Vasif Əlihühüseyn - Sən dediyin təkliyin adına nə deyirlər
11.05.17

Qar yağır
sobanın istisinə qısılıb
anamın ölmədən öncə
bişirdiyi mürəbbəylə çay içirəm

və sən getmədən öncə
çəkdirdiyimiz şəkillərə baxdıqca,
düşünürəm ki, heç kim əbədi deyil

soyuqda isinmək üçün
bütün şəkillərimizin sən tərəfini yandırmışam
ünvanını bilmirəm
yoxsa, külünü qapınıza göndərərdim...


***

Sevgiyə tamarzı ürəklərimiz
əlini açıb dua etdi Allaha
sevmək üçün.

Sən dünyaya
ağrımaq üçün gəlmisən elə bil.
Allah ikimizi də böyük yaratdı
Əstəğfürullah!

səni evin böyük qızı -
məni isə böyük oğlu kimi.

Üzü günəşə durub adamlar,
üzü qibləyə kəsirlər
sevgilərin başını.

mən də üzü anamın
qəbrinə dayanmışam
ağlamaq da gəlmir içimdən
susmuşam.

Qadın gedişləriylə doludu evimiz:
anam, bacım, sən...
bir bilsən qadınsız evlərdə
kişilərin təkliyi nə boyda olur.

İndi metro eskalatorlarında rastlaşırıq
Salam veririk
Necəsən? – deməyə vaxt çatmır.

sağollaşmağa qolumuz da qalxmır
sağollaşmaq gəlmir içimdən

hər gün rastlaşarıq
hər dəfəsində
sən məni, sevmədiyin üçün ağlayırsan,
mən də səni unutmadığım üçün.

 
***

Qəlbimə toxunmur,
xətrimə dəymir,
qayıdam bu yolu mən düşüb gedəm.
Axı ayrılıq da gəlmir içimdən,
sarılıb qoynuna öpüşüb, gedəm.

Varsan, varlığın da hər şeyə çatır,
hər şeyə necəsə mız qoymaq kimi.
Hara qısqanıram, getmə, deyirəm,
adının üstünə cız qoymaq kimi.

Gülüm, nə gözəldi geydiyin donun,
yaraşmaz bilirəm heç özgəsinə.
Bir az da, bir az da yuban yanımda,
açılsın səhərlər azan səsinə.
 

***

Yıxılıb-dururam yol gedə-gedə,
bu da bir yolçunun ölüm baxtıdır.
Sənin də qəlbindən nə keçirsə, de,
hamının üstümə düşən vaxtıdır.

Mən əli qoynunda sıxılan adam,
bir yer axtarıram başımı qoyum.
Gedirəm başıma kül ələməyə,
axşama su qızdır başımı yuyum.

Səndən nə cürnəsə, mən qaçam gərək,
bu qara günümdən, mən ağa düşəm.
Yelləncək asmışam ağac altında,
atıram özümü, uzağa düşəm.

***

Sən ən böyük təsəllimsən,
gəlmisən məni sevməyə.
Axı nə yaşın vardı,
mənimlə dərd çəkməyə.

Bir qucaqlıqdı boyun,
saçın nə gözəl ətirdi.
Təkliyimdən gileyləndim,
Allahım səni gətirdi.

Belədi dünyanın işi,
hönkürüb ağlamaq olur.
kimisə itirəndə,
kimisə qucaqlamaq olur.

***

yorğun gecədən keçmiş,
bu sərsəri, bu axmaq.
bilirsən mənlik deyil
saç-saqqalı uzatmaq

ev üçün darıxmıram
axı yoxdu bir kəsim
sən də evdə deyilsən
hər gün evə tələsim

həyətdə paltarlarım
şaxta düşsə qac olur
qadınsız kişilər də
sümsük ittək ac olur

sən dediyin təkliyin
adına nə deyirlər
kişiyə məlum - “dəli”,
qadına nə deyirlər?!

Yenililklər
20.09.19
Gülhüseyn Hüseynoğlunun kitabının təqdımatı oldu
18.09.19
BMT Pikassonun “Gernika” əsərinə görə İspaniyadan üzr istəyib
18.09.19
Vasif Əlihüseyn - Elə gözəl idi dizimdəki yaraların qurumuş qaysaqlarını qoparmaq
18.09.19
Vüqar Əhməd - Aktyorun dəfni
16.09.19
“Ədəbi Proses – 2018” elmi-yaradıcılıq müşavirəsi
16.09.19
Türk rənginin - Turkuazın hekayəsi
12.09.19
Ayhan Miyanalı - 40-ncı sınaq
12.09.19
Rəşad Məcidin “Qələmsiz yazılanlar”ı
12.09.19
İsa Həbibbəylinin yeni monoqrafiyası çap olunub
06.09.19
Naxçıvan Dövlət Tarix muzeyi - 95
06.09.19
Ramil Əhmədin “İki Şəhərin Yazıları” adlı kitabının təqdimat və imza günü keçiriləcək
01.09.19
Esmira Fuad - Faniliyin poetik tarixi
01.09.19
Regina Deriyeva - Uşaqlıq-xəzinəsidir gözyaşlarının
19.08.19
Fərid Hüseynin kitabı Serbiyada nəşr edilib
30.07.19
Güclü insan sorağında - Əhməd bəy Ağaoğlu-150
30.07.19
Azərbaycan-Qırğız ədəbi əlaqələrində yeni səhifə
29.07.19
“Türk dilləri araşdırmaları” jurnalının ilk nömrəsi işıq üzü görüb
29.07.19
Əhməd bəy Ağaoğluna həsr olunan konfrans keçiriləcək
29.07.19
“Qoşa qanad” ədəbi almanaxı işıq üzü görüb
29.07.19
Ədəbiyyat İnstitutu Avrasiya Türk Araşdırmaları İnstitutu ilə memorandum imzaladı
26.07.19
“Hüseyn Cavid əbədiyyəti” mövzusunda respublika elmi konfransı keçiriləcək
26.07.19
Məhəmməd Tanhu - 8-ci günün qeydləri
26.07.19
Ədəbiyyat İnstitutunda Qırğızıstan yazıçıları ilə görüş təşkil olunub
24.07.19
XI Qəbələ Beynəlxalq Musiqi Festivalında 11 ölkədən musiqiçilər çıxış edəcək
24.07.19
Nemətullah Naxçıvaninin “Şərhi-Gülşəni-raz” əsərinin iki müxtəlif nüsxəsi əldə edilib
24.07.19
Nizami Gəncəvinin “Xosrov və Şirin” poeması Türkiyədə nəşr olunub
23.07.19
Prezident Murad Köhnəqalaya ev verdi
23.07.19
Svetlana Alekseyiviçin növbəti romanı yayımlanıb
23.07.19
Amerikalı yazıçı-satirik vəfat edib
22.07.19
Tanınmış jurnalist Amil Novruzovun 60 illiyinə
22.07.19
Aida Feyzullayevanın “Komparativistikanın işığında” kitabı işıq üzü görüb
22.07.19
"Gənc Qırğız şeiri antologiyası" Bakıda və Bişkekdə təqdim olunacaq
22.07.19
"Qanun"dan yeni nəşrlər
22.07.19
“Türkologiya” jurnalının əlavəsi akademik Məmmədağa Şirəliyevin 110 illiyinə həsr ediləcək
18.07.19
“Plyus bədii yaradıcılıq” ədəbi almanaxı işıq üzü görüb
18.07.19
İradə Musayeva - Üçlü formul müəmmasına düzəliş... 
18.07.19
Etimad Başkeçid yazır - Qırxayaq hər addımını düşünsəydi...
18.07.19
Nəsiminin dilinin dialektoloji tədqiqinə həsr olunmuş yeni kitab çap olunub
18.07.19
Azərbaycanda ilk dəfə türkdilli əlyazmaların toplu kataloqu nəşr olunub
18.07.19
Yazıçı Andrea Kamilleri vəfat edib
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.