““525-ci qəzet” dünənin və bu günün olduğu kimi, gələcəyin də qəzetidir” - Yubiley MÜSAHİBƏSİ
17.11.17

Baş redaktor müavini Seyfəddin Hüseynli: “Avantüra xarakterli yeniliklərə çox getmirik”
 
Bu gün çağdaş Azərbaycan mətbuatının liderlərindən biri, hazırda ziyalıların görüş yerinə çevrilən, ciddi təfəkkürlərin əsas tribunası olan “525-ci qəzet”in 25 yaşı tamam olur. 1992-ci ilin bu günündə - ağır dövrdə başda Rəşad Məcid olmaqla, bir qrup gənc jurnalist tərəfindən əsası qoyulan qəzet sonradan jurnalistika məktəbinə çevrildi. Yüzlərlə jurnalist bu qəzetin şinelindən çıxdı. Hazırda onların özləri əsas media simaları sırasındadırlar.
Modern.az saytı yubiley münasibətilə qəzetin baş redaktor müavini Seyfəddin Hüseynlidən aldığı müsahibəni təqdim edir:

-Seyfəddin müəllim, 25 yaş münasibətilə qəzetin bütün kollektivi, müəllif və oxucularını təbrik edirik. Artıq bir neçə aydır ki, ölkənin ən ciddi ziyalıları, ictimai-mədəni xadimləri yubiley təbriklərini qəzetin ünvanına göndərirlər...
 
-...Əvvəlcə, diqqət və təbrik üçün təşəkkür edirəm. Qəzetin 25 illiyi ilə bağlı öncə  bir neçə yazı çap olundu. Görünür, həmin yazılar sonradan əks-səda doğurdu. Xüsusən, ona görə ki, BDU rəhbərliyinin təşəbbüsü ilə hörmətli professorumuz Cahangir Məmmədli qəzetlə bağlı kitab hazırlamağa başladı. Bu proses zamanı qəzetin müəllifləri, tanınmış ziyalılar tərəfindən müəyyən təbrik yazıları yazıldı. Bu təbriklər, ürək sözləri həm o kitabda çap edildi, həm qəzetdə mütəmadi olaraq  yayımlandı. Beləcə, get-gedə müxtəlif reaksiyalar yarandı; qəzetin ətrafında birləşən başqa  ziyalılar, vaxtilə bu qəzetdə yazıları yayımlanan digər müəlliflər də  təbriklərini bizə ünvanladılar. Bunların əksəriyyəti yazılı formada olduğu üçün qəzetimizin səhifələrində də yayımlandı. Çap olunduqca da  “525-ci qəzet”in 25 illiyi bir qədər də geniş şəkildə cəmiyyətə məlum oldu. Həmin yazıların əksəriyətində qəzetə zahirdən, kənardan baxış var. Bəziləri öz müəlliflərimiz olsalar da, əksəriyyəti qəzetin gündəlik iş prosesindən nisbətən xəbərdardılar. Buna görə də, onların əsasən,  kənardan nəzər yetirmək imkanları olub. Qəzetə kənardan deyil, içəridən baxan şəxs kimi  fikrimi soruşursansa, deyərdim ki, elə bu təbrik yazılarının fonunda, mərhələ-mərhələ gələn təntənələrin içində biz 25 yaşımızı adi iş  günü kimi qeyd edirik.

-Ziyalı zümrə, ciddi təfəkkür sahibləri “525-ci qəzet”i öz görüş yeri kimi bilirlər. Qəzet buna necə nail oldu?

-Bu, xeyli dərəcədə səbat tələb edən bir işdir. Bu, bizə öz mövqeyimizi kifayət qədər qorumaq,  bəzi məsələlərdə orta xətt götürüb tarazlığı, balansı saxlamaq, şou-tipli xəbərlər, kəskin sensasion informasiyalar, saxta xəbərlər burulğanından kənar olmaq, daha çox analitik yazılara, təhlillərə üstünlük vermək, sanballı mövqelərin ifadəsinə çalışıb, onlara yer ayırmaq bahasına başa gəldi. Niyə “bahasına başa gəldi” deyirəm, çünki bu axarda bir xeyli, hətta fantastik dərəcədə oxucu auditoriyasından özümüzü məhrum etdik. Yüngül informasiya rəqabətində bəlkə də bir qədər uduzmuş kimi göründük. Amma bir yerdə oturuşub, çəki qazanıb dayananda mətbu orqanın öz mükafatını bu cür aldığını da gördük.
Getdikcə, müəyyən sanballı və sadiq müəlliflər, oxucular hesabına sən öz arealını, öz ərazini bilirsən. 25 il mətbuat tariximiz üçün heç də az vaxt deyil. Xüsusən də bu zaman müddətində baş verənləri nəzərə alsaq, məlum olur ki, 25 il əslində, göründüyü qədər qısa deyil. İçərisi hadisələrlə, keşməkeşlərlə -əsasən də, mətbuat sahəsində-çox zəngindir. Özüm təxminən, 20 ildir ki, burada çalışıram. Özümə hesabat verəndə düşünürəm ki, nə yaxşı yolum elə, “525-ci qəzet”lə kəsilib.  25 ildir ki, qəzet öz mövqeyində sabitdir, işıqlandırdığı dünyagörüşdə, cəmiyyətə, dünyaya, hadisələrə yanaşmasında sabitliyi, səbatı qoruyub saxlayıb.  Nə yaxşı ki, mən də burada oturuşub qala bilmişəm və müəyyən qədər öz yerimi, mövqeyimi bəlirləmişəm.

 -Elektron media, yeni dünya jurnalistikasının elementləri, sosial şəbəkələrin  durmadan inkişaf etdiyi bir zamanda qəzetlərin özünü qoruması və yaşatması prosesi də çətinləşir. Marketinq, reklam problemləri yaranır, sürət və auditoriyada qəzet internetə uduzur. Bütün bu problemlərin fonunda qəzeti qorumaq nə dərəcədə çətindir?

-Kənardan bəlkə də uduzmuş kimi görünə bilərik. Amma bizim qəzetin saytı da olduğu üçün çevik xəbər prosesini onun üzərinə qoyuruq. Bununla da, bir qəzetin xəbər baxımından başqa media orqanları ilə rəqabətini də qoruyub saxlayırıq. Sosial şəbəklər, saytların bu cür fəallığı dövründə  ağıllı oxucular qəzetdən xəbər, informasiya qaynağı kimi bəhrəlınmir. Bu zaman qəzetdə analitiklik ön plana keçir. “525-ci qəzet” lap əvvəldən məlumdur ki, ədəbiyyat, publisistika, esseistikaya geniş yer verib. Dəyərli ziyalıları özünün daimi müəllifinə çevirib. Sanballı və ziyalı oxucu kütləsi qazanıb. Bu da  qəzetin ayaqda qalmasına, oxucu auditoriyasının qorunmasına kömək edib. O ki qaldı, maddi problemə, düşünürəm ki, bu təkcə bizim qəzet üçün spesifik hal deyil. Əksinə,  abunə, reklam məsələsi  bizdə qaneedicidir. Çağdaş Azərbaycan mətbuatında reklamçılıq üçün cəlbedici olan qəzetik. Bu da qəzetin özünəməxsus oxucu, müəllif auditoriyasının  ictimai rəyə göstərdiyi təsir və bunun müsbət  effektinə görədir. Məhz buna görə bizə reklam verirlər. Üstəlik KİVDF-dən dövlət hesabına müəyyən maliyyə yardımları olunur. Bu imkanlar hesabına qəzeti ayaqda saxlaya bilirik.
Mən buna görə bizə abunə olan yüzlərlə, minlərlə abunəçimizə minnətdarıq.Təşəkkür edirəm ki,  qəzeti bu 25 illiyə sağ-salamat, zəifləmədən gəlib-çıxmağəna şərait yaradıblar.

-“525-ci qəzet”in əsas siması şənbə günü buraxılışlarıdır. Xeyli sayda oxucu kütləsi səbirsizliklə şənbə buraxılışlarını gözləyir. Bu buraxılışlarda gələcəkdə nə kimi yeni layihələr həyata keçirmək fikriniz var?

-25 yaşı olan qəzetdə yeniliklərə getmək üçün  bir balaca ehtiyatlı olmaq  lazımdır. Bu o demək deyil ki, biz qorxuruq. Əlhəmdüllah, yeniliklər etməkdə zəif deyilik və çevik qəzetçilikdə də vaxtilə bu qəzetin nələr etdiyini bilirlər. Müəyyən zaman müddəti keçdikcə,  oturuşduqca, vaxt ötdükcə ağırbaşlılıq deyilən durum yaşanır. Bizdə də belədir. Buna görə də avantüra xarakterli yeniliklərə çox getmirik. Kimlərəsə cəlbedici görünən ucuz layihələr, müxtəlif qığılcımvari manevrlər etmək olar ki, biz onları etmirik. Əksinə, daha sanballı, hərtərəfli ölüçülüb-biçilən layihələrə yer veririk. Yeniliklər adıyla təqdim olunan müəyyən layihələr var ki, onları onsuz da elektron media tez-tez sınaqdan keçirir. Bəzən, alınır, bəzən yox. Yenilik baxımdan qazanacımız odur ki, qapımız ən çox gənclərə açıqdır. Hər gənc özü ilə müəyyən bir ideya, yanaşma tərzi, dəsti-xətt gətirir. Qəzetdə həm də ağsaqqal sayılacaq qələm ustalarından tutmuş,  orta nəsil və  gənc nəslin bir araya gəlib işləməsinin özü elə ən böyük yenilikdir. Bu birgə iş birliyi qəzetin əsas fəaliyyət brendinə çevrilib.

-Dediniz, 20 ilə yaxındır ki, burada çalışırsınız. 1997-ci ilin “525-ci qəzet”i ilə indiki “525” arasında nə kimi fərqlər var?

-Heç bir fərq yoxdu. Yuxarıda da dedim: biz bu kursu mümkün qədər sabiq saxlamağa çalışırıq. Bu proses dünya qəzetçiliyində məqbul variantdı. Xaricdə yaşı 100-200 ili keçən qəzetlər var ki,onlar illərdir ki, öz dəsti-xəttinə sadiqdirlər.  Təəssüflər olsun ki, bizim mətbuatda belə dayanıqlı qəzetlər azdı. Ona görə də istərdik ki, “525-ci qəzet” ölgün,  ətalətli yox, yaxşı mənada mühafizəkar mövqe ilə öz yerini qorumuş olsun. 1997-ci ildəki qəzetlə indiki, yaxud gələnilki qəzetimiz arasında  yalnız texniki inkişaf baxımından müəyyən fərqlər olar. Amma yanaşmada, cəmiyyətə baxışda,  məzmunda yox. Çünki biz əvvəldən doğru saydığımız mövqedə dayanmışq.
Qəzetimizin indi də fəal olduğu, əvvəlki dinamikasını saxladığı həm də ondan görünür ki, biz planlaşdırma vaxtı-istər şənbə, istər həftəiçi buraxılışlarda - materialları seçmək, müəllifləri incitməmək, ən yaxı yazıları yerləşdirmək baxımından müzakirələrdə də  xeyli əziyyət çəkməli oluruq. Çünki doğrudan da “525-ci qəzet”ə bu gün çox böyük müəllif axını var. Bu da göstərir ki, qəzet hələ də diqqət mərkəzindədir.

-Qəzet yaranandan indiyə qədər yüzlərlə jurnalistin ilk qələm təcrübəsi topladığı yer olub. Yubileylə bağlı həm onlara, həm də qəzetə, hazırki iş yoldaşlarınıza  ürək sözlərinizi çatdırasınız....

-Qəzetin əvvəlki və indiki əməkdaş və müəlliflərinə uğurlar və can sağlığı arzulayıram. Sizinlə müsahibədən yarım saat əvvəl Bilik Fondunun xətti ilə BDU-nun Jurnalistika fakültəsinin tələbələri bura gəlmişdilər. Onların da bu qəzetə marağından gördüm ki, “525-ci qəzet” dünənin, bu günün olduğu kimi, gələcəyin də qəzetidir. /modern.az/

Yenililklər
03.07.20
Mədəniyyət Nazirliyi Rusiyanın xalq artistinə qanunsuz ödəniş edilib
03.07.20
“Xınalıq” qoruğu UNESCO-nun Dünya İrs Siyahısına namizədlik üçün ilkin siyahıya salınıb
02.07.20
Əhməd bəy Ağaoğlu yaradıcılığında azad insan konsepsiyası
02.07.20
COVID-19 epidemiyasına həsr olunan film çəkilir
02.07.20
Səməd Vurğunun şeirlər kitabı Türkiyədə nəşr olunub
01.07.20
Azərbaycan Respublikası Kinematoqrafçılar İttifaqı Kann Beynəlxalq Kinofestivalının rəhbərliyinə etiraz məktubu göndərib
01.07.20
Saedinin dünyaca məşhur “Bəyəl əzadarları” romanı Azərbaycanda nəşr edildi
01.07.20
Kinoşünas Azərbaycanda çəkilən serialları tənqid edib
30.06.20
Ermənilərin İranın siyasi həyatında oynadığı rol
30.06.20
Simran Qədimin yeni kitabı çap olunub
30.06.20
Əhməd bəy Ağaoğlu “Difai” təşkilatının qurucusu kimi
27.06.20
Pərviz Cəbrayıl - “Azğın”- onun seçilmiş əsərlərin mündəricatı
27.06.20
Bilal Alarlı - Kiçik hekayənin böyük hikməti
26.06.20
Küyüylü Nəccari Səid - Aslan Əmi
26.06.20
Mark Terensi Varronun “Latın dili haqqında" kitabı Azərbaycan dilində
26.06.20
Fərid Muradzadə - Güclü kişi 
26.06.20
Simran Qədim - Təhlükə: COVID-19
26.06.20
Məmmədov Eşqin - Payız məni darıxdırır, ilahi!
26.06.20
Cavanşir Yusifli - Bir şeirin dedikləri (Həmid Herisçi )
26.06.20
Tarix İnstitutunda “Azərbaycan Səfəvi dövlətinin xarici siyasəti” kitabı çap edilib
26.06.20
Dahilərin, yaradıcı insanların problemi: Bipolar xəstəlik
26.06.20
Azad Qaradərəli - Azər Abdullanın “Qəmərlidən keçən qatar” hekayəsinin ismarıcları
26.06.20
Mübariz Örən: "Yazıçı söz yaratmaqdan qorxmamalıdı" - Müsahibə
26.06.20
Daşkənddə “Azərbaycan Demokratik Respublikası və müstəqillik dövrü Azərbaycan ədəbiyyatı” kitabı çap olunub
26.06.20
“Məhtimqulu və Türk dünyası” adlı Beynəlxalq onlayn konfrans keçirilib
24.06.20
Orxan Saffari - Balığı güldürən azərbaycanlı yazıçı
23.06.20
İsmayıl Mərcanlı İmanzadə - Xatirələr tüstülənən ocaqmış...
22.06.20
Fərdi duyumun poetik ilməsi - poeziyanın Ağsəsi
22.06.20
Tanınmış ispaniyalı yazıçı vəfat edib
20.06.20
Atif Abbasov - Bilinən və bilinməyən Nəsrəddin Tusi
19.06.20
Bu kino ki var, bəs bizdə niyə yoxdur? - ARAŞDIRMA
19.06.20
Hacı Zeynalabdin Tağıyevin ev-muzeyinin bərpadan sonra açılışı olub
19.06.20

"Ulduz"un yeni sayı çıxıb

18.06.20
Ayxan Ayvazın “Mavra, Zəhra və başqaları” adlı kitabı çap olunub
18.06.20
Gənc yazardan Prezidentə müraciət: "Bu dəfə ümid sizədir"
16.06.20
Fərid Hüseynin Türkiyədə kitabı çap olunub
16.06.20

Gələn il “Eurovision” bu tarixlərdə keçiriləcək

15.06.20
Emil Rasimoğlu:"Azər Turanın istefa verməyi hesab edirəm ki, bu məqamda ən gözəl addımdır"
14.06.20
Gənc yazarlardan Azər Turana etiraz:“Götür bir istefa ərizəsi yaz”
12.06.20
"Koronavirus pandemiyası ilə mübarizə mövzusunda hekayə müsabəqəsi”nin qalibləri müəyyənləşib
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.