Şərif Ağayar: "Salama dəyib gic olar bu uşaqlar" - MÜSAHİBƏ
27.10.14

Avanqard.net yazıçı Şərif Ağayarla müsahibəni təqdim edir.


"Orxan Pamuk "Nobel" alandan hamı eynək taxır"



- Şərif əmi, sizə hansı kitabınız - şeirlər, yoxsa roman doğmadır?

- "Kərpickəsən kişi" haqda yazdıqlarım doğmadır.

- Deyəsən, publisistika, nəsr sizi kövrək olmaqdan uzaq tutub. Təzə şeirləriniz var?

- Ciddi yox. Mənim şairim Alikdir. Onu çox sevirəm. Bimiqyas istedadı var.

- Bəs, Sizdən sonrakı nəsildə kimlərsə görünür?

- Ayxan Ayvaz. Daha istedadlı onu bilirəm. Sonra uşaqlar var... Tanıyırsız. Uzatmayaq...

- Son dövrlər yazılan əsərlərdən hansını oxumusunuz? Hansını bəyənmisiniz?

- Cəlil Cavanşrin əsərini oxudum. Bir-iki təklifim oldu. Yəni, kitabdan qabaq. Az camaata sataşsın, kitabı göndərsin görək neyləyib. Söz verib, ona görə deyirəm. Mirmehdinin maraqlı povesti gəlir. Kitab kimi görərsiz. Qan Turalının da nəsə xüsusi olaraq məndən gizlədiyi bir əsəri var: Mehdi Bayazid haqqında. Sürpriz olacaq, yəqin. Mehdini tanıyan və nəsrdən az-çox başı çıxan biri kimi, çox amansız olacam. İşə on beş dəqiqə gecikəndə, üzümə vurur. Mətndə saniyəsini tutacam. Qismət parlaq zəka sahibidir. Qızların sevməsi üçün demirəm. Orxan Pamuk "Nobel" alandan hamı eynək taxır. Amma inan, Qismətdə eynək Pamukun "Nobel"indən çox əvvəl idi. Səmimi deyim: "kulis"də özümün "OK" elədiyim iki əsər xoşuma gəlib: Əkrəm Əylislinin povesti və Mübariz Örənin hekayələri. Bizdə xeyli xanım müəlliflər də var. Aytən Cavanşir, Sahilə İbahimova... Çox yekə müsahibələr verirdilər. Nəsə Şərq-Qərb, lokal-qlobal... Yaza bilmirlər. Qısa... Rəbiqə Nazimqızı, Elnaz Eyvazlı onlara Azərbaycan dilini öyrətməlidir. Bilirsiniz, məsələn, Aytən Cavanşirin Azərbaycan dili bilgiləri onun bildiyi və ya elan elədiyi dillərə şübhə toxumu səpir. Dil cehiz deyil. Az və səlist öyrənsin, məncə. Xüsusilə öz dilini. Bu fikrim Sahilə haqda da keçərlidi. Sahilənin nəsə bir kitabı vardı, gətirdilər baxdım, cümlələri çox bərbad idi. Müsahibə vermək asandı. Xüsusən, uzun saçların və iri gözlərin varsa... Başqa nə deyim. Sevda Sultanovanın, Aliyənin köşələrini oxusunlar. Sənə də aiddi, aa Tural! Şellənmə və bu fikrimi də yaddan çıxartma.

- Uşaqlara öz şeirlərinizi oxumusunuz heç?

"Aqşin həyata yox eee.. itə-qurda uduzdu"


- Biz maraqlı nəsil idik: Zahir, Seymur, Aqşin, Sevinc, Nərmin, Günel, nə bilim... şənbədi... Pivə içirəm. Adamı divara dirəmə də! Səni atana görə qəbul etmişik. Amma tərbiyəsizlik eləmisən – Emin Pirinin fikirlərini deyirəm. Sabah hərənin bir əsəri qalacaq. Yaxşı bir yazar haqda kimsə təhqiramiz danışa bilər, sən gərək nəzərə alaydın. Eminin özünə də iradımı çatdırdım. Məni başa düşər. Bilirsən, məsələn, mən ömrümü təmənnasız nəyəsə həsr edirəm, birdən qəfldən qalxıb onu insafsızcasına danırsan. Olmaz axı. Halbuki Salama dəyib gic olar bu uşaqlar. Deyəsən, Fikrət Qoca kimi danışdım.

Bizim nəsildə ən yaxşı şeiri Aqşin yazdı. O, şübhəsiz ki, maraqlı qələm sahibidir. Amma bu texnikum qızları, deyəsən, Aqşinə təsir elədi. İstedadın üç amansız düşməni var: qumar, qadın, içki. Aqşin qumar oynamadı, amma qadın və içki konusunda həyata yox eee.. itə-qurda uduzdu. Allah canını sağ eləsin... Ölə bilmədi... Tale onu reabilitasiya olunmuş şəkildə qaytardı... Nəbi Xəzri ladına yenməsə, söyərsiz məni. Bilirsən, Nəbi Xəzri də çox alovlu gəlmişdi. Aqşin yox ee.. Salamdan da, hətta Həmiddən də... Denən noxud versinlər...

Noxudu sifariş verməyə ehtiyac olmur. Stola baxan oğlan bir nimçə noxud gətirib: - Təmiz Cəlilabad noxududur, - deyir. Şərif əmi isə davam edir:

- Seymur Tiflisdə oturub elə zənn edir ki, qucaq açıblar ona... Azərbaycan nadanlığıyla Seymura kömək edir, çörək verir. Məni tənqid et, səni Tiflisdə yaşadım deyir... Ya Günel Mövlud. Almaniya-filan. Ailə quran rəfiqələrinə ironiya edirdi. Amma özü Almaniyada belə deyingən, qeybətcil müsəlman qadını olaraq qaldı. Nərmin Kamal daha ciddi işlər görə bilər. Onun da tematikası Azərbaycan gerizəkalılığıdır. Yenə də... Nərmin Nərmindi!

- Əmi, incimə müdrik-müdrik danışırsan, heç Kamran Həsənliyə belə təmkinli cavab vermədiniz...


- Kamran yazıq adamdı... Toylarla yaşayan adamın fəlakəti böyükdü. Danışmıyım də... Amma bir şey deyim: məni oxuyan dostlar – Kamranı təhqir eləməyin! Olmaz. Tamada adam deyil?

- Çoxlu romanlar yazılır indi. Sizcə, bu, mənfi haldır, yoxsa müsbət?

- Sözün böyük mənasında roman yoxdur. Amma maraqlı imzalar var. Məsələn, elə Seymur Baycan. Azərbaycanda ömrünü mütaliəyə və yazmağa həsr edən yeganə adamdır, bəlkə də. Amma kaş onun publisistikasının oxucuları ədəbiyyata gələydi. Oxucular bicləşib, əyləncə axtarır.

- Kamran Həsənli haqda roman yazsaydınız- adı və məzmunu necə olardı?

- Kamran məni "Facebook"da aşağılamaq istəyən adamlardan daha səmimidir. Bilirsən, səhəri onun əlində efir vardı, bizi aşağılayan bir jest belə eləmədi. Biz də gərək yüngüllük eləməyək. Hadisədi də, oldu – yaşandı, bitdi. Kamrana uğurlar arzu edirəm. Gerçəkdən... Kamranla problemim yoxdur. İradə Tuncay – sağ olsun - elə ANS-in öz efirindəcə bizi müdafiə elədi, Kamran haqqında peşəkarlıq baxımından sərt tənqidlər səsləndirdi. Biz də fikirlərimizi yazdıq və dedik. Yetərlidir. Məncə, bitsin!

Müsahibəni bitirdik. Şərif əminin pivə məclisi isə hələ də davam etməkdəydi…

/Tural Balabəyli, aktual.az/

Yenililklər
10.07.20
Könlünün bütünü şeir olaraq ötən şair. Hayku ustadı Matsuo Başou
10.07.20
Natiq Məmmədlinin yeni kitabı çap olunub
09.07.20
Əfsanə Laçın - Atam
09.07.20
Azərbaycanlı alimin “Şumer və türk dastanları” kitabı Avropa dillərində nəşr olunur
09.07.20
Əbdürrəhim bəy Haqverdiyevin 150 illik yubileyinə həsr olunmuş xüsusi poçt markaları İspaniyada dövriyyəyə buraxılıb
09.07.20
Əhməd bəy Ağaoğlu və Azərbaycan ədəbiyyatı
08.07.20
Kanye Uest ABŞ-da prezidentliyə müstəqil namizəd olacaq
08.07.20
“İçərişəhər”də yeni muzey yaradılacaq
08.07.20
Səxavət Sahil - Poeziyamızın problemi
08.07.20
Sankt-Peterburq Mədəniyyət Forumu mədəniyyətlərin və sivilizasiyaların qarşılıqlı əlaqələri mövzusuna həsr ediləcək
08.07.20
Dövlət Rəsm Qalereyası “+5C” adlı yeni virtual layihəyə start verir
08.07.20
Məşhur rəssamın toz basmış əsəri tapılıb
07.07.20
Türkiyənin Ərdahanda şəhərində Əbülfəz Elçibəy xatirə ormanı salınır
07.07.20
Tbilisidəki Azərbaycan Mədəniyyəti Muzeyi fəaliyyətini bərpa edir
07.07.20
“Hacı Zeynalabdin Tağıyev və Şərqin ilk rus-müsəlman qız məktəbi” foto-sənədli animasiya filmi təqdim edilib
07.07.20
Müslüm Maqomayev adına müsabiqə gələn ilin aprelində keçiriləcək
06.07.20
Tanınmış bəstəkar Ennio Morrikone vəfat edib
06.07.20
Taleh Eminoğlu - Mədəni müxtəliflik və multikulturalizmin labüdlüyü
06.07.20
“Turan eşqi” kitabı Azərbaycanda Atatürk Mərkəzi tərəfindən nəşr olunub
06.07.20
Azərbaycan-rumın mədəni əlaqələrindən bəhs edən yeni kitab
06.07.20
Əməkdar artist Tofiq Hüseynov vəfat edib
03.07.20
Mədəniyyət Nazirliyi Rusiyanın xalq artistinə qanunsuz ödəniş edilib
03.07.20
“Xınalıq” qoruğu UNESCO-nun Dünya İrs Siyahısına namizədlik üçün ilkin siyahıya salınıb
02.07.20
Əhməd bəy Ağaoğlu yaradıcılığında azad insan konsepsiyası
02.07.20
COVID-19 epidemiyasına həsr olunan film çəkilir
02.07.20
Səməd Vurğunun şeirlər kitabı Türkiyədə nəşr olunub
01.07.20
Azərbaycan Respublikası Kinematoqrafçılar İttifaqı Kann Beynəlxalq Kinofestivalının rəhbərliyinə etiraz məktubu göndərib
01.07.20
Saedinin dünyaca məşhur “Bəyəl əzadarları” romanı Azərbaycanda nəşr edildi
01.07.20
Kinoşünas Azərbaycanda çəkilən serialları tənqid edib
30.06.20
Ermənilərin İranın siyasi həyatında oynadığı rol
30.06.20
Simran Qədimin yeni kitabı çap olunub
30.06.20
Əhməd bəy Ağaoğlu “Difai” təşkilatının qurucusu kimi
27.06.20
Pərviz Cəbrayıl - “Azğın”- onun seçilmiş əsərlərin mündəricatı
27.06.20
Bilal Alarlı - Kiçik hekayənin böyük hikməti
26.06.20
Küyüylü Nəccari Səid - Aslan Əmi
26.06.20
Mark Terensi Varronun “Latın dili haqqında" kitabı Azərbaycan dilində
26.06.20
Fərid Muradzadə - Güclü kişi 
26.06.20
Simran Qədim - Təhlükə: COVID-19
26.06.20
Məmmədov Eşqin - Payız məni darıxdırır, ilahi!
26.06.20
Cavanşir Yusifli - Bir şeirin dedikləri (Həmid Herisçi )
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.