Mübariz Örən: "Elə bil məni balıq kimi suya qaytarıblar"
06.06.14

«Ədəbi Azadlıq-2014» Milli Müsabiqəsinin Hekayə 10-luğuna keçmiş yazarlarla müsahibələrə başlayırıq. Həmsöhbətimiz Mübariz Örəndir.


- Mübariz bəy, bildiyimə görə, ədəbiyyatda yeni-yeni tanınırsınız, bir neçə hekayəniz var, bəs necə oldu hekayə yazdınız?
 
- Mən ixtisasca inşaat mühəndisiyəm. Gənc yaşlarımdan Rusiyada neft sənayesi mühəndisi və sahibkar kimi çalışmışam. Həyatımın 15-20 ilini Rusiyada keçirmişəm. Lakin içimdəki Azərbaycan həsrəti məni ölkəyə geri qayıtmağa vadar etdi. Azərbaycana gəldikdən sonra ilk hekayəm “Göy qurşağı”nı yazıb “Ədəbi Azadlıq” müsabiqəsinə göndərdim. Hekayəm onluğa düşdü və mən anladım ki, ədəbiyyatla ciddi məşğul olmalıyam. Həmin il Bakı Slavyan Universitetinin Yaradıcılıq fakültəsinə daxil oldum. Bir ildir ki, orda təhsil alıram.
 
- İndiyədək cəmi bir neçə hekayəniz çıxıb, bunun səbəbi nədir, gec-gecmi yazırsınız, yoxsa vaxtınız olmur?
 
- İndiyə kimi altı hekayəm çıxıb, hamısını da “Oxu zalı”na yollamışam. Məsələ ordadır ki, mətnlə bağlı özümə müəyyən bir ölçü qoymuşam, o ölçüdən aşağı düşə bilmərəm. Hər mətnin üzərində günlərcə, aylarca çalışıram. Mənə elə gəlir ki, mətnləri mən yazmıram, onlar əvvəlcədən xəyalımdakı hansısa lövhədə hazır olurlar. Çalışıram öz lövhəmi tapıb dəqiq görə bilim. Günlərlə mətnimi düşünürəm, ən ideal formanı tapıb yazıram. Məsəlçün, mənim “Balıq gülüşü” hekayəm var, onun bircə sözünü də dəyişə bilmərəm, dəqiq bilirəm ki, o əvvəldən beləcə yaradılmış mətn olub, mən, sadəcə, onu tapmışam. Yaxud, indi müsabiqəyə yolladığım “Oğru” hekayəmin üzərində düz bir ay işləmişəm, tez-tez özümü tələsdirirdim ki, müsabiqəyə çatdıra biləm.

- Rusiyada yaşayanda da yazırdınız?
 
- Xeyr, indi ona təəssüflənirəm ki, çox şeylər gördüm, çox mərhələlər keçdim, başım çox bəlalar çəkdi, amma qeydlər aparmadım deyə, indi yaddaşı təzələyib yazmaq çətin gəlir mənə. Qeydiyyat başqa şeydir, orda xırdalıqlar yada düşür, hər xırdalıq özü ilə başqa bir hadisəni yada salır. Həm də dəqiq bildiyim hadisələri yazmaq istərdim. Mənim hekayələrimdəki, hadisələrin əksəriyyəti nə vaxtsa mütləq ya mənim, ya da başqasının başına gəlmiş hadisələrdir, istəyirəm özüm inandığım hadisələri yazım ki, başqaları da inansın.

Onu da deyim ki, istər məktəb illərində, istər Rusiyada yaşadığım dövrlərdə içimdə çox dərin bir ədəbiyyat yanğısı olub. Azərbaycana gələndən sonra artıq ikinci ildir ki, ədəbiyyata çox ciddi bağlanmışam, qorxuram ki, bu artıq hobbidən keçib, həyat tərzimə çevrilib. Hiss edirəm ki, ədəbiyyat bir ərazidir, mən də onun sakiniyəm.
 
- Amma bu necə sakinlikdir, insan əvvəldən ədəbiyyat aləminin sakini olur, o istək anadangəlmə yaranır, yoxsa sonradan yaranır?
 
- Məncə birinci haldır, mən nə vaxtsa ədəbiyyatdan qopub getmişəm və qayıdanda görmüşəm ki, mən elə buranın qopuğuyam. İndi ədəbiyyatda özümü elə hiss edirəm ki, elə bil balığı suya geri qaytarıblar. İndi iki paralel həyat yaşayıram, biri yazıçılıq həyatıdır, biri gündəlik iş həyatım. Sizə açığını deyim, iş həyatıma qayıdanda özümü çox diskomfort hiss edirəm, əsəbiləşirəm, həmişə ədəbiyyata, ədəbi mühitə can atıram. İnanırsınız elə olur günlərlə içimdə talatümlər, narahatlıqlar baş verir, hekayəmi yazana qədər o narahatlıq məndən əl çəkmir. Get-gedə anladım ki, ədəbiyyat adama ruh sakitliyi verir, elə bilirəm doğmalarımın yanındayam, özümü rahat hiss edirəm burda.
 
- “Ədəbi Azadlıq” müsabiqəsindən nə gözləyirsiniz? Müsabiqələr sizə nə verir?
 
- “Ədəbi Azadlıq” mənim Azərbaycanda ciddiliyinə inandığım tək müsabiqədir. Keçən ilki nəticələrdən sonra qərara aldım ki, burda münsiflər şəffafdırlar. Bəlkə keçən il bu qədər iddialı deyildim, amma bu il iddiam var və qaliblərdən biri olacağımı gözləyirəm. Müsabiqə məni yazmağa həvəsləndirir.
 
Söhbətləşdi: Namiq Hüseynli, Oxuzali.az

Yenililklər
27.02.20
Əlyazmalar İnstitutu XIX əsrdə nəşr olunan “Bakinskiy listok” qəzetinin elektron versiyasını əldə edib
27.02.20
"Günə min işarə yaza bilsəm, papağımı göyə ataram" - Mübariz Örən
27.02.20
Müşfiq Şükürlü - Cavid bizim ustad təqlidçilərimizdəndir
27.02.20
Gülşən Mustafanın "Hasar" adlı hekayələr kitabı işıq üzü görüb
26.02.20
Filologiya elmində Turxan Gəncəyi zirvəsi
26.02.20
Əli bəy Hüseynzadə haqqında ilk fundamental biblioqrafiya işıq üzü görüb
25.02.20
Rasim Qaraca: “Hər ad günümə bir kitab hədiyyə edirəm” - VIDEO-SÖHBƏT
25.02.20
Bəxtiyar Vahabzadənin şeirləri Koreya dilində
24.02.20
Rəvan Cavid - “Azğın”: roman, yoxsa cızma-qara gündəlik?
24.02.20
"Kitabi-Dədə Qorqud”un üçüncü – Günbəd əlyazması" cap olunub
24.02.20
İlham Qəhrəmanın tərtibatında Aşıq Alının “Nə qaldı” kitabı çap olunub
24.02.20
Azər Abdulla - Peşmanlıqdan sevincə keçid
23.02.20
Elçin Hüseynbəyli - Qarağac - Romandan parça
23.02.20
Bədirxan Əhmədli - Gerçək və intellektual türkçü Muhsin Kadıoğlu
23.02.20
Könül Nuriyeva - "İsanın İncili"ndəki sonsuz suallar
23.02.20
Əlyazmalar İnstitutunda “Nəsimidən nəsimlər” kitabının təqdimatı olub
23.02.20
Ədəbiyyatşünaslığın inkişafına dəyərli töhfələr verən alim – akademik Həmid Araslı
21.02.20
İnsanın əzəməti – Dino Butsatinin hekayəsi
21.02.20
Tramp “Oskar” mükafatının Cənubi Koreya filmi “Parazitlər”ə verilməsini tənqid edib
21.02.20
Məşhur yazıçı hekayəsini 1 ABŞ dollarına satdı
21.02.20
Müslüm Maqomayev haqqında çəkilən serialın treyleri yayımlandı - VİDEO
21.02.20
Xalq rəssamı Böyükağa Mirzəzadənin anadan olmasından 99 il ötür
21.02.20
Taleh Eminoğlu - Knut Hamsun: bir medalın iki üzü
21.02.20
Bakıda Beynəlxalq film festivalı keçiriləcək
21.02.20
"Müqayisəli ədəbiyyatşünaslıq" jurnalının yeni sayı çıxıb
21.02.20
Hacı Ələmdar Mahirin anım günü
18.02.20
Özbəkistanda “Hər anımız Vətən desin!” adlı şeir müsabiqəsi elan olundu
12.02.20
"Təkrarın tənhalığı”nda "Sevdiyim əsər” – Fərid Hüseynin kitab təqdimatından reportaj
10.02.20
Gülbala Dadaş - “Hər kəsin öz eşqi” kitabı haqqında
07.02.20
Fərid Hüseynin kitablarının təqdimat mərasimi keçiriləcək
05.02.20
Bəsirə Əzizəlinin Muhsin Kadıoğlu haqqında monoqrafiyası çap olunub
05.02.20
İradə Musayeva -  Süleyman Rüstəmi əksinqilabçı adlandıran repressiya qurbanı
03.02.20
Cavanşir Yusiflinin Səlim Babullaoğlu haqqında kitabı nəşr edilib
02.02.20
İradə Musayeva - Bağırovun gizli tapşırığı: “Boynuna qoyuluncaya qədər döyün!”
01.02.20
"Qanun” nəşriyyatında "The Paris Review müsahibələri” adlı kitab nəşr edilib
01.02.20
Rusiya Yazıçılar İttifaqı ilə AYB arasında əməkdaşlıq müqaviləsi imzalanıb
29.01.20
İradə Musayeva - Bağırov bu tərcüməçimizi həbs etmək üçün Stalindən icazə istəmişdi
28.01.20
Fərid Hüseyn - İnsanın unutqanlığı bəzən onun ədalətidi
28.01.20
AYB-nin Gənclər Şurasının “Ulduz”u nəşr edildi
25.01.20
İradə Musayeva - Müstəqil Azərbaycan” sözü dilinizdən çıxmadımı?
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.