Şərif Ağayar - Seyran Səxavətin zəngi
02.11.16

Bu səhər avtobus basabasında Seyran Səxavətdən zəng gəldi.
 
Adətən, avtobusda telefonu açmıram.
 
Səsini alıb cibimə qoyuram.
 
Adamları narahat etmək istəmirəm.
 
Çünki, özüm dəfələrlə qulağımın dibində danışanlardan rəncidə olmuşam.
 
Yeri gəlmişkən, telefonla danışmaq yüksək mədəniyyətdir.
 
Bəzən, elə adamlar, xüsusən, qadınlar olur ki, lap yaxınında danışır, səsini güclə eşidirsən.
 
Qibtə edirəm belə adamlara.
 
Özüm dəfələrlə asta danışmağa çalışmışam, o yandan qışqırıblar ki, nə olub, xəstə-zad deyilsən, səsin niyə çıxmır?
 
Görünür, tuluğu əvvəldən suya vermişəm.
 
Hamı səsimi gur görməyə alışıb.
 
Nə isə...
 
Bilən bilir, bilməyənlərə dərs olsun: Seyran Səxavətin telefonunu açmamaq olmaz!
 
Şəmkirə, mərhum Taleh Həmidin yasına gedir.
 
Amma zənginin səbəbi bu deyil.
 
Səbəb aşağıda:
 
“Şamxal Rüstəmdən yazmışdın... Dedim, öyrənim görək, Şəmkirdə yaşayır? Əgər orda yaşayırsa getmişkən, ona da dəymək istəyirəm.”
 
Məlumat üçün deyim, əslən Şəmkirdən olan Şamxal Rüstəm 80-cilər nəslinin ən istedadlı nümayəndələrindəndir.
 
Lakin şair kimi taleyi gətirmədi.
 
Bir az meyxana, bir az səhlənkarlıq, bir az gündəlik qayğılar, bir az səhhət problemi...
 
Tanrı ona istedad verdi, şans vermədi.
 
Talesiz istedad dəhşətli yükdür.
 
Birinə istedad verib, şans verməmək tanrının yumor hissinin göstəricisidir.
 
Ələ salır adamı.
 
Baxıb əylənir.
 
Şamxal Rüstəm də belə oldu.
 
Havalı gəldi.
 
Havası gedəndə baxıb-gördülər ortada beş-altı misradan başqa heç nə yoxdur.
 
Həyat amansızdır!
 
Nə günah elədisə, tale cəzalandırdı onu.
 
Diriykən unudulmağa məhkum elədi.
 
Ancaq Şamxal Rüstəmi unutmayanlar da var...
 
Gördüyünüz kimi...
 
Bir yazıdan yola çıxıb zəng edən, yerini-yurdunu öyrənən, görüşmək istəyən...
 
Hətta beş-on saniyəlik telefon zənginə bir bənd şeirini də sığışdırmağı bacaran...
 
Özü də Seyran Səxavət kimi “ağır çəkili” bir adam!   
 
Bəlkə elə o zəng, o bir bənd şeir üçün yaşamağa, yazmağa dəyərmiş?
 
Necə düşünürsünüz?
 
Adama istedad verib, tale verməyən ulu göylərin acığına!

/kulis.az/

Yenililklər
20.11.19
Bəsirə Əzizəli - İstanbullu yazara Bakının verdiyi ilham
20.11.19
Cavanşir Yusiflinin kitabı təqdim olunacaq
20.11.19
III Dərgi Qara dəniz Beynəlxalq sosial elmlər simpoziumu keçirilir
18.11.19
Mübariz Örənin Fransada romanı çıxır
18.11.19
Bakı Slavyan Universitetində yazıçı Şərif Ağayarla görüş keçirilib
14.11.19
Şair Şamxal Rüstəm vəfat edib
13.11.19
Səxavət Sahil: “Tənqidçi mənə deyir ki, istəyirsən sənin romanından yazım?” - MÜSAHİBƏ
13.11.19
Cəlil Məmmədquluzadənin nəslinin davamçıları Bakıya gəlir
13.11.19
"Qanun"dan yeni kitab - Stiv Cobs
13.11.19
Zahid Sarıtorpaqdan yeni romanı çap olunub
11.11.19
Bəsirə Əzizəli - Məhəmməd İqbal və türk sədrəzəmi  Səid Həlim Paşa
09.11.19
Bədrxan Əhmədlinin “Türkçülüyün üçlü formulu. Nəzəri və tarixi aspektləri” kitabının müzakirəsi keçirilib
09.11.19
Bolqarıstanda Cəlil Məmmədquluzadənin “Seçilmiş əsərləri” çap olunub
09.11.19
Qürbətdə kabusa dönüb yuxulara gələn xatirələr
09.11.19
Bəxtiyar Aslanın “Üç əqrəb zamanı” kitabının təqdimatı keçirilib
06.11.19
“Cəlil Məmmədquluzadə 150 il” kitabının təqdimat mərasimi keçirilib
06.11.19
“İçərişəhər”də Dövlət Bayrağı Günü münasibəti ilə dəyirmi masa keçirilib
04.11.19
Bolqarıstanda Nəsiminin “Mənim müqəddəs məbədim” kitabı çap olunub
04.11.19
Elyar Təbrizli - Mirzə Melkumun siyasi fəaliyyəti və düşüncəsi
01.11.19
 Mədəniyyət Nazirliyi ssenari müsabiqəsi elan edib
01.11.19
Cavanşir Yusiflinin yeni kitabı nəşr olunub
01.11.19
Şahbaz Xuduoğlu məşhur əsəri dilimizə çevirdi
31.10.19
Fərid Hüseynin poetik dünyası
31.10.19
"Ulduz" jurnalının oktyabr sayı işı üzü gördü
31.10.19
Aqşin Yeniseyin yeni romanı çap olunub
31.10.19
Vaqif Yusiflinin “Qanadlandıq uçmağa” kitabının imza günü keçirilib
31.10.19
Qalib Şəfahətin iki kitabı işıq üzü gördü
30.10.19
Dr. Məhəmmədrza Batini İsfahani - Fars dili qeyri-məhsuldar dildir
29.10.19
"Qanun"dan iki yeni kitab
29.10.19
Milli Kitabxanada “İsi Məlikzadə. Qatarda” hekayələr toplusunun təqdimatı olub
29.10.19
Gözəl göy gözlərini mən ovum dimdiyimlə
29.10.19

"Poetika.izm" jurnalının yeni sayı çıxıb

29.10.19
Dilçilik İnstitutunun əməkdaşları Türkiyədə beynəlxalq simpoziumda iştirak edib
25.10.19
Naşir Müşfiq Xan: “Kitab şokolad qutusu deyil ki, onu yeri gəldi, gəlmədi hədiyyə edəsən” - SƏNƏT VƏ SÖHBƏT
25.10.19
Instagram poeziyası - Qədim sənətin yeni forması
24.10.19
Ülvi Babasoy - Seymur Baycanın hekayələri daha çox Mopassanvaridir
23.10.19
Səxavət Sahil - Homerə uduzan Hesiod
23.10.19
Nobel mükafatının layiqli sahibləri, yoxsa bəxtləri üzlərinə gülənlər?
23.10.19
Muhsin Kadıoğlu - Kələbək simvolları
23.10.19
“Hədəf”dən 30 000 manatlıq kitab hədiyyəsi
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.