"Qanun" nəşrlər evindən doqquz yeni kitab
20.05.14


"Qanun" nəşrlər evi Cingiz Abdullayevin və 
Con Maksvell Kutzeenin doqquz yeni kitab çap edib. Aşağıda kitablar haqqında ətraflı məlumat verilib.













Çingiz Abdullayev - NAMƏRDİN ÜSLUBU

Biznes başçıları və satqın siyasətçilər Rusiyanın bitib-tükənməz sərvətlərini hərraca çıxararsa, daha onların gözünə heç nə görünməz. İnsan ovu, kobud oğurluqlar, həyasız yalan və qəddar qətllər, dövlət sərhədləri tanımayan casus şəbəkəsi – qarşıya qoyulmuş məqsədlər üçün istənilən üsullar yarayar. Amma hər zaman namərdlərin yoluna onların fitnə-fəsadından qorxub-çəkinməyən kəslər də çıxır. «Tək əldən səs çıxmaz…» – nə olar, baxarıq, qərarı müstəqil ekspert Dronqo verəcək…

Bakı, Qanun Nəşriyyatı, 2014
“Əli və Nino” Nəşriyyatı, 2014, 328 səhifə, 2000 tiraj
Ruscadan tərcümə: Ruhiyyə Məmmədova
Nəşriyyat redaktoru: Nəzirməmməd Zöhrablı



Çingiz Abdullayev - QANİÇƏNLƏR AYNASI

Qəribə sui-qəsd və ölüm hadisələri paytaxtda əks-səda yaratmışdır. Bu hadisələrin qəribəliyi onların peşəkar tərəfindən törədildiyilə bağlı deyildi. Maraq doğuran səbəb qurbanların seçilmə üsulu idi. Axı məşhur teleaparıcı və tanınmış iş adamını bir-biri ilə nə birləşdirə bilərdi? Bəs, onsuzda susmağa hazır olan şahidləri aradan götürmək kimə lazım idi?.. Elə bu anda hadisələri araşdırmağa hazır olan cavan jurnalist meydana çıxır. Bütün suallara canı bahasına belə cavab tapmağa razı olan insan. Hətta ölümə meydan oxumağa qadir olan şəxs. Bütün bunlara baxmayaraq suallar azalmır, əksinə, hər şey nə qədər aydın olsa da, bir o qədər də əlçatmaz olur...

Bakı, Qanun Nəşriyyatı, 2014
“Əli və Nino” Nəşriyyatı, 2014, 440 səhifə, 2000 tiraj
Ruscadan tərcümə: Ülviyyə Ağayeva
Redaktor: Rövşən Hacıbəyli

 

Çingiz Abdullayev - MƏHŞƏR AYAĞINDA


O – çox riskli bir peşə sahibidir.
Yadlar arasında doğma, doğmalar arasında yaddır, o, ömrü boyu “uydurma tərcümeyi-halla” yaşayır. Təhlükə və yalan içində ömür sürür.
O – xarici kəşfiyyatda bacarıqla yüksək zirvələri fəth etmiş adamdır. Ən çətin tapşırıqları yerinə yetirən supercasusdur. O  – hər gün rastlaşdığı ölümlə oynayan həssas oyundaşdır. Lakin o, sonadək – qələbə qazananadək oyun meydanındadır...

Bakı, Qanun Nəşriyyatı, 2014
“Əli və Nino” Nəşriyyatı, 2014, 428 səhifə, 2000 tiraj
Ruscadan tərcümə: Günel Qədirli
Nəşriyyat redaktoru: Kənan Hacı



Çingiz Abdullayev - QAZANILMIŞ CƏHƏNNƏM


O – peşəsi ölümlə həssas oynamaq qabiliyyətinə malik olan insandır. Qələbə qazananadək oynamaq! O – Rusiya xarici kəşfiyyatının super agentlərindən biridir. O – həlledilməz olanları həll etmək bacarığına malikdir.
İndi o, yeni bir tapşırıq alıb. Təhlükəli tapşırıqdır. Amma o, təhlükəni bir çox illərdir ki, gündəlik adi işlərindən biri kimi qəbul edir. Üstəlik, bu tapşırıq həm də qəribədir. Həm də qeyri-adidir. Həm də, sadəcə, olaraq vacib yox –  demək olar ki, həyatının ən vacib tapşırığıdır...

Bakı, Qanun Nəşriyyatı, 2014
“Əli və Nino” Nəşriyyatı, 2014, 444 səhifə, 2000 tiraj
Ruscadan tərcümə: Sədaqət Əhmədova
Nəşriyyat redaktoru: Kənan Hacı




Con Maksvell Kutzee - BARBARLARI GÖZLƏYƏRKƏN  
 

Romanın baş qəhrəmanı – imperiyanın sərhədində otuz il ömür sürmüş hakim, barbarların üsyana qalxıb hökmranlarına yaxşı dərs verməyini arzu etsə də, əsərin sonunda öz seçimini edir və sivilizasiyadan imtina edərək barbarlara yaxın bir həyat tərzi sürməyə başlayır. Beləliklə, o öz vicdanı ilə barışır, çünki sivilizasiyanın içində yaşamaq ona utanc gətirirdi...
Con Maksvell Kutzeenin 1980-ci ildə işıq üzü görən «Barbarları gözləyərkən» romanı cəmiyyəti nəzarət altında saxlamaq üçün uydurulmuş düşmənlərdən bəhs edir. Kutzee köləliyin psixologiyasını anlamağa, şüurun «yox» sözünü deməyə mane olan qanunlarını dərk etməyə çalışır. O, köləliklə könüllü itaət arasında böyük fərq olduğunu nəzərə çarpdırır. Köləlik insanı alçaldır, könüllü itaət isə ruhi yüksəliş, insanın öz üzərindəki zəhmətinin məhsuludur. Kölələr üsyan arzusu ilə yaşayırlar, həyata öz iradələri ilə boyun əyənlər isə öz mənəvi-əxlaqi seçimlərini edir və sakit vicdanla yaşayırlar. Zülmə məruz qalmış hər insan qul sayıla bilməz.

Bakı, Qanun Nəşriyyatı, 2014, 264 səh., 1000 tiraj
İngiliscədən tərcümə: Ülkər Nəsibbəyli




Con Maksvell Kutzee - GƏNCLİK


“Gənclik” romanındakı Kutzee obrazı xoşagəlməz, hətta əxlaqsız bir insan kimi üçüncü şəxsin dilindən təsvir olunur. Romanda ondan özünənifrət və ambisiyalar arasında çırpınan insan kimi bəhs olunur. İlk baxışdan bu roman Tolstoyun “Gənclik”ini xatırladır. Tolstoy da Kutzee kimi özünü ifşa edir.
Oxucu bu avtobioqrafik əsərdə, doğrudan da, gəncliyi tapır. Lakin bu romanda təsvir olunanlar bədii əsərlərdə əksini tapan ənənəvi sevinc dolu, nəşəli gənclikdən çox uzaqdır. Kutzeenin qələmə aldığı gənclik həqiqətə daha yaxındır. Romanın əsas qəhrəmanı – Conu narahat edən mövzular barədə bütün insanlar həyatlarında bir dəfə də olsa, düşünüblər, məsələn, doğulduğun yerdən qaçmaq arzusu, nəyi səhv etdiyi barədə bitib-tükənməz suallar, iki ali təhsilə rəğmən münasib iş tapa bilməyin nigaranlığı. Kutzee bu əsərində də son dərəcə amansızdır: o, heç nədən çəkinmədən “gəncliyin mübarizəsinin” real mənzərəsini yaradır. Baş qəhrəman öz yöndəmsizliyindən qurtulub cazibədar bir insana çevrilə bilmir, lakin Kutzee nə etməli olduqları barədə heç bir təsəvvürləri olmayan, həyatlarını ədəbiyyata həsr edən gənclərin tərəddüdlərini və qarşısında dayandıqları dilemmanı ustalıqla təsvir edə bilir.
Con Maksvell Kutzeenin «Gənclik» romanında 1959-cu ildən 1964-cü ilə qədər olan dövr və Kutzeenin Londondakı həyatından bəhs edilir. Bu əsər, nəhayət ki, oxucuya müəllif barədə məlumat verə, yazıçının özünü işıqlandırması hesab oluna bilərdi. Lakin «Gənclik»i «bədii nəsr əsəri» kimi təqdim etməklə Kutzee yenə də oxucunu çaşdırır.
 
Bakı, Qanun Nəşriyyatı, 2014, 216 səh., 1000 tiraj
İngiliscədən tərcümə: Ülkər Nəsibbəyli



Con Maksvell Kutzee - MAYKL  K.-nın  HƏYATI  VƏ  ZƏMANƏSİ   

Con Maksvell Kutzeenin romanlarının baş qəhrə­manları, bir qayda olaraq, adi insanlardır: uzaq əyalətdə məskunlaşmış məmur, həyatı ucqar bir kənddə bağ evi ilə məhdudlaşan qadın, yaxud cəmiyyətin artığı, şikəst bədbəxt bir qız. «Maykl K.-nın həyatı və zəmanəsi» romanının baş qəhrəmanı Maykl K. da bu qəbildəndir. Belə insanlar mümkün qədər ətrafındakı adamlara, özlərinə edilən zülmü görməməyə çalışırlar. Onlar şər əməllərin iştirakçısı olmaqdan çəkinsələr də, bu aqibətdən yayına bilmirlər: passivlik, iradəsizlik humanizm üçün pis sığınacaqdır.
Talesiz ideal qəhrəman olmaqla Maykl cəmiyyətə qarşı çıxmır, sadəcə, kənara çəkilir. O, adi insani təsəvvürlərdən, tarixdən, mənəviyyatdan kənarda yaşayır. Nə yeyir, nə içir, yuxu bunların hamısını əvəz edir. Kutzeenin fikrincə, Mayklı ən aşağı pillədə tam azadlıq gözləyir. Fərdiliyini itirməklə, şəxsiyyət olmaqdan imtina etməklə insan azadlığa nail olur...
«Maykl K.-nın həyatı və zəmanəsi» Kutzeenin Buker mükafatına layiq görülən ilk əsəridir.

Bakı, Qanun Nəşriyyatı, 2014, 240 səh., 1000 tiraj
İngiliscədən tərcümə: Ülkər Nəsibbəyli



 
Con Maksvell Kutzee - RÜSVAYÇILIQ


Con Maksvell Kutzeenin «Rüsvayçılıq» romanının baş qəhrəmanı Devid Louri azadlığa doğru uzun bir yol gedir. O öz təbiətinin qəribəlikləri, bütün intellektuallara xas olan yaradıcılığa meyilliliyi ilə mübarizə aparmalı olur. Lakin Devid Louri bu yolu axıra qədər gedərək, bütün bəraətlərdən, ümidlərdən, axtarışlardan imtina edir. CAR-ın 1990-cı illərin sonuna təsadüf edən tarixindən silinmək mümkün olmasa da, tarixi təbiətlə bərabər tutmaq, onu həyatın bir hissəsi kimi qəbul etmək olar. Bu işdə Devidə qızı Lüsi kömək edir. Devid Louri öz rüsvayçılığını rasional düşüncə ilə dərk etməyə, bu və ya digər fikirlə əlaqələndirməyə çalışırsa, qızı ona, sadəcə, bu hadisə ilə barışıb yaşamağı öyrədir...
Kutzee ikinci dəfə Buker mükafatına «Rüsvayçılıq» romanına görə layiq görüldü.

Bakı, Qanun Nəşriyyatı, 2014, 296 səh., 1000 tiraj
İngiliscədən tərcümə: Ülkər Nəsibbəyli



  
Çak Palanik - DÖYÜŞÇÜ KLUBU

 
Bu roman ötən əsrin 90-cı illərində yazılmış ən yaxşı, ən qalmaqallı əsərlərdəndir.
İstehlakçı cəmiyyətdən və Amerika mədəniyyətindəki mərdlik anlayışının dəyişməsindən getdikcə daha çox narazı qalan baş qəhrəman bu durumla mübarizə apar­­maq qərarına gəlir. Bunun üçün radikal psixo­te­ra­piya yolunu seçərək gizli döyüşçü klubu yaradır.
Siz bu kitab əsasında çəkilmiş “Döyüşçü klubu” fil­mi­nə baxmısınızmı? O zaman bu kitabı da oxumanızı töv­si­yə edirik.

Bakı, Qanun Nəşriyyatı, 2014. 268 səh., 1000 tiraj
Ruscadan tərcümə: Fizzə Heydərli
Redaktor: T. Bədəlova


Avanqard.net

Yenililklər
02.12.21
“Məhəmməd İqbal: Eşq və düşüncə şairi” kitabı nəşr olunub
02.12.21
“Vərqa və Gülşa” miniatür əlyazmasında yer alan illüstrasiyaların nəşr edildiyi kitabın təqdimatı olub
02.12.21
Bölgələrə kitabla gəlirik! – Şəmil Sadiqin yazısı…
01.12.21
“Aşıq sənətinin Ələsgər zirvəsi” mövzusunda beynəlxalq elmi konfrans keçirilib
27.11.21
Kənan Hacı - Yazı sənətinin tarixi
24.11.21
Təranə Vahidin “Qarışqa təqvimi” çap olunub
23.11.21
Muni Vitçer - Altıncı Ayın qızı Nina    
23.11.21
İlk dəfə olaraq “Arı” və “Mirat” satirik jurnalları transfoneliterasiya edilərək yeni əlifbada toplu halında nəşr edilib
22.11.21
Cəmşid Cəmşidovun tərcüməsində Muni Vitçerin əsəri çap olundu
22.11.21
Turan Yazqan: Türk dünyasının səsi
17.11.21
“Nizami Gəncəvi sözünün orbitində” kitabının təqdimatı keçirilib
17.11.21
Türkiyənin məşhur şairi Sezai Karakoç vəfat edib
17.11.21
“Nizami Gəncəviyə məktub” beynəlxalq esse müsabiqəsi elan olunur
17.11.21
Elçin Hüseynbəylinin “Vida” romanı çap olunub
17.11.21
BAFTA qısa filmləri Bakıda nümayiş olunacaq
11.11.21
“Nizami Gəncəvinin poetik portreti” kitabı nəşr olunub
11.11.21
“Şərq irsi” adlı Beynəlxalq Müasir İncəsənət Sərgisi açılacaq
08.11.21
Kənan Hacı - Ekspress qatarında eksperimental mozaika
08.11.21
Fəxri Uğurlu - Klassikanı diri saxlamaq
08.11.21
"Şuşa" sənədli filminin təqdimatı olub
08.11.21
4+4: rəqəmsal namə
08.11.21
İsfar Sarabski Parisdə iki gün konsert verib
05.11.21
“Hədəf Nəşləri”nin təsisçisi Şəmil Sadiqin ƏDV ilə bağlı müzakirələrə əlavə və dəyişiklərlə bağlı təklifləri
05.11.21
Kənan Hacı - Yazıçılarımız nəyi bacarmır?
04.11.21
Qələbə ilə bitən ilk roman
04.11.21
Ədəbiyyat İnstitutunda Məhəmməd İqbalın “Seçilmiş əsərləri”nin təqdimatı keçirilib
04.11.21
Azad Qaradərəli - Qara sevda
03.11.21
"Qarabağın qara kitabı" və "Qarabağ - qələbəyə doğru" kitablarının təqdimat mərasimi keçirilib
03.11.21
Kənan Hacının “Hakimə açılan atəş” romanı oxucularıın böyük marağına səbəb olub
02.11.21
“Şuşa, sən azadsan!” və “Biz” filmləri təqdim olunacaq
02.11.21
Rusiyanın Tretyakov Qalereyasında Tahir Salahovun sərgisi açılıb
02.11.21
Şamaxıda Yaradıcılıq Mərkəzi istifadəyə verilib
01.11.21
Altı əsr yaşı olan xalça 5,4 milyon dollara satışa çıxarılacaq
01.11.21
Nizami Kino Mərkəzində “Fulya” sənədli filminin premyerası olub
01.11.21
Zahid Sarıtorpağın İranda kitabı çap olunub
01.11.21
Vidadi Babanlının "Sabaha ismarıc" adlı romanı çap olunub
01.11.21
Poetik diktatura - Firuz Mustafa yazır
26.10.21
Çempion idmançı, istedadlı aktyor və doktorant
25.10.21
Azad Qaradərəli -  Zəngəzur ağacları
24.10.21
I Sumqayıt Kitab Sərgisi keçiriləcək
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.