13 saylı orta məktəb gənc yazar Əfsanə Laçınla görüş keçirilib
16.04.14
Yazıçılar Birliyinin Müəllif Hüquqları Bürosunun rəhbəri şair Nazim Əhmədlinin təşəbbüsü ilə ədəbi görüşlər silsilə tədbirlərinə start verilib. Yeni dərs ilini də əhatə edəcək tədbirlərin məktəblərdə, kollec və universitetlərdə keçirilməsi nəzərdə tutulub. Məqsəd gənc nəslin ədəbiyyata olan marağını artırmaqdır. Layihə Mədəniyyət və Turizim Nazirliyinin dəstəyi ilə həyata keçirilir.
İlk tədbir 13 saylı orta məktəbə keçirildi. Belə ki, 16.04.2014-cü il tarixində kiçikyaşlı məktəblilərin uşaq yazarı Əfsanə Laçınla görüşü təşkil olundu. Yazar yaradcılıq nümunələrindən “Ayılar”, Ağ dovşanlar” “İlkin üçün”, “Anamın ad günü” şeirlərini, “Uzun adamın nağılı” “Balaca qaya”, “Tikanlı kol” hekayələrini səsləndirdi. Yazarla kiçikyaşlı məktəblilər arasında maraqlı diskusiya yarandı. Onlar birlikdə səslənən nağılları müzakirə etdilər. Tədbirə rəngarənglik qatmaq məqsədi ilə şair Nazim Əhmədli də öz yaradıcılığından bir neçə şeir oxudu.
Eyni zamanda Efsanə Laçın 2006-cı ildə işıq üzü görən “Bir damcı” ürək” şeirlər kitabını məktəbin pedoqoji kollektivinə hədiyyə etdi.
Tədbirin sonunda məkdəbin direktoru Rəfiqə Məmmədova gələn qonaqlara minnətdarlığını bildirdi. Belə tədbirlərin mütəmadi olaraq keçirilməsinin tərafdarı olduğunu vurğuladı.
|