AMEA-da "Azərbaycan dilinin Naxçıvan dialektoloji atlası"nın təqdimatı keçirilib
04.12.17

AMEA-nın Nəsimi adına Dilçilik İnstitutu tərəfindən hazırlanmış "Azərbaycan dilinin Naxçıvan dialektoloji atlası"nın təqdimatı keçirilib.

Akademiyanın Əsas binasında baş tutan tədbirdə AMEA-nın vitse-prezidenti, akademik İsa Həbibbəyli çıxış edərək atlasın Prezident İlham Əliyevin 9 aprel 2013-cü il tarixli Sərəncamı ilə təsdiq edilmiş "Azərbaycan dilinin qloballaşma şəraitində zamanın tələblərinə uyğun istifadəsinə və ölkədə dilçiliyin inkişafına dair Dövlət Proqramı" çərçivəsində hazırlandığını bildirib. Qeyd edib ki, Prezident İlham Əliyev AMEA-nın 70 illik yubileyində ana dilinin saflığının qorunması, öz daxili imkanları hesabına zənginləşdirilməsini dilçilər qarşısında bir vəzifə olaraq qoyub. İ.Həbibbəyli Prezidentin çağırışlarından irəli gələrək AMEA-nın Humanitar Elmlər Bölməsinin (HEB) akademik-katibi, akademik Teymur Kərimlinin Rəyasət Heyətinin cari ilin may ayında keçirilən iclasında "Müasir Azərbaycan dilini necə bilirik? Problemin qoyuluşu və həlli yolları" mövzusunda məruzə ilə çıxış etdiyini xatırladıb.

O, həmçinin AMEA-da təhsil alan magistrant və doktorantlar arasında ana dilinə sevgi və hörmət hissini artırmaq, yazıda və şifahi nitqdə ədəbi dilin normalarına ciddi surətdə əməl edilməsinə təşviq etmək məqsədilə “Ana dilimiz – milli varlığımızdır” müsabiqəsinin keçirildiyini diqqətə çatdırıb.

Akademik hazırda AMEA-da yeni Orfoqrafiya lüğətinin hazırlanma qaydaları ilə bağlı müzakirələrin getdiyini və Dilçilik İnstitutu tərəfindən müəyyən təkliflərin verildiyini söyləyib. O, bu məsələnin növbəti həftə Rəyasət Heyətinin iclasında müzakirəyə çıxarılacağını vurğulayıb. İ.Həbibbəyli yeni qaydaların müstəqillik dövrünün tələblərini əks etdirəcəyini deyib. AMEA-nın vitse-prezidenti Orfoqrafiya lüğəti ilə paralel olaraq Orfoepiya lüğətinin hazırlanması istiqamətində işlərin görülməsi barədə də tədbir iştirakçılarını məlumatlandırıb.

Akademik Prezident İlham Əliyevin 13 noyabr 2017-ci il tarixli Sərəncamı ilə Dövlət Dil Komissiyasının yeni tərkibinin təsdiq edildiyini və Dilçilik İnstitutu tərəfindən bu sənəddən irəli gələrək Azərbaycan dilinin qorunması ilə bağlı monitorinqlərin keçiriləcəyini diqqətə çatdırıb.

"Azərbaycan dilinin Naxçıvan dialektoloji atlası"na da toxunan akademik sözügedən nəşrin dilçi alimlərimizin son illərdə ortaya qoyduğu ən sanballı əsər olduğunu bildirib. O, bu atlasın hazırlanmasının ümummilli, vətəndaşlıq və alimlik borcu olduğunu söyləyib.

Daha sonra Dilçilik İnstitutunun Azərbaycan dialektologiyası şöbəsinin müdiri Kifayət İmamquliyeva çıxış edərək atlası tədbir iştirakçılarına təqdim edib. O, Azərbaycan dilinin dialektologiyası atlasının sonuncu dəfə ötən əsrin ortalarında çap edildiyini bildirib. Alim yeni atlasda dilçiliyin bütün sahələrinin əksini tapdığını və Azərbaycan, türk, rus və ingilis dillərində oxucuya təqdim olunduğunu söyləyib. K.İmamquliyeva atlasın Naxçıvan Muxtar Respublikasının 151 kəndində 11 ay ərzində toplanan materiallar əsasında ərsəyə gəldiyini deyib. Şöbə müdiri hazırda Qarabağın dialektoloji atlasının hazırlanması istiqamətində işlərin getdiyini, gələcəkdə isə Borçalı, Dərbənd və Cənubi Azərbaycanın dialektoloji atlasının hazırlanacağını diqqətə çatdırıb.

Tədbirdə HEB-in akademik-katibi, akademik Teymur Kərimli, Dilçilik İnstitutunun direktoru, akademik Möhsün Nağısoylu, Naxçıvan Muxtar Respublikasının Bakı şəhərindəki daimi nümayəndəliyinin rəhbəri Bəxtiyar Əsgərov, professor Qəzənfər Paşayev və digərləri çıxış edərək atlasın nəşrinin önəminə toxunublar. Qeyd olunub ki, sözügedən atlasda toplanan materiallar Naxçıvanın qədim Azərbaycan torpağı olmasını bir daha sübut edir və bu, tarixi ərazilərimizə iddia edən Ermənistana qarşı ən tutarlı cavabdır.

Yenililklər
18.10.18
Yaşar Bünyad - Hələ ki təyyarələr uçur
18.10.18
AMEA-nın həqiqi və müxbir üzvlərinin aylıq rütbə maaşları artırıldı
18.10.18
“Abdulla Şaiqin nəsr yaradıcılığı” monoqrafiyasının təqdimatı olub
17.10.18
Nicat Həşimzadə - Ədəbiyyatın məmurlaşması
17.10.18
"Man Booker" ədəbiyyat mükafatının qalibi britaniyalı yazıçı olub
17.10.18
Sona Axundova-Qarayevaya həsr edilmiş “Xatirə kitabı”nın təqdimatı olub
17.10.18
Türkcə “Azərbaycan ədəbiyyatı antologiyası (gənclər)” təqdim olunub
16.10.18
Anardan etiraz: "Təhminə və Zaur” serialının mənə aidiyyatı yoxdur
16.10.18
Gənc dramaturqlar bir araya gələcəklər
16.10.18
Nağıldan gerçəyə: “Ağ gəmi” və ya əbədiyaşar Aytmatov
16.10.18
Millət vəkilinin kitabında biabırçı səhvlər - "Məni Fərhaddan fələk də ayıra bilməz, mama" - FOTOFAKT
16.10.18
Hədiyyə Şəfaqətin şeir kitabı Güney Azərbaycanda yayımlanacaq
15.10.18
Yazıçı, publisist Yusif Kərimov bu gecə vəfat edib
15.10.18
Azərbaycanlı dilçi alim Türkiyədə bir ilkə imza atdı
15.10.18
Uilyam Folknerin "Avqust İşığı" əsəri nəşr edilib
15.10.18
Bakıda Beynəlxalq Caz Festivalının açılışı olub
15.10.18
Tənqid.net-in 12-ci sayı çapdan çıxdı
15.10.18
Nicat Həşimzadə - Ədəbiyyat nədir? 
15.10.18
Yazıçılar Birliyində yeni qurum yaradıldı
12.10.18
Azərbaycanlı aktrisa Türkiyədə seriala çəkilir
12.10.18
Moskvada vokalçıların M.Maqomayev adına V Beynəlxalq Müsabiqəsi keçiriləcək
12.10.18
Şahanə Müşfiqdən yeni kitab
12.10.18
“Kitabsevərlər”dən köhnə layihə, yeni kitab: “Kitab al, kitab qazandır”
11.10.18
Maqsud İbrahimbəyov Yaradıcılıq Mərkəzində “Zaman içində” layihəsinin təqdimatı olub
11.10.18
Sumqayıt Poeziya evində Vahid Əzizlə görüş olub
10.10.18
Tanınmış tatar şairi Robert Minnullin
10.10.18
Gənc yazarın yeni kitabı işıq üzü gördü
10.10.18
Əli Şamil - Milliyyətcə alban olan Azərbaycan ədibi Nafiə Xanım
10.10.18
Fərid Hüseyn Sapanca Şeir Gecələrində iştirak edir
10.10.18
III “Məmməd Araz poeziya günü”nə yekun vurulub
09.10.18
Nicat Qafuroğlu ARB:24 Televiziyasının Baş Prodüseri təyin edilib
09.10.18
Yazıçı Natiq Məmmədlinin romanı Türkiyədə nəşr olundu
09.10.18
Antonio Ferrara - Çay – Futbol Meydançasıdır II
09.10.18
Bakıda gənc caz ifaçılarının beynəlxalq müsabiqəsi təşkil olunacaq
09.10.18
Azərbaycanlı rejissor Tarkovskiyə film ithaf etdi - “3 divar”
08.10.18
Elçin Hüseynbəylidən Qarabağ mövzusunda yeni kitab
08.10.18
Azərbaycan Əlifbası və Azərbaycan dili (Dövlət dili) Günü ilə bağlı təklif
08.10.18
III Beynəlxalq Türk Dünyası Sənədli Filmlər Festivalının mükafatlandırma mərasimi keçirilib
08.10.18
Azərbaycanlı alim “Çingiz Aytmatov Forumunda" maraqlı təkliflə çıxış edib
08.10.18
“Literaturnıy Azerbaydjan”ın yeni sayı nəşr olunub
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.