“İrs” jurnalının ərəb dilində növbəti nömrəsi çapdan çıxıb
14.02.18

Birləşmiş Ərəb Əmirliklərində “İrs” jurnalının ərəb dilində növbəti nömrəsi çapdan çıxıb.

Bütün ərəbdilli ölkələrdə yayılan jurnalın yeni nömrəsi öz oxucularına 2017-ci ilin “İslam Həmrəyliyi İli” elan edilməsi ilə əlaqədar Azərbaycan Prezidenti İlham Əliyevin təşəbbüsü və bu münasibətlə bir sıra beynəlxalq tədbirlərin, habelə 2017-ci ilin mayında bütün İslam dünyası üçün mühüm olan iri idman tədbirinin – IV İslam Həmrəyliyi Oyunlarının keçirilməsi barədə silsilə məqalələr təqdim edir.

Jurnalın baş redaktoru Musa Mərcanlı redaksiya məqaləsində yazır ki, Azərbaycanda “İslam Həmrəyliyi İli”nin elan edilməsi müsəlman ölkələri arasında münasibətlərin və qarşılıqlı anlaşmanın möhkəmlənməsinə güclü təkan verib. O, xüsusi vurğulayır ki, Azərbaycan özünün tolerantlıq və multikulturalizm ənənələri ilə şöhrət qazanıb.

Jurnalda Azərbaycanda “İslam Həmrəyliyi İli”nin elan edilməsi təşəbbüsünün əhəmiyyəti barədə dövlətimizin başçısı İlham Əliyevin çıxışlarından sitatlar gətirilib. Bütün müsəlman dünyasına və planetimizə xoşməramlı mesaj olan həmin sitatlar ölkəmizin İslam dünyasında birliyin və həmrəyliyin dəstəklənməsinə yönəlmiş sülhməramlı niyyətlərini bariz şəkildə nümayiş etdirir.

Azərbaycanın Misirdəki səfirliyinin konsulu Emil Rəhimovun “2017-ci il Azərbaycanda İslam Həmrəyliyi İlidir” sərlövhəli analitik məqaləsi də diqqəti cəlb edir. Müəllif müsəlman ölkələri arasında birliyin və həmrəyliyin möhkəmlənməsinə Azərbaycanın sanballı töhfəsindən ətraflı söhbət açır. Məqalədə deyilir ki, İslam dünyasının tərkib hissəsi olan Azərbaycan əsrlərboyu İslam sivilizasiyasının mərkəzi olub və İslam mədəniyyətinin yayılmasında Azərbaycan xalqı mühüm rol oynayıb. Məqalədə Ermənistan-Azərbaycan, Dağlıq Qarabağ münaqişəsinin Ermənistanı işğal edilmiş Azərbaycan ərazilərini azad etməyə çağıran BMT qətnamələri əsasında nizamlanması prosesində Azərbaycanın ədalətli mövqeyi də oxucuların diqqətinə çatdırılır.

Jurnalda iki il ərzində Azərbaycanda keçirilmiş iri beynəlxalq idman tədbirləri – birinci Avropa Oyunları, “İslamiada”, “Formula 1”, Dünya Şahmat Olimpiadası və s. barədə materiallar təqdim edilib. Qeyd edilib ki, Azərbaycan Prezidenti İlham Əliyevin rəhbərliyi və Birinci vitse-prezident, Təşkilat Komitəsinin sədri Mehriban Əliyevanın böyük səyləri sayəsində ən yüksək səviyyədə təşkil edilmiş İslam Həmrəyliyi Oyunları müsəlman xalqlar arasında dostluq münasibətlərinin möhkəmlənməsinə kömək etməklə yanaşı, İslamın həmrəylik, tolerantlıq, mədəniyyət, tərəqqi və sülh dini olduğunu nümayiş etdirib.

Jurnalın “Azərbaycanı kəşf edərkən” rubrikasında dərc edilmiş xarici müəlliflərin məqalələri xüsusi maraq doğurur. İordaniyanın “Qədim abidələrin dostları” Cəmiyyətinin direktoru Adib Əbu Şmisin “Azərbaycanın qədim abidələri” sərlövhəli məqaləsində ölkəmizin unikal tarixi-mədəni abidələrindən söhbət açılır. Mövzunu İnayə Əbu Şmisin “Azərbaycan turistin gözləri ilə” və iordaniyalı memar Xanaa Saduldinin ölkəmizin gözəlliyinə və mədəniyyətinə heyranlığın ifadə olunduğu “Gözəl Azərbaycan, mən səni necə sevirəm” sərlövhəli məqalələri davam etdirir.

Ərəbdilli oxucular növbəti nömrədə memarlıq abidəsi olan Hacı Zeynalabdin Tağıyev sarayı, ənənəvi qadın baş örtükləri, Azərbaycan rəssamı Elbəy Rzaquliyev və s. barədə maraqlı materiallarla da tanış ola bilərlər. /Azərtac/

Yenililklər
18.12.18
Cəmşid Cəmşidovun tərcüməsində Erazmusun "Axmaqlığın tərifi" əsəri çap olundu
17.12.18
Qalib Şəfahət - Qızıl inək
17.12.18
Jil Delözdə Fəlsəfə və Kino Münasibəti
17.12.18
“Naxçıvan İslam Mədəniyyətinin Paytaxtı-2018”in bağlanış tədbiri keçirilib
17.12.18
İsi Məlikzadənin “Quyu” povesti Türkiyədə nəşr edildi
14.12.18
Corc Martin "Taxt-tac oyunları"na davam edəcəyinə söz verib
14.12.18
Ölməz korifeyimiz Rəşid Behbudovun doğum günüdür
14.12.18
İlahiyyat İnstitutunda “Azərbaycanda sufilik” mövzusunda müzakirə aparılıb
14.12.18
48-ci beynəlxalq epistolyar inşa müsabiqəsinə start verilib
13.12.18
Burda Yeni ildə bir-birinə kitab bağışlayırlar
13.12.18
Şair Vüqar Əhməd Ədəbiyyat İnstitutuna şöbə müdiri təyin edildi
13.12.18
“Mədəniyyət.AZ” jurnalının yeni nömrəsi çap olunub
13.12.18
“Saza baxsın tariximi yazanlar” adlı yeni kitab işıq üzü görüb
12.12.18
Ərdəbildə Milli Hökumətinin süqutundan sonra törədilən qətliamın ekspozisiyası hazırlanıb
12.12.18
Bu il kitab satışından ən çox gəlir əldə edən yazıçıların adları açıqlanıb
12.12.18
Qaşqarlı hekayə müsabiqəsinin Azərbaycan üzrə qalibləri mükafatlandırıldı
12.12.18
Azərbaycanın gənc alimi Tatarıstan türkoloqları qarşısında məruzə ilə çıxış edib
11.12.18
AMEA-da professor plagiata görə işdən qovuldu
11.12.18
Türkiyədə Hüseyn Cavidin “İblis” əsərinin səhnələşdirilməsi ilə bağlı işlər davam edir
11.12.18
Elmi adların və elmi dərəcələrin verilməsində inqilabi dəyişikliklər gözlənilir - Prezidentin sərəncamı
11.12.18
Tahir Salahovla söhbət - Xalq yazıçısı Anar yazır
10.12.18
Azərbaycanın kitabxana tarixində ilk dəfə interaktiv plakat hazırlanıb
10.12.18
Varşavada Azərbaycanşünaslıq Mərkəzi fəaliyyətə başlayıb
10.12.18
2019-cu il MDB-də Kitab İli elan olunub
07.12.18
Kutay Aslantürklə Nafiə xanım haqqında söhbət - Birinci yazı
07.12.18
Sərdar Amindən yeni roman
07.12.18
Hacettepe Universitetinin professoru Mikayıl Müşfiq haqqında məruzə edib
07.12.18
Dillər Universiteti Konfutsi İnstitutlarının XIII Ümumdünya Konfransında iştirak edib
06.12.18
"Qanun"dan yeni kitab: Tanrı İllüziyası
06.12.18
Cavid Ağa - Azәrbaycanda Türkologiyanın Çin mәnbәlәri ilә problemi
06.12.18
Dilçilik İnstitutunda “Erməni dilinin qrammatikası” kitabının təqdimatı keçirilib
06.12.18
“Azərbaycan ədəbiyyatı tarixi” çoxcildliyinin birinci cildi çapdan çıxıb
06.12.18
Rusiya Rəssamlıq Akademiyasında Tahir Salahovun yubileyi qeyd edilib
05.12.18
Vüsal Bağırlı - Anamın səsi 
05.12.18
Moldovada ilk proza festivalı
05.12.18
Minskdə “Mənim Azərbaycanım” adlı sərgi açılıb
04.12.18
Xanəmir Telmanoğlu - Bir az günəşindən kəs şəms şəms...
04.12.18
Heydər Əliyev Sarayında Aşıq Şəmşirin anadan olmasının 125 illiyi qeyd ediləcək
04.12.18
Nizami Gəncəvinin əsərlərinin bir neçə əlyazmasının surəti Azərbaycana gətirilib
04.12.18
Cəlil Cavanşirdən yeni şeirlər kitabı: "Miladdan sonra”
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.