış şəklində deyir.
 
Öz içinin havası olmayanlar həmişə havalardan gileyli olurlar. “Dəhşət soyuqdu”, “yaman istidi”, “bu külək də zəhləmizi tökdü” və sair bu tipli sözlərlə çox vaxt ətrafdakı adamların zəhləsini tökürlər. Onlar öz içlərindəki havasızlıqdan boğulurlar, darıxırlar, bəlkə də bu havasızlığın heç fərqində deyillər. Eləcə bu dünyanın havasıyla yaşayırlar… Hava proqnozu onların ovqatını tez təlx edir. Onlar bu dünyanın havasını ovuclayanda əlləri boşa çıxdığı kimi insanların da havasını tuta bilmirlər. Ona görə həmişə darıxırlar… Onlar heç vaxt anlaya bilməz ki, insanın da içində külək əsə bilər, dolmuş bulud ola bilər, insanın içində də Günəş doğar, ay batar…
 
İndi adamlar havalar kimi soyuqdu…
/publika.az/

Yenililklər
13.04.21
Təranə Vahid - Qasırğa
10.04.21
Xəzər Universitetində Fransız dili bayramı
06.04.21
“Hədəf Nəşrləri” müəllif tenderi elan edir
30.03.21
Tanınmış kinoşünas Aydın Kazımzadənin yeni kitabı işıq üzü görüb
30.03.21
“Böyük Qayıdış” qısametrajlı bədii, sənədli və animasiya film layihələri müsabiqəsinə sənəd qəbulu başa çatıb
30.03.21
Təranə Vahidin “Qarışqa təqvimi” Türkiyədə çap olunub
30.03.21
Qalib Şəfahətin "hekayələr kitabı Türkiyədə işıq üzü görüb
11.03.21

“Azərbaycan ədəbiyyatşünaslığı” jurnalının növbəti sayı çap olundu

09.03.21
Emil Rasimoğlu -  Tor qurub işıq dirəklərinə Tanrı...
08.03.21
Qadınlarımızı bəşəri sevgi ilə şərəfləndirən 8 Mart ucalığı
08.03.21
Erməni generalını boğan şəhid haqqında roman - İlk hissə
05.03.21
Əbdürrəhim bəy Haqvеrdiyеvin “Mоzalanbəyin səyahətnaməsi” əsərinin ifşaedici gücü
03.03.21
“Azərbaycan Nəşriyyatları” İctimai Birliyi yaradıldı
26.02.21
Səxavət Sahil - İsa kimi Xocalı
26.02.21
Vətən müharibəsi memorial kompleksi və Zəfər muzeyi fondunun ilk eksponatları təqdim olunub
25.02.21

Azərbaycan kitabları Fransa Milli Kitabxanasında

25.02.21
Nəcəf bəy Vəzirovun “Dələduz” pyesində dövrün həqiqətləri
24.02.21
Görünməyən mötərizələr – Fərid Hüseyn Salam Sarvanı tənqid etdi
24.02.21
“Əlyazmalar yanmır” jurnalının növbəti nömrəsində
23.02.21
Xalq artisti Yalçın Rzazadə vəfat edib
22.02.21
Nizami Gəncəvinin 880 illik yubileyinə həsr olunmuş beynəlxalq xalça eskizi müsabiqəsi elan edilib
19.02.21
Nizami Gəncəvinin 880 illiyi münasibətilə İspaniyada xüsusi poçt markaları dövriyyəyə buraxılıb
19.02.21
Mədəniyyət Nazirliyi işğaldan azad olunmuş ərazilərdə tarix və mədəniyyət obyektlərinin vəziyyətinə dair məlumat yayıb
19.02.21
Aşıq Ələsgərin 200 illik yubileyi qeyd ediləcək
18.02.21

“İzahlı dini terminlər lüğəti” nəşr olunub

18.02.21
Xalq şairi Nəriman Həsənzadə “İstiqlal” ordeni ilə təltif edildi
18.02.21

Prezident İlham Əliyev Nəriman Həsənzadəni 90 illik yubileyi münasibətilə təbrik edib

16.02.21
Paşa Talıblı - Mənim şeirlərim başsağlığıdı...
16.02.21
Sabir Rüstəmxanlı yaradıcılığı haqqında monoqrafik tədqiqat
16.02.21
Mədəniyyət naziri ölkəmizdə fəaliyyət göstərən televiziya kanallarının rəhbərləri ilə görüşüb
16.02.21
İlqar Fəhminin "Yenilməz" romanı işıq üzü görüb
15.02.21
Tural Turan - Sazaqlı şaman ruhu
15.02.21
“Əbdürrəhim bəy Haqverdiyev arxivindən nümunələr” kitabı çapdan çıxıb
15.02.21
İsmayıllı və Sabirabad Regional Mədəniyyət idarələrinə rəis təyin edilib
15.02.21
Vüqar Əhmədin yeni monoqrafiyası nəşr olunub
15.02.21
Misirdə Azərbaycan rəssamlarının əsərlərindən ibarət sərgi açılıb
15.02.21
Azərbaycan vokalçıları Mariinski Teatrının səhnəsində
15.02.21
Nizami Gəncəvinin 880 yubileyi münasibətilə konfrans təşkil edilib
13.02.21
Fotojurnalistika müsabiqəsi elan olunub
12.02.21
Gənc və yeniyetmələr üçün növbəti rəsm müsabiqəsi elan olunub
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.