Məhərrəm Şəmkirli - Qələminə, sözünə şükür
07.04.15

Artpress.az Məhərrəm Şəmkirlinin həkim-yazar Qalib Şəfahət haqqında məqaləsini təqdim edir.

Müxtəlif peşə sahiblərinin şair,yazıçı,rəssam, heykəltaraş, bəstəkar, hətta müğənni olması belə təəccüblü deyil. Həyatdır və insanlar da yaxam dövründə onların bacardığı, ruhunu daha çox qidalandırdığı, doyurduğu peşəni bəyənir, seçir. Bəzi insanlar illərlə çalışıb,oxuyub əldə etdiyi ixtisası, peşəni birdən şairliyə, yazıçılığa, rəssamlığa, heykəltaraşlığa, bəstəkarlığa, müğənniliyə dəyişir və beləcə yaşamağa,yaratmağa davam edir. Elələri də var ki, hər ikisini də paralel olaraq ömrünün lokomotivinə çevrir. Belə insanlardan biri də özünə, sənətinə, yaradıcılığına hörmət etdiyim şair, həkim-kardioloq Qalib Şəfahətdir.

Qalib bəylə tanışlığımız "Kitab evi"ndə yazıçı Şəhla Aslanın "Qutsal dönüş" kitabının imza günündə oldu. Bu tanışlıqdan hər ikimiz məmnunluq duyduq. Bu tədbirdən və görüşdən ən böyük qazancım Şəhla xanımın "Qutsal dönüş", Qalib bəyin isə iki- "Mənə ürək verin", "Əllərimdəki göy üzü" adlı  kitabları oldu.

Qalib Şəfahət ixtisasca həkimdir, özü də kardioloq. Məhz elə ilk kitabının adını da ixtisasına uyğun olaraq "Mənə ürək verin"qoyub. Kitab "Həkim ocağının hənirtisindən" şeri ilə açılır.

Əl açan əlləri boş qayıtmayır,
Gözlərdə bir niskil,yaş qayıtmayır.
Ümidi qırılan puç qayıtmayır,
Həkim ocağının hənirtisindən.


O, təkcə şeirlər yazmaqla kifayətlənmir, eyni zamanda  insanların sağlamlığının keşiyində də dayanır. Çox doğru olaraq kitaba ön söz yazan şair Musa Ələkbərli onu belə xarakterizə edir: "Sənə o ürəyi Tanrı verib, o, həqiqətən də poeziya ilə döyünən bir ürəkdir,vurğusunu, ritmini təmizlikdən, saflıqdan, gözəlliyə pərəştişdən, heyrətdən alır,sən o ürəyi ac qoyma, yaz-yarat, sənə ürək, könül verən oxucularının yolunu gözlə".

Artıq bu gün şair oxucularını yox, oxucuları onun şeirlərinin yolunu gözləyir. Qabil Şəfahət poeziyasında yenilik həvəsi, yeni söz demək istəyi güclü olduğuna görə oxucunu özünə çəkir, onu düşündürür, onda yüksək hissilər aşılayır. Onun Vətənə, anaya, torpağa, sevgiyə,həyat hadisələrinə  həsr etdiyi şeirlərdə bunu aydın görmək olar.

Əllərin boşdurmu?
Əllərini ver mənə.
Girib ovcuna dincəlmək istəyirəm.


İnsan həyatda hər şeyə- qəmə, qüssəyə, sevgiyə, sevincə, deməyə, gülməyə də alışa bil ir. Amma ölümə alışmaq,onunla hər gün görüşmək,dil tapıb danışmaq, hətta ondan möhlət alıb öz qəbrini özün qazmaq da olurmuş demə. Bu razılaşmanı,bu anlaşmanı şair "Ta ölümə alışmışam" şeirində oxucularına aşağdakı misraları ilə belə çatdırır:

Hər gün ölüb,dirilirəm
Ta ölümə alışmışam.
Öldüyüm günü bilirəm
Mən ölümlə danışmışam.


 Atalardan qalma belə bir məsəl var. Deyir,sən sözünü de, söz yiyəsi özü götürəcək.Amma bu gün sözü sanki havaya deyirsən,nə götürən var,nə də eşidən. Onda şair məcburiyyət qarşısnda qalıb belə deir:

Ay sözümün Sahibi
Gəl sözünə yiyə dur.


Axı bu sözlərin ayağı yalın, başı da açıq olduğuna görə tənha qalıb tənhalığa öyrəşib. Bu üzdən də hamıdan uzaqlaşıb, kiminsə ona daş atıb xətər yetirməyindən qorxur.  

İnsanın ən böyük arzusu, istəyi daima sevinmək, şadlanmaqdır. Bayram günlərində yaxınlarından,onu istəyənlərdən, o istədiklərindən hədiyyə ummaq da təbiidir. Amma çox təəssüf  ki, qayğı yükünün ağırlığından hər zaman isdədiyini xırda bir hədiyyə ilə belə sevindirib,könlünü açmaq gücündə olmursan.Şair bu halını incə bir yumor diliylə belə təsvir edir:

Bayram günü evə
Gec gələsən.
Əlində gül buketi olmaya
Sakitcə keçəsən otağına-
 Lap dinməz uzanasan
Yatağına,
Gözlərin dikilə tavana
otağa sükut çökə,
Sonra ürəkdən güləsən,
Səni incitmək asan...


Qalibə görə insanlar xəstələnən kimi sözlər də xəstələnir. Xəstələn sözlərin dərdini tapan şair bu xəstəliyin dərmanını da tapır. Bundan sonra sözü ayağa qaldırmaq,ona sağlam həyat vermək  asanlaşır. Amma bir şeydə var ki, sözlərin də insan kimi dərd-sərini tapmaq çətin olur. Buna baxmayaraq sözlər hələm-hələm xəstəliyə boyun əymirlər, mətin dayanırlar.

Həmi xəstəyə baxdım,
həm sözə baxdım
Bir təbib ürəyim sözə çevrildi.- deyir şair.


Bütün şairlər kimi Qalib Şəfahətin də yaradıcılığında müharibə mövzusu öz əksini tapmışdır. Onun Milli Qəhraman Mübariz İbrahimova həsr etdiyi "G edəsən" şeirini həyacansız oxumamaq mümkün deyil.

Gözünə dolan dərdləri,
Əlində ölən dərdləri,
Dərində qalan dərdləri,
İp salıb,çəkib gedəsən.


Sevgilisindən ayrılan aşiq peşmançılıq hissini ifadə edə bilməməkdən harda olduğunu bilmir. Az qala yalvaracaq bir şəkildə ona müraciət edir ki, nə olar heç olmasa mən ə yerimi de. Əgər demisənsə onda məni səndən əvvələ qaytar. Qaytar ki,bəlkə yaşadım, yoxsa belə bir tənhalığa dözə bilməyəcəm.İnsanın əvvəlki halına dönməsi,qayıtması bir az çətin məsələdi. Qalib kiçik bir şeirində böyük fikir söyləyib. Ümumiyyətlə şairin şeirlərində uzunçuluq, yoruculuq yoxdur,deyim yeni, söz fikir yüklüdü.

Qabil təkcə sevgidən,həyatdan,ölümdən yoz,həm də nöqsanlardan yazır. Heç kimə sirr deyil ki,bu gün məzar yerlərini dəllalar həraca çıxarıblar,istədikləri qiymətə satırlar. Bu üzdən də mərhumun yaxınları borca-xərcə düşürlər. Hər birimizin boyuna uyğun gələn torpaq, çoxumuzun cibimizə uyğun gəlmir. Xalq arasında deyilir ki,torpağın üzü qara, gözü acdı, hər şeyi udur, gizləyir, bircə yaxşı əməldən, yaxşı izdən başqa. Şerin sonunda şair nəsiət kimi üzünü insanlara tutub deyir: "Ey!.. İnsan oğlu, İndidən düşün - Torpaqda özünə yer tapmağa..."

İnsanın ömrü gəldi, getdi.Sözün ömrü əbədi yaşardı.Qalib sözünü əbədi yaşarlı etmək üçün əlinə qələm alıb. Qələminə, sözünə şükür Qalib bəy.

Artpress.az

Yenililklər
12.07.24
Yelisaveta Baqryana - Ah, belə gecələr əzabdır dostum!
11.07.24
Azad Qaradərəlinin əsərlərinin beşinci cildi cap olunub
08.07.24
“Narqız” qısametrajlı animasiya filminin istehsalı davam edir
05.07.24
"Dünya ədəbiyyatı" jurnalının Çeçenistan sayı işıq üzü görüb
03.07.24
“Ulduz” jurnalı oxucuların görüşünə yeni təqdimatda gəlib
02.07.24
Frans Kafka - Hökm
25.06.24
Mədəniyyət Nazirliyi senzura ittihamlarına aydınlıq gətirib
25.06.24
Azərbaycan Kinematoqrafçılar İttifaqı Şirvanda kino günlərinə başlayır
22.06.24
Şahid ifadəsi - Zərdüşt Əlizadə yazır...
13.06.24
“Divanü lüğat-it-türk”ün II və III cildləri nəşr olunub
13.06.24
“Ulduz” jurnalının may nömrəsi çap olunub
13.06.24
Azərbaycanda aparıcı teatrların siyahısı təsdiqlənib, işçilərin maaşları artırılıb
05.06.24
Özbəkistanlı şairlərin şeirləri Azərbaycan dilinə tərcümə edilərək nəşr olunub
05.06.24

Qulu Ağsəs haqqında yeni kitab çap edilib

24.05.24
Kino şirkətlərinə yeni imkan: post-prodakşna dəstək
22.05.24
Kənan Hacı - Salman Mümtaz Leninə nə deyəcəkmiş?
22.05.24
2024-cü ilin Ədəbiyyat üzrə Beynəlxalq Buker Mükafatının qalibi məlum olub
21.05.24
Professor Edmund Herziq: Nizami Gəncəvinin əlyazmalarının vahid kataloqu üç dildə nəşr ediləcək
21.05.24
Azərbaycanda iki teatrın adı dəyişdirilir və işçilərinin maaşı artırılır
20.05.24
“Linqvistik nəzəriyyənin əsasları” kitabı nəşr olunub
20.05.24
Hüseyn Arifin anadan olmasının 100 illiyi münasibətilə “Arxada qalan illər” adlı kitab nəşr edilib
20.05.24
Fransada azərbaycanlı rəssamın fərdi sərgisi keçirilib
15.05.24
Ülvi Babasoyun “Ədəbiyyatda postmodernizm: oyun estetikası” kitabı təqdim olunub
09.05.24
Həcər Atakişiyeva - Məhəmməd Füzulinin poeziyasının dili və üslubi xüsusiyyətləri
06.05.24
Həmid Herisçi: Öz adıma ədəbiyyat müharibəmi bitirdim
06.05.24
Kino Agentliyi “Qızılalma” Festivalında mükafata layiq görüldü
06.05.24
Kino ictimaiyyəti narahatdır: 38 nömrəli qərar ləğv olunacaqmı?
04.05.24
Cahid Camal “Xalq Əmanəti” layihəsinin 24-cü nəşrində
03.05.24
Gülnar Səma - Ramil Mərzilinin “Qadağan olunmuş şeirlər”i
03.05.24
Asif Rüstəmlinin “Cümhuriyyət məfkürəsi” kitabı çap olunub
03.05.24
Azad Qaradərəli - Şəhid toyu
02.05.24
ARKA-nın Apellyasiya Komissiyası müraciətlərlə bağlı qərar verdi
02.05.24
“Əlyazma abidələri: ənənə və müasirlik” kitabı çapdan çıxıb
02.05.24
Məşhur yazıçı Pol Oster vəfat edib
02.05.24
Azərbaycanlı alimin beynəlxalq konqresdə məruzəsi dinlənilib
02.05.24
Türkiyənin bütün bölgələrində Azərbaycan Mədəniyyət Günləri keçiriləcək.

01.05.24
Orhan Aras - Bedirhan Ahmedov: Yorulmaz Bir Bilim Adamı...
01.05.24
Cavanşir Yusifli - Gənc şairlərə məktub - Sözün ayağı dəyməyən yerlər
01.05.24
Türkiyədə Məhəmməd Füzuliyə həsr olunan beynəlxalq konfrans keçiriləcək
01.05.24
Nar ağacı - Kənan Hacının yeni hekayəsi
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.