Xanım Aydın - Çiyələk
16.02.15

Artpress.az gənc yazar Xanım Aydının "Çiyələk" hekayəsini təqdim edir.

    Of... Bu kişi yenə bədxərclik edib - bir yeşik çiyələk alıb gətirib. Özü də əlasından. "Viktoriya" sortu. Bir ətri gəlir gəl görəsən. Bu qədər işin gücün içində heç yeriydimi bunun? İndi gəl bu istidə mürəbbə bişir, kompot bağla. Nəyimə lazımdı axı bu qədər çiyələk? Bişirməsəm də xarab olacaq, deyinəcək ki, əzab-əziyyətlə qazanıram, alıb gətirirəm zəhərə döndərib zibilə atırsan ...

    Balaca idi... Ay bu kasıbçılığın üzü qara olsun... Ana-bala "vosmoy"dakı kolxoz bazarına getmişdilər... Müəllim maaşına nə düşür ki?! Yaz meyvələrinə ancaq baxmaq qalırdı. Bazar anasının diliylə desə "od tutub yanırdı". Piştaxtalarda alça, çiyələksə elə bərq vururdu ki, elə bil ulduzdular. Qiymətləri də ki... Birdən anasının qulağına çiyələk istədiyini pıçıldadı. Meyvələrdən ən çox onu sevirdi axı. Ana bir addım o yana, bir addım bu yana vurnuxa-vurnuxa çiyələk satanı yanlayıb dilləndi: "Qardaş, bundan üç-dörd ədəd zəhmət olmasa çək, uşaq istəyir". Satıcı "ver uşaq yesin, pul-mul lazım deyil" - bir ovuc çiyələyi qadına uzatdı. Qadın pulsuz olmaz, nə eləyir qiymətini de, pulunu verim. Müftə istəmirəm" dedi. O an utandığından və çəkdiyi vicdan əzabından bilmədi qızcığaz neyləsin, harda gizlənsin. Kaş ki, anama çiyələk istədiyimi deməzdim. Axı bilirdim ki, pulu yoxdu. Niyə onu kiminsə yanında utana-utana bir neçə çiyələk çəkdirməyə məcbur etdim? Nə hisslər yaşadığımı ömrüm boyunca heç vaxt unutmadım... Atam sağ olsaydı... ehh... Sağ deyil ki... Nə boş-boşuna xəyallar qururam yenə? Dünyanı, onu-bunu günahlandırdığım bəsdi daha! Olanlarla barışmaq, yorğana görə ayaq uzatmaq lazım idi indi... Başqa əlac yox idi... Qayıdanda anası torbaların ağzını sıxıb bağlamırdı, şişgin saxlayırdı ki, qonşular deməsinlər ki, kasıb yaşayır, yazıq deməsinlər. Ayın ortasına çatmamış artıq gələn ayın maaşının az qala yarısı qədər borc yığılırdı. Çətin idi... Çox çətin idi... Lakin mətin idi... Nimdaş paltarda, bir qarnı ac, bir qarnı tox böyüydürdü balasını...

    Bu hadisədən sonra heç vaxt çiyələk istəmədi, daha doğrusu çiyələk istədiyini dilinə gətirmədi. Sanki küsmüşdü ondan. O bapbalaca çiyələk ona dünya boyda həyat dərsi vermişdi. Daha sevmirdi nə onu, nə də həyatı... Çarpışırdı... Balıq susuz qalanda çabalayan kimi çabalayırdı... Mübarizə aparırdi... Küsgün baxışlarında günəşi doğurmaq istəyirdi...

    Bax həmin günün xatirəsi yadına düşdü... Nəyinki həmin gün, yağışda köhnə ayaqqıbıda islanmış ayaqlarını, utana-utana geyindiyi qohumların paltarları altında gizlənən vücudunu, tay-tuşlarının təkəbbürlü baxışlarını, özündə hiss etdiyi fərqlilik duyğusunu, çərpələng kimi  uçurduğu bütün arzularını xatırladı. İtirdiyi, bəlkə də heç yaşamadığı uşaqlığını, çaya buraxılmış kağız gəmicik kimi üzüb gedən gəncliyini xatırladı... İndi qarşısında dayanan bir yeşik çiyələyə baxıb gözləri dolmuş, yamanca kövrəlmişdi. Çiyələk ətiri və zərifcə qırışlanmış yanağına süzülən göz yaşı onu yenidən qarışan fikirlərindən indiyə qaytardı. Həminki gün kimi bu gün də çiyələyin dadı zəhərə dönmüşdü.  Naşükür olduğuna görə özü-özünü qınadı. Dünyanın axışına bir bax... Həyat doğurdan da qəribədir... Dünən üç-dörd çiyələyə əli çatmayanın bu gün qarşısında bir yeşik çiyələk dayanıb, o da deyinir ki, neynirəm bu qədər meyvəni. Sanki təxirə saldığı Allaha şükrü indi tez dilinə gətirdi. "İlahi, verdiyin hər bir nemətə görə min şükür! İlahi, heç bir valideyni övladı qarşısında üzü qara etmə! Ey aləmlərin Rəbbi, ey yeri, göyü yaradan Allah!"

Yenililklər
10.02.24
Öz nəğməmlə tək qalmışam indi mən - Höte
08.02.24
Gülnar Səmanın “Sözümüz sözdür-2” kitabı “GlobeEdit” nəşriyyatında çap olunub
01.02.24
Rus poeziyasının Gümüş dövrü - Seçmə şeirlər
01.02.24
Rəşad Səfər - Çığıranlar və çığırmayanlar
29.01.24
“İsveç nəsr antologiyası” ilk dəfə Azərbaycan dilində
29.01.24
Küyülü Nəccari Səid - Olumla ölüm arasında
29.01.24
Qulu Ağsəs haqqında kitab işıq üzü görüb
27.01.24
Natəvana "yaxılan" qara və qırmızı boyalar - Fərid Hüseyn yazır
25.01.24
Mahir N. Qarayev - Qara maskalı qatil
25.01.24
Tanınmış alim Paşa Kərimov vəfat edib
25.01.24
Fərid Hüseyn - Sözümüzü Allaha çatdırana vida
24.01.24
Vaqif Sultanlının “İnsan dənizi” romanı Təbrizdə yayınlandı
16.01.24
"Arşın mal alan" Ankara Dövlət Opera və Balet teatrında nümayiş olunub
16.01.24
Mahir N. Qarayev - Bir dəqiqəlik sükut, yaxud fikirli gördüyüm fikir adamı
16.01.24
Səfər Alışarlı - "Səs" romanı ustalıqla yazılmış əsərdir
16.01.24
Dünyaca məşhur roman Azərbaycan dilində - İlk dəfə
16.01.24
Səlim Babullaoğlu - Düma, Natəvan, xəncər, arxalıq və oyun
14.01.24
Ədəbiyyat İnstitutunda unudulmaz şair Nurəngiz Günə həsr olunmuş tədbir keçirilib
10.01.24
Bu boyda ömrü məhəbbətsiz necə yaşayasan? - Orxan Vəlinin Nahit xanıma məktubları haqqında - Fərid Hüseyn
10.01.24
Bolqarıstanda beynəlxalq festivalda ölkəmizi “Açar” bədii filmi təmsil edəcək
10.01.24
Tanınmış yazıçı, ədəbiyyatşünas Çingiz Hüseynov vəfat edib
10.01.24

"Dünya ədəbiyyatı" dərgisinin "Macarıstan" sayı və "Macar ədəbiyyatı" antologiyası nəşr olunub

26.12.23
Zərdüşt Əlizadə - Qəm-qüssə, kədər şairi
20.12.23
Fərid Hüseyn - Orxan Vəlinin Nahit xanıma məktubları haqqında
18.12.23
İki şair, iki şeir - Mahir N. Qarayev və Sesar Valyexo
18.12.23
Fərid Hüseyn  Bişkekdə Çingiz Aytmatova həsr olunan beynəlxalq forumda iştirak edib
13.12.23
Yun Fossenin Nobel mühazirəsi
11.12.23
2024-cü il üçün Türk dünyasının mədəniyyət paytaxtı Şuşadan Türkmənistanın Anev şəhərinə ötürülüb
11.12.23
Moskvada Əsgər Məmmədovun “Nar dastanı” adlı rəsm sərgisi açılı
11.12.23
Mixail Lermontov - Vəsiyyət    
11.12.23
Tutu Ağayeva - "Gözəgörünməzlər"in görünən və görünməyən tərəfləri
09.12.23
Səlim Babullaoğlu TÜRKSOY tərəfindən təltif olundu
09.12.23
Səlim Babullaoğlu - Allah və vətən aşiqi, böyük şair
09.12.23
Bakıda “Məhmət Akif Ərsoy. Seçmə şeirlər” kitabının təqdimatı olub
05.12.23
Dünya şöhrətli rumın şairəsi Ana Blandiana Bakıya gələcək
05.12.23
Kənan Hacının hekayəsi - Cin qapını bağlayır
05.12.23
Elçin Hüseynbəylinin hekayəsi - Dərs
05.12.23
Yevgeni Rezniçenko - Çağdaş rus poeziyası
30.11.23
Anar Məcidzadə - Canına dərd düşsün, ayrılıq salan
29.11.23
Həmin işıqlı günlər - Cavid Zeynallının yeni hekayəsi
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.