“Belə təşkilat ləğv olunsa yaxşıdır” – Yazarlar AYB-dən danışdılar
13.09.17

Azərbaycan Yazıçılar Birliyinin adı ilə bağlı hallanan fikirlər son vaxtlar gündəmdən düşmür. Xəbər verdiyimiz kimi, Çingiz Abdullayevlə “26” kafesinin sahibi Ramin Məmmədov arasında bağlanan müqavilənin fotosu yayılıb. Müqavilə əsasında Çingiz Abdullayevə ayda 8 min manat ödənilirmiş.

 

Kulis.Az məsələ ilə bağlı bir neçə yazıçıdan münasibət öyrənib. Cavabları təqdim edirik.    

 

 

Vaqif Nəsib

 

Mənim bu məsələyə münasibətim çox pisdir. Mənasız Çingiz Abdullayevi ora katib qoyublar, indi də əlindən gələni eləyir. Bu kafe də onun əməlləridir. Özləri Şaumyana şeir yazmağına görə Səməd Vurğunu tənqid edir, burdan-bura qaniçənlərin adını daşıyan “26” kafesi açırlar. Biabırçılıqdır. Bunların hamısı Çingiz Abdullayevin işləridir. Əkrəm Əylisli onun haqqında yaxşı demişdi: “Bir vaxtlar Azərbaycanı “Ağdam” çaxırına görə tanıyırdılar, indi isə çaxırdan da pis nəsr yazan Çingiz Abdullayevə görə”. Yazıçılar Birliyi ləğv olunmuş kimidir. Vəzifədən yapışmış qocaların yeridir ora. Anar vəzifəpərəstliyindən hələ əl çəkən deyil, bir dəfə demişdim ki, onun barmaqları yox, caynaqları var. Yazıçılar Birliyi bir vaxtlar dövlət təşkilatı idi, böyük səlahiyyətləri var idi. İndi isə qeyri-dövlət təşkilatı olub, istədiklərini də eləyirlər. Yazıçılara mənzillərin paylanmağında da böyük biabırçılıq olmuşdu. Nəzərdə tutulub ki, yazıçılara ev verilsin, Anar isə katibələri də mənzil bölgüsünə daxil edib. Bir sözlə, biabırçılıqdır. Elə bu kafe məsələsi də onun kimi. Belə təşkilat ləğv olunsa yaxşıdır.

 

 

Rasim Qaraca

 

Bir yaradıcı qurum öz nizamnaməsi və ölkədəki qanunlar çərçivəsində öz əmlakını icarəyə verə bilər. Lakin bu hal yaradıcı qurumun üzvlərindən xəbərsiz olmamalıdır, qazanılan gəlir şəxsi cibişdana atılmamalı, qurumun üzvlərinin bundan xəbəri olmalıdır. Yazıçılar bu hadisəni mətbuatdan oxuyub şoka düşməməlidir. Bu bir, ikincisi də, Yazıçılar Birliyi bu cür məsələlərdə öz reputasiyasına uyğun addımlar atmalıdır, öz əmlakını daha uyğun fəaliyyət istiqaməti olan bir quruluşa icarəyə verməlidir mənim fikrimcə. Reputasiya deyəndə ki, bəlkə də “26-lar” elə onların reputasiyasına uyğun idi.

 

 

Nəriman Əbdülrəhmanlı

 

Fikrimcə, hər hansı təşkilat, elə yaradıcılıq təşkilatı da ehtiyacları üçün bu addımı ata bilər. Amma burda gərək təmiz niyyət olsun. Kitabxananı ləğv eləyib əyləncə, həm də şübhəli fəaliyyət yerinə çevirmək yolverilməzdir. Bu məsələdə yəqin ki, şübhəli maddi maraq da rol oynayıb. Hər halda AYB rəhbərliyi bu məsələni ört-basdır eləməyə çalışmamalı, məsuliyyət daşıyanlar cavab verməlidirlər.

 

 

Rəhim Əliyev

 

Məndən çox bu barədə yazan yoxdur. Əvvəl onlar bank açmışdılar, səs-küy düşdü, onları ordan güclə çıxartdılar. İndi də kafe söhbəti ortaya çıxıb. Çingiz Abdullayevlə Anar şərik imiş bu işdə. Ehtiyac ucbatından deyirlər. Yazığım gəlir onlara. Çingiz heç yazıçı deyil, ona heç nə deyə bilmərəm. Amma Anarın yenə ortada nəyisə var. O niyə belə eləsin? Yazıçılar Birliyinin bu cür mülkiyyət saxlamağı doğru deyil. Biabırçılıqdır.

 

 

Elçin Hüseynbəyli

 

Bu barədə Yazıçılar Birliyinin bəyanatı var. Orda hər şey yazılıb. Yazıçılar Birliyinin münasibəti mənim münasibətimdir.

 

 

Elxan Zal Qaraxanlı

 

O kafe 20-25 ildir icarədədir. Yazıçılar Birliyinin ehtiyaclarına sərf olunur. Məsələn, mənim “Ulu Çinar” jurnalına Anar müəllim dəfələrlə yardım göstərib. Kitabların çapına maliyyə ayrılıb. Yenə də maliyyə dəstəyi olur və mən bu cür kitabların çapına hər zaman qayğı göstərilməsinin tərəfdarıyam. Kafedən gələn pul xeyirli işlərə sərf olunur. Çingiz Abdullayev bizim maliyyə katibimizdir, bu işlərə o baxır. Gələn gəlirdən kasıb yazıçılara dəstək olunur. Məsələn, mənim yadımdadır ki, bizim istedadlı yazıçımız Kənan Hacıya anası rəhmətə gedəndə 500 manat yardım olundu. Mən bir dəfə Çingiz müəllimə art kafe açmağı təklif etdim. Düşünürdüm ki, oranın yeri genişdir, orda kitabxana açmaq, daha geniş tərkibli tədbirlər etmək olar. Natəvan klubundan daha böyük yerdir və şəhərin mərkəzindədir. Özü də bir məsələyə də toxunmaq istəyirəm. “26” adının üstündə çox dayanırlar. Halbuki Bakı meriyasında bütün adlar qeydiyyatdan keçir. “26” adı da təsdiq olunub. Təsdiq olunmayan bir şey fəaliyyət göstərə bilməz ki? Mən hazırda elə bu məsələ haqqında yazı yazıram. Fikirlərimi daha geniş şəkildə o yazıda ifadə edəcəm. /kulis.az/

Yenililklər
19.01.18
“Orfoqrafiya qaydalarının müzakirəsi adı altında Dilçilik İnstitutuna hücum etməyə lüzum yoxdur”
19.01.18
Rəşad Məcid: “Sahil” bağı “Cümhuriyyət” bağı adlandırılsın”
19.01.18
Heydər Əliyev Mərkəzində Aleksey Beqovun fərdi sərgisinin açılışında iştirak edib
19.01.18
"Qarabağ əsrlərin salnaməsi" kitabının təqdimat mərasimi keçirilib
19.01.18
“Yapı Kredi Yayınları” 5000-ci kitabını Nazim Hikmətə həsr edib
18.01.18
Çarlz Bukovskinin “Hollivud” romanı çap olunub
18.01.18
“İçərişəhər” qoruğu ədəbiyyat müsabiqəsi elan etdi
18.01.18
Yazıçı Nahid Hacızadə vəfat edib
18.01.18
Xalq artisti Böyükağa Məmmədov dünyasını dəyişib
17.01.18
İsa Həbibəyli: Orfoqrafiya qaydalarının birmənalı qarşılanmaması bizim komissiyanı qətiyyən narahat etmir
17.01.18
Nizami Cəfərov - Böyük ədəbiyyat müəllimi
17.01.18
Anarın Türkiyədə yeni kitabı nəşr edilib.
16.01.18
Xuraman Hüseynzadə - Qatır Qulam
16.01.18
Şəhriyar - milli birlik və həmrəylik şairi kimi
16.01.18
Kaşqari mükafatı Serhat Kabaklıya verildi
16.01.18
“Qobustan” sənət toplusunun 2017-ci il üçün son nömrəsi çapdan çıxıb
15.01.18
Tramp öz haqqında yazılan "Od və qəzəb" kitabının müəllifini "psixi xəstə" adlandırıb
15.01.18
“Çölçü” filmi daha bir beynəlxalq mükafata layiq görülüb
08.01.18
Dünya şöhrətli elmi-fantastik əsər təqdim ediləcək
01.01.18
Şərif Ağayarın hekayəsi - Qoluyox
29.12.17
Kitabevim.az-da 2017-ci ildə ən çox satılan kitablar
29.12.17
Gənc Tamaşaçılar Teatrının yanvar repertuarı maraqlı tamaşalarla zəngindir
29.12.17
Flora Qasımova və Rauf Babayev “Şöhrət” ordeni ilə təltif edilib
28.12.17
Rsm Qrc - Prosto. Rok-poeziya
28.12.17
Yaradıcı peşələrin sahibləri ən çox hansı çətinliklərlə qarşılaşırlar?
28.12.17
Qanun Nəşrlər Evində 2017-ci ildə nəşr olunan 100 kitab
27.12.17
“Ozan” elm və sənət toplusu nəşrə başladı
27.12.17
Nizami Gəncəvinin “İsgəndərnamə” poemasının II hissəsi Özbəkistanda çap edilib
27.12.17
Üçcildlik “Azərbaycan teatr ensiklopediyası”nın təqdimatı olub
26.12.17
Nəriman Əbdülrəhmanlıya “Şərəf” medalı verildi
26.12.17
Səxavət Sahil - Postmodern sənətin estetikası
25.12.17
Səlim Babullaoğlunun "Gedənin qalana dedikləri” kitabı İranda nəşr edildi
25.12.17
“Dünya ədəbiyyatı” dərgisi Moldova ədəbiyyatını təqdim edir
25.12.17
Ramil Əhməd - Tanpınar Mərkəzinin açılışı və Orxan Pamukla söhbət
22.12.17
“Mədəniyyət.AZ” jurnalının yeni sayı çap olunub
21.12.17
“Türkologiya” jurnalının 4-cü sayı nəşr olunub
21.12.17
Cəlil Cavanşir ədəbiyyatdan və yaradıcılıqda imtina etdiyini elan edib
21.12.17
“Dünyanın gizli ocağı: Vatikan” kitabı təqdim ediləcək
20.12.17
Vüsal Bağırlı - Tolstoy “Anna Karenina”nı necə yazdı?
20.12.17
Britaniyalı alimin məşhur əsəri ilk dəfə Azərbaycan dilində
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.