Azərbaycan Universitetində sosial şəbəkə ədəbiyyatı müzakirə olundu - FOTO

01.12.17

Azərbaycan Universitetində internetin ədəbiyata təsiri və şəbəkə ədəbiyyatı müzakirə olunub.

 Azərbaycan dili və ədəbiyyat kafedrasının təşkilatçılığı ilə keçirilən dəyirmi masada kulis.az saytının baş redaktoru Şərif Ağayar, simsim.az saytının baş redaktoru Qismət Rüstəmov, avanqard.net saytının baş redaktoru Səxavət Sahil, manera.az saytının baş redaktoru Şəhla Aslan, 525-ci qəzet və parafr.az saytlarının nümayəndəsi Cavid Qədir,  artkaspi.az saytının nümayəndəsi Aysu Kərimova və kafedranın professor – müəllim heyəti iştirak edib.

Dəyirmi masa ətrafında nəzəri söhbətdə internet və ədəbiyyatın qarşılıqlı əlaqələri müzakirə olunub, ortaya çıxan problemlər və həll yolları ətrafında fikir mübadiləsi aparılıb.

Tədbiri Azərbaycan dili və ədəbiyyat kafedrasının müdiri, dosent Ülviyyə Rəhimova açıb. Kafedra müdiri qeyd edib ki, həyatın bütün sahələrinə nüfuz edən internet ədəbiyyata da təsirsiz ötüşməyib. Yeni texnologiya kimi ortaya çıxan internet yazıçı ilə oxucu arasındakı məsafəni aradan qaldırıb. Ədəbiyyatın kütləviləşməsi bəzi ziddiyətli məqamlar və problemlər yaradıb. Kafedra müdiri bildirib ki, dəyirmi masada məhz bu kimi problemlər müzakirə olunacaq.  

Simsim.az saytının baş redaktoru Qismət Rüstəmov qeyd edib ki, internetin təsiri ilə ədəbiyyatda müəllif mərkəzli dünyadan oxucu mərkəzli dünyaya keçid baş verib. Kitabın təbliğatı asanlaşıb, yazıçı və kitab daha əlçatan olub, kitab mağazaları onlaynlaşıb. Yeni texnologiya nəqletmə formalarına da təsir göstərib. Bütün bunlarla birlikdə internetin ədəbiyyata təsirləri ilə bağlı fikirlər haçalanır. Elektron yazının kitabı sıradan çıxarması, ciddi ədəbiyyatın ikinci plana keçməsi, böyük kitab mağazalarının bağlanması kimi problemlər yaşanır. Ən böyük problem isə müəllif hüquqları sahəsində yaşanır. Qismət Rüstəmov deyib ki, ciddi ədəbiyyatın klassik formada oxunmağa davam edəcəyi, populyar ədəbiyyatın isə öz varlığını şəbəkədə sürdürəcəyi proqnozlaşdırılır.

Kulis.az saytının baş redaktoru Şərif Ağayar bldirib ki, internetin təsiri ilə oxucu həm də yazıçı kimi çıxış etmək imkanı əldə edib. Artıq oxucunun da “qələm”i və “tribuna”sı var. Ədəbiyyat məhsulunun nadir hallarda kütləvi reaksiya yaratdığını vurğulayan baş redaktor sayta oxucu trafikinin cəlb olunması ilə problemi ön plana çıxarıb və kulis.az saytında bu problemi necə həll etdiklərini nümunələr əsasında izah edib. Şərif Ağayar çıxışında internetdə yaranan ədədbiyyat ilə bağlı ciddi yazıların sayının artırılmasına dair tənqidləri də cavablandırıb.  

Avanqard.net saytının baş redaktoru Səxavət Sahil rəhbərlik etdiyi saytda əsasən ciddi mətnlərə üstünlük verildiyini qeyd edib. Səxavət Sahil tənqidçilərin virtual məkanla uyğunlaşmasının çətinliyi mövzusu üzərində dayanıb.

Manera.az saytının baş redaktoru Şəhla Aslan rəhbərlik etdiyi saytda əsasən gənc istedadların yazılarının və tərcümələrin yerləşdirildiyini bildirib. Şəhla Aslan çıxışında yazılarda üzləşdikləri dil və üslub qüsurlarını ön plana çıxarıb.

525-ci qəzet və parafr.az saytlarının nümayəndəsi Cavid Qədir tərcümə ədəbiyyatının problemlərinə toxunub və istinad mədəniyyətinin vacibliyini vurğulayıb.

Artkaspi.az saytının nümayəndəsi Aysu Kərimova internetdə yaranan ədəbiyyatın kütləyə hesablandığını və zövqlü oxucunun yaxşı ədəbiyyatı kitabdan yaxud intenetdən tapıb oxuyacağını deyib. Bu səbəbdən oxucu zövqünün formalaşması əsas şərt olmalıdır.

Azərbaycan dili və ədəbiyyat kafedrasının professoru Asif Hacıyev şəbəkə ədəbiyyatının yaradıcılıq məsələləri və müəllif hüquqları ilə bağlı problemlərə toxunub və bildirib ki, internetdə yaranan ədəbiyyat ilə çap ədəbiyyatının internetə yerləşdirilməsi arasında fərq olmalıdır. Asif Hacıyev Azərbaycanda özünün formalaşması dövrünü yaşayan şəbəkə ədəbiyyatı təcrübəsini Rusiya və Avropa təcrübəsi ilə müqayisə edib.

Tədbirdə qeyd olunub ki, virtuallaşma dövrün tələbidir, forma dəyişsə də kitab insan həyatında əhəmiyyətini heç vaxt itirməyəcək.






















































































































































































































































Yenililklər
18.10.18
Yaşar Bünyad - Hələ ki təyyarələr uçur
18.10.18
AMEA-nın həqiqi və müxbir üzvlərinin aylıq rütbə maaşları artırıldı
18.10.18
“Abdulla Şaiqin nəsr yaradıcılığı” monoqrafiyasının təqdimatı olub
17.10.18
Nicat Həşimzadə - Ədəbiyyatın məmurlaşması
17.10.18
"Man Booker" ədəbiyyat mükafatının qalibi britaniyalı yazıçı olub
17.10.18
Sona Axundova-Qarayevaya həsr edilmiş “Xatirə kitabı”nın təqdimatı olub
17.10.18
Türkcə “Azərbaycan ədəbiyyatı antologiyası (gənclər)” təqdim olunub
16.10.18
Anardan etiraz: "Təhminə və Zaur” serialının mənə aidiyyatı yoxdur
16.10.18
Gənc dramaturqlar bir araya gələcəklər
16.10.18
Nağıldan gerçəyə: “Ağ gəmi” və ya əbədiyaşar Aytmatov
16.10.18
Millət vəkilinin kitabında biabırçı səhvlər - "Məni Fərhaddan fələk də ayıra bilməz, mama" - FOTOFAKT
16.10.18
Hədiyyə Şəfaqətin şeir kitabı Güney Azərbaycanda yayımlanacaq
15.10.18
Yazıçı, publisist Yusif Kərimov bu gecə vəfat edib
15.10.18
Azərbaycanlı dilçi alim Türkiyədə bir ilkə imza atdı
15.10.18
Uilyam Folknerin "Avqust İşığı" əsəri nəşr edilib
15.10.18
Bakıda Beynəlxalq Caz Festivalının açılışı olub
15.10.18
Tənqid.net-in 12-ci sayı çapdan çıxdı
15.10.18
Nicat Həşimzadə - Ədəbiyyat nədir? 
15.10.18
Yazıçılar Birliyində yeni qurum yaradıldı
12.10.18
Azərbaycanlı aktrisa Türkiyədə seriala çəkilir
12.10.18
Moskvada vokalçıların M.Maqomayev adına V Beynəlxalq Müsabiqəsi keçiriləcək
12.10.18
Şahanə Müşfiqdən yeni kitab
12.10.18
“Kitabsevərlər”dən köhnə layihə, yeni kitab: “Kitab al, kitab qazandır”
11.10.18
Maqsud İbrahimbəyov Yaradıcılıq Mərkəzində “Zaman içində” layihəsinin təqdimatı olub
11.10.18
Sumqayıt Poeziya evində Vahid Əzizlə görüş olub
10.10.18
Tanınmış tatar şairi Robert Minnullin
10.10.18
Gənc yazarın yeni kitabı işıq üzü gördü
10.10.18
Əli Şamil - Milliyyətcə alban olan Azərbaycan ədibi Nafiə Xanım
10.10.18
Fərid Hüseyn Sapanca Şeir Gecələrində iştirak edir
10.10.18
III “Məmməd Araz poeziya günü”nə yekun vurulub
09.10.18
Nicat Qafuroğlu ARB:24 Televiziyasının Baş Prodüseri təyin edilib
09.10.18
Yazıçı Natiq Məmmədlinin romanı Türkiyədə nəşr olundu
09.10.18
Antonio Ferrara - Çay – Futbol Meydançasıdır II
09.10.18
Bakıda gənc caz ifaçılarının beynəlxalq müsabiqəsi təşkil olunacaq
09.10.18
Azərbaycanlı rejissor Tarkovskiyə film ithaf etdi - “3 divar”
08.10.18
Elçin Hüseynbəylidən Qarabağ mövzusunda yeni kitab
08.10.18
Azərbaycan Əlifbası və Azərbaycan dili (Dövlət dili) Günü ilə bağlı təklif
08.10.18
III Beynəlxalq Türk Dünyası Sənədli Filmlər Festivalının mükafatlandırma mərasimi keçirilib
08.10.18
Azərbaycanlı alim “Çingiz Aytmatov Forumunda" maraqlı təkliflə çıxış edib
08.10.18
“Literaturnıy Azerbaydjan”ın yeni sayı nəşr olunub
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.