Nərimanov rayonundakı 39 saylı orta məktəbin şagirdləri tanınmış şair Zakir Fəxri ilə görüş keçirib. Görüşdə Millət vəkili, yazıçı Aqil Abbas, yazıçı-tərcüməçi Etimad Başkeçid də iştirak ediblər.

Məktəbin Akt zalında baş tutan tədbirdə şagirdlər, müəllim korpusu, içtimaiyyət nümayəndələri, ziyalıların iştirakı ilə, Zakir Fəxrinin Qarabağ döyüşlərində igidliklə şəhid olan, Azərbaycanın milli qəhrəmanı Şahlar Şükürovun xatirəsinə həsr etdiyi “Yaza və yoza bilmədiyim yuxu” əsərinin içtimai müazkirəsi keçirilib.

Mərasim Azərbaycan Respublikasının dövlət himni ilə başlayıb. Sonra tədbirin aparıcısı Zakir Fəxri haqqında görüş iştirakçılarına məlumat verib, onun yaradıcılığı haqqında danışıb.

Məktəbin şagirdləri Zakir Fəxrinin Milli Qəhrəmana həsr etdiyi əsərdən parçalar səsləndirib, ədəbi-bədii kompozisiyalar nümayiş etdirib, vətənpərvərlik mövzusunda təsirli səhnəciklər göstəriblər.

Millət vəkili, yazıçı Aqil Abbas Şahlar Şükürov haqqında xatirələrini danışıb, onun xalqını, vətənini sevən igid olduğunu deyib. Zakir Fəxri yaradıcılığınadn söz açan Aqil Abbas şairin şeirlərinin poetik gücünü önə çəkərək vurğulayıb ki, onun şeirlərində səmimiyət, sadəlik və metafizik təfəkkür əsas yer tutur. Millət vəkili şairlə keçirilən göürüşü əlamətdar bir hadisə kimi dəyərləndirərək şagirdlərin yaddaşında iz buraxacagını qeyd edib.

Bakı şəhəri üzrə Təhsil idarəsinin nümayəndəsi isə çıxışında orta məktəblərdə şair və yazıçılarla belə göürşlərin keçirilməsinin olduqca əhəmiyyətli olduğunu bildirib. O belə görüşlərin keçirilməsinin Təhsil nazirinin göstərişi olduğuna diqqət çəkərək bu cür görüşlərin şagirdlərin təlim-tərbiyyəsində rol oynadığını, onları gələcək həyata hazırladığını deyib.

Sonra söz Zakir Fəxriyə verilib. Şair əvvəlcə belə bir tədbiri təşkil etdiyinə, onu şagirdlərələ görüşə dəvət etdiyinə görə məktəbin direktoru Tahirə Şükürovaya təşəkkür edib. Milli qəhrəman Şahlar Şükürovla dostluğundan danışan şair onu hər zaman xatırladığını bildirib: “Şahlar Şükürovla ilk tanışlığımız 1984-cü ildə Ucardan başlayıb. O vaxtı dostumuz Adil Minbaşı Ucarda hakim işləyirdi. Yolumuzu ucardan salmışdıq. Adil Minbaşı dedi ki, Zərdana getməliydik, dostumuz orda prokuror təyin olunub. Zərdab-Ağcabəsi yolunun üsündə restoranda görüşümüz oldu. Məclisə aşıq da dəvət olunmuşdu. Məclisin məndən təkidlə xahiş etdilər ki, şeir oxuyum. Sazın müşayəti ilə “Qalmaz belə, qalmaz dünya” və “Qaytar ana, qaytar məni beşiyə” şeirini dedim. Bu günki kimi yadımdadı, məclisdə ən çox təsirlənən Şahlar idi, çox kövrək adam idi, doluxsunmuşdu. O gündən başladı bizim dostluğumuz. Fələkdən oğurladığımız o gün bizi qardaşlaşdırdı, doğmalaşdırdı. Tez-tez görüşüb dərdləşirdik ”.
Daha sonra Zakir Fəxri şagirdlərin suallarını cavablandlrıb, onlara öz tövsiyyələrini verib. Yaradıcılığına verilən qiymətə görə tədbir iştirakçılarına minnətdarlıq edib.

Tədbirin sonunda şairinin sözlərinə yazılmış dillər əzbəri olan “Qalmaz belə, qalmaz dünya” mahnısı səsləndirilib.