Hədiyyə Şəfaqət - Güzgülərə əksi düşməyən adamlarıq təklikdə
29.03.15

Artpress.az yazar Hədiyyə Şəfaqətin yeni şeirlərini təqdim edir.















YEDDİ  ŞEİR



 -1-

...Yadındamı qağayılar?
Dənizin çirkli, lək                         
əli sularında yem axtarırdılar
Uçuşurdular qıy çəkərək
Və hər dəfəsində səksənib gülürdüm uşaq kimi
Və deyib dururdum ki, çörək,
Qağayılara çörək gətirməliydim...
...Dənizlər qağayısız
Sevəni olmayan qadın kimidir
Sevəni olmayan qadınlar
Qağayısız dəniz kimi...
Bilmirəm,
Hansı daha kədərlidir?...
 

-2-

Sular
Göylərin gözündən süzülüb dolur
Çölün ovuclarına
Külək
Sehrli barmaqlarını toxundurur
Ağacların
Budaq-budaq tellərinə
Torpaq
Nəfəsini dərir
Uzuuun bir yuxudan ayılıb
Otlar
Çimir
Xırda-xırda işıldayan gün işığında...
...Mən
Eləcə həyata gülümsəyirəm
Baharın
Bircə addımlığında...
Və,
Bir qızılğül   kolu  
Anamın məzarı üstündə  
Bir dəstə çiçək-
Atamın baş daşına yaxın
Evimiz
Küskün
Kədərini gizlərkən....
Və alma ağacları
Baxçamızda-
Apreli gözlərkən...
...Dostum,
Novruzgüllərinin
Ətri  Səsləyib gətirib
Məni yenə buralara...
Yağışlar   sevgi-sevgi
Xatirə     yağdırır
Bahara...


-3-

Hər ayrılığın sonrası
Özündən ağır səsdir
Özündən ağır qoxudur
Bir dəstə nərgiz çiçəyidir
Oyanasan ki, səhər
O da soluxub...
Sən heç
Ayrıldıqdan sonra
Uzaqlara yollanan adamın nəfəsini
İkəlli axtardınmı?
Sükut
Pəncərənin o üzündən əlini uzatdımı dənizə sarı,

Sən
Gecə qaranlığında
Ay işığında oynayan sularda təsəlli axtardınmı?
Bəzən...
Anladığından dərin sevgilər yaşayır insan
Və heyrət!
Və bəzən
Ayrılıq anındaca
Yol başlayır görüşlərə
Olmayan zaman içində...
Heç bir yerə gedilmədən...
Bilirsən,
Biz
Güzgülərə əksi düşməyən adamlarıq təklikdə
Və eşidilməyən...
Müqəddəs ruhlar kimi
Gah o,
Gah bu bədəndə var olaraq dolaşırıq...
Amma yoxuq
Əslində...


 -4-

Ağac-ağac qanadlanıb çöl
Üfüqə sarı...
Üfüq yoxdur...
Başını qaldırıb göylərə yalvarır-
Qovuşdur-deyir-məni sevdiyimə...
Göylər neyləsin?
Gözlərinin yaşı
Bənövşə-bənövşə damlalanıb
Kiprik-kiprik kolların arasında
Çolün...
Sinəsindən keçib gedən
Qan damarlarıdır cığırlar
Ürəyi hanı bəs?-
-Üfüqün arxasında...
Üfüq...   yoxdur...


-5-

Durna çıraqları varmış ha, dostum
Sonuncusunu nə zaman söndürdülər?...
Durna  yollarını  itirdilər
Durnaları    öldürdülər...
...Xoşbəxtlik deyilən şey
Heç  də  həmişə  uzaqda  deyil deyil
Bir küçə o üzdə də çırpınarmış qəlbimizin içində
Yağışlar üşüdərmiş adətən
Yağarkən kədərli tənhalığın
Ağaclarına...
Və payız yarpaqları düşməliymiş mövsümündə
Küləklərin əlinə
Ki
Yaz gələrkən
Bozarmış halıyla yaşıllıqlardan utanmasın
Və ağrımasın
Torpağa qarşmamağına...
...Durna çıraqları vardı ha, Dostum...
Yandıra bilmədim
Sənsizliyə...
Bir ümüd...
Sadəcə ümüd...


-6-

...Bu yer
Bu qədər niyə darıxır?
Küçələri kimi gözləmədə,
Niyə səkiləri ayaq səslərini   udmada,
Niyə örtülüb qapıları adamlara
Boşluğa açılıb?
Niyə ağacları yaşıllaşmır bu yerin,
Nə olub,
Nəyini itirib,
Kimini qaçırıb
Bu yer...
Tanrılar
Biri gəlib, biri gedib
Atıblarmı bu yeri?
Yağışlar islatdıqca yuyulub gedir xatirələr,
Və  bir də evlər söküldükcə...
Bir də qarılar son yuxularını gördükcə...
Son sevgililəri dünən dəfn etmiş kimi yaslıdır,
Günəş susdurulub
Hüzr yerinin qonşuluğundakı musiqi kimi
Və hamı
Qara libaslıdır...
Dizlərini yerə qoyub
"Mən təslim!"-deyirmişcəsizə məğlub görünür
Dar küçələrin
Bir tərəfində
Min illik əl yaddaşını qoruyan hasarlarda
Qorxulu kölgələr sürünür...
Nəfəsini
İçinə çəkib gizlənib dar dalanlarda
Qorxub...
Koruxub  bu  yer,
Yaman koruxub...


-7-

..Baharın son günlərindən biri
Axşamdan gecəyə gedərkən
Qarşılaşdıq...
Gecikmiş bir görüşdü
Bir neçə saat...
Sən
"Hər şey ən gözəl olacağı zamanda olar"-dedin sonrasında
Və mən inandım bunun ancaq belə ola biləcəyinə...
Mən gözüm qarşıya zillənmiş
Heç  nəyi    umursamadığım halımla,
Sən baxaraq, gülümsəyərək kənardan mənə
Və olanların gerçəyinə...
Gözləyirmişik,
Mən səni,
Sən mənim səni görməyimi
İki addım sol tərəfimdə...
...Baharın son günlərindən biri
Axşam gecəyə gedərkən...
Gözəl görünürəmmiş, belə dedin,
Dalarkən
Tanrının
Və sənin gələcəyinə...
...Və mən inandım bunun ancaq belə ola biləcəyinə...

Yenililklər
27.03.20
Nərimanov irsinin öyrənilməsinə layiqli töhfə
25.03.20
Orxan Mərdan Koronavirusla Mübarizəyə Dəstək Fonduna ianə edib
23.03.20
Muzeyləri onlayn ziyarət etmək imkanı yaradıldı
23.03.20
Milli Kitabxana ölkəmizdə yaranan vəziyyətlə əlaqədar oxuculara onlayn xidmətlərini təklif edir
23.03.20
Antonio Tabukkinin "İzabel üçün. Mandala" romanına ön söz
23.03.20
Məhəmməd İqbal - İlahi eşq və milli düçüncə şairi
23.03.20
Türkiyəli rejissor Xocalı soyqırı haqqında film çəkəcək
21.03.20
Antonio Tabukkinin “İzabel üçün. Mandala” romanı çap edilib
16.03.20
Elmira Axundova - Məmməd Orucun "Oyun havası"
15.03.20
Anar: “Koronavirusa görə yaşlı üzvlərimizin işə gəlməsinə məhdudiyyət qoyulacaq”
15.03.20
Qalib Şəfahətin "Sandıq" romanı çap olunub
14.03.20
Cəlil Cavanşirdən yeni kitab - "Eşq və intihar"
13.03.20
“Tarix və Tale” romanına dünyanın “şəxsiyyət vəsiqəsi” demək olardı, amma…
12.03.20
“Wall Street”də Nigar Əliyeva tərəfindən açılmış “America IDream” şirkəti
12.03.20
İçərişəhərdə keçirilməsi nəzərdə tutulan Novruz tədbirləri ləğv edilib
12.03.20
Xalq yazıçısı səfir təyin edildi
11.03.20
Fevralda ən çox satılan Azərbaycan ədəbiyyatının siyahısı
11.03.20

İstanbulda qədim və nadir Azərbaycan xalçalarının sərgisi açılacaq

11.03.20
“Avroviziya-2020"-də Azərbaycan təmsilçisinin mahnı və klipi təqdim edilib
10.03.20
Səxavət Sahilin “İsanın qadını” romanı 2-ci dəfə nəşr olundu
08.03.20
Müşfiq Şükürlü - Anaravirus
08.03.20
Təranə Vahid - Xırda bəhanələr
06.03.20
Yazıçı Xanəmir Telmanoğlunun yeni kitabı çap olunub
06.03.20
Balaca əclafın sayəsində keçmişinə boylanan qəhrəman - Cəlil Cavanşirin romanı haqda
06.03.20
200 min manat büdcəsi olan “Ədəbiyyat qəzeti nə üçün 15-20 manat qonorar verməlidir?
06.03.20
“Ustad” jurnalının 34-cü sayı nəşr olunub
06.03.20
Səxavət Sahil - Təmənnasız yazmaq
05.03.20
Misirdə yeni mumiyalar məskəni aşkar edilib
05.03.20
Səməd Mənsurun əsərlərindən ibarət toplu çapdan çıxıb
05.03.20
Vasif Əlihüseyn - Darıxmağın beşiyidi bu şəhər 
05.03.20
“İmadəddin Nəsimi - tədqiqlər, məqalələr, məruzələr” kitabı nəşr olunub
04.03.20
Şərif Ağayar - Cana yaxın hekayələr
04.03.20
Qismət Rüstəmov - "Təki başqa ölkədə kitabım çıxsın” düşüncəsi çox primitiv düşüncədir
03.03.20
Rəhman Bədəlov: "Zərdabi və onun “Əkinçi” qəzeti bizim hər şeyimizdir." - VİDEO
03.03.20
Yazıçılara rəhminiz gəlsin - Çingiz Abdullayev yazır
03.03.20
“Suğra və oğulları” filmi bu il kinosevərlərə təqdim olunacaq
03.03.20
Mirzə Baxış Nadimin şeirlər toplusunun ikinci kitabı çapdan çıxıb
03.03.20
Professor Asif Hacıyevin yeni monoqrafiyası çapdan çıxıb
03.03.20
Xaricdə təhsil alan azərbaycanlı: "Ankaranı sevdik, bağlandıq, ikinci vətənimiz oldu" - MÜSAHİBƏ
03.03.20
Hacı Zeynalabdin Tağıyevin “İçərişəhər” metrostansiyası qarşısındakı heykəli belə olacaq - VİDEO
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.