Avantaj Tədris Mərkəzi avantajlı təhsilin yeganə ünvanıdır
04.08.16

İyul ayının 24-də Azərbaycanın təhsil mühitinə yeni bir Tədris Mərkəzinin – “Avantaj”ın da adı daxil oldu. Açılış mərasimi peşəkar müəllim heyətinin ictimaiyyətə təqdim olunması başladı. Sonra mərasim iştirakçıları tədris mərkəzinə daxil olanlar və Avantaj Tədris Mərkəzinin geniş və hərtərəfli təhsil imkanları ilə də tanış oldular.

Maraqlananlar üçün deyək ki, Avantaj Tədris Mərkəzi (tel: 012-596-10-01; 050-302-10-01; 070-302-10-01; 055-302-10-01) Nəsimi rayonu, H.Sarabski küçəsi 16-da (Zabitlər parkının 2-ci girişi yaxınlığında, Maliyə Nazirliyinin arxa tərəfi) yerləşir.


Müsahibimiz Avantaj Tədris Mərkəzinin baş direktoru, məntiq elmi üzrə dəyərli tədris kitablarının müəllifi Etibar Lətiflidir:


- Yaranan hər ciddi, peşəkar müəllim heyətinin cəmləşdiyi tədris mərkəzi özü ilə elmimizə, təhsilimizə yenilik gətirir. Bəs Avantaj Tədris Mərkəzi  hansı yeniliyi ilə yadda qalacaq?


- Fərid bəy, bildiyiniz kimi, günümüzdə məntiq elmi bir sıra sahələri əhatə edir. Hər ötən gün məntiq elminin insan həyatındakı rolu artır. Gündəlik həyatımızda, çalışdığımız sahələrdə məntiq bizə kömək edir. Dövlətimiz də məntiq elminə olduqca dəyər verir. Magistraturaya, dövlət qulluğuna qəbul imtahanlarında məntiqi sualların salınması dediyimiz fikirləri bir daha təsdiq edir. Hətta gündəlik yaşamımızda məntiqin nə qədər karımıza gəldiyi, düşüncələrimizi çevikləşdirdiyi çoxlarına məlumdur. Bütün bunları nəzərə alaraq yeniliyimiz budur ki, Avantaj Tədris Mərkəzində çalışan müəllimlər ixtisas sualları ilə yanaşı, məntiqdən də imtahan verəcəklər, onlar təkcə öz sahələrində deyil, məntiq elmində də bilgiləri olan şəxslər arasından seçiləcək. Bundan başqa, biz məntiqi düşünmək bacarığını formalaşdırmaq və test sualları qarşısında seçim edərkən məntiq vasitəsi ilə ziddiyyətli, yaxud oxşar məqamları dərhal ayırd etsinlər deyə abituriyentlərə ödənişsiz aylıq məntiq və psixoloji seminarlar keçəcəyik. Məntiqi düşünmək bacarığı, onların məntiqi seçim etmələrini asanlaşdıracaq. Həmçinin, gələcəkdə magistraturaya, yaxud dövlət qulluğuna imtahan verərkən xeyli hazırlıqlı olacaqlar. Avantaj Tədris Mərkəzi təhsilin bir mərhələsini deyil, pilləli, ardıcıl mərhələlərini də paralel düşünür və bu da tələbələrin və abituriyentlərin gələcək uğurları üçün qarant deməkdir.

- Avantaj Tədris Mərkəzinin fəaliyyətini əhatəliliyi və imkanlarının genişliyi haqqında nə deyərdiniz?

- Avantaj Tədris Mərkəzi təhsilin bütün sahələri üzrə tədris imkanlarına malikdir. Bu geniş imkanların yaradılmasında məqsədimiz bütün pillələrdə və mərhələlərdə keyfiyyətli təhsilin reallaşdırılmasıdır. Biz təhsilin keyfiyyətinin yaxşılaşdırılması, ölkəmizdə təhsil almaq arzusunda olanların daha yüksək zirvələri fəth etməsi üçün çoxşaxəli imkanlar yaratmışıq və bu imkanların gələcəkdə daha da effektiv olması üçün prinsipial addımlar atacağıq.

İndi isə sizə bəzi xırdalıqları izah etmək, həmin əhatəliliyin imkanlarından danışmaq istərdim.  Məsələn, Məktəbəqədər hazırlıq: Burada 4-6 yaşlı uşaqların məktəbəqədər müəyyən bilgi ilə təmin olunması, nitq qabiliyyətinin, şeir, mahnı öyrənmək, rəsm çəkmək bacarıqlarının formalaşdırılması, həmçinin, rəqəmlərlə və hərflərlə tanışlıqları, nitq qabiliyyətinin inkişafı, habelə ekskursiyaların təşkili nəzərdə tutulur. Aşağıda qeyd edilənlər də Avantaj Tədris Mərkəzinin imkanlarının əhatəliliyini göstərir:

-    1-4 sinif şagirdlərinin ev tapşırıqlarının həllində lazımı kömək göstərilməsi məqsədi ilə hazırlıqlar;
-    5-6-7-8 sinif şagirdlərin fənlər üzrə təkmilləşmə hazırlığı;
-    9-10-11-ci sinif şagirdləri üçün abituriyent hazırlığı;
-    Texnikumlara hazırlıq (9-cu siniflər)
-    Magistraturaya hazırlıq (hər iki mərhələdə);
-    Dövlət qulluğuna qəbul imtahanına hazırlıq;
-    Kömpüyuter kursları;
-    Xarici dil kursları;
-    YÖS hazırlığı

YÖS hazırlığı barədə də bir məqamı xüsusi vurğulamaq istəyirəm: Bakalavr pillələri üzrə Türkiyə universitetlərinə qəbul imtahanı Türkiyədə olduğu üçün sənədləşmə də orada aparılır və biz bu işlərdə də tələbələrə köməklik göstərəcəyik.

Bildiyiniz kimi, bu gün qloballaşan dünyada yaşayırıq, ölkələrin bir-birinə inteqrasiyası danılmaz həqiqətdir. Son illərdə ölkəmizin turizm sahəsindəki uğurları da göz önündədir. Sadaladıqlarımın məntiqi nəticəsidir ki, gənclərimizdə xarici dilləri öyrənməyə ciddi maraq və ehtiyac var. Hər bir savadlı, ziyalı insanın dil bilgilərinin olması zəruridir və sevindirici haldır ki, bu zərurət cəmiyyət tərəfindən də qəbul edilir. Belə bir şəraitdə biz dil kurslarının uğurlu təşkilinə olduqca böyük diqqət ayırırıq. Tədrisə peşəkar müəllim heyətinin cəlb edilməsi, dillərin uyğun proqramlarla öyrədilməsinə çalışacağıq. Xarici dil öyrənmək istəyən tələbələr üçün əlavə həftəsonu ödənişsiz danışıq kursları həyata keçiriləcək. İnanıram ki, bu cür danışıq kursları xarici dil öyrənənlərin daimi ünsiyyət ünvanına çevriləcək.

- Xaricidə təhsil istiqamətində hansı işlərin görülməsini düşünürsünüz?


- Avantaj Tədris Mərkəzi xaricidə təhsil almaq istəyən şəxslər üçün də eyni dərəcədə məntiqlə və məsuliyyətlə çalışır. Ancaq biz planlarımızı müxtəlif istiqamətlərdə quracağıq. Tələbələrimizin dünyanın ciddi qəbul olunan, nüfuzlu universitetlərində təhsil alması məsələləri, bunun uyğun yollarının müəyyənləşdirilməsi istiqamətində çalışırıq. Tədris Mərkəzimizin çoxşaxəli, çoxqanadlı fəaliyyət istiqamətinin başlıca prioritetlərindən olan xaricdə təhsil məsələləri şübhəsiz ki, tam məsuliyyəti ilə bizim çiynimizdədir və biz fəaliyyət planımızı da həmin məsuliyyəti dərk edərək qurmaqdayıq. Hazırda xaricidə təhsil haqqında geniş bir proqram hazırlamışıq. Bu layihə şəklində düşünülüb, inşallah, yaxın gələcəkdə həmin layihəsinin reallaşmasının şahidi olacaqsınız.

- Tədris Mərkəzinin hazırkı tədris qrafiki, günün tələbləri ilə uzlaşan planları nədən ibarətdir?

- Hazırkı iş planımız tədrisi qəbul proqramlarına, Kurikulum təhsil sisteminə uyğun həyata keçirmək, təhsilimizin daha da inkişaf etməsi üçün əlimizdən gələnləri etməkdir. Məqsəd təhsil səviyyəmizi daha da inkişaf etdirmək, gənclərimizin istər ölkədaxili, istərsə də xaricidə ölkəmizi layiqincə təmsil etməsi yönündə imkanlar yaratmaqdır. Biz təhsilin sadəcə bu gününü deyil, həm də prespektivini düşünürük. O mənada ki, bizim tədris mərkəzində yetişən tələbələr təkcə qəbul imtahanlarında uğur qazananlardan ibarət olmamalıdır, eyni zamanda, onlar aldıqları daimi biliklər elə möhkəm təməl üzərində qurulmalıdır ki, təhsil həyatın müxtəlif mərhələlərində onları müşayiət etsin.

- Tədris Mərkəzinə yazılmaq, gələcəyini bu tədris mərkəzinə bağlamaq istəyən şagirdlərə, tələbələrə nə deyərdiniz?

- Avantaj Tədris Mərkəzi avantajlı təhsilin yeganə ünvanıdır. Öz təhsil gələcəyini düzgün qurmaq, peşəkar müəllimlərdən dərs almaq, müasir standartlara cavab verən bir tədris mühitində olmaq, şəffaf və səmimi mühitdə özünü, biliklərini inkişaf etdirmək istəyən şagirdlər və tələbələr bizə üz tuta bilər.
İndi elə bir dövrdür ki, hər kəs öz övladını daha peşəkar, bilgin müəllimlərin hazırlaşdırmasını, öyrətməsini istəyir. Valideynlərə də üz tutub demək istəyirəm ki, keyfiyyətli təhsil vermək üçün Avantaj Tədris Mərkəzinin hər cür imkanı, şəraiti və heyəti var. Valideynlərin və tələbələrin razı qalacağı mühit və təhsil bizim başlıca qayəmizdir. Bir əlavə məlumat da deyim ki, 31 avqusta qədər Avantaj Tədris Mərkəzinə yazılan, qeydiyyatdan keçən tələbələrə 20 % endirim ediləcək.

- Avantaj Tədris Mərkəzində dərs deyən müəllim heyəti və onların işə qəbulu da önəmli məqamlardandır. İstərdim ki, bu barədə də danışaq.

- Hamımıza məlumdur ki, müəllim peşəsi olduqca müqəddəs peşədir. Bu müqəddəsliyi göstərən iki əsas amil var: Müəllimin peşəkarlığı və yüksək insani keyfiyyətləri. Biz bu üstünlüklərin hər ikisini eyni dərəcədə qiymətləndiririk ki, tələbələr və abituriyentlər daim Tədris Mərkəzimizdən razı qalsınlar və burada yaradılan mühit onların yaddaşında daim yaşasın.

Sizin sualınıza cavab olaraq isə onu demək istəyirəm ki, Avantaj Tədris Mərkəzində çalışan müəllim heyəti uzun illər iş təcrübəsi olan müəllimlərdir. İşə qəbul olarkən müəllimlər üç mərhələdə imtahandan keçiblər.

-    İxtisas və məntiqdən test;
-    Müsahibə mərhələsi;
-    Açıq dərs;

Müəllimlərimizin əksəriyyəti tədris etdiyi fəndən olduqca dəyərli kitabların müəllifləridirlər ki, bu da bizim xüsusi üstünlüklərimizdəndir. Onlar ixtisaslarını yüksək səviyyədə akademik bilgilərə malik, tələbələrin, şagirdlərin psixologiyasına bələd olan, onların yetişməsi üçün mühit yarada bilən yüksək ixtisaslı, savadlı pedaqoqlardır.

Söhbətləşdi: Fərid Hüseynov

Yenililklər
13.08.20
MTRŞ əcnəbi teleserialların yayımının bərpa olunmasına qərar verdi
13.08.20
İsmayıllıda yol tikintisi zamanı maddi-mədəniyyət nümunələri aşkar olunub
13.08.20
Mədəniyyət nazirinə müşavir təyin edilib
13.08.20
Hacı Zeynalabdin Tağıyevin naturadan çəkilmiş portreti - Bir rəsmin dedikləri
13.08.20
Əliağa Vahidin 125 illiyi münasibətilə poçt markası buraxılıb
13.08.20
Azərbaycan Kinematoqrafçılar İttifaqı ssenari müsabiqəsi elan edib
12.08.20
Dünyanın ən çox məvacib alan aktyorları açıqlandı
12.08.20
Mədəniyyət Nazirliyinin İnformasiya və İctimaiyyətlə əlaqələr şöbəsinin müdiri işdən çıxıb
12.08.20
Cavid Zeynallının kitabı Türkiyədə nəşr olunub
12.08.20
Əhmədiyyə Cəbrayılovun 100 illiyinin qeyd edilməsi haqqında Prezident Sərəncam imzalayıb
11.08.20
Anar Kərimov Türkiyənin ölkəmizdəki səfiri Erkan Özoral ilə görüşüb
11.08.20
İspaniyalı rəssamın əsəri Heydər Əliyev Mərkəzində nümayiş olunur
11.08.20
Mədəniyyət Nazirliyi sisteminin idarə edilməsinin təkmilləşdirilməsi üzrə işçi qrup yaradılıb
11.08.20
Cəlilabadda maddi mədəniyyət nümunələri aşkarlanıb
10.08.20
"Ən böyük arzum Azərbaycan Mühacirət Muzeyini qurmaqdır" - Dilqəm Əhmədlə müsahibə
10.08.20
İzmirdə mifoloji varlıq olan Satyrosun heykəli aşkarlanıb
10.08.20
Mədəniyyət Nazirliyində kadr islahatları aparılıb
08.08.20
Nadir şah Əfşarın Azərbaycanın xristian əhalisi ilə münasibətlərinə dair kitab nəşr olunub 
08.08.20
“Eurovision” mahnı müsabiqəsinin Amerika versiyası yaradılacaq 
08.08.20
Məmməd Məmmədli - Avropa kinosu kreativlik nümayiş etdirir
07.08.20
"Ulduz" jurnalının iyul sayı çap olundu
07.08.20
Nizami Cəfərov - Azərbaycan dilinin orijinal qrammatikası 400 il sonra
07.08.20
Haqverdiyevin kitabı macar dilində nəşr edilib
07.08.20
“Ümmətçilikdən millətçiliyə keçid dövrümüzün fəlsəfəsi” monoqrafiyası nəşr olunub
07.08.20
90 yaşlı Toğrul Nərimanbəyov
07.08.20
Mədəniyyət Nazirliyi ictimaiyyətə müraciət edib
06.08.20
Elçin İbrahimov - Azərbaycanda dil siyasəti
06.08.20
Şamaxıda Antik dövrə aid nekropol aşkar olunub
06.08.20
Respublika Kinematoqrafçılar İttifaqı Milli Kino Günü ilə bağlı kino xadimlərinə pul mükafatları təqdim edib
06.08.20
Çingiz Aytmatova həsr olunmuş monoqrafiya çap olunub
03.08.20
“Azərbaycan əlyazmaları dünya kitabxanalarında” mövzusunda V beynəlxalq elmi-nəzəri konfrans keçiriləcək
03.08.20
Azərbaycan Kinematoqrafçılar İttifaqının illik mükafatının qalibləri elan olunub
03.08.20
Əziz Mirəhmədovun “Seçilmiş əsərləri” çap olunub
30.07.20
Məşhur amerikalı aktrisa vəfat etdi
30.07.20
İsmayıllıda “DOST Evi” Yaradıcılıq, Sərgi və Satış Mərkəzinin təməlqoyma mərasimi keçirilib
30.07.20
Qazaxıstanda Xoca Əhməd Yasəvinin məqbərəsi bərpa edilib
30.07.20
“Xəzərin dalğaları” adlı Beynəlxalq Sulu Boya Festivalına 500-dən çox sənət əsəri göndərilib
29.07.20
Çağdaş Monteneqro şeiri - Eşq barədə gecə şeiri və sairə
29.07.20
Rembrandtın avtoportreti rekord məbləğə satılıb
29.07.20
"Azərbaycan ədəbi tənqidi" kitabı dəyərli elmi-nəzəri mənbə və birliyin təcəssümü kimi
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.