BSU-nun Yaradıcılıq fakültəsinin dekanı Salam Sarvanın Fakültəyə “Sürprizi”..
06.04.15
Bu gün də Bakı Slavyan Universitetinin Yaradıcılıq fakültəsinin ən fərqli və sürprizlərlə dolu yaşadığı günlərdən biri idi. Ənənəmizə sadiq qalaraq, qrup yoldaşımız Azər Xanlarovun doğum gününü müəllimlərimiz və tələbə yoldaşlarımızla şirniyyat masası arxasında qeyd etdikdən sonra birbaşa yollandıq konfrans zalına, ilk öncə, düşündük ki, dekanımız Salam Sarvanın fəlsəfə tarixi dərsi - Master klassdır. Sonra zala 4 qonaq daxil oldu onunla birgə, bu simaların facebook və digər sosial şəbəkələrdən müasir yazar, şair və kifayət qədər tanınmış imzalar olduğunu gördük
Dekanımız və müəllimiz Salam Sarvan ilk öncə bugünki görüş barədə nələr bildiyimizi soruşdu və məlum oldu ki, doğrudan da, onun bizə olan bugunki sürprizi haqda heçnə bilmirik. Əslində, bugünki günün digər günlərdən daha fərqli olduğunu nəzərimizə çatdıraraq, Yaradıcılıq fakültəsinin məzunlarının hal-hazırki tələbə dinləyicilərlə görüşə gəldiklərini yüksək fəxarət hissi ilə qeyd etdi. Görüşümüzə sevə-sevə gələnlər Yaradıcılıq fakültəsinin ilk məzunlarından olan Feyziyyə xanım, Günel xanım, Əsəd Qaraqaplan və Şəhriyar del Gerani idi.
Görüşümüzün gedişatının hansı istiqamətdə olacağına qərara gəldikdən sonra, belə məlum olduki; məzunlarımız Yaradıcılıq fakültəsinə ilk gəlişləri barədə, xatirələri ilə başlasınlar. Beləcə, Əsəd Qaraqaplan ilk öncə, sözə başladı, qolunun zədə almasına baxmayaraq, sevərəkdən Yaradıcılıq fakültəsinə ilk gəlişini xoş xatirələrlə nəql etdi və burada ilk olaraq, yaradıcılığa Salam Sarvanın yazdıqlarınızı və öz adınıza çıxardığınız kitabları yandırın cümləsiylə başladığını bildirdi və bu fakültənin onun həyatında yeni bir dönüş olduğunu ifadə edərək bizə olan tövsüyyələrini verdi.
Feyziyyə Xanım Sumqayıt şəhərindən gəlişlərini, hətda Rüstəm Kamalın Sumqayıtdan Yaradıcılıq fakültəsinə sevə-sevə gələn dinləyicilərin vaxtilə qəlblərini necə qırdığını, sonrada Salam Sarvanın bizim fakültənin ilk dəfə yaradıcılıq nümunələrini məhz, Sumqayıtdan gələn dinləyicilər arasından təqdim etdiyini bildikdən sonra, Rüstəm Kamalın Sumqayıtdan olan dinləyicilərə qarşı sözün əsl mənasında, bir ustad kimi qoyduğu hörmətdən sevə-sevə danışdı. Feyza xanımda yaradıcılığa əslində, yazmaqla yox, Salam Sarvanın sözü ilə “pozmaqla” başladığını qeyd etdi və Yaradıcılıq fakültəsinin onun həyatında önəmli dönüş nöqtəsi olduğunu qeyd etdi.
Günel xanım xoş xatirələrindən və onun bütün həyatında bir növ yaxşı mənada çevriliş edən Yaradıcılıq fakültəsindən bəhs etdi. Eyni zamanda, esse və hekayələr yazdığını qeyd etdi. Lakin, Yaradıcılıq fakültəsinin əsasını qoyan ustadımız Kamal Abdullanın yaradıcılığından bəhrələnərək artıq şeirlər yazdığını da, qeyd etdi.
Şəhriyar del Gerani də, həmçinin xatirələri və müəllimlərinin onun barədə olan mənfi və müsbət qeydlərindən danışdı. O eyni zamanda, Yaradıcılıq fakültəsinə gəldikdən sonra Günel xanımı və bir neçə dinləyiciləri fakültədə təhsil almağa dəvətindən və bu zaman qarşılaşdığı maraqlı hadisələri bizimlə bölüşdü.
Ümumi, səmimi, xoş və maraqlı söhbətdən sonra onlar öz şeirlərini səsləndirdilər, bu əsnada, hal-hazırki, dinləyicilərlə onlar arasında səsləndirdikləri şeirlərə olan münasibətlər dinlənildi və bəzi məqamlar müzakirə edildi. Görüşümüz gənc yazar və qrup yoldaşımız Nofəl Ümidin xoş anları şəkillərlə tarixə çevirməsi ilə davam edirdi. Tədbir gedişatında, məzunlarımızdan olan, hal-hazırda və həmişə Yaradıcılıq fakültəsinin dinləyicilərinin yanında olan Seyran İsmayılov öz yaradıcılıq nümunəsini səsləndirdi. Həmçinin, məzunumuz Yusif Nazim öz şeirini səsləndirdi. Tədbirdə həmçinin qələm yoldaşımız, gənc şair və yazar Emil Rasimoğlu da iştirak edirdi. Bunlarla yanaşı, fakültədə təhsil almaqda olan tələbələrimiz bir neçə şeir səsləndirdikdən sonra, Salam Sarvan yekun sözünü dedi və təəssütratlarını bizimlə bölüşərək tədbiri sona yetirdi.
Əslində, nə sözə, nə də ki, məzunlarımızın uğurlarını dinləməyimizə doyum yox idi. Amma nə yazıq ki, vaxt məhdudiyyəti imkan vermədən, zamanı özünə çəkən gecə irəliləyirdi…
BSU-nun Yaradıcılıq fakültəsinin dinləyicisi, Gənc Türk Yazarlar birliyinin üzvü – Ülkər Dəniz (Piriyeva)
|