Aliq Nağıoğlu - Ayama
01.12.15

  Hekayə

     Məktəbə gedəndə Util Akif qabağını kəsdi:
    - Uşaqlarına kitab al, - dedi.- Baha deyil, öz qiyməti iki manatdı, bir çaynikin pulunu verərsən.
    Uşaqları yoxdu, amma “Uşaq nağılları”nı aldı.
    “Bircə direktorla rastlaşmayaydım”,  - giriş qapısından içəri keçib uzun dəhlizlə addımladı.
     Tərs kimi kabinetdən çıxan direktor harasa tələssə də, onu görcək deyinməyə başladı:
     - Sənin sinfində Qırmızıbiletin nəticəsi yenə uşaqların üzünə tüpürüb. Bu gün Həyasız Mələyin oğlan nəvəsinin üzünə...
     Canını tez qurtardı. Bir neçə ay qabaq infarkt keçirmiş direktor sağ əli ürəyinin üstündə uzaqlaşdı.
     “Bu da canını tapşırsa, day üçüncü əbləh, əşhədənbillah, risk edib bura direktor gəlməz”,- arxayınlıqla öz-özünə söyləndi.
     Dörd saatı vardı. İki altıncılara Azərbaycan dilini, iki yeddincilərə ədəbiyyatı keçəcəkdi.
     Dərslər bitəndə it kimi yorulmuşdu. Yenə yatmaq istəyirdi.
     Məktəbdən evə qayıdanda yolun üstündəki çayxanaya döndü. Balaca kənddə çayxana çox da olsa, həmişə bələdiyyə binasının həyətindəkində otururdu. Kənddə ən yaxın dostu da burda idi. Üzbəüz oturan saat məktəbli oğlan qıvraq armudu stəkanda xoruzquyruğu çay gətirdi.
     Çox nadir hallarda kəlmə kəsirdilər.
     - İndi necəsən?- birdən ən yaxın dostu soruşdu.
     - Arabir mator sancır,- gileyləndi.
     - Çərəz ye,- həmişəkitək məsləhətindən qalmadı.
     Yolu o üzə keçib böyük marketə girdi. Bir manatlıq fındıq içi aldı. Paketi açıb evəcən içindəkini yedi.
      - Salamməleyküm, uçi! Nətə...nətə...nətərsən?..- sözlər Dəli Amanın ağzından tökülürdü.
      - Yaxşı, yaxşı, Aman xala...- beş bayramacan aralarında fərq olar-olmazdı; hər iki quruluşda o kənddən bu kəndə sədəqə yığmaq üçün bəzən iki dəfə yol ölçən qarımış qızı eyni cürə dindirdi. Bu səfər əlindəki kitabı ona uzatdı. Onsuz da hər nə versən müzayiqə etməzdi.
     Arvadı qonşu kənddən müəllim həmkarı ilə üzüm tənəkinin altında oturub söhbətləşirdilər.
     - Budur e, bu da evimin yaraşığı, - görününcə ucadan dilləndi.
     - Keçən səfər mənnən bərk inciyib, amma günah məndə deyildi, Allah haqqı,- müəllim həmkarı yerində qurcuxub mızıldadı.
     - Yeməyini gətirimmi?- arvadı tez əl-ayağa düşdü.
     - Yox,- dedi, - yol boyu bir paket fındıq içi yemişəm.
     - Elə eləmə, kişi, fındıq səni götürər...- arvadı bic-bic gülümsündü.
     - Çərəz matora xeyirdi, - əli ilə sol döşünə sığal çəkdi.- Yenə sancır...
     - Ürək nağayırsın,- arvadı ətli baldırını şappıldatdı, qəribə təşvişlə ərinə baxdı,- bundan qabaq zəlzələdən evi dağılmış müəllimin kreditində başı bərk ağradı. Yeddi ay sərasər maaşının düz yarısını tutdular. Zamin durmayanda da olmur, küsüb-inciyyillər... Kənddə işləyənlər onsuz da çox deyil, yerindən qalxan gəlir üstünə...
     - Cöngəyə baxmamısan?- cavab gözləmədən çönüb həyətin sol dirsəyindəki tövləyə sarı yön aldı.
     - Su göstərməmişəm,- arvadı arxadan qışqırdı.
     İşini qurtarıb kandara çıxdı. Sinfinin şagirdi Qırmızıbiletin nəticəsi böyük marketdən qayıdırdı.
    - Bacıoğlu, keçən səfər sənnən söhbətimiz oldu axı, bir daha onun-bunun üzünə tüpürməyəcəksən. Yenə şikayətlər var. İndi də Həyasız Mələyin oğlan nəvəsinin üzünə tüpürübsən?- soruşdu.
    - O, başdanqrijadı, müəllim.
    - Hə də,- başını buladı,- nə təhər başdanxarabdı ki, qiymətlərinin hamısı əladı.
     - Mənim nemeslərə qan udduran babam deyir: kim ki dərslərindən beş alır, onlar böyüyəndə həyatdan mütləq iki alacaqlar.
      “Sənin Qırmızıbilet baban haqlıdı”,- o fikrə getdi.
      - Bilirsiniz, müəllim, sinfimizin uşaqları sizə necə ad qoyublar?
      O bilmirdi.
       - İtqulaq!
       “İtqulaq?!”
       Müəllim həmkarı kor-peşman gedəndən sonra arvadı fikirləşirdi: ”Yaxşı mənə elçi göndərmiş bu mağmına o vaxtı yox dedim, indi dərddən-fikirdən quruyub çöpə dönmüşdüm”.
       Şam yeyilib qurtardı.
       - Kuxnaya nə vaxt əncam eləyəcəksən, kişi?- çirkli qab-qaşığı yumağa başlayanda arvadı hirslə çımxırdı,- indi heç kəsin evində belə şər-şərait yoxdu.
       - Eşidirsən...- çalışırdı məzəli danışsın,- sinfimdə mənə qəribə ad qoyublar,- amma alınmırdı.- İtqulaq...
       - Əcəb...
       - Bu uşaqlar keçən il əmək müəlliminin axırına çıxdılar. Bax hələ, qulaqlarım it qulağına oxşayır bəyəm?..
       - Nə bilim, a kişi,- arvadı bozardı.- İtimiz də heç vaxt olmayıb ki, qulaqlarına fikir verim. Gecə vaxtı bu hardan yadına düşdü. Amma sənin adın nataraz ayamaya oxşayır bir az...
       Televizorda intiharlardan, oğurluqlardan, yol nəqliyyat hadisələrində ölənlərdən süjetlər verilirdi. “Bir-birinin təkrarı olan daha bir günün dalından dəydik”, - o qəmgin-qəmgin qımışdı.
       Yerinə girməzdən qabaq gündəlik yazdığı dəftəri açdı. Bu səfər də yenə eyni sətiri yazdı: ”Heç nəyi vecinə alma!”

Yenililklər
03.07.20
Mədəniyyət Nazirliyi Rusiyanın xalq artistinə qanunsuz ödəniş edilib
03.07.20
“Xınalıq” qoruğu UNESCO-nun Dünya İrs Siyahısına namizədlik üçün ilkin siyahıya salınıb
02.07.20
Əhməd bəy Ağaoğlu yaradıcılığında azad insan konsepsiyası
02.07.20
COVID-19 epidemiyasına həsr olunan film çəkilir
02.07.20
Səməd Vurğunun şeirlər kitabı Türkiyədə nəşr olunub
01.07.20
Azərbaycan Respublikası Kinematoqrafçılar İttifaqı Kann Beynəlxalq Kinofestivalının rəhbərliyinə etiraz məktubu göndərib
01.07.20
Saedinin dünyaca məşhur “Bəyəl əzadarları” romanı Azərbaycanda nəşr edildi
01.07.20
Kinoşünas Azərbaycanda çəkilən serialları tənqid edib
30.06.20
Ermənilərin İranın siyasi həyatında oynadığı rol
30.06.20
Simran Qədimin yeni kitabı çap olunub
30.06.20
Əhməd bəy Ağaoğlu “Difai” təşkilatının qurucusu kimi
27.06.20
Pərviz Cəbrayıl - “Azğın”- onun seçilmiş əsərlərin mündəricatı
27.06.20
Bilal Alarlı - Kiçik hekayənin böyük hikməti
26.06.20
Küyüylü Nəccari Səid - Aslan Əmi
26.06.20
Mark Terensi Varronun “Latın dili haqqında" kitabı Azərbaycan dilində
26.06.20
Fərid Muradzadə - Güclü kişi 
26.06.20
Simran Qədim - Təhlükə: COVID-19
26.06.20
Məmmədov Eşqin - Payız məni darıxdırır, ilahi!
26.06.20
Cavanşir Yusifli - Bir şeirin dedikləri (Həmid Herisçi )
26.06.20
Tarix İnstitutunda “Azərbaycan Səfəvi dövlətinin xarici siyasəti” kitabı çap edilib
26.06.20
Dahilərin, yaradıcı insanların problemi: Bipolar xəstəlik
26.06.20
Azad Qaradərəli - Azər Abdullanın “Qəmərlidən keçən qatar” hekayəsinin ismarıcları
26.06.20
Mübariz Örən: "Yazıçı söz yaratmaqdan qorxmamalıdı" - Müsahibə
26.06.20
Daşkənddə “Azərbaycan Demokratik Respublikası və müstəqillik dövrü Azərbaycan ədəbiyyatı” kitabı çap olunub
26.06.20
“Məhtimqulu və Türk dünyası” adlı Beynəlxalq onlayn konfrans keçirilib
24.06.20
Orxan Saffari - Balığı güldürən azərbaycanlı yazıçı
23.06.20
İsmayıl Mərcanlı İmanzadə - Xatirələr tüstülənən ocaqmış...
22.06.20
Fərdi duyumun poetik ilməsi - poeziyanın Ağsəsi
22.06.20
Tanınmış ispaniyalı yazıçı vəfat edib
20.06.20
Atif Abbasov - Bilinən və bilinməyən Nəsrəddin Tusi
19.06.20
Bu kino ki var, bəs bizdə niyə yoxdur? - ARAŞDIRMA
19.06.20
Hacı Zeynalabdin Tağıyevin ev-muzeyinin bərpadan sonra açılışı olub
19.06.20

"Ulduz"un yeni sayı çıxıb

18.06.20
Ayxan Ayvazın “Mavra, Zəhra və başqaları” adlı kitabı çap olunub
18.06.20
Gənc yazardan Prezidentə müraciət: "Bu dəfə ümid sizədir"
16.06.20
Fərid Hüseynin Türkiyədə kitabı çap olunub
16.06.20

Gələn il “Eurovision” bu tarixlərdə keçiriləcək

15.06.20
Emil Rasimoğlu:"Azər Turanın istefa verməyi hesab edirəm ki, bu məqamda ən gözəl addımdır"
14.06.20
Gənc yazarlardan Azər Turana etiraz:“Götür bir istefa ərizəsi yaz”
12.06.20
"Koronavirus pandemiyası ilə mübarizə mövzusunda hekayə müsabəqəsi”nin qalibləri müəyyənləşib
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.