Şəhriyyə
Qəzənfərqızı - Dilənən qadınlar
08.10.14
“Dilənmək”
mövzusu mənim yazılarım arasında baş köşədədi. Bəlkə, ən çox müşahidə etdiyim
bir mövzudu. Bunu, xalqımın zəif bir nöqtəsi kimi görürəm. Dilənçilərin həyatı
məni çox maraqlandırır. Onları da iki təbəqəyə bölmək olar. Qaraçılar-hansı ki,
bu onların əcdadlarından gələn peşəsidi.
Və “ yerli dilənçilər”. İnsanı daha çox utandıranlar bax bu “yerli" dilənçilərdi.
Onlarla yol yoldaşı olmaq, yəqin ki, hamıya qismət olmur. Qucağında uşaqla, əllərində
şəkillə gəzənlər. Yəni, hər cür dilənçi ilə qarşılaşmaq olar.
Körpələrin
dilənməyi bir başqa mövzudu. İndi qadınların dilənərək alçalmağından danışıram. Son bir neçə aydır
qarşıma çıxan dilənçilər gənc və sağlam qadınlardı. SAĞLAM sözun xüsusi
vurğuyla demək istəyirəm. İnsan sağlam olub da dilənərmi? Nədir bunları bu işə
vadar edən?
Daha
bir mövzu-dilənən qadınların 90 %-i hicablıdı. Bunlar, həqiqətənmi, dinə
bağlı insanlardılar? Yoxsa bu onların yeni imicidi? Hicab insanda, yəni,
hansısa mərhəmət hissi oyatmağa qadirdirmi? Hicablı olarkən daha çox pul
qazanmaq olurmu? Yoxsa bu yolla özlərini soyuqdanmı qoruyurlar? Dində dilənmək
nə dərəcədə günah sayılır? Yoxsa bu qadınlar bu yolla öz namuslarınımı qorumağa
çalışırlar? Bu “yoxsalar” o qədər çoxdur ki, saymaqla bitməz.
“Dilənmək”
peşəsi pulla bağlı olsa da, çox ağır bir işdi. Hər zaman təhqir olunmağı gözə
alırsan.
Düşünürəm
ki, hicab heç bir mərhəmət hissi oyada bilməz. Mən o cür insanlara kömək etmək
istəmirəm. Daha da riyakar, yalançı görünürlər insana. Hansısa fiziki qüsuru
olmayan birinə niyə kömək edəsən ki? Dinin kölgəsində gizlənib çirkinliklə məşğul
olan insanlar sırasına bu dilənçilər də daxildi. Günahsız körpələri alət etdilər,
indi də dini peşələrinə alət edirlərmi? Buna görə də hicaba artıq hörmət
qalmayıb.
Avanqard.net
|