Nə düşünürsən, ölmüş İsam mənim? - Migel de Unamuno
12.04.18

Avanqard.net İspan şair Migel de Unamunonın şeirlərini təqdim edir.

Şair və mütəfəkkir Migel de Unamuno 1864-cü ildə  İspaniyanın Bilbao şəhərində doğulub. Madrid univeristetində ədəbiyyat və fəlsəfə təhsili alıb. Salamanka universitetində qədim yunan dili üzrə professor olub, üç dəfə rektor seçilib. Unamuno bir sıra romanlar, hekayə və şeirlər müəllifidir. Onun "Sülh və müharibə”, "Velaskesin İsası”, "Duman”, "Ölümün aynası”, "Tula xala”, "Sevgi və pedaqogika” əsərləri xüsusi ilə məşhurdur.



Velaskesin İsası

                   İspan rəssamı Dieqo Velaskesin
                      "Çarmıxdakı Məsih” rəsminə ithaf

 
Nə düşünürsən, ölmüş İsam mənim?
Nazaretli, niyə gecənin qaranlığı
sənə duaçı olub
gur saçlar kimi alnına düşür?
Hardadı? Səndədi Tanrının Səltənəti.
Hardadı? Səndədi ruhlara can verən
əbədi günəşin şəfəqləri.
Ayna kimidi ağ bədənin
işığın atasıdı, günəşə can verəndi;
bizim yorğun, avara yer kürəsinin –
anasının başına dolanan,
dolana-dolana canından olan
parlaq ay kimidi ağ bədənin.
Nazaretli, qara pərdəyə bürünən gecə
sənə təşəkkürdür qara saçların təki,
bu gecənin səmasına asudədi,
mayasız çörək kimidi ağ bədənin.
İsa, təkcə sənə –
seçilmiş insana qismət oldu
məğlubiyyətlərin ən böyüyü.
Həyat ölümü yendi
sənə görə ucaldı zirvəyə.
Elə o vaxtdan
bizə həyat verdi sənin bu ölümün
sənə görə ölüm oldu anamız
sənə görə şirinləşdi,
kədər dolu bu həyat;
sənə görə
ölənlər ölümsüz oldu –
qaranlıq gecədə ağ ay kimi
Bu, yuxudaydı, İsa,
yaşamaq və şam kimi yanmaqdı ölüm.
Yer kürəsi yuxudaydı,
Ağappaq aya bənzər, İnsan şamı çarmıxdaydı
hamı yuxudaydı:
əriyirdi qan axmadan İnsan şamı –
əriyirdi zülmət gecədə ay kimi ağ İnsan.
Əriyən İnsan verdi öz qanını
çünki tanıyırdı hamını –
tanıyırdı bütün insanları.
Sən xilas etdin ölümü.
Qucaq açdın zülmət gecəyə
çünki həyat günəşi
alov saçan gözləriylə baxdı sənə,
qaralmış gecədə
belə gözəl günəş yaratdı.
Və gözəldi tənha ay,
ulduzlu gecədə ağappaq ay,
nazaretli, sanki qara təşəkkürdür
gur, qara saçların.
Çarmıxdakı İnsan,
ağ ay kimidir bədənin
həyatın günəşdə
heç vaxt ölməyən əksidir.
Xilaskar, şimşəklər közərtilərindi sənin
bu dünyada bizə bələdçi olur
əbədiyyət gününə qədər
güc verir, qanad verir ümidlərimizə.
Ah, bu gözəl gecə –
şirin yuxuların anası,
ah, bu gözəl gecə,
ümidlərin anası
qara ruhlar gecəsi,
şəfqət bacısısan
ümidləri xilas edən İsanın!
 
 

 
Kastiliya

 
Kastiliya torpağı,
məni sən böyütdün
qabarlı əllərinin içində.
Sevirəm səni
məni göylərə qaldıran,
həyat verən göy üzü.
 
Quruyub cadar-cadar olan torpaq,
güclü əllərin, geniş ürəklərin anası,
səndədir ötən günlərin unudulmazlığı
dadı, ləzzəti.
 
Göylərin yaşıl çəmənliklə görüşdüyü yer
çılpaq tarlalar dövrələyib səni,
səndədi günəşin beşiyi də, məzarı da
səndədi müqəddəs ziyəratgah.
 
Dörd yanımı zirvələr bürüyüb
bürüyüb sanki –
zirvədə hiss eləyirəm özümü
doyunca nəfəs alıram tər-təmiz havadan –
ordadı sənin səma düzənliklərin.
 
Kastiliya torpağı,
nəhəng bir səcdəgahsan,
əngin göylərinə qalxır sözlərim mənim
sənə layiqdirsə torpağına düşsün –
düşüb də ucalsın nəğmələrim.
 

 
 
Yat, mənim ruhum

 
Yat, ruhum mənim
yat və dincəl,
yat öz köhnə beşiyində,
ümidlə yat;
yat!
 
Bax, gecənin günəşi –
sübhün atası
dünyanın altından
yuxuda keçir;
yat!
 
Heç nədən qorxma
yat, ruhum mənim
elə bil öz evindəsən;
rahat yat,
yat!
 
 
Açıq qalmış yaxandan
yuxun axır, süzülür,
yorğunsan, bilirəm
başını əy sinənə;
yat!
 
Həyatın əzablarından
yorğunsan,
dərdi burax öz ayağına
qoy getsin, gedəcək;
yat!
 
Tanrı öz əlləriylə
həm yaradır, həm öldürür –
sənin rahat, kasıb beşiyin
rahatdır,
yat!
 
"Əgər bu yuxudan
heç vaxt oyanmasam...”
Tənhalıq dərdin
yatanda keçəcək –
yat!
 
 
"Ah, nə şirindir yuxu
Heç nə hiss eləmirəm...”
Yat, bu yuxu
şəfa yuxusudur;
yat!
 
"Titrəyirəm, sübh yuxusundan əvvəl,
əbədi titrəyişlə...”
Yat, kədərlənmə,
çünki sabah var;
yat!
 
 
Yat, ruhum mənim, yat
söküləcək dan yeri,
yat, ruhum mənim, yat
açılacaq səhər;
yat!
 
Artıq yatmısan, beşikdəsən
ümidlə yatmısan...
Mən də yatmışam, kədər içində...
Səhər açılıbmı?
Yatmışammı görəsən?
 
İspan dilindən tərcümə edən: Səxavət Sahil

/artkaspi.az/

Yenililklər
15.01.21
Anar Məcidzadə - Mübarəkdir, mübarəkdir zəfərin
14.01.21
Arif Məlikovun yaradıcılığına həsr edilmiş kitab işıq üzü görüb
14.01.21
Simran Qədim - “Neuralink” və ya beynimizin çiplənməsi
11.01.21
İlk dəfə “Molla Nəsrəddin” ensiklopediyası” çap olunub
11.01.21
Gənc yazarın ilk şeirlər kitabı çap olunacaq
10.01.21
"Qanun" Nəşrlər Evi 2020-ci ildə ən çox satılan yerli ədəbiyyat nümunələrinin adlarını açıqlayıb.
07.01.21
“Təmrin” jurnalının Müşfiqə həsr edilmiş xüsusi nömrəsi ictimaiyyətə təqdim edilib - VİDEO
07.01.21
“Müqayisəli ədəbiyyatşünaslıq” jurnalı  “Copernicus” beynəlxalq indeksinə daxil edilib
06.01.21
İstanbulda “Təmrin” jurnalının xüsusi nömrəsi Müşfiqə həsr edilib
06.01.21
Respublika Kinematoqrafçılar İttifaqı “Qarabağ Azərbaycandır!” ssenari müsabiqəsi elan edib
06.01.21
Yazıçı Cavid Zeynallının “Şükriyyə” kitabı işıq üzü görüb
06.01.21
Prezident İlham Əliyev: “Şuşa şəhərini Azərbaycan mədəniyyətinin paytaxtı elan edirəm”
05.01.21
2021-ci il Azərbaycanda “Nizami Gəncəvi İli” elan edilib – SƏRƏNCAM
01.01.21
Səxavət Sahil - Tanrı iri lampa asıb zülmətin zirvəsindən
01.01.21
Üzeyir  Əlizadə - Literature   Medical  Centre
29.12.20
“Azərbaycan ədəbiyyatı tarixi” on cildliyinin ikinci cildi işıq üzü görüb
29.12.20
Əlövsət Abdullayevə həsr olunan “Dil araşdırmaları” kitabı Türkiyədə nəşr olunub
28.12.20
“Teymur Əhmədov: ədəbiyyat və mətbuat xadimi” kitabı işıq üzü görüb
28.12.20
Əli bəy Hüseynzadənin “Qərbin iki dastanında türk” əsərində türklər
24.12.20
Uluslararası Vizyon Üniversitesi 2020 Online Mezuniyet Töreni Geçirilib
24.12.20
Teymur Əhmədovun 90 illiyinə həsr olunmuş elmi sessiya keçirilib
24.12.20
Nəriman Əbdürrəhmanlı beynəlxalq ədəbi yarışmanın qalibi oldu
23.12.20
“İslam fəlsəfəsi” kitabı nəşr olunub
23.12.20
“Azərbaycan dilinin Neftçala rayon şivələri” kitabı nəşr olunub
23.12.20
2021-ci ilin mədəniyyət və incəsənət xərclərinin məbləği açıqlanıb
23.12.20
Habil Yaşar -  Roman yazmaq dəhşətin ötəsində bir şey...
22.12.20
"Ulduz”un dekabr sayı nəşr edilib
22.12.20
Mübariz Örən - "Homotetiya qanunu" - Yeni hekayə
22.12.20
Azərbaycanlı alim beynəlxalq elmi tədbirlərdə ölkəmizi təmsil edib
21.12.20
Nadir Əzhəri - Tapılmayan sərxoş
20.12.20
Nizami Cəfərov -  Psixoanalizin dil təfərrüatları
19.12.20
Türkiyənin “Təmrin” jurnalı Rəsul Rzanın 110 illiyinə xüsusi nömrə həsr edib
19.12.20
Yazarların nəzərinə - Qarabağ esseləri
19.12.20
Mərahim Nəsib - Azərbaycan “elektronlaşır”, amma... - 21 əsrin tələbi budur
11.12.20
Bir qrup elm xadimi və yazıçı Türkiyə-Azərbaycan Universitetinin yaradılması üçün Prezidentə müraciət edib
07.12.20
Üzeyir Əlizadə - Əmimgilin məhəlləsi
07.12.20
Rövşən Xasayoğlu - Xoş gəldin Şuşaya igid əsgərim
06.12.20
Üzeyir Əlizadə - İçindən qurd çıxan təxəllüs
05.12.20
Nadir Əzhəri - Çoxsaylı mənalar və oxucunun seçimi - “Su sərgisi” haqqında
02.12.20
İntiqam Yaşarın Təbrizdə kitabı çap olunub
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.