Səxavət Sahil - Əlverdinin ilanı
18.09.15

Hekayə

Qadın sahib olduğu, qazandığı şeyi paylaşmaq gücündə deyil.
Ziqmund Freyd
 

 
Bir-iki gün qabaq Gülverən əriynən parka hava almağa çıxmışdı. Əhvalı yaxşıydı, bəzənib-düzənmişdi – əri yanında olanda kefi ala buludlarda olurdu, heç nə vecinə olmurdu. Parkı o baş-bu baş gəzib, həmişəki kimi “Dekameron” kafesində darçınlı çay içdilər. Birdən Gülverənin sir-sifəti yağışqabağı hava kimi tutuldu; körpə uşaqların hərəkəti onu haldan-hala salmışdı. İki balaca qız uşağı oyuncaq tapançanı o yan-bu yana dartışdırırdı. Qırmızı köynəkli qız oyuncağını ağ bantikli toppuşa vermək istəmirdi, sinəsinə bərk-bərk sıxıb buraxmırdı. Gülverən qəfildən ərinə qayıtdı ki, o balacanı görürsən, o da oyuncağını heç kimə vermək istəmir. Amma başa düşdü ki, Əlverdinin heç cütünə də deyil bu.
 
Əri nə qazandı, nə qazanmadı Gülverənin eynində deyildi. Heç vaxt pal-paltar, qır-qızıl söhbəti eləməzdi. Əlverdi hamıya əl tuturdu, nəsli-nəcabəti onun havasına uçurdu, kişinin təkcə adı-sanı yox, həm də xirtdəyə qədər pulu-malı varıydı. Toy olurdu Əlverdi, vay olurdu Əlverdi – qohum-əqrəbanın xeyri-şəri onun çiyinlərindəydi. Hatəm sayaq səxavətliydi. Arvad deyilən kəs bir dəfə ağzını açmazdı ki, ay kişi, əl çək bu xeyirxahlığından, əl çək ona-buna görüm-baxım eləməkdən. Zalım qızı elə bil Əlverdinin arvadı deyildi, saxladığıydı, mıqq eləyib səsini çıxarmazdı.
 
Axşam oldumu, vəssalam, Gülverənin başına yekə bir daş düşürdü; gözü qalırdı qapıda. Bir saat keçirdi, iki saat keçirdi, əri gəlmək bilmirdi ki, bilmirdi. Göyüm-göyüm göynəyirdi içi, deyirdi görəsən əri indi hansısa saunada, hansısa restoranda sütül-mütül qızlarla vaxtını keçirdir. O saat gözünün qabağına ərinin şahmar ilanı gəlirdi. Düşünəndə ki, indi onun şahmarı özgə yuvada dincəlir, sərinlənir, öz zəhərini kiminsə dərdinə dərman verir, için-için qovrulurdu, tüstüsüz, dumansız alışıb yanırdı…
 
Dünya malında gözü yoxuydu, ərinin pulunu, varını hamıya verməyə hazırıydı. Heç kimə vermək istəmədiyi, bölüşə bilmədiyi yeganə şey ərinin ilanıydı! Onu hamıya qızırqalanırdı.
 
Gülverən uşaq kimi sadəlövhüydü, öz təsəllisinə özü də inanırdı – deyirdi nə olaydı möcüzə baş verəydi, ərimin ilanı açılıb-yığılan olaydı, həmişə özümlə gəzdirərdim, lazım olanda yerinə qoşardım, olmayanda çıxarıb qoyardım bankanın içinə. Ta bir də onun dərdini çəkməzdim, qısqanmazdım, ürəyim də rahat olardı.
       
Əlverdi yayı-qışı çılpaq yatırdı, yerinə girəndə tursik-maykasını da soyunub atırdı, azartı beləydi zalım oğlunun. Üşümürdü, yorğandan, adyaldan heç nə örtmürdü üstünə, eləcənə, lüt-anabülbül tirrənirdi yerinə...
 
Arvad buna adət eləsə də, dişi bağırsağını kəsirdi, şürü-şübhəsi bütün ömrünü zəhər eləmişdi, di gəl ki, ayıb eləyirdi, çınqırını da çıxarda bilmirdi.
 
...Gülverən oyananda hava əməlli-başlı işıqlanmışdı, yuxudan doymaq nədi bilməyən Əlverdi tıss vurub yatırdı. Ən çox da bazar günləri günortayacan yatmağın adətkarıydı. Bərk yatırdı, xoruldamasa da ilan kimi fısıldayırdı. Xuyuna-xasiyyətinə bələdiydi arvadı – cinləməsi tutanda onu xışdamağını, alkaşlığını, söyüşcül olmağını, dediyim kimi yatanda ilan kimi fısıldamağını halal-xoşudur deyib bağışlayırdı. Bağışlamadığı bircə şey vardı - Əlverdinin ilanı…
 
Həmişəki təki, nə saata baxdı, nə pəncərəyə, gözünü açar-açmaz, qurd quzuya baxan kimi, hərisliklə ərinin ilanına baxdı. İlan da ki, nə ilan, deyərdin qabağında şahmar şahə qalxıb. Ürəyini yenə qara şübhələr diddi; elə bilirdi əri yuxuda ləçərin birini altına salıb kef çəkir, ona görə də ilanı dik-diringə qalıb.
 
Xalatının yaxasını hirslə düymələyə-düymələyə yataq otağının qapısını çırpıb çıxdı.
 
Mətbəxdən gələn qab-qacaq danqıltısı Əlverdini istirahət gününün şirin yuxusundan elədi... /Kulis/

Yenililklər
03.03.24
Asif Rüstəmli - Azərtac nə vaxt yaradılıb?
29.02.24
Abbasəli Xankişiyev - Dağlar kimi məğrur saxla başını
29.02.24
Əlirza Zihəq - Şuşa zəfəri
29.02.24
II Kitabqurdu Payız Oxu Marafonunun qalibləri mükafatlandırılıb
27.02.24
Azərbaycan Respublikası Kino Agentliyinin fəaliyyəti qənaətbəxşdir
23.02.24
Kənan Hacı - Korifeyin həyatını cəhənnəmə çevirən Dahi - Mahir Qarayevin "Sonuncu korifey" romanı üzərinə qeydlər
10.02.24
Öz nəğməmlə tək qalmışam indi mən - Höte
08.02.24
Gülnar Səmanın “Sözümüz sözdür-2” kitabı “GlobeEdit” nəşriyyatında çap olunub
01.02.24
Rus poeziyasının Gümüş dövrü - Seçmə şeirlər
01.02.24
Rəşad Səfər - Çığıranlar və çığırmayanlar
29.01.24
“İsveç nəsr antologiyası” ilk dəfə Azərbaycan dilində
29.01.24
Küyülü Nəccari Səid - Olumla ölüm arasında
29.01.24
Qulu Ağsəs haqqında kitab işıq üzü görüb
27.01.24
Natəvana "yaxılan" qara və qırmızı boyalar - Fərid Hüseyn yazır
25.01.24
Mahir N. Qarayev - Qara maskalı qatil
25.01.24
Tanınmış alim Paşa Kərimov vəfat edib
25.01.24
Fərid Hüseyn - Sözümüzü Allaha çatdırana vida
24.01.24
Vaqif Sultanlının “İnsan dənizi” romanı Təbrizdə yayınlandı
16.01.24
"Arşın mal alan" Ankara Dövlət Opera və Balet teatrında nümayiş olunub
16.01.24
Mahir N. Qarayev - Bir dəqiqəlik sükut, yaxud fikirli gördüyüm fikir adamı
16.01.24
Səfər Alışarlı - "Səs" romanı ustalıqla yazılmış əsərdir
16.01.24
Dünyaca məşhur roman Azərbaycan dilində - İlk dəfə
16.01.24
Səlim Babullaoğlu - Düma, Natəvan, xəncər, arxalıq və oyun
14.01.24
Ədəbiyyat İnstitutunda unudulmaz şair Nurəngiz Günə həsr olunmuş tədbir keçirilib
10.01.24
Bu boyda ömrü məhəbbətsiz necə yaşayasan? - Orxan Vəlinin Nahit xanıma məktubları haqqında - Fərid Hüseyn
10.01.24
Bolqarıstanda beynəlxalq festivalda ölkəmizi “Açar” bədii filmi təmsil edəcək
10.01.24
Tanınmış yazıçı, ədəbiyyatşünas Çingiz Hüseynov vəfat edib
10.01.24

"Dünya ədəbiyyatı" dərgisinin "Macarıstan" sayı və "Macar ədəbiyyatı" antologiyası nəşr olunub

26.12.23
Zərdüşt Əlizadə - Qəm-qüssə, kədər şairi
20.12.23
Fərid Hüseyn - Orxan Vəlinin Nahit xanıma məktubları haqqında
18.12.23
İki şair, iki şeir - Mahir N. Qarayev və Sesar Valyexo
18.12.23
Fərid Hüseyn  Bişkekdə Çingiz Aytmatova həsr olunan beynəlxalq forumda iştirak edib
13.12.23
Yun Fossenin Nobel mühazirəsi
11.12.23
2024-cü il üçün Türk dünyasının mədəniyyət paytaxtı Şuşadan Türkmənistanın Anev şəhərinə ötürülüb
11.12.23
Moskvada Əsgər Məmmədovun “Nar dastanı” adlı rəsm sərgisi açılı
11.12.23
Mixail Lermontov - Vəsiyyət    
11.12.23
Tutu Ağayeva - "Gözəgörünməzlər"in görünən və görünməyən tərəfləri
09.12.23
Səlim Babullaoğlu TÜRKSOY tərəfindən təltif olundu
09.12.23
Səlim Babullaoğlu - Allah və vətən aşiqi, böyük şair
09.12.23
Bakıda “Məhmət Akif Ərsoy. Seçmə şeirlər” kitabının təqdimatı olub
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.