Rövşən Yerfi - Qazanılmış vicdan çatışmazlığı sindromu
02.10.17

Avanqard.net Rövşən Yerfinin "Qazanılmış vicdan çatışmazlığı sindromu" (QVÇS) hekayəsini təqdim edir.

(kiçik esse) 

                     
        Tanrı ara-bir iş-gücdən yorulub, görülməli işlərinin hamısını tapşırırdı mələklərinə, özü isə bütün günü göyün sonuncu qatında oturub dincəlir, oradan aləmi seyr edirdi.
        Yerə tamaşa edərkən Tanrını ən çox heyrətləndirən, bütün səylərinə baxmayaraq əksər insanların günü-gündən adamlıqdan dönməsiydi. Hər şeydən əvvəl, nə olur-olsun varlı olmağı düşünən bu insanlar üçün varlanmaq dostluqdan, sevgidən, hətta vətəndən də üstün idi. Alabəzək kağız “şeytanlar” qəlblərinə hakim kəsilmişdi. Həmin kağızları toplamağa o qədər aludə olmuşdular ki, onları əldə etməkdən ötrü, nəinki gücləri yetən əmlakı, mənliklərini, vicdanlarını da satmağa heyifləri gəlmirdi.
         Günü-gündən qiymətləri artan maddi dəyərlərlə müqayisədə vicdanın ucuzlaşması insanın bu keyfiyyəti tamamilə itirməsinə, tezliklə ruh kimi onun da sirr olub, təkcə Yaradana aidliyinə gətirib çıxaracaqdı...                                                
        Belə insanların içində vicdanın nə olduğunu bilmədiyini etiraf edənlər də vardı. Tanrının yazığı gəlirdi ruhları “qazanılmış vicdan çatışmazlığı sindromu” virusuna yoluxan bəndələrinə. Bilirdi ki, vəzifə və varlanmaq naminə, onlar vicdanlarını sonacan xərcləyib qurtarsalar, vicdan “defisitə” dönəcək, simasızlıq yaşamaq amalı sayılacaq, dünyanın bütün düzəni pozulacaqdı. Bəşəriyyəti epidemiya kimi bürüyəcək vicdan çatışmazlığının arxasınca Qiyamət günü başlayacaqdı.
        Amma, O, rəhmli, adil olduğundan hələ Qiyamətin başlanmasını istəmirdi. Buna, demək olar ki, həvəsi də yox idi. Ona görə də vicdanı azalan bəndələlərinə ruhlarını “QVÇS” virusundan qurtulmaq üçün əlavə “qrant” vicdan paylamağı qərara aldı. Payladı. Lakin, insanlar adət etdiklərindən  Tanrının ayırdığı “qrant”dan da rüsum, vergi, “şapka” tutdular, gücdən-dəyərdən saldılar…
        Bir xeyli müddət keçəndən sonra, Tanrı vicdan payladığı insanların ağıllanmaqdansa, onun səxavətindən istifadə edərək daha da həyasızlaşdıqlarını gördü. Qəzəblənib cəza kimi göndərdiyi müxtəlif  bədbəxtliklər, qəzalar, zəlzələlər, daşqınlar, növbənöv xəstəliklər də bu acgözlərə, naşükürlərə təsir etmirdi, anlamaq istəmirdilər. Yalnız sərvət, pul haqqında düşünürdülər. Pul, gəlir əldə etmək üçün qiymətlər artırılır, yeni qanunlar, qaydalar, vergilər, rüsumlar, cərimələr fikirləşib tapılırdı. PUL, PUL, PUL! Bütün fəaliyyətlərinin sonu gedib pula bağlanırdı.
        Tanrı narahat oldu ki, bu sayaq “analoqsuz” gedişatla ehtiyat “qrant” fondu da tükənəcək, insanlıq tezliklə qarşısı alınmaz təhlükə altına düşəcəkdi…
        Odur ki, Tanrı neçə vaxtdır vicdanının qayğısına qalmayanlara verdiyi “qrant” üçün də limit qaydası tətbiq edərək normaya keçmək məcburiyyətində qalıb. Ona görə də haradasa qarşınıza vicdansız çıxanda, yola verin, səbrsiz olmayın: yəqin ki, o nanəcib talançı son limitini də yenə məsuliyyətsizcəsinə maddiyyata israf edib. Ümidlə Tanrının ona verəcəyi növbəti “qrant payın” zamanını gözləmək lazımdır. Axı biz səbrli və dözümlüyük!..
        Şükür ki, Tanrımızın sonsuz rəhmi varmış!.. Yoxsa acgözlükdən, vicdan çatışmazlığından,  Lut qövmünün gününə düşərdik…

Yenililklər
09.07.20
Əfsanə Laçın - Atam
09.07.20
Azərbaycanlı alimin “Şumer və türk dastanları” kitabı Avropa dillərində nəşr olunur
09.07.20
Əbdürrəhim bəy Haqverdiyevin 150 illik yubileyinə həsr olunmuş xüsusi poçt markaları İspaniyada dövriyyəyə buraxılıb
09.07.20
Əhməd bəy Ağaoğlu və Azərbaycan ədəbiyyatı
08.07.20
Kanye Uest ABŞ-da prezidentliyə müstəqil namizəd olacaq
08.07.20
“İçərişəhər”də yeni muzey yaradılacaq
08.07.20
Səxavət Sahil - Poeziyamızın problemi
08.07.20
Sankt-Peterburq Mədəniyyət Forumu mədəniyyətlərin və sivilizasiyaların qarşılıqlı əlaqələri mövzusuna həsr ediləcək
08.07.20
Dövlət Rəsm Qalereyası “+5C” adlı yeni virtual layihəyə start verir
08.07.20
Məşhur rəssamın toz basmış əsəri tapılıb
07.07.20
Türkiyənin Ərdahanda şəhərində Əbülfəz Elçibəy xatirə ormanı salınır
07.07.20
Tbilisidəki Azərbaycan Mədəniyyəti Muzeyi fəaliyyətini bərpa edir
07.07.20
“Hacı Zeynalabdin Tağıyev və Şərqin ilk rus-müsəlman qız məktəbi” foto-sənədli animasiya filmi təqdim edilib
07.07.20
Müslüm Maqomayev adına müsabiqə gələn ilin aprelində keçiriləcək
06.07.20
Tanınmış bəstəkar Ennio Morrikone vəfat edib
06.07.20
Taleh Eminoğlu - Mədəni müxtəliflik və multikulturalizmin labüdlüyü
06.07.20
“Turan eşqi” kitabı Azərbaycanda Atatürk Mərkəzi tərəfindən nəşr olunub
06.07.20
Azərbaycan-rumın mədəni əlaqələrindən bəhs edən yeni kitab
06.07.20
Əməkdar artist Tofiq Hüseynov vəfat edib
03.07.20
Mədəniyyət Nazirliyi Rusiyanın xalq artistinə qanunsuz ödəniş edilib
03.07.20
“Xınalıq” qoruğu UNESCO-nun Dünya İrs Siyahısına namizədlik üçün ilkin siyahıya salınıb
02.07.20
Əhməd bəy Ağaoğlu yaradıcılığında azad insan konsepsiyası
02.07.20
COVID-19 epidemiyasına həsr olunan film çəkilir
02.07.20
Səməd Vurğunun şeirlər kitabı Türkiyədə nəşr olunub
01.07.20
Azərbaycan Respublikası Kinematoqrafçılar İttifaqı Kann Beynəlxalq Kinofestivalının rəhbərliyinə etiraz məktubu göndərib
01.07.20
Saedinin dünyaca məşhur “Bəyəl əzadarları” romanı Azərbaycanda nəşr edildi
01.07.20
Kinoşünas Azərbaycanda çəkilən serialları tənqid edib
30.06.20
Ermənilərin İranın siyasi həyatında oynadığı rol
30.06.20
Simran Qədimin yeni kitabı çap olunub
30.06.20
Əhməd bəy Ağaoğlu “Difai” təşkilatının qurucusu kimi
27.06.20
Pərviz Cəbrayıl - “Azğın”- onun seçilmiş əsərlərin mündəricatı
27.06.20
Bilal Alarlı - Kiçik hekayənin böyük hikməti
26.06.20
Küyüylü Nəccari Səid - Aslan Əmi
26.06.20
Mark Terensi Varronun “Latın dili haqqında" kitabı Azərbaycan dilində
26.06.20
Fərid Muradzadə - Güclü kişi 
26.06.20
Simran Qədim - Təhlükə: COVID-19
26.06.20
Məmmədov Eşqin - Payız məni darıxdırır, ilahi!
26.06.20
Cavanşir Yusifli - Bir şeirin dedikləri (Həmid Herisçi )
26.06.20
Tarix İnstitutunda “Azərbaycan Səfəvi dövlətinin xarici siyasəti” kitabı çap edilib
26.06.20
Dahilərin, yaradıcı insanların problemi: Bipolar xəstəlik
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.