Günay Əmirova - ONA məktublar
23.06.14

Çiçəklərinin təravətli, əsrarəngiz qoxusuna bələnmiş səhərimi açdım. Rənglərin bir-biriylə yarışması elə bil rəssam fırçasına ehtiyac duyur. Xoş təbiətin gülərüz siması, quşların cəh-cəhinə qarışmış möhtəşəm gününə salam olsun!

Səhərə aşiqəm, çünki səhər hər gün təzələnir. Hər gün xoş əhval-ruhiyyəylə libasını geyinir. Hərə səhəri bir cür qarşılayır. Mənim səhərim bu gün sənsiz başladı. Səhərimdə yalnız adın, xəyalın var. Mən uzun illərin yolçusuyam. Sən də bu möhtəşəm səhərlə oyandın. Günəş həmişəkindən daha böyükdür. Elə qayğıyla, sevgiylə istisini paylayır ki, Yer kürəsinə. Bu paydan bizə də düşdü bu gün. Ayrı-ayrı məkanlarda olsaq da, istiliyi bərabər çəkdik içimizə. Hələ pis insanların nəfsindən çirklənməyən havanı eyni vaxtda ciyərlərimizə çəkdik, şahzadəm.

Sən elə bir hissən ki, onu adlandırmaq çətindir. Gizli, füsunkar, fərqli, xəyali, yuxu kimi, amma gerçəyə bənzər, həsrət-vüsalı şirin olan şahzadəm.

Sən elə bir ətirsən ki, onun tayı-bərabəri yoxdur. Onu qoxuladıqca qoxulamaq istərəm.
Sən elə bir  nəğməsən ki, heç bir bəstəkarın səni yaratmağa gücü yetməz.
Sən elə bir rəsm əsərisən ki, tablona baxmaq, baxmaq, baxmaq istərəm. Çünki xəyalın sevgi fırçası ilə çəkilmişdir.

Sən elə bir kitabsan ki, oxumaq, oxumaq, oxumaq istərəm. Çünki sən ən böyük sevgi əsərisən.
Sən elə bir filmsən ki, maraqla izlədiyim film. Sonunu bilmək istəmədiyim film. Çünki Sən möhtəşəm, əzəmətli, maraqlı sevgi filmisən.

Sən mənim ruhumun laylası, fikirlərimin mayası, sevgimin həzin, şıltaq notlarla yazılan mahnısı... Dünyamın təmiz, təravətli dünyasısan. Sən həm də sabah-sabah içimə dolan səhər mehim, ömrümə təşrif buyuran ovqatım, kefimsən. Fikirlərim fəvvarə kimi aşıb-daşır, o fəvvarələri də hərəkətə gətirən bir tək səni düşünmək, sənin gəlməyinə, xəyallarımdan, yuxularımdan çıxıb reallığa qayıtmağına inanmaqdır.

Qəlbimdə məskən saldığın üçün rəngdən-rəngə çalan kəpənəklər uçur iç dünyamda. Bomboz güvələrə yer yoxdur sənin məskən saldığın qəlbimdə. Qəlbimi məsud etmisən, qəlbim hüzur tapıb sənin xəyalınla.

Kirpiklərimə baxanda bir halı müşahidə edirəm ki, gün ərzində nə qədər bir-birlərindən uzaq olsalar da, günün sonunda hüzur tapırlar. İndi nə qədər uzaq gəzsələr də ruhlarımız, vaxt gələcək hüzur tapacaqlar.

Ey şahzadəm, elə bu dəm,
Gələ bilsən, sevə bilsən,
Hissimi bilə bilsən,
Sənə həmdəm olaram,
Qəlbimə həmdəm olaram.

Cani könüldən sevə bilsən, sevgimi sən,
Ola bilməzsən inan hər kəs kimi sən,
Həmdəmim ol, sevinim, həm də gülüm,
Bülbülüm ol, mən də sənin qönçə gülün.

Yenililklər
20.09.19
Gülhüseyn Hüseynoğlunun kitabının təqdımatı oldu
18.09.19
BMT Pikassonun “Gernika” əsərinə görə İspaniyadan üzr istəyib
18.09.19
Vasif Əlihüseyn - Elə gözəl idi dizimdəki yaraların qurumuş qaysaqlarını qoparmaq
18.09.19
Vüqar Əhməd - Aktyorun dəfni
16.09.19
“Ədəbi Proses – 2018” elmi-yaradıcılıq müşavirəsi
16.09.19
Türk rənginin - Turkuazın hekayəsi
12.09.19
Ayhan Miyanalı - 40-ncı sınaq
12.09.19
Rəşad Məcidin “Qələmsiz yazılanlar”ı
12.09.19
İsa Həbibbəylinin yeni monoqrafiyası çap olunub
06.09.19
Naxçıvan Dövlət Tarix muzeyi - 95
06.09.19
Ramil Əhmədin “İki Şəhərin Yazıları” adlı kitabının təqdimat və imza günü keçiriləcək
01.09.19
Esmira Fuad - Faniliyin poetik tarixi
01.09.19
Regina Deriyeva - Uşaqlıq-xəzinəsidir gözyaşlarının
19.08.19
Fərid Hüseynin kitabı Serbiyada nəşr edilib
30.07.19
Güclü insan sorağında - Əhməd bəy Ağaoğlu-150
30.07.19
Azərbaycan-Qırğız ədəbi əlaqələrində yeni səhifə
29.07.19
“Türk dilləri araşdırmaları” jurnalının ilk nömrəsi işıq üzü görüb
29.07.19
Əhməd bəy Ağaoğluna həsr olunan konfrans keçiriləcək
29.07.19
“Qoşa qanad” ədəbi almanaxı işıq üzü görüb
29.07.19
Ədəbiyyat İnstitutu Avrasiya Türk Araşdırmaları İnstitutu ilə memorandum imzaladı
26.07.19
“Hüseyn Cavid əbədiyyəti” mövzusunda respublika elmi konfransı keçiriləcək
26.07.19
Məhəmməd Tanhu - 8-ci günün qeydləri
26.07.19
Ədəbiyyat İnstitutunda Qırğızıstan yazıçıları ilə görüş təşkil olunub
24.07.19
XI Qəbələ Beynəlxalq Musiqi Festivalında 11 ölkədən musiqiçilər çıxış edəcək
24.07.19
Nemətullah Naxçıvaninin “Şərhi-Gülşəni-raz” əsərinin iki müxtəlif nüsxəsi əldə edilib
24.07.19
Nizami Gəncəvinin “Xosrov və Şirin” poeması Türkiyədə nəşr olunub
23.07.19
Prezident Murad Köhnəqalaya ev verdi
23.07.19
Svetlana Alekseyiviçin növbəti romanı yayımlanıb
23.07.19
Amerikalı yazıçı-satirik vəfat edib
22.07.19
Tanınmış jurnalist Amil Novruzovun 60 illiyinə
22.07.19
Aida Feyzullayevanın “Komparativistikanın işığında” kitabı işıq üzü görüb
22.07.19
"Gənc Qırğız şeiri antologiyası" Bakıda və Bişkekdə təqdim olunacaq
22.07.19
"Qanun"dan yeni nəşrlər
22.07.19
“Türkologiya” jurnalının əlavəsi akademik Məmmədağa Şirəliyevin 110 illiyinə həsr ediləcək
18.07.19
“Plyus bədii yaradıcılıq” ədəbi almanaxı işıq üzü görüb
18.07.19
İradə Musayeva - Üçlü formul müəmmasına düzəliş... 
18.07.19
Etimad Başkeçid yazır - Qırxayaq hər addımını düşünsəydi...
18.07.19
Nəsiminin dilinin dialektoloji tədqiqinə həsr olunmuş yeni kitab çap olunub
18.07.19
Azərbaycanda ilk dəfə türkdilli əlyazmaların toplu kataloqu nəşr olunub
18.07.19
Yazıçı Andrea Kamilleri vəfat edib
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.