-Bildiyiniz kimi layihəmizin əsas məqsədi “BSU Yaradıcılıq Fakültəsi”ndə təhsil alan gənc yazarların yaradıcılığı ilə tanışlıqdır. "Tanıyaq və Tanıdaq" adlı bu layihə sizə xidmət edir. Buyurun özünüzü təqdim edin?

- Eliko - Elnur Əlizadə. Bakı şəhərində doğulmuşam. Yaradıcılıq uğurlarım əsasən replə bağlıdır. Hal-hazırda isə, ilk romanımın üzərində işləyirəm.

- Bu nüans çox maraqlıdır. Bu gün gənclər ədəbi camiəyə addım atan kimi roman yazmağa başlayır. Bu nə dərəcədə düzdür?

- Belə deyək də, hərənin öz düşüncəsi, öz dünyaya baxış tərzi var. Məncə bu gün gəncləri daha çox roman yazmaq düşündürür. Məni də həmçinin.

- Romanın məzmunu ilə bağlı sual verməyəcəm, hər halda bu gələcəyin məhsulu sayılır. Keçək digər suallara. “BSU Yaradıcılıq Fakültəsi”nə gəlişiniz necə oldu?

- Yaradıcılıq fakültəsinə gəlişim ədəbiyyata olan marağım sayəsində oldu.  Bildiklərimi və bilmək istədiklərimi daha düzgün öyrənmək üçün gəldim.

- Fakültədən gözlədiklərinizi ala bildinizmi?

- Gözlədiyimi aldım. Hal hazırda da öyrənməyə davam edirəm.

- Eliko bu gün ədəbi aləmə atılaraq nə etmək istəyir?

- Əslində belə deyimdə, rep mənə çox şeydə kömək oldu. əvvəllər kitaba o qədər də marağım yox idi. Düşünürdüm ki, yazacağım yazıları çox adam oxumayacaq. Amma yazdığım repləri dinləyən çox idi. Məni dəstəkləyən insanlara fikirlərimi replə çatdıra bilirdim. İndi onlarda yaradıcılığımla bağlı yeni fikirlər formalaşdırmaq istəyirəm. Hal-hazırdakı gənclərin düşüncə tərziilə razı deyiləm. Buna görə də indi fikirləri həm replə həm də ədəbiyyatımla öz tərəfimə çəkməyə çalışıram.

- Bacarmaq gücü neçə faizdir?

- Məncə 100 olar.

- Qaraqanı necə, oxuyursunuz?

- Bəli. Onu gənclər arasında ən çox oxunan yazıçı kimit anıyıram.

- Bəlkə sizin də repdən ədəbiyyata atılmanızda onunr olu var?

- Yox, yaradıcılığımda onun rolu yoxdur. Mən yazmağa başlayanda Qaraqanı sadəcə reper kimi tanıyırdım.

- Ədəbi gəlişmələr ilə maraqlanırsız?

- Xeyir, maraqlanmıram...

- Bəs ədəbiyyatın inkişafı ilə necə?

- Müasir ədəbiyyatımızın yaşı çox azdır. Mənim fikrimə görə hələ tam formalaşmayıb. İnkişafı gələcəkdə görürəm.

- Dünya ədəbiyyatında size cəlb edən hansıi mzalar var?

- Bizim cəmiyyətdə belə bir fikir var ki, kim hansı imzanı daha çox oxuyursa deməli o, daha fərqlidir. Orxan Pamuku daha çox bəyənirəm.

- Qaraqan və Orxan… İmzanızı hansı tərzdə görürsüz?

- Avropa tərzində…

- Təki elə olsun. Yaradıcılığınızdan balaca bir nümunə istəsəm?

- Hal-hazırda böyük proekt üzərində çalışıram. Balaca nümunəm yoxdur.

- Söhbətə görə təşəkkürlər!

- Sizə də təşəkkürlər!

Söhbətləşdi: Ramilə Qardaşxanqızı