Ömər Seyfəddinin itə görə 9 nəfəri baltalayanın hekayəsi

01.11.16

Avanqard.net gənc yazar Şəfiqə Şəfanın tərcüməsində türk yazıçısı Ömər Seyfəddinin "Namus" hekayəsini təqdim edir.

Gecə yarısı idi. Tənha ulduz qaranlıq səmanın dərin qatlarında yuxuya getmiş sürüsünə baxan çoban gözü kimi parıldayır, zülmət gecəyə xəfif, mavi işıq salırdı. Həbsxananın ağır, dəmir qapısı acı bir qarğış naləsi kimi açıldı. Jandarmalar əlləri arxasında bağlı cılız, ürkək bir kişini bayıra çıxartdılar. Qara furqonlu arabanın dar qapısından içəri salmaq üçün qollarını yuxarı qaldırdılar. Məhbus sağındakı saqqallı jandarmaya dönüb:
– Hara gedirik, ağam? – deyə soruşdu.
– Bilmirsən ki?
– Yox, bilmirəm.
– Bayaq sənə baş çəkən molla nə dedi?
– Nəsə dua edirdi. Soruşdum, dedi ki, onun söylədiklərini təkrar edim. Mən də mənasını anlamadan təkrar etdim.
– Yaxşı eləmisən, – deyə jandarma məhkumu arabanın içinə itələyib özü də yanında oturdu. Bayırda qalan gənc jandarma qapını arxadan kilidlədi. Gecənin səssizliyində qamçı səsi, at nallarının taqqıltısı, dəmir çarxların gurultusu eşidildi. Pəncərəsiz furqonun içi qutu kimiydi. Küncdəki kiçik bir fənər sarı, tutqun işığı ilə divarlardakı kölgələri titrədirdi. Məhkum susmur, elə hey sualları yağdırırdı. Silahını yanına dayamış saqqallı jandarma tənbəki kisəsini çıxarıb bir papiros eşdi.
– Yarım saat sonra isinəcəksən, – deyə onun suallarına güldü.
– Hamama gedirik?
– Hə, amma sənin bildiyin hamamdan deyil.
– Necə yəni?
– Sabunu var, suyu yox.
– Mən bu gün yuyunub qüsullanmışam, nə gərək vardı gecə vaxtı hamama?
– Elə qüsulunu pozmaq üçün.
Dustaq jandarmanın ikibaşlı sözlərindən heç nə anlamayıb susdu. Bu dəfə də onun danışmadığını görən jandarma suallarını yağdırmağa başladı.  
– Sənin cinayətin nəydi?
Məhkum yarasına toxunulmuş adam kimi qəfil bağırdı:
– Namus, ağam, namus, namus! – deyib oturduğu yerdə qıvrılır, özünü sağa-sola çırpırdı. Onun bu namus həyəcanı jandarmanı narahat elədi.
– Qaraçı hara, namus hara! Siz nə bilirsiniz namus nədi?
– Niyə bilmirik ki, insan deyilik? Bizim heysiyyətimiz yoxdur? – məhkum qəzəblə etiraz etdi.
– Arvadını başqasıyla yaxalamısan?
– Xeyr.
– Qızını, bacını biriylə tutmusan?
– Yox!
– Bəs onda bayaqdan nə namus, namus deyib özünü yırtırsan? Adam kimi başa sal!
Dustaq öz fəlakətini xatırlayanda dodaqları titrədi. Özünü ələ alıb hekayəsini danışmağa başladı:
– Bir axşam dərəyə yuyunmağa enmişdim. Bir az çox çimdiyimdən gec qayıtdım. Çadıra qayıdanda nə görsəm yaxşıdı?
– Nə?
– Ax, namus, getdi namusum!
– Əşşi, bir de görək, sonra ah-vay eləyərsən!
– Arvadım, anam, bacım, bibim, iki qızım, gəlinim – ailəmin bütün qadınları toplaşıb, nəyəsə baxıb gülür, əylənirdilər.
Jandarmanı əməlli-başlı maraq bürüdü. Papirosunu ağzından çıxarıb soruşdu:
– Nəyə baxıb gülürdülər ki?
Qaraçı yenə “namus, namus” deyib başını divara çırpandan sonra dedi:
– Bizim dişi itə qonşu Həsənin sarı erkək iti yapışıb, cütləşirdilər. Bizimkilər də onu çadırın içinə soxub, həvəslə seyr edirdilər.
Jandarma gülməkdən uğundu:
– Hə, sonra?
– Birdən-birə hiddətləndim. “Abırsızlar, utanmazlar” deyib bağırdım. Qan necə beynimə vurdusa çadırın qırağındakı baltanı qapıb it qarışıq hamısının başına endirdim. Heç biri qaçıb canını qurtara bilmədi, hamısını gəbərtdim!
Jandarma yerində quruyub qalmış, papirosu barmaqlarının arasından sürüşüb düşmüşdü. Qarşısındakı sısqa, üst-başı çirkli, eybəcər qaraçıya baxır, ürəyi sıxılırdı. Qeyri-ixtiyari öz məmləkətində yazqabağı qadınlı-kişili yığışıb eşşəkləri cütləşdirdiklərini xatırladı. İstər-istəməz öz “namussuzluq”larına şükr etdi. Yaxşı ki, aralarında bu qaraçı kimi “namuslu” adam yox idi, yoxsa bütün qəsəbəni baltadan keçirərdi.

***

Araba qatilin doqquz insanı baltaladığı yerdə dayandı. Bura bir şose kənarıydı. Furqonun qapısını açdılar, əvvəlcə qaraçı, arxasından isə saqqallı jandarma çıxdı. Bu cinayət işinə baxan hakim, komissar, jandarma – hamısı qabaqcadan gəlmişdilər. Arabalar qatar vaqonları kimi bir-birinin ardınca düzülmüşdü. Ortalıqda dar ağacı qurulmuşdu, bir neçə jandarma kəndiri sabunlayırdı. Qaraçı bu mənzərəni görər-görməz kölgəsindən hürkmüş ərəb atı kimi geri atıldı.
– Bu nədi? Məni asacaqsınız? – deyə hayqırdı.
Heç kəsdən səs çıxmadı, hamı başını aşağı salmışdı. Namus uğrunda şəhid olacaq bu zavallıya qarşı hər kəsin qəlbində sanki bir gizli rəğbət, ehtiram vardı. Edam hökmünü vermiş ağsaqqal hakimin gözlərindən bıldır-bıldır yaş tökülürdü. O, qırx illik vəzifəsi boyunca heç vaxt belə vicdan əzabı çəkməmişdi. Cinayətin tam təfərrüatını bilməsə də, namus üstündə bir adamın canından keçməsi onun üçün şəhidlik zirvəsi idi. Amma nə edə bilərdi... Bir insan kimi ona ürəyi yansa da, qanun başqa şey deyirdi. Öz əlində olsaydı doqquz canı birdən almış bu Əzrayıla bəraət qazandırardı! Namus uğrunda canını fəda edəcək bir insanın son arzusunu yerinə yetirmək istədi:
– Yaxın gəl, oğlum!
Çaşqın qaraçı hıçqıra-hıçqıra yaxınlaşdı. Dizləri, əlləri, dodaqları titrəyirdi.
– Allah günahını bağışlasın! – deyə hakim sözə başladı. – Mən sənin haqlı olduğunu bilirəm, ancaq əlimdən səni qurtarmaq üçün heç nə gəlmir. Başımız qanuna bağlıdır. Dünyada son arzun nədi, söylə mənə. Nə olsa, yerinə yetirəcəm, oğlum!
Qatil qaraçı bir gözü sabunlu kəndirə baxa-baxa dedi:
– Mənim arzumu sizin kimi namərdlər yerinə yetirməzlər!
Hakim əlini qaldırıb and-aman elədi:
– Vallah, billah, nə desən edəcəm, söylə oğlum!
– Etməzsən, bilirəm.
– Dedim ki, edərəm!
– Hamınız yalançısınız, insanları aldadırsınız!
– Mən yalan demirəm, övladım! Bax burdakı hər kəs şahid olsun ki, nə istəsən edəcəyəm.
Hakim ona baxan, razılıqla başını tərpədən heyətə göz gəzdirib vədini qətiyyətlə təkrarladı:
– Yerdə bu adamlar, göydə Allah şahid olsun ki, arzunu yerinə yetirəcəm!
Hakim boğazında düyünlənmiş hıçqırıqlardan boğulurmuş kimi başını göyə qaldırdı. Doğru söylədiyi səsinin əzəmətindən, həyəcanından, yaş gözlərindən bəlliydi. Qaraçı bir az rahatladı, gözləri parladı. Heyət başdan-ayağa donmuş kimi hərəkətsiz dayanıb qulaq kəsilmişdi. Yaxınlaşan ölümün soyuqluğu sanki hamını dondurub buz heykələ çevirmişdi. Qaraçı udqunub öskürdü.
– Yaxşı, hakim əfəndi, – dedi. – Səndən istədiyim budur: Həsənin sarı itini tap, axtalatdır. Qoy camaatın namusu xilas olsun!
Saqqallı jandarmadan başqa bütün heyət, hakim başda olmaqla təəccüblə bir-birinə baxır, qulaqlarına inana bilmirdilər. Qatil isə yenidən başına-gözünə döyərək “ax namus” deyə-deyə çaşqın hakimə baxıb:
– Hakim əfəndi! Sözünü yetirib dediyimi etməsən, axirətdə iki əlim yaxanda qalsın! – deyərək onu dar ağacına aparan jandarmaların qolları arasında çırpınırdı.

Yenililklər
14.08.20
“Çölçü” filmi yenidən mükafata layiq görülüb
14.08.20
Mədəniyyət Nazirliyində kadr təyinatı
14.08.20
Koreyalı türkoloqun kitabı Azərbaycanda nəşr olunub
13.08.20
MTRŞ əcnəbi teleserialların yayımının bərpa olunmasına qərar verdi
13.08.20
İsmayıllıda yol tikintisi zamanı maddi-mədəniyyət nümunələri aşkar olunub
13.08.20
Mədəniyyət nazirinə müşavir təyin edilib
13.08.20
Hacı Zeynalabdin Tağıyevin naturadan çəkilmiş portreti - Bir rəsmin dedikləri
13.08.20
Əliağa Vahidin 125 illiyi münasibətilə poçt markası buraxılıb
13.08.20
Azərbaycan Kinematoqrafçılar İttifaqı ssenari müsabiqəsi elan edib
12.08.20
Dünyanın ən çox məvacib alan aktyorları açıqlandı
12.08.20
Mədəniyyət Nazirliyinin İnformasiya və İctimaiyyətlə əlaqələr şöbəsinin müdiri işdən çıxıb
12.08.20
Cavid Zeynallının kitabı Türkiyədə nəşr olunub
12.08.20
Əhmədiyyə Cəbrayılovun 100 illiyinin qeyd edilməsi haqqında Prezident Sərəncam imzalayıb
11.08.20
Anar Kərimov Türkiyənin ölkəmizdəki səfiri Erkan Özoral ilə görüşüb
11.08.20
İspaniyalı rəssamın əsəri Heydər Əliyev Mərkəzində nümayiş olunur
11.08.20
Mədəniyyət Nazirliyi sisteminin idarə edilməsinin təkmilləşdirilməsi üzrə işçi qrup yaradılıb
11.08.20
Cəlilabadda maddi mədəniyyət nümunələri aşkarlanıb
10.08.20
"Ən böyük arzum Azərbaycan Mühacirət Muzeyini qurmaqdır" - Dilqəm Əhmədlə müsahibə
10.08.20
İzmirdə mifoloji varlıq olan Satyrosun heykəli aşkarlanıb
10.08.20
Mədəniyyət Nazirliyində kadr islahatları aparılıb
08.08.20
Nadir şah Əfşarın Azərbaycanın xristian əhalisi ilə münasibətlərinə dair kitab nəşr olunub 
08.08.20
“Eurovision” mahnı müsabiqəsinin Amerika versiyası yaradılacaq 
08.08.20
Məmməd Məmmədli - Avropa kinosu kreativlik nümayiş etdirir
07.08.20
"Ulduz" jurnalının iyul sayı çap olundu
07.08.20
Nizami Cəfərov - Azərbaycan dilinin orijinal qrammatikası 400 il sonra
07.08.20
Haqverdiyevin kitabı macar dilində nəşr edilib
07.08.20
“Ümmətçilikdən millətçiliyə keçid dövrümüzün fəlsəfəsi” monoqrafiyası nəşr olunub
07.08.20
90 yaşlı Toğrul Nərimanbəyov
07.08.20
Mədəniyyət Nazirliyi ictimaiyyətə müraciət edib
06.08.20
Elçin İbrahimov - Azərbaycanda dil siyasəti
06.08.20
Şamaxıda Antik dövrə aid nekropol aşkar olunub
06.08.20
Respublika Kinematoqrafçılar İttifaqı Milli Kino Günü ilə bağlı kino xadimlərinə pul mükafatları təqdim edib
06.08.20
Çingiz Aytmatova həsr olunmuş monoqrafiya çap olunub
03.08.20
“Azərbaycan əlyazmaları dünya kitabxanalarında” mövzusunda V beynəlxalq elmi-nəzəri konfrans keçiriləcək
03.08.20
Azərbaycan Kinematoqrafçılar İttifaqının illik mükafatının qalibləri elan olunub
03.08.20
Əziz Mirəhmədovun “Seçilmiş əsərləri” çap olunub
30.07.20
Məşhur amerikalı aktrisa vəfat etdi
30.07.20
İsmayıllıda “DOST Evi” Yaradıcılıq, Sərgi və Satış Mərkəzinin təməlqoyma mərasimi keçirilib
30.07.20
Qazaxıstanda Xoca Əhməd Yasəvinin məqbərəsi bərpa edilib
30.07.20
“Xəzərin dalğaları” adlı Beynəlxalq Sulu Boya Festivalına 500-dən çox sənət əsəri göndərilib
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.