Üçcildlik “Azərbaycan teatr ensiklopediyası”nın təqdimatı olub
27.12.17

M.F.Axundzadə adına Azərbaycan Milli Kitabxanasında “Azərbaycan teatr ensiklopediyası” üçcildliyinin təqdimatı olub. Nəfis tərtibatda çap olunan kitabın müəllifi sənətşünaslıq doktoru, professor İlham Rəhimli, layihənin rəhbəri mədəniyyət və turizm naziri Əbülfəs Qarayev, əlaqələndiricisi nazirin müavini Ədalət Vəliyev, redaktoru Əməkdar Mədəniyyət İşçisi Atababa İsmayıloğludur. Redaksiya heyətinə respublikanın tanınmış elm və mədəniyyət mütəxəssisləri daxildirlər.

Tədbirdə Ə.Qarayev teatr ensiklopediyası haqqında məlumat verib. Bildirilib ki, kitab Prezident İlham Əliyevin müvafiq Sərəncamı ilə təsdiq olunmuş “Azərbaycan teatrı 2009-2019-cu illərdə” Dövlət Proqramına əsasən Mədəniyyət və Turizm Nazirliyi tərəfindən hazırlanaraq çap edilib. Dünyanın zəngin tarixi-mədəniyyət irsinə malik olan Azərbaycan meydan teatrının iki min ildən çox yaşının olduğunu deyən nazir kitabda xalq teatr tamaşalarından tutmuş müasir səhnə sənətimizədək çoxlu elmi məlumatın yer aldığını qeyd edib. Vurğulanıb ki, elmi xarakterə malik, akademik meyarlar əsasında yaradılan bu ensiklopediya kütləvi mahiyyətlidir, geniş oxucu kütləsi üçün nəzərdə tutulub. Nəşr incəsənətin müxtəlif sahələrində çalışanlar üçün böyük əhəmiyyətə malikdir, burada milli teatr sənətimizin və ümumilikdə, Azərbaycan incəsənətinin şərəfli tarixi ətraflı işıqlandırılıb.

Təqdimat mərasimində Azərbaycan Milli Elmlər Akademiyasının (AMEA) vitse-prezidenti, akademik İsa Həbibbəyli milli teatrımızın inkişaf tarixindən danışıb. Bildirilib ki, ensiklopediya uzun müddət teatr işi ilə məşğul olan insanların fəaliyyətinə nəzər salır, ciddi elmi-tarixi və nəzəri-estetik materialları özündə əks etdirir. Alim qeyd edib ki, nəşrdə hər bir teatr xadimi haqqında verilən məlumatda həm tarixi aspekt, həm onların xidmətlərinə müəllifin özünəməxsus yanaşma tərzi əksini tapıb. Bu da kitabın müəllifinin həm teatr tarixi sahəsində görkəmli tədqiqatçı, həm də müasir teatrın qayğılarını yaşayan teatrşünas olmasından irəli gəlir.

AMEA Nizami Gəncəvi adına Milli Azərbaycan Ədəbiyyatı Muzeyinin direktoru, akademik Rafael Hüseynov kitabın mədəniyyətimizə və milli teatrımızın gələn il qeyd ediləcək 145 illiyinə layiqli töhfə olduğunu vurğulayıb. 1973-cü ildə əsası qoyulan milli teatrımızın Abbas Mirzə Şərifzadə, Hüseyn Ərəblinski kimi aktyorların əməyi, zəhməti sayəsində inkişaf edərək yüksək mərhələyə çatdığı qeyd olunub. Akademik bildirib ki, Azərbaycan teatr tarixində qalan həmin böyük adlar sırasında teatrı yaşadan, onu bir salnaməyə çevirərək gələcək nəsillərə ötürən Qulam Məmmədlinin adı ehtiramla anılmalıdır. Bu yolda görülən işlərin hər biri ən yüksək sevgiyə layiqdir. Bu baxımdan professor İ.Rəhimlinin təqdim etdiyi kitabı vərəqləyən hər bir oxucu teatrımızın keçdiyi yolun tam mənzərəsini görə bilər.

Kitabın nəşrini bu peşəyə minnətdarlıq kimi dəyərləndirən Azərbaycanda Atatürk Mərkəzinin müdiri, akademik Nizami Cəfərov buradakı hər məqalənin müəllifin böyük zəhmətinin, gərgin əməyinin, geniş tədqiqat işinin bəhrəsi olduğunu qeyd edib.

Sonda üçcildliyin müəllifi, professor İ.Rəhimli çıxış edərək tədbirin təşkilatçılarına və iştirakçılarına təşəkkürünü bildirib. /Azərtac/

Yenililklər
20.04.18
Zahirəddin Məhəmməd Babur XVI əsr özbək ədəbiyyatı
20.04.18
Elif Şafakdan yeni kitab
20.04.18
İMAGİNE tolerantlıq festivalı keçiriləcək
19.04.18
Səlim Babullaoğlu oxucularla görüşəcək
18.04.18
Səxavət Sahil - Servantes yoxsa Tolstoy?
18.04.18
"Azərbaycan aşıq sənəti" kitabının təqdimatı olub
18.04.18
Elçin İmanov - Nitsşenin böyük psixoloq adlandırdığı Dostoyevski
17.04.18
Vasif Əlihüseyn - Hər sabah yolları süpürən anam
17.04.18
Simran Qədimin "Hesab vaxtı" romanı çap olunub
17.04.18
“İkimizin hekayəsi” kitabının imza günü keçirildi
16.04.18
"Qanun"da Den Braun, Milan Kundera, Sun Tzun və Viktor Hüqonun kitabları çap olunub
16.04.18
Əli Babazadə - Nihilist və maymaq göyərçinlər
16.04.18
Orfoqrafiya qaydalarına ciddi və elmi şəkildə yanaşaq, qərəzdən uzaq olaq
16.04.18
Anar - Türkmən xalqının milli şairi
16.04.18
“Nar bağı” filmi beynəlxalq festivalda
16.04.18
Ədəbiyyat İnstitutu Bədii Tərcümə və Ədəbi Əlaqələr Mərkəzi ilə əməkdaşlığa başlayır
12.04.18
Antonio Tabukki - Fernandu Pesoanın son üç günü (3)
12.04.18
Günel İmranın "Ömər” adlı yeni romanı çap olunub
12.04.18
Nə düşünürsən, ölmüş İsam mənim? - Migel de Unamuno
10.04.18
“Səməd Vurğunun ev-muzeyi” adlı albom işıq üzü gördü
10.04.18
Bütün zamanların ən yaxşı kitabları seçildi - SİYAHI
10.04.18
Qurban Yaquboğlunun "Mən yoxam" kitabı təqdim olundu
09.04.18
Eyvaz Zeynalovdan yeni kitablar
09.04.18
"Ulduz" jurnalının mart sayı işıq üzü görüb
06.04.18
Anar: “Yazıçılar Birliyinin sədri olmağımla bağlı təklifi ilk dəfə Əkrəm Əylisli səsləndirdi”
06.04.18
Bakıda tanınmış Fransa caz musiqiçisinin iştirakı ilə muğam konserti keçiriləcək
06.04.18
Antonio Tabukki - Fernandu Pesoanın son üç günü (2)
04.04.18
Tatar şairi Rəmis Aymətin kitabı Azərbaycan dilində
09.03.18
Bakıda Azərbaycan və Türkiyə ədəbiyyatından seçmə poeziya nümunələri səslənəcək
09.03.18
Səlim Babullaoğlunun Polşada iki dildə şeirlər toplusu nəşr olunub
07.03.18
Eyvaz Əlləzoğlu adına mükafat təsis olundu
07.03.18
Prezident Həsən Turabovun 80 illik yubileyi haqqında Sərəncam imzalayıb
07.03.18
Yazıçı Şərif Ağayarın "Ağ göl” adlı yeni romanı işıq üzü görüb
05.03.18
“Eurovision 2018” müsabiqəsində səslənəcək mahnımız sosial şəbəkələrdə təqdim olunub
05.03.18
Vüsal Bağırlı - Bir məktəb əhvalatı
05.03.18
Azərbaycan mühacirət tarixinə həsr edilmiş iki kitab
02.03.18
Ulduz” jurnalının fevral sayı
02.03.18
Musiqili Teatrda mart ayının ilk həftəsində maraqlı tamaşalar nümayiş olunacaq
02.03.18
Bakıda Moldova ədəbiyyatı günləri başlayıb
28.02.18
Rövşən Yerfi - Pulyğma məntəqəsi
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.