Mahir N. Qarayevdən kədərli fevral notları
31.01.17

BALACA ÜZEYİRİN  (15.02.1985 - 30.01.1986) XATİRƏSİNƏ


Февраль.
Достать черниль и плакать!                                                                             
Б.Пастернак

Fevral.
Sarılıb qələmə ağla ki ağla!

Bir qəbir dibinə çəkilən kimi
çəkil bir qırağa –
nə ki göz yaşın var, axıt varağa…

Göz yaşı dediyin qan qarasıdı –
qanın durulunca,
axınca ağla;
Ürək yarasıdı, can yarasıdı –
canın yorulunca,
çıxınca ağla...

Üstünə göz yaşın axan varaqla –
canının yarası,
qanının qarası çıxan varaqla
o kəpənək ömrün köçünə ağla;

Bir qərib sevgini basdır içində,
dayanıb çölündən içinə ağla!
 
Sonra o qaranı
qara sürmə kimi çək gözlərinə –
kirpiyin qaralsın, qaşın qaralsın;

Sonra o yaranı
qara zurna kimi inlət ki inlət –
torpağın daralsın, daşın daralsın!

Soruşma ağ varaq qaraldı haçan,
Soruşma gen dünya daraldı haçan,
Sarılıb qələmə ağla ki ağla! –
Qələmin qarası ağ yazanacan.

…Əcəl dastanının son beyti kimi
    qara sən yazmışdın o ağ varağı –
        qapqara varağı indi də ağ yaz;
Kəfənə bükdüyün ağ meyit kimi,
    məzara gömdüyün ölü sayağı
        bu fevral bir daha ayağa qalxmaz…

           
P.S.
                                     
I

Qəfil çəkildi yuxum...
Bir az çaşdım, duruxdum.
Durdum.
Gəzdim.
Baxdım.
Və duydum ki, bayaqdan
Gəzir bu evləri kiminsə ruhu...

II

Bircə tapsaydım
yarısı yanmış şamı –
o axşam yandırdığımız
və sonacan yanmayıb
yarısı qalmış şamı...

III

Unut, sən allah, unut!..
Unutmağa nə vardı -
fevral kimi 28-dən,
lap uzağı 29-dan
olsaydı yanvar...




YANVAR GECƏSİ

            ...bu yanvar gecəsi hər tərəf qara,
                       ağappaq qar yağır qaranlıqlara...



Qar.
Qarlı gecənin sonsuzluğu qar.
Qar.
Qarlı küçənin sənsizliyi qar.

Uzağa çəkilmiş göy üzü yerdən,
Qaranlığın içi dərddi, qubardı;
Qartımış gecənin üfüqlərindən
Sonuncu qatar da ötdü, qurtardı...

Və qaldı dünyada bircə pəncərə -
Onu da duymamaq, sevməmək olmur;
Ölü duasıtək uzanır gecə -
Dərdi qaş-gözlə də söyləmək olmur.

Qar. Qarlı gecənin sonsuzluğu qar,
Qaranlıq küçənin sənsizliyi qar...
Allah, bu həsrətin insafı harda –
Bu daxmanın içi qəbirdən də dar?!

Qar. Qaranlıq gecə. Qarlı küçə. Qar.
Sənsiz ölmədiyim bir də bu yanvar...

Yenililklər
23.09.20
“Sufi və şeir – Osmanlı təsəvvüf şeirinin poetikası” kitabı Azərbaycan dilində nəşr olunub
23.09.20
Nobel mükafatları bu il ənənəvi qaydada təqdim edilməyəcək
23.09.20
Komiks müsabiqəsi üçün müraciətlər açıq elan edilib
23.09.20
Qazaxıstanda Əbdürrəhim bəy Haqverdiyev və Üzeyir Hacıbəyliyə həsr edilən beynəlxalq konfrans keçiriləcək
23.09.20
Birinci vitse-prezident Mehriban Əliyeva Bülbülə qəsəbəsindəki Uşaq İncəsənət Məktəbinin yeni binasının açılışında iştirak edib
22.09.20
Azad Qaradərəlinin kitabı rus dilidə çap olunub
22.09.20
“Mədəniyyət/Culture” jurnalının növbəti nömrəsi işıq üzü görüb
22.09.20
A.P.Çexovun Yaltadakı ev muzeyindən reportaj
21.09.20
Anar Kərimov Mədəniyyət Nazirliyi yanında İctimai Şuranın seçki komissiyasının yaradılması haqqında əmr imzalayıb
21.09.20
Kənan Hacı “MÜCRÜ” ədəbiyyat dərgisinə baş redaktor təyin edildi
21.09.20
Açıq səma altında tamaşa nümayiş olunub
21.09.20
"Naxçıvan ədəbi mühiti Şərq-Qərb kontekstində" təqdim edilib
17.09.20
Ədəbiyyat İnstitutu vakant vəzifələri tutmaq üçün müsabiqə elan edir
17.09.20
"H`Ayların və Armenlərin mənşəyi" kitabı nəşr olunub
16.09.20
Nadir Əzhəri - Modernizm və postmodernizmin xüsusiyyətlərinin müqayisəsi
16.09.20
Buker mükafatının qısa siyahısı açıqlanıb
15.09.20
Mədəni İrsin Qorunması, İnkişafı və Bərpası üzrə Dövlət Xidmətinə rəis müavini təyin edildi
15.09.20
Dövlət qoruqlarını idarəetmə səlahiyyəti Dövlət Turizm Agentliyinin Qoruqları İdarəetmə Mərkəzinə verilib
14.09.20
“Filologiya və sənətşünaslıq” jurnalının növbəti nömrəsi nəşr olunub
14.09.20
Seymur Baycanın romanı Polşada nəşr edildi
14.09.20

Hacı Zeynalabdin Tağıyevin heykəli yaxın zamanlarda ucaldılacaq

14.09.20
İtaliyada 77-ci Venesiya kino festivalına yekun vurulub
11.09.20
Soylu Atalı - Doğruluğun halallığı
11.09.20
Şəkidə qədim yaşayış məskəni aşkarlanıb
11.09.20
“Azərbaycan mədəniyyətində akkulturasiya və folklor” kitabı çapdan çıxıb
11.09.20
Venesiyada ikinci “Müqəddəs Markın şiri” mükafatı təltif olunub
10.09.20
Umberto Eko - Ədəbiyyatın bəzi funksiyaları haqqında
10.09.20
Vaqif Yusifli - Elm fədaisi
10.09.20
"Axtarışlar" jurnalının yeni sayı çıxıb
09.09.20
Etimad Başkeçid - “Dost”, “dost” deyə-deyə...
09.09.20
Anar Şamil - Mənimlə danış
09.09.20
Fərid Muradzadə - Ünvana çatmayan əmanət 
09.09.20

Belçika şirkəti Fikrət Əmirovun “Kor ərəbin mahnısı” əsərinin mənimsənilməsini etiraf etdi

08.09.20
Elmi-fantastika janrında hekayə müsabiqəsi elan olunub
08.09.20
Kosmosda uzun müddət qalmağın baş beyinə təsiri araşdırılıb
08.09.20
Təranə Vahid - Uçan buludlar
08.09.20
Elnura Cavadzadə - Eybəcərlər anası
08.09.20
Azərbaycan filmi Venesiya Film Festivalında nümayiş olunacaq
07.09.20
Kamal Abdullanın "Dədə Qorqud poetikasına giriş" kitabı Türkiyədə nəşr olunub
04.09.20
Elçin Hüseynbəyli yeni roman yazdı
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.